مفتول بالدجاج ولا اززكااا

19 3٬547
 

مفتول بالدجاج ولا اززكااا

مفتوووول ولا اززكااا

مفتول بالدجاج ولا اززكااا

مفتول بالدجاج ولا اززكااا , معكم صديقة زاكي الشيف الموهوبة ,

المقادير

  • مفتول جاهز
  • جاج
  • بصل
  • حمص حب
  • بندورة حب
  • سمنة
  • زيت زيتون
  • عين جرادة
  • بهارات مشكلة
  • ماجي
  • ملح
  • كمون
  • فلفل اسود

الخطوات

رمضان كريم وتنعادولو سالمين كل سنة يا رب

اول شي المفتول:

بنوخد المفتولية وبندهنها سمنة وبنحط المفتول فيها والطنجرة بنعبيها نصها مي مع قشر ليمون لحتى ما تسود بنترك المفتول عليها اول تهبيلة ساعة زمن

بهاي الاثناء بتجيبي بصل بتقطعي مربعات صغيرة وبضيفي عليه ملح وماجي وبهارات مشكلة وعين جرادة وكمون مطحون وفلفل اسود وزيت زيتون وبتمرسيهم شوي ع ايدك

بس تخلص التهبيلة الاولى للمفتول بنديرو بجاط وبنرشرشو كاسة مي وبنفكفكو عن بعض بس يبرد شوي وبنرد نحط سمنة عالمفتولية وبنرجع المفتول بنحط طبقة صغيرة وبعدها البصل وبتحطي باقي المفتول وبتحطي معلقة سمنة كبيرة بالوسط وبتطميها بالمفتول وبتتركي ساعة ونص تقرييا وبتقدري تغطي بس يكون في مجال للبخار يطلع لبرة ما ينزل عالمفتول بستوي اسرع وبس يخلص بتحضري زيت الزيتون والملح وبترشيلك رشة ملح وكاسة شاي زيت زيتون وبتقلبيهم

اما اليخنة:

بتحضري شرحات بصل وبتدبليها بزيت نباتي بدون ما تتحمر وبتكوني محضرة البندورة ومقشرتيها ومقطعاها مكعبات وبس يدبل البصل بتحطيها فوقو وبتبهريها ملح وفلفل اسود وشوية بهارات مشكلة وماجي وكاري نص معلقة صغيرة وبتتركيها تغلي واخر اشي بتحطي حمص الحب طبعا بكون مسلوق وعشان ما يهتري بتغلي غلوة وبتطفي عليها وهيك بتكون اليخنة حاضرة

اما الجاج:

نضفتو منيح وسلقتو وحطيت عليه ورق غار قشر ليمون ماجي فلفل اسود بصل حصالبان ملح ورشة زنجبيل مطحون

*******

هيك يا حبيباتي بكون جهز كل اشي وبالف صحححه وهنااااا على قلبكم ان شاء الله واهم اشي انو طلع كتتتيييرررر زززاكي هههههههههههه

*******

ملاحظة نسيتها

اخدت من شوربة الجاج وحطيت على اليخنة

عرض التعليقات (19)