طريقه عمل السمبوسك باللحمه المفرومه ملكة رمضان

20 5٬115
 

طريقه عمل السمبوسك باللحمه المفرومه ملكة رمضان

السمبوسك من الذ الاكباق الجانبيه في رمضان

طريقه عمل السمبوسك باللحمه المفرومه ملكة رمضان

طريقه عمل السمبوسك باللحمه المفرومه ملكة رمضان , معكم صديقة زاكي الشيف الموهوبة ,

المقادير

  • نص كيلو لحمه مفرومه ناعم
  • باكيت عجينة سمبوسك
  • راس بصل مفروم ناعم
  • زيت للقلي
  • ملح
  • فلفل اسود
  • رشة هيل او زنجبيل مطحون حسب الرغبه
  • عصير ليمون
  • اومعلقة دبس رمان

الخطوات

بسم الله الرحمان الرحيم

يسعد اوقاتكم وايامكم ولياليكم ويجعلكم من السعداء والعتقاء في هذا الشهر الفضيل

السمبوسك من الكلات الشهيه الي بنقدمها جميعا على سفرتنا وبعشقها الجميع كلكم ستات بيوت معدلات بتعملوها لكن كل وحده الها طريقتها وبصمتها الخاصه وكان نفسي اعمل العجينه بايدي لكن الوقت ما سمحلي ابدا ان شاء الله في المرات القادمه

اليكم الطريقه السمبوسك بنعمل بعدة حشوات وكل واحد وزوقه انا اليوم عملتها باللحمه المفرومه

طبعا بتحضري الرقائق وجميع المواد وبتغطي الرقائق لانها سريعة النشفان وبتخرب بسرعه

بحضر اللحمه وبضع في المقلا القليل من الزيت وبضيفله البصل المفروم ناعم بس يتذبل البصل بضيفله اللحمه وبتركها تستوي وتنشف ميتها لكن قبل ما تستوي بضيفلها البهارات والملح والفلفل الاسود وعصير الليمون او دبس الرمان اذا بتحبيها تكون حامضه شوي وبتعمليها على شكل مثلثات اورلات مثل ما بتحبي وبتقليها قبل الافطار حتى تكون ساخنه صحيح انه سهله بس لذذذذذيذه…وبترككم تتمتعوا بالقرمشه

ملاحظه الصور هون لونين بسبب التصوير اكم صوره تصورو بدون فلاش عشان هيك طلعوا مكشرين تحملونا

استودعتكم انتم واهلكم واطفالكم واحبابكم وازواجكم ودينكم واماناتكم لله الواحد الاحد الفرد الصمد

20 تعليقات
  1. دودو :

    يسلم ايديكي ويعطيكي الف عافية ما شاء الله

  2. ام السوس :

    تسلم ايديكي.بس اغلبك حتى ما تفرط الحبه شو استخدم

    1. am sara :

      شويت مي مع معلقه طحين وحطي عند تسكير سمبوسك وهيك مش رح تفرط معك 👍👍

  3. am sara :

    صحه وهنا يارب يسلم اديكي يا احلى خالتو ام علاء الله يطول بعمرك

  4. ام علاء ابو يحيى :

    حبيبتي ام السوس شوية طحين مع مي بس حاولي يكون المحلول على شكل سائل وادهني طرف السمبوسك بتلزق معك

  5. ريحانة🌿 :

    ربي يسلم هالديات 🌹
    ما شاء الله .. الشكل مشهي ولذيذ 💟

  6. ام السوس :

    يسلمو أخواتي الله يجزيكم الخير

  7. إم مصطفي 😉 :

    كل شئ من تحت ديادك يا غاليه زاكي ولذيذ ربي يعطيكي العافيه ويبارك بعمرك يا رب 🌹😙❤

  8. om hasn :

    ما شاء الله تبارك الله شكلهم رووووووعة الله يباركلك حبيبتي والف صحة وهنا 😙😙😙😙😙

  9. ام اصيل :

    يا سلاااام يا سلاااام يا عيني عليكي وعلى اكلاتك الطيبة الله يسلم هالايدين يااارب لززيزززز كتيير السمبوسك ملك سفرة رمضان

  10. Farah Masoud :

    يسلم دياتك حبيبتي صحتين وعافية يارب

  11. ريوووم :

    شكلهن بشهي يسلم ايديكي يا رب

    1. ام علاء ابو يحيى :

      ربنا يسلمك حبيبتي

  12. رشا رشا :

    ما شاء الله الله يباركلك رووعه وبشهو يسلمو اديكي يا غاليه الف صحه وهناا ❤😘

    1. ام علاء ابو يحيى :

      تسلميلي يا غاليه للله يكرمك

  13. 😘😘 :

    نسرين
    يسلمووووو خالته أم علا
    بشهيييي😋👌

    1. ام علاء ابو يحيى :

      الله يسلم قلبك حبيبتي

  14. ام علاء ابو يحيى :

    الله يكرمكم جميعا ويسلمكم ويجبر بخاطركم يا رب

  15. 💖نور أحمد💖 :

    ربي يسلم هالايدين ويعطيكي الف عافية ياقلبي
    شكلها حلو ومرتب ومقرمش اللهم بارك شهيتيني ياها هههههههه😍😘

    1. ام علاء ابو يحيى :

      يسعد قلبك يا نوارتنا الحلوه انتب الترتيب والزوق كله

اترك رد

لن يتم نشر عنوان بريدك الإلكتروني.