img
الرئيسة / معجنات / فطيره الجبنه هشه وطعم ولا اروع ملكة رمضان

فطيره الجبنه هشه وطعم ولا اروع ملكة رمضان

/
/
/
1516 مشاهدات

 

فطيره الجبنه هشه وطعم ولا اروع ملكة رمضان

فطيره الجبنه هشه وطعم ولا اروع ملكه رمضان

فطيره الجبنه هشه وطعم ولا اروع ملكة رمضان

فطيره الجبنه هشه وطعم ولا اروع ملكه رمضان , معكم صديقة زاكي الشيف الموهوبة ,

المقادير

  • 3كوب طحين ابيض
  • كوب حليب دافي او حسب احتياج الطحين
  • بيضه
  • معلقه كبيره خميره
  • معلقه كبيره سكر
  • معلقه صغيره ملح
  • معلقتين كبار زبده
  • مقادير الصلصه
  • كوب بقدونس مفروم ناعم
  • سنين ثوم
  • معلقتين كبار زبده
  • معلقتين كبار زيت نباتي
  • ملح رشه فلفل اسود
  • لدهن وجه الفطيره صفار بيضه
  • جبنه صفره اي نوع حسب الرغبه

الخطوات

حابه احكيلكم اني اشتقتلكم كثيير وما بعدني عنكم الا الشديد القوي بس الحمد لله بالآخر برجعلكم لاني ما الي غنا عنكم لانكم اروع واجمل صديقات واخوات بالدنيا كلها الله لا يحرمني منكم يا رب

وبشكر كل صديقه سألت عني وفقدتني تسلمولي وما تفقدو غالي يا اغلا الغوالي بحبكم كثير

بسم الله نبدا

بالبدايه بوعاء العجن بنضع الطحين والسكر والملح والخميره وبنحركهم على الناشف وبعد هيك بنضيف الزبده وبنفركهم شوي مع بعض وبعد هيك بنبلش نضيف الحليب الدافي و الي خفقنا البيضه معو وبنعجنهم كثير منيح وبنغطي العجينه وبنتركها تتريح وتخمر لمده ساعه وبعد هيك بنضع العجينه على صينيه الفرن وبنرقها رغيف خميل شوي بالسكينه بنعمل فيها خطوط كاروهات وبندهن العجينه بصفار البيض وبعد هيك بنخلط مكونات الصلصه الي هنه بقدونس مفروم ناعم وسنين الثومه والزبده والزيت ورشه الملح والفلفل وبنوزعهم على وجه الفطيره وبنرجع نعيد على خطوط المربعات الي عملناهن بس ما بننزل للآخر بالسكينه وبنعبي الفراغات بالجبنه الصفره وبنغطي العجينه ربع ساعه قبل الخبز وبنخبزها عنار هاديه لما تستوي اطرافها وتوخذ اللون الذهبي بنحمر وجها حسب الطلب وتقدم ساخنه والف صحه وهناا اذا عجبتكم يا ريت تضيفوها للمفضله

والصوره الاخيره لفطيره الجبنه البيضه او الجبنه المالحه ان شاء الله رح انزل طريقه عملها وتشكيلها بالتفصيل

انا عملت ثنتين وحده حطيت عليها نوعين من الجبنه ووحده خليتها كاروهات واكتفيت بنوع واحد بتمنى تجربوها وتعجبكم وان شاء الله بالايام الجايه رح اقدملكم تشكيلات جديده من المعجنات بتمنى تعجبكم

تحياتي الكم جميعا رشا ام احمد

لا تنسوني من فضل دعواتكم الحلوه

50 تعليقاً

  1. رشا حبيبة قلبي زمااااان عن ابداعاتك اشتقنالك يا غالية لا طولي الغيبة علينا مرة تانية

    ويسلمو اديكي الوصفة ولا أروع المنظر بيشههههي وبيقول انا طيبة جربوني ههههههه

    وكل عااااااام وانتي وجميع الأخوات بألف ألف خير

  2. الله يسعدلي قلبك يا ام احمد شو انك مبدعة ومتكتكة وانيقة وفنانة اعجز وانا اوصف جمال وصفاتك يا قلب بس عنجد مبدعة مبدعة بكل ما تحملة الكلمة من معنى يسلم اديكي يا رب 😙😙😙😙😙😙😙😙😙😙

  3. تُحفة اللهم بارك ما شاء الله عنك يا رشا كعادتك مُتميزة ومُبدعة ، بتغيبي وبترجعلينا بافكار ووصفات حلوه مثلك ربنا يحفظك ويزيدك علم ونور كل عام وأنتي بخير

  4. يا عيني يا عيني شو هالزوووووق هاد والحلاوة كلها هاي والله شكلهاا مغرري رشرش تسلم هالايدين يااارب وما يحرمنا منهم
    خليلي قطعة هيني جاية 😘🙂

  5. بعد زمااااااان رشروشة😀😍
    ربي يسلم هالانامل ويعطيكي الف عافية حبيبتي ابدعتي كالعادة اللهم بارك
    الفطيرة بتشهي وشكلها مميز وملفت ماشاء الله عنك😘

اترك تعليقاً

لن يتم نشر عنوان بريدك الإلكتروني.