img
الرئيسة / أطباق رئيسية / الكبة بصينية بشكل ولا أحلا وطعم ولا ألذ

الكبة بصينية بشكل ولا أحلا وطعم ولا ألذ

/
/
/
1812 مشاهدات

 

الكبة بصينية بشكل ولا أحلا وطعم ولا ألذ

الكبة بصينية بشكل ولا أحلا وطعم ولا ألذ

الكبة بصينية بشكل ولا أحلا وطعم ولا ألذ

الكبة بصينية بشكل ولا أحلا وطعم ولا ألذ, معكم صديقة زاكي الشيف الموهوبة ,

المقادير

  • للكبة
  • تلات ارباع كيلو برغل
  • نص كيلو هبرة(لحمة بدون دهن)
  • بصلتين كبار
  • ملح
  • مي حسب الحاجة
  • للحشوة
  • نص كيلو لحمة الا دهن
  • بصلتين كبار
  • مكسرات انا حطيت جوز
  • ملح وفلفل اسود
  • اربع معالق سمنة
  • مي

الخطوات

الكبة بصينية من اشهى واطيب الاكلات وكلنا بنعرف نعملا بس حبيت اقدملكن طريقة تحضيري واسفة اذا مو كل الطريقة واضحة بس حسب ماقدرت اصور صورت لانو كان عندي عزيمة يلا نشوف الطريقة والتشكيل

&بسم الله الرحمن الرحيم&

الكبة

نقعت البرغل بالمي لوقت نفش ضفتلو الهبرة والبصل والملح ودرتو لصارت عجينة منيحة

الحشوة

فرمت البصل وقليتو مع اللحمةبس استوت ضفت الملح والفلفل الاسود والمكسرات وتركتا تبرد

لتجهيز الكبة بجيب صينية الفرن وسط مو كبيرة ولا صغيرة دهنتا بسمنة وحطيت نص عجينة الكبة وحاولت مدا كلا بنفس السماكة بكل الصينية وانا عم مدا عم بل ايدي بالمي بعد ماخلصت مدا حطيت الحشوة وصرت اضغط بايدي عاللحمة لتلزق بالعجينة جبت بقية العجية ومديتا بكيس نايلو وحطيتا فوق اللحمة وصرت دخل الاطراف لقلب الصينية وانا بلل ايدي بعد ماخلصت الصينية صرت بايدي اخبط علعجينة مشان بس تطلع من الفرن تكون ماسكين الطبقات عبعض جبت سكينةوكاسة مي وبلشت قطعا قطعتا 8مثلثات متل مو موجود بالصورة وصرت اعمل بكل مثلث تلات خطوط بشكل مايل ومن نفس زاوية الخطوط بالمثلث الاول نقطع خطوط في المثلث التاني انا وعم اقطع عم ابل السكين بالمي بعد ماخلصت صرت اقطع خطوط عكس الخطوط الاولى وهيك بعمل كل مثلثين نفس الشكل لوقت اخلص كل المثلثات طبعآ نحن وعم نقطع مامنوصل السكين للصينية وهيك لخلصت تقطيع صرت بكل قطعة صغيرة اعمل ثقب بالسكين مشان تدخل السمنة لقلبا

زينتا بالفستق و حطيت اربع معالق سمنة كبار بشكل صغير عكل الصينية ودخلتا عللفرن الفرن لازم يكون حامي من تحت وفوق وبس دخلتا الفرن بطفي من فوق وبترك تحت شغال اخدت معي ساعة ونص حسب نوع الفرن وكنت كل نص ساعة طالعا وشوفا اذا بحاجة سمنة ارجع حطلا بس تستوي ببين عالاطراف بيصير لونن دهبي والكبة بتتحرك بس هزينا الصينية منطالعا ومنغطيا بسلفان لوقت التقديم وان شاءالله اكون قدرت وصللكن الفكرة بتمنى تجربوا ولاتنسوني من دعاكم

والف صحةوهنا

43 تعليقاً

  1. يسلمو ايديكي حبيبتي شكلها رووووعه 👍👍
    واكيد طعمتها اروع والسفرة ما شاء الله تبارك الرحمن😋😋😋😋
    والله يديم المحبه بينكم 😘😘

  2. ما شاء الله عليكي روووووعه يسلموووو😍
    كان نفسي أعرف كيف هالشكل بنعمل سبحان الله ع نياتكم ترزقون بجد راااائعه💗👌💖

    صحه وعافيه يا عمري 😘

    • انتي بالبداية بتحطي نص كاسة سمنة ودخليا الفرن بعد نص ساعة بتشوفيا اذا كانت غبت كل السمنة ولسع مومستوية بترجعي بتحطيلا معلقتين كبار انا اخدت معي ساعة وشوي بعد تلات ارباع ساعة طالعتا وشفتا كانت السمنة موباينة ولسع الكبة مو مستويةرجعت حطيتلا معلقتين كبار لانو هالنوع الكبة لازم يكون طري مو ناشف والسر بالسمنة والف صحةوهنا حبيبتي😚😚

    • هههههه يسلم قلبك روحي حولي السفرة وصاحبت السفرة ع حسابك هههههه😘😘

      الله يسلمك ياقلبي يخليلي ياكي يارب😘😘😄😄

اترك تعليقاً

لن يتم نشر عنوان بريدك الإلكتروني.