img
الرئيسة / حلويات / كيك ببرش التفاح المكرمل والقرفة بنكهة لا تنسى ملكة رمضان

كيك ببرش التفاح المكرمل والقرفة بنكهة لا تنسى ملكة رمضان

/
/
/
2064 مشاهدات

 

كيك ببرش التفاح المكرمل والقرفة بنكهة لا تنسى ملكة رمضان

كيك ببرش التفاح المكرمل والقرفة بنكهة لا تنسى ♡ملكة رمضان♡

كيك ببرش التفاح المكرمل والقرفة بنكهة لا تنسى ملكة رمضان

كيك ببرش التفاح المكرمل والقرفة بنكهة لا تنسى ملكة رمضان , معكم صديقة زاكي الشيف الموهوبة , هالوصفة راااائعة بمعنى الكلمة والها نكهة مميزة عن الكيكات المعتادة جربوها وعزمووووونييييييي كالعادة ههههه يلا نبلش بالمقادير ♡

المقادير

  • أول شي لوش القالب منحتاج:
  • 3 تفاحات مبروشين
  • نصف كوب سكر
  • ملعقة صغيرة زبدة
  • لخليط الكيك منحتاج:
  • 5 بيضات
  • كوب وربع سكر (أو حسب الرغبة)
  • فانيليا باكيت أو تنين
  • كوب حليب
  • ثلاث أرباع الكوب زيت
  • نصف ملعقة صغيرة قرفة
  • رشة ملح
  • باكيت بيكينغ باودر
  • حوالي كوب وثلاث أرباع طحين
  • ملعقة خل أبيض

الخطوات

☆بسم الله الرحمن الرحيم☆

والله مستعجلة كتير كان بودي دردش واصرعكن كالعادة بس خايفة خبص من النعس ههههه

الكيكة سهلة كتير ومميزة

أول خطوة منعملها منحط التفاح المبروش مع السكر والقرفة والزبدة عالنار ومنقلبهم مع بعض ليدوب السكر ويتكرمل التفاح شوي متل مو شايفين

منطفي ومنحطو بسفل القالب اللي رح نعمل فيه الكيك ومنكون داهنين القالب او مبطنينو بورق زبدة والأفضل هو ورق الزبدة

هلأ منلحشو على جنب ومنجي لخليط الكيك نفسو

منخفق البيض مع السكر والفانيليا منيح ليفتح لون البيض منضيف بعدها الحليب والزيت ومنخلطهم وبعدها مننخل الطحين والقرفة والملح والبيكينغ باودر بس بالتدريج مشان مايهبط خليط البيض ولينتشر الطحين في كل مكان

أصلاً عادي نحنا منحب التنضيف الله ياخدو

المهم بس نخلص خلط الطحين بهدوء مع مزيج البيج منضيف ملعقة الخل للمزيج آخر شي ومنخلطها معو كمان ومنصب هالخليط الحبوب فوق برش التفاح المكرمل

وعالفرن الحامي مسبقاً على درجة حرارة 180 لحتى يجهز

ويا هومالالي اذا فتحتو الفرن قبل مايمضى نص ساعة لحتى نتفكن هههههه

طبعا بس تفتحو بعد نص ساعة اعملو اختبار العود الخشبي أو براس سكينة عادي مابيشكي من شي كمان

وبعد مايبرد وتقدموه استمتعو بالطعم الشهي والمتناسق ويما الحب يما.. ويما النوم يما.. ويما المخدة يما.. ويما دعواتكم يما.. وتصبحو على سعادة وأنا هههههه

بحبكم أنا

84 تعليقاً

    • حبيبة قلبي😍
      فيكي تقولي هي الزاوية الوحيدة تقريبا اللي خرج صور فيها😂😂
      يعني مو من باب اني انا مخصصتها بس قد ماحاولت غيرها برجع بلاقيها افضل شي بس بحاول غير بالخلفيات لحتى ماتزهقو😄😅

  1. ياااا ويل قلبي انا المنظر دمااااار شامل عنجد شكلها تحفة فنية تبارك الله يسلم اديكي يا عسل 💖💖💖💖😙😙😙😙😍😍😍😍

  2. لك ريتو يسلمهم هالديااااات يا احلى نواااااره شو هالكيكه وشو هاللوحه الفنيه طعم وشكل ابدااااع ماشاءالله عنك ياعسل ديااااتك بتقلوا بالذهب 🥰💞🌷

  3. ياهما لاللللللي على قولتك ماهذا يابنت 😀شي بخلي القلب يفرفح يسلم دياتك ياقلبي منظر تحفة ولا احلا يعطيكي الف عافية روحي زتيلك قطعة😅😉😄😘😘

    • يبعتلك الهنا شو مشتاقتلك
      طنيبك لبقى تغيبي هيك ههههههه
      دخيل قلبك شو فرحت فيكي
      منيحة انا ياقلبي الحمد لله ومشتاقة كتييييير
      انتي طمنيني عنك شو اخبارك؟

    • بتحكي جد😍😍😀
      لك يسعدووووووو على هالخبرية ما احلاها
      طاير عقلي كتير انبسطت
      ان شاء الله الف مبروك ياعمري ربي يقويكي ويهون عليكي ويباركلك ويتمم حملك على خير وتجيبيلنا أميرة عسل متلك😍😍
      يما اللذااااااذة والكياتة يما هههههه

اترك تعليقاً

لن يتم نشر عنوان بريدك الإلكتروني.