img
الرئيسة / حلويات / طريقة عوامة مقرمشة بتقرش قرش وزاكية كتير ملكة رمضان

طريقة عوامة مقرمشة بتقرش قرش وزاكية كتير ملكة رمضان

/
/
/
3058 مشاهدات

 

طريقة عوامة مقرمشة بتقرش قرش وزاكية كتير ملكة رمضان

طريقة العوامة بتقرش قرش وزااااااكية كتييييير 😋😋ملكة رمضان 👸

طريقة عوامة مقرمشة بتقرش قرش وزاكية كتير ملكة رمضان

طريقة عوامة مقرمشة بتقرش قرش وزاكية كتير ملكة رمضان , معكم صديقة زاكي الشيف الموهوبة ,

المقادير

  • كاستين طحين
  • معلقتين نشا كبار
  • معلقة كبيرة خميرة
  • معلقة كبيرة سكر
  • رشة ملح
  • نص معلقة هيل مطحون
  • معلقة صغيرة فانيلا
  • معلقتين حليب باودر
  • كاسة ونص مي دافية

الخطوات

بنخل الطحين وبحط علي جميع المكونات وبحطلها المي الدافية وبخلطها بالهاند بلاندر او بخلطها بالخلاطة اليدوي وبتركها تخمر شي نص ساعة بعدين بحط زيت كمية منيحة لتغمر العوامات وبس يحمى الزيت بوطي تحتو وببلش اشكل العوامة بالطريقة المعروفة الي هية بتمسكي العجين بإيدك وبتضغطي عليها وبمعلقة محطوطة بالزيت باخد من العجين وبحط بالقلاية وبقليها قلية اولى بتكون لونها على بياض لسا وبطلعها وبتركها تبرد مزبوط وبعدين بقليها قلية تانية على نار هادية وبستمر بالتقليب ما بتركها ابدا حتى تطلع لون واحد ولازم تكون النار تحتو هادية حتى تحصل القرشة الخراااافية الي حصلت عليها انا وبس تطلع من الزيت بحطها بالقطر البارد والثقيل والقطر الطريقة الصح بتلاقوها بملف ام جاسم وان شاء الله تجربوها وتعجبكم عنجد طعمها خراااافي نكهة الهيل والفانيلا رووووووعة جربوها وادعولي وادعموني

بتعرفو صرت اشوف حالي ملكة رمضان لهيك حطيت التاج من هسا ههههههههههه اكيد مش لحالي رح نكون ٣٠ ملكة بهالشهر واكيد انا منهم

ادعموني امانة والله بحس حالي صرت اشحد الدعم شحدة ههههههههههه بس عادي بشحد من خواتي وحبيباتي اكيد ما رح يبخلو علي بالدعم بحبكم من كل قلبي ❤❤❤❤❤❤❤

101 تعليقاً

  1. هههههههههههههههههههه وله قومي رووحي …مهو انا كمان اول مرة بشارك بمسابقه لو ما زبطت معيي بعمري مارح ارجع اشترك هههههههههههههههههههه 😂 تخيلي ما نطلع هههههههههههههههههههه 😂 لازهز رسمي 😂😂😂😂 فرطت ضحك

    تسلم ايدك طبعا وصفه دمار شكل لون لمعه انسسسي اللهم بارك اللهم بارك 😘😍😍😍

    • حبيبتي ام مصطفى يسلملي العسل يسعدلي قلبك يا حب 😙😙😙😙😙😙

      ارجعي لتعليق اولادي سعادتي شوفي بشو ذكرتني 😂😂😂😂😂😂😂

    • ياااااا بعد عمري والله انو كلامك هاد وسام شرف اعلقو ع صدري واتشرف في والله انك ذووووق واحتراااام والله انك عسل يا عسولة 😙😙😙😙💖💖💖💖😍😍😍😍

  2. تسلم انااملك شكلهاااا روعه واكيد طعمهااااا دمااااار المهم مابدي منها بدي صحن مخلل ليمون لو سمحتي 😍😍😭😭😭بتمنى صبيه. تنزل وصفه مخلل الليمون لانو روحي طالعه عليها وجاااااهز نهااااائي مو زاكي وطيب

  3. ابداااااااااااع بلا حدود😍😍
    اي شو هاد يا ام حسن جننتينا بهالوصفات الخلوة واخرها هي رح تجلطني الصور😋😆
    زتيلي كم وحدة حبابة😍
    والله روعة ربي يباركلك ويسلم ايديكي وتتعلم تسنيم منك الشطارة😛

    واكيد بتستاهلي احلى دعم وانتي من هلأ ملكة 😀

    • اي سلاااامتك من الجنان والجلطة يا قلبي ان شاء الله الي بكرهوكي يا حب يسعدلي قلبك والك احلى حبة يلا الأفيها وصلتك هههههههه كيف الطعم والقرشة احكيلهم كيف بالله 😅😅😅😅😅
      حبيبت قلبي نور ربي يسعدك ويجبر بخاطرك ياااا رب 💖💖💖💖💖💖💖💖

  4. لو سمحتو نزلو طريقة عمل حلو برمضان ويكون لذيذ وبسيط بس الحلو يكون زي البفاريا وتشيز كيك هيك يعني الي عندها طريقة تبعتلي واذا في صورة بكون افضل..
    شكرا مقدما🌹🌹

  5. ياعيني ياويل قلبي لك شوهاد ياعسل منظرن بشهي اكيد اكيد اليوم رح اعملن شهيتيني عليهن😛 هههههه يعطيكي الف عافية قلبي😚😚

  6. ما شاء الله عليك يا مبدعة🌹 ربي يوفقك ويحقق مرادك ويؤتيك سؤلك غاليتي🌹
    تكرمي أحلى دعم من أخواتك المحبات لك❤

    بس بتمنى منك ما تحلفي بالأمانة لأنه لا يجوز وقد جاء النهي عن ذلك في الشرع…

    • حبيبتي ام عبود يسعد قلبك كلك زووووق 😙😙😙😙😙😙
      الله يجزيك الخير والله بعرف بس زلة لسان بدك تحكي ويجعلو بميزان حسناتك التذكير يا رب 💖💖💖💖💖💖💖💖

  7. يعطيك العاافية والله شكلهاا بيشهي جوعتيني وانا صايمه ههههه والله وطلعتي مبدعه تستااااهلي ياقلبي كل الدعم والخير
    استمرررري 😘😘

    • حبيبتي ام سيف الف صحة وهنا ع قلبك يا حب والله اني مبسوطة من هالثقة الي اعتطيني ياها الله يجبر خاطرك ويهدي بالك يااااا رب ويسلم اديكي يا عسل 😙😙😙😙😙😙

    • امين يارب الله يسمع منك ام حسن
      ع قلبك حبيبتي
      وصفاتك من جد روعه ومرتب شغلك كتيير حلو الله يعطيكي الصحه وعافيه يارب
      مانحرم من بدعاتك العسل ياعسل ❤😍😍

اترك تعليقاً

لن يتم نشر عنوان بريدك الإلكتروني.