كرات الارز المقلية ملكة رمضان

32 2٬266
 

كرات الارز المقلية ملكة رمضان

كرات الأرز المقليه.. ملكة رمضان

كرات الارز المقلية ملكة رمضان

كرات الارز المقلية ملكة رمضان , معكم صديقة زاكي الشيف الموهوبة ,

المقادير

  • كأسين أرز مسلوق ويفضل أرز بسمتي
  • معلقه صغيره بودرة الثوم
  • معلقة صغيرة بودرة البصل
  • ملح
  • فلفل اسود
  • بيضه واحده
  • للحشو:
  • جبنه موزاريلا
  • سلامي

الخطوات

اول شي أنا حابه احكي اني اول مره بنزل وصفه بالرغم من اني متابعه قديمه جدا لزاكي

حبيت اشاركم بالوصفات وانظم الكم لأنكم عنجد رائعين… وانشالله تعجبكم وصفاتي..

بنحط الرز المسلوق وبنضيفله البهارات والملح والفلفل والبيض وبنخلطهم كتير منيح

بتقدري ماتضيفي البيضه بس صدقا بالبيضه اطيب.

بعد هيك بعملهم أقراص وبنكون مجهزين الحشوه… الحشوه جبنه موزاريلا مبروشه وبنضيفلها سلامي مفروم.. منحط الحشوه بنص القرص وبنعمله كره والحجم متل مابتحبي

أنا عملتهم بحجم كرة التنس

بس نكمل الكميه بنقليهم بزيت غزير لحتى يتحمرو ويقرمشو

ملاحظه إذا عملتي كميه وبدك تفرزيها لاتقليها لحتى تتحمر تماما بس إليهم قليه خفيفه لحتى يتشمعو من برا وبتشيليهم دغري قبل مايتحمرو

والحشوه بتقدري تتحكمي فيها وإذا بدك تحشيها لحمه أو جبنة شدر أو جبنة موزاريلا لحالها برضه بصير وطيبه

جربوها وما رح تندمو خصوصا اللي عندها صغار بحبوها كتير… أنا ولادي كتير بحبوها☺️

آخر صوره رح تنزل هدول للتفريز قليه خفيفه بس تشميع من برا مشان ما يلزقو ببعض ويضلو متماسكين

32 تعليقات
  1. روان القزق :

    نورتي زاكي ام عبود ويسلم ايديكي ع الوصفه بتجنن وسهله

    1. ام عبود :

      هاد نورك حبيبتي😍

    2. أم حافظ أبو كشك :

      شي رائع تسلم ايديكي وراح اجربها قريبا والى المفضله أكيد

  2. لين :

    رووعه يسلمهم ديااااتك منظرها بشهييي ومبروووك نزول اول وصفه نورتينا بانضمامك حبيبتي بالتوفيق 😘🌷💞

    1. ام عبود :

      الله يسلمك لين

  3. الياسمين💗💗💗 :

    يسلمو اديكي ام عبود
    منظرها بجنن
    اهلا وسهلا فيكي 😘
    حبييييييييت💖💖

    1. ام عبود :

      اهلين فيكي حبيبتي

  4. om hasn :

    الف صحة وهنا ويعطيكي الف صحة وعافية 💖💖💖💖💖💖💖

    1. ام عبود :

      على قلبك

  5. إم مصطفي 😉 :

    ما شاء الله عليكي حبيبتي تسلمي يا رب مبارك تنزيل أول وصفه وبإنتظار وصفاتك الحلوه الجاااايه😍👌🌹

    1. ام عبود :

      الله يبارك فيكي ام مصطفى☺️

  6. أم صبحي :

    نورتي زاكي يا قلبي.. ومبارك أول وصفه
    يسلموا إيديك 👌

    1. ام عبود :

      منور بوجودكم 💓

  7. ام اصيل :

    اممممممم شكلها زاكية يسلم دياتك يارب

    1. ام عبود :

      ودياتك يارب

  8. ام علاء ابو يحيى :

    زاكييييي تسلم ايدك ام عبود ومبروك للوصفه الاولى استمري واتحفينا بوصفاتك الرائعه

    1. ام عبود :

      ان شاء الله مابنستغني عنكم😉

  9. تسلم ايدك ومبروك اول وصفه 😍 عقبال الوصفات الجايه يارب 😍

    1. ام عبود :

      الله يبارك فيكي☺️

  10. أم عبدالله الفارس :

    تسلم الأيادي إن شاء الله حبيبتي و بألف صحة و هنا عليكم.. و تنورينا اكيد😘😘

    1. ام عبود :

      على قلبك حبيبتي💓

  11. 🍒أم محمّد🍒 :

    يسلموو دياتك ام عبود ..شكلهم بشهي
    نورتي زااكي ..بأنتظار وصفاتك

    1. ام عبود :

      ودياتك حبيبيتي💓

  12. 💠أم جاسم💠 :

    يسلمو اديكي وصحة وهنا
    نورتينا ام عبود بانتزار جديدك

    1. 💠أم جاسم💠 :

      بانتظار

    2. ام عبود :

      ان شاء الله مابنستغني

  13. 💖نور أحمد💖 :

    الف مبروك نتنزيل اول وصفة الك حبيبتي نورتينا ومنتشرف فيكي اخت بيناتنا😄

    والوصفة وتقديمها روعة اللهم بارك وبانتظار كل جد وحلو منك😘

    1. ام عبود :

      الله يبارك فيكي.. الي الشرف اكون بيناتكم 💓

  14. 💖نور أحمد💖 :

    كل جديد*

  15. ام عبود :

    الله يبارك فيكم جميعا…… انا اللي كتير مبسوطه بيناتكم😍😍

  16. ريحانة🌿 :

    صحة وعوافي عزيزتي 💟

  17. عطر💖 :

    جديد ولذيذ ماشاء الله

اترك رد

لن يتم نشر عنوان بريدك الإلكتروني.