طريقه تحضير صلصه البيتزا ملكة رمضان

74 5٬244
 

طريقه تحضير صلصه البيتزا ملكة رمضان

صلصة البيتزا ملكة رمضان

طريقه تحضير صلصه البيتزا ملكة رمضان

طريقه تحضير صلصه البيتزا ملكة رمضان , معكم صديقة زاكي الشيف الموهوبة ,

المقادير

  • ٢ بصله مقطعه متل مابدكم
  • ٢ ثوم مقطع
  • ٢ بندورة مقطعة
  • ٤ م ك رب البندورة
  • ٤ م ك كاتشب
  • ١ م ك باربيكو صوص( ممكن الاستغناء عنه ولكن بيعطي طعم جدا رائع ولذيذ وبتحسي انو بيوازن النكهات )
  • ٢ م ك زعتر اخضر ناشف
  • ربع كوب زيت نباتي
  • ملح
  • فلفل اسود
  • بهار ابيض ( ممكن بدالو رشه بهار مشكل)

الخطوات

صلصة البيتزا …اخخخخخ بس قديش تعبت لوصلت لهالوصفه وقديش جربت وقديش خربت

اخخخ استنو خليني اتدمر شوي … ههههههههه

المهم كنت دايما اجرب الوصفات وما تزبط او طعمها مو زاكي او احسها ناقصه او تكون المكونات متل البصل موجود تحت البيتزا وهيك .

ومحسوبتكم عنيدة …بدي اجرب اشي لازم يزبط مش ع خاطرو ههههههههه

المهم بعد ما زهقت من الصلصات لجأت لخلط رب البندورة مع الكاتشب ورشه زعتر اخضر

المهم وشو بدكم بطولة السيره ( ع اساس ما زهقتكم ههههههههه) لقيت هالوصفه وتقولو نزلت علي من السما مجرد ما شفت المكونات والطريقة عرفت انها رح تعجبني واعشقها

تعووووو نبلش يلا

نقطع البصل والثوم والبندورة بشكل عشوائي

ثم نضع الزيت ونضع البصل والثوم مع الزعتر الاخضر الناشف ….الزعتر الاخضر بهالطريقه بيعطي طعم جدا رائع وبيعزز النكهه وخصوصي زيتو لمن يتطاير بسبب تحميصو مع الزيت

بس يبلشو يدبلو نتفه ..لاحظو يذبلو وليس يتغير لونهم …ممنوع يتغير لونهم ..بتتغير كل الطعمه

نضع البندورة ونحرك قليلا …ثم صلصه البندوره ..والكاتشب والباربيكو … والبهار والملح والفلفل …ونحركهم ونتركهم خمس دقائق يتسبكو ع نار هادئة

بعدين بنضربهم ع الخلاط اليدوي اذا عندك … اذا مافي … بتطفي عليهم الغاز دقيقتين وتضربيهم بالخلاط الكهربائي …لازم ينهرسو هرس تمام

وبعدين نرجعهم ع الغاز لمده دقيقتين ع نار هادئة لحتى يتسبكو بطريقه ممتازة

جربوها وانا متاكده ما حتندمو ابدا

((((((((((وطبعا يا حلوين طالما في صلصة بيتزا ……لعاااااااااااااد في بيتزا اووووووووووووبااااااا …..وهون السر ….بتدعموني كويس رح انشر ٣ انواع بيتزا جديده ولذيذه وسووووووبر يمممممممممي

بيتزززا ابدا ما اظن اكلتوها الا جاهز ومن اتخن المطاعم للبيتزا …… وانتو وشطارتكم ))))))))))

*****وصحتين والف الف الف هنا ********

74 تعليقات
  1. نائلة :

    ولا بيتزا هت صوص فاخر يسلموا كتير

    1. اولادي سعادتي ( ام آدم) :

      يسعدلي قلبك حبيبتي نائله …من زوقك ياقمر 😘

  2. إم مصطفي 😉 :

    لك شو هالصلصه الزااااكيه يمي يمي لذيذه حتى لحس ههههههه 😍
    يسلموووو يا حب رووووعه يعطيكي العافيه ياااارب❤😙

    1. اولادي سعادتي ( ام آدم) :

      هههههههههههههههههههه اه بتشهي لحس 😂😂 بس للاسف لحست منها وانا شبعانه عشان الصيام 😂

      يسعك روووحك ياقلبي والله بتششهي وريحه ولون وطعم اصلي يا كبير 🤗 يخليلي اياكي 😘

    2. إم مصطفي 😉 :

      ههههههه يسعدك يارب حبيبتي 😍😄
      صحتتتتتين ع❤❤

    3. اولادي سعادتي ( ام آدم) :

      عقلبوووشك الحلو متلك 😘😘

  3. آلاء محمد :

    ابدعتي حبيتها يسلم ايديكي و اكيد ع المفضلة وقيد التنفيذ

    1. اولادي سعادتي ( ام آدم) :

      مأكول الهنا والعافيه مقدما واكيد بستنا رايك …ربي يسعدك ويبارك فيك 💋

  4. أم حسنين :

    يا تكاتك يا حركاتك يا احلى شيف…اي والله اهم شي في البيتزا الصوص تبعها والا تكون بلا طعم…عاشت ايدج حبي وصفة كثير مهمة ونحتاجها على طووول واكيد اكيد اجربها😍😘

    1. اولادي سعادتي ( ام آدم) :

      حبيبه قلبي الغاليه ربي يسعدك ويبارك فيك اي والله صادقه 😘

  5. ام فراس :

    ماشاء الله عنك

    1. اولادي سعادتي ( ام آدم) :

      تسلميلي حبيبتي⁦❤️⁩

  6. ام عمر🥞❤ :

    اجت بوقتها..والله معدلة 👍

    1. اولادي سعادتي ( ام آدم) :

      من بعدك ياقمر ⁦❤️⁩💋. تسلميلي

  7. 💠أم جاسم💠 :

    ما شاء الله روووعة فعلا البيتزا سرها بالصلصة وصلصتك مبينه بتشهي صحة وهنا يارب
    بانتظار وصفات البيتزا

    1. اولادي سعادتي ( ام آدم) :

      تسلميلي قلبي ام جاسم ربي يسعدك ويبارك فيك ..😘😘😘

  8. ام يقين :

    بجنن ونكهات روعه أن شاء الله راح اجر😋😋😋😋😋😋😋😋😋😋 به

    1. اولادي سعادتي ( ام آدم) :

      حياتي انتي ان شاء الله قلبي وبدي رايك ها 😘

  9. روان القزق :

    يعطيكي الف عافية شكلها زاكيه راح اجربها

    1. اولادي سعادتي ( ام آدم) :

      يعافي قلبك ورووحك ياقلبي مأكول الهنا والعافيه مقدما 😘

  10. تقى :

    يسلمو اديك وأكيد عالمفضلة

    1. اولادي سعادتي ( ام آدم) :

      وايديكي حبيبتي مأكول الهنا والعافيه 😍

  11. 🌷 ورود الامل ⚘ :

    فعلا هي اروع واطيب صلصلة للبيتزا ..من اكتر من عشر سنين وانا معتمدة هالصلصة للبيتزا وبعمل منها كمية وبشيل عالفريزة اكياس صغيرة منها بلاقيها جاهزة وقت بدي اعمل العجينة …..بس انا مابضيف لها صوص الباربكيو …هالمرة ان شاالله رح اجرب اضيفو 😘 تسلم ايديكي والف عافية يارب

    1. اولادي سعادتي ( ام آدم) :

      يا ويلك من الله من عشر سنين بتعمليها وانا بجرب وبخرب طب اعطيني الوصفه كان هههههههههههههههههههه 😂 ..بمزح معك حبيبتي .

      ست المعدلات والله وفعلا طعمها جدا رائع مأكول الهنا والعافيه 😍

    2. 🌷 ورود الامل ⚘ :

      هههه والله انك مهضومة وحكياتك حلوين ربي يسعدك 😍😍😘😘😘

    3. اولادي سعادتي ( ام آدم) :

      تسلميلي ياقمر من زوقك 😘😘😘

  12. لين :

    ربي يسلمهم ديااااتك شكلها متقنه وفعلا ما بجيب طعم البيتزا إلا الصلصه وصلصة الباربكيو هي والزعتر الاخضر الناشف همه بيعطوها طعم طيييب كثييير يعطيكي العافيه حبيبتي ابدعتي 👌😘💞🌷

    1. اولادي سعادتي ( ام آدم) :

      صدقتي ياقلبي فعلا الطعم جدا بيفرق مع الصلصه الزاكيه عنو من رب البندورة او الكاتشب

      ربي يعافي قلبك ويسعدك يا ست الكل انتي 😘

  13. om hasn :

    والله يا تسوووو البيتزا دماااار الي عامليتها ولااااازم ضرووووري تنزليها ولا بموووووت اذا ما جبتي الطريقة عنجد روووووعة ولا افخم مطعم والصلصة رووووووعة يا ست المعدلات انتي يا عسل كل شي من تحت اديكي عسل يسعدلي قلبك 💖💖💖😙😙😙😙😙😙

    1. اولادي سعادتي ( ام آدم) :

      ههههههههه لا شو تموتي بعيد لشر…يقولو ماتت عشان بيتزا يا فضيحتنا 😂😂😅
      ربي يعافي قلبك ورووحك ياقلبي لا اكيد رح انشرها بس بلم دعم هههههههههههههههههههه 😂

    2. om hasn :

      ههههههههه تسلميلي 😙😙😙
      والله يا تسووو اخريتنا نقعد انا وانتي على باب زاكي نشحد دعم لله يا محسنين دعم بسيط تعليق حلو يفوزني بالمسابقة لله يااااامحسنين لله 😂😂😂😂😂😂😂😂

    3. اولادي سعادتي ( ام آدم) :

      هههههههههههههههههههه مهو مستحيل يعني منفوزش بوصفه ول لا لا جد ول 🤦😨

    4. om hasn :

      انا عن نفسي حعتزل الفن ايييي قصدي مهنتي تنزيل وصفاتي هون ههههههههههه رح خبي ابداعاتي مش راح افيدكم من استفاداتي افادة اذا ما صرت ملكة اييي قصدي اذا ما فزت بالمسابقة 😂😂😂😂😂😂😂😂😂😂

    5. اولادي سعادتي ( ام آدم) :

      هههههههههههههههههههه لاااااا الله يستر منك … يا خوفي تكوني من جماعه بس اصير وبس اصير …وبس تصيري تبطلي تعملي اشي 😝😝😝

      ههههههههه اه اه وانا خلص رح اعتزل الرقص قصدي الطبخ هههههههههههههههههههه 😂😂😂

  14. ام علي🌸A🌸 :

    يسلمو اديك….طريقه ممتازة
    وطيبه

    1. اولادي سعادتي ( ام آدم) :

      وايديكي حبيبتي ربي يسعدك ⁦❤️⁩

  15. أم صبحي :

    يسلموا إيديك شكلها من الآخر روووووووعة
    بإنتظار المزيد يا قلبي 💖

    1. اولادي سعادتي ( ام آدم) :

      تسلميلي ياقمر من زوقكك ان شاء الله الله يقدرني 😘

  16. ام ياسر 👪 وميوووو :

    احسنت والله يعطيك العافيه.

    1. اولادي سعادتي ( ام آدم) :

      احسن الله اليك … ويعافيكي ويسعدك حبيبتي 😘

  17. أم زيد :

    يا لز يز يا رايق تسلم ايديك يا قمر ع المفلضة عطول

    1. اولادي سعادتي ( ام آدم) :

      😎😎 ههههههههه تسلميلي حبيبتي ربي يسعد قلبك ⁦❤️⁩

  18. ام علاء ابو يحيى :

    برافووو الله يسلم هالايدين لونها بشهي واكيد طعمتها 😍😍

    1. اولادي سعادتي ( ام آدم) :

      تشتهيكي مكه المكرمه ياقلبي ويسعدك ويبارك فيك 💋

  19. أم محمد🌺 :

    يسلمو ايديكي شكلها طيبة👌
    حجربها بإذن الله

    1. اولادي سعادتي ( ام آدم) :

      وايديكي حبيبتي مأكوول الهنا والعافيه مقدما 😘😘

  20. آية :

    تسلم ايديكي هي نفس الصلصة اللي بعملها للبيتزا
    وعنجد كتير طيبة

    1. اولادي سعادتي ( ام آدم) :

      ربي يسلم قلبك وروووحك حبيبتي⁦❤️⁩

    2. آية :

      جميعا حبيبتي😍😍😍

  21. أم عبدالله الفارس :

    تسلمي حبيبتي 😘😘😘😘😘 عاشت إيدك يا رب

    1. اولادي سعادتي ( ام آدم) :

      تعيشي هنيه ياقلبي ربي يسلمك ويسعدك ⁦❤️⁩

  22. Em Aws :

    تسلم ايدك يا رب فعلا انها رووعة و فوق الخيال و الوصف كل شي من تحت اديكي زاكي.. يعطيكي الصحة و العافية يا رب

    1. اولادي سعادتي ( ام آدم) :

      حبيبتي يختي من بعدك والله ربي يسعدك ويبارك فيك 💋⁦❤️⁩

  23. رهام ام صالح :

    يسعد قلبببببك شو دمك خفيف ..
    يسسسسلموووو هالديات

    1. اولادي سعادتي ( ام آدم) :

      تسلميلي ياقمر من زووقكك والله ⁦❤️⁩⁦❤️⁩

  24. 🍒أم محمّد🍒 :

    يسلموو دياتك رائعه

    1. اولادي سعادتي ( ام آدم) :

      كمرووورك الرائع حبيبتي تسلمي 😘😘😘

  25. 💖نور أحمد💖 :

    وليه تسو شو هالابتزاز هاد
    من بكرا بدي لاقي الوصفات ال3 نازلين والا بدي اعمل بمعالم وشك احلى بيتزاية😈
    ناس مابتجي الا بالعين الحمرة😁

    بس شو بدك بالحكي هاد سيد الصوصات كلهم
    وانا معتمدتو من زمان وبضفلو رشة سكر بتساعد عالتسبيك اكتر😉
    لو قايلة كنت قلتلك الوصفة وكسبت ثواب بعيلتك المسكينة اللي عم تطعميهم خرابيط😂😁

    لا عنجد ربي يسلم ايديكي ويباركلك شي بجنننننن وبشعي وبيفتح النفس وبسمن هههههه
    مبدعة مبدعة مبدعة بلا حدود دائماً تستوسة الحلوة😆😙

    1. om hasn :

      عنجد يا نور والله بدها تسوو عين حمرا ولك البيتزا منظرهم بشههههههي عنجد دمااااااار وهالمحترمة بتهددنة فيهم شايفة بالله 😂😂😂😂😂😂😂😂

    2. om hasn :

      وعلى فكرة انا بعمل الصوص نفس الطريقة بس بدون صوص الباربكيو ونفسك يا نور بحط معلقة سكر بتعطي تسبيكة روووووعة للصوص وانسي نكهة الحلا فيها بطلع دمااااار 😍😍😍😍

      ولك جوعة من هالسيرة خلص هاتولكو سالفة تانية 😂😂😂😂😂😂😂😂😂😂😂😂

    3. اولادي سعادتي ( ام آدم) :

      هههههههههههههههههههه 😂😂😂 بعثتهن والله يمااااااا لا شو وجهي كلو الا وجهي ولك 😂😂😂

      والله ما بعرف انو حضرت جنابك بتعرفيها وليش ما قلتي ولكوو المشكله انو يلي يعرفها هون في اكتر من اربعه ولا وحده فكرت تنشرها 😏😏😏😏 عفكرة هاي شي أساسي بالبيتزا ئي …يلا انا كسبت الاجر والثواب 😏😏

    4. اولادي سعادتي ( ام آدم) :

      يسلم قلبك وروووحك حبيبتي

    5. اولادي سعادتي ( ام آدم) :

      هههههههههههههههههههه حتى انتي يا ام حسن تعرفيها وما قلتي ادعي عليكو بشووو وانتو فيكو العبر 😂😂😂😅😅😂

      خليكووو استنو رح تنزل لثلاث ايام يمكن. ..اتشهونو عليها ….وهناك مش حنشرها الا بس تنزل هون هههههههههههههههههههه 😂😂😂

  26. dina :

    ماشاء الله طيييبه، زاكيه كتير بعملها هيك أنا 👍❤

    1. اولادي سعادتي ( ام آدم) :

      تسلم ايدك حبيبتي فعلا انها روووعه 😘😍

  27. اردنيه😂😂 :

    ياعيني ع الزكاوه يسلموو دياتك واحلى دعم لأم ادم
    👏👏👏👏👏👏👏👍👍

    1. اولادي سعادتي ( ام آدم) :

      حبيبه قلبي والله منوورة الدنيا مش بس زاكي يسعد روووحك

  28. شيف محترف :

    يسعد عينك شكلك خفيفة دم وبتنحبي ويسلمووو ايديكي ويعطيكي الف عافية يا رب 😍😍😍😍

    1. اولادي سعادتي ( ام آدم) :

      تحبك العافيه والصحه ياقلبي ربي يسعدك والله من زوقكك ياعسل 😍😍

  29. nana nado :

    يسلمو دياتك وتسلملي عينك شو مهضومه الله يحفظك ويسعدك وشكرا لانك شاركتينا اسرار البيتزا الي تعبتي لحتى حصلتي عليها ربي يحفظك

    1. اولادي سعادتي ( ام آدم) :

      حياااااتي تسلمي يارب من زوقكك ياقمر …بهاي معك حق ههههههههه ما خبيت عنكم شي ..يسعد قلبك ⁦❤️⁩

  30. ريحانة🌿 :

    يا حبيبتي يا تسنيم هههههه كل هاد مغلبيتك هالوصفة!! يلا الحمد لله عرفتي السر وبمثابرتك وإصرارك وصلتي لهدفك👍 الله يحميك يا معدلة ويوفقك ويعلي شأنك🌷

    سبحان الله!! من فترة صورت هالوصفة وصورت الخطوات وقررت أنزلها بعدين غيرت رأيي😁

    أنا شفت هالطريقة من شيف عالتلفزيون من شي 12 سنة ومعتمديتها ومبسوطة عليها بفضل الله .. ومعلقة سكر صغيرة أو عسل إذا البندورة حامضة شوي بتطلع الصلصة رهيبة👌

  31. عفاف حامد :

    معدلة 😘😍

  32. عطر💖 :

    اتقان ماشاء الله

اترك رد

لن يتم نشر عنوان بريدك الإلكتروني.