img
الرئيسة / حلويات / وهلاء صااار دور كعكاتي الي بالسميد ملكة رمضان

وهلاء صااار دور كعكاتي الي بالسميد ملكة رمضان

/
/
/
5337 مشاهدات

 

وهلاء صااار دور كعكاتي الي بالسميد ملكة رمضان

وهلاء صااار دور كعكاتي الي بالسميد ملكه رمضان

وهلاء صااار دور كعكاتي الي بالسميد ملكة رمضان

وهلاء صااار دور كعكاتي الي بالسميد ملكة رمضان , معكم صديقة زاكي الشيف الموهوبة ,

المقادير

  • ٣ كيلو سميد ناعم
  • كيلو سمنه دايبه
  • كاسة زبده دايبه
  • كاسة سكر مطحون
  • ملعقه كبيره محلب مطحون
  • ملعقه صغيره مستكه
  • ٤ ملاعق كبيره كلفه كعك ازا مش متوفر اطحني يانسون وشومر بيكفو
  • كاسه حليب بودره
  • ملعقه صغيره ممسوحه خميره
  • ماء للعجن فيكي تعجني بحليب او بمغلي اليانسون او بمي تقريبا بدك ٤ كاسات مي فاتره

الخطوات

اول شي بتبسي السميد بالسمنه والزبده وبتخليهم ٢٤ساعه وكل مازادت الفتره بكون احسن

و تاني يوم بتحطي كل المكونات كلها وبتعجنيهم لملمه مو تعجين لحتى تحصلي على عجينه متماسكه وبتبلشي تحشي فيهم التمر او الجوز او الفستق الحلبي

حشوة التمر :::::::::::

تمر بتحطي عليه يانسون وشومر وقرفه وهيل وسمسم وحبه البركه مطحونه وشويه زبده لورباك او زيت زيتون وبتعجنيهم منيح

حشوة الجوز ::::::::::::

جوز وقرفه وسكر بودره وبرشه صغيره جوزة الطيب

حشوة الفستق الحلبي :::::::::

فستق حلبي مجروش بترطبيه بماء الزهر وشويه قطر

وصحتين وعافيه

أسرار نجاح المعمول و الأسئلة الخاصة بالمعمول :::::::::

أسرار المعمول :::::::::::::

معمول إما سميد فقط أو مخلوط طحين أو طحين فقط

اللي بيختلف لما تستعملي سميد

السمنة لازم تكون سخنة عند بث السميد وفركه

أما معمول الطحين السمنة دايبة فقط مو سخنة

معمول السميد بيحتاج ماء اكثر حتى تلم العجينة ويسهل تشكيلها

معمول الطحين ما بيحتاج ماء كتير

معمول السميد ترتاح العجينة اقل شي ٦ ساعات وممكن لتاني يوم افضل

معمول الطحين فقط ساعتين واشتغلي فيه

معمول الطحين مع طحين الفرخة انا بخليه ٦ ساعات او لتاني

يوم

كل انواع المعمول بالسميد او الطحين او طحين الفرخة يحتاج مقدار النواشف نصفه سمن يعني كل كيلو نواشف نصف كيلو سمن

وهاد المقدار المثالي ممكن زيادته ٥٠ غرام

او انقاصه ٥٠ غرام

أهم نقطة بتحضير المعمول بكل انواعه عدم عجن العجينة إنما فركها بالدسم وعند اضافة السائل نجمعها بطريقة الضغط واللم

شبيهة جداً بالتارت وهاد سبب القوام المفتت والهرهرة بالعمول

في حال عجن العجينة رح ناخد عجينة بتشبه قوام المعجنات

أسئلة عن المعمول :::::::::::::::

١- ليش المعمول بتختفي رسمة القالب أو تخف ؟

بسبب استخدام البيكنغ بودر أو الخميرة أو بسبب عدم رص العجينة داخل القالب بشكل جيد وقوي أو بسبب مدة استراحة عجينة المعمول قليلة أي يحتاج لوقت راحة أكبر

أو بسبب دخول المعمول إلى فرن بارد غير ساخن كفاية

٢- ليش المعمول بيكون قاسي بعد أن يبرد ؟

لأن مدة وجوده في الفرن كبيرة كلما زادت فترة وجود المعمول في الفرن كلما أصبح قاسياً بعد أن يبرد

أو يكون المعمول قاسي بسبب زيادة كمية الماء التي أضفناها للعجين كلما زاد الماء زادت قساوة المعمول

أيضاً اذا كانت مدة راحة العجينة قبل التشكيل قليلة يصبح المعمول قاسي

٣- ليش لون الفستق بالمحلات بيكون أخضر قوي؟

لأن المحلات تستخدم ألوان صناعية للفستق

الطريقة الأحسن غسل الفستق ونزع القشرة الرقيقة التي تحيط به وتركه يجف

وقبل استعماله بالحشوة نرطبه بقليل من ماء الزهر أو الماء العادي

٤- ليش حشوة المعمول بعد فترة تصبح قاسية ومعضمة ؟

بسبب استعمال القطر مع الحشوة وعدم وضع قليل من السمنة وعجنها مع التمر

وبسبب عدم ترطيب المكسرات بالماء قبل استعمالها داخل المعمول وبالتالي ستزداد جفافاً بالفرن

و جفافاً أكثر مع مدة حفظ المعمول

٥- ليش المعمول يتفتت لدرجة صعب حفظه والتعامل معه؟

بسبب قلة الماء الداخل أثناء تشكيل العجينة أو بسبب قلة نسبة السمن

ونصيحة استبدال قسم قليل من السمن بالزيت بيعطي تماسك رائع للعجينة

٦- ليش يتفسخ المعمول ويتشقق بعد انتهاء وقت الفرن ؟

بسبب كمية الحشوة تكون كبيرة داخل حبة المعمول

أو عدم استراحة قطع المعمول قبل الدخول للفرن

٧- اذا قالب تشكيل المعمول صعب التعامل معه والعجينة تلتصق به ندهن القليييييييل من الزيت داخله

41 تعليقاً

  1. ما شاء الله تبارك الله شكلهم فخم ع الاخر اشي بفتح النفس ومعلوماتك كتييييير مهمة خصوصآ للمبتدآت وفعلا ابدعتي وتألقتي حبيبتي فداء الله يجزيكي الخير يا عسل 😙😙😙😙😙

  2. ماشاء الله تبارك الرحمن.. يخزي العين من عيني
    الله يسامحك يا فداء عندك كل المعلومات والإبداع والإتقان وتخلي حالك آخر وحدة
    لازم من زماااااان أتحفتينا بقدراتك وكعكاتك ونقشاتهم اللي بيفتحوا النفس
    يسلموا إيديك حبيبتي أبدعتي 👌

    • حبيني ام صبحي والله يادوب خلصتهم مبارح وصورتهم ونزلتلكم اياهم غلى السريع استنيت اولادي يخلصو الامتحانات وبلشت فيهم بس جربيهم وادعيلي امانه

    • هلاء الزبده لحالها للمعمول بالسميد مش كتير بتكون زابطه لازم تخلطيها بسمنه
      تاني شي لازم تكون بحراره الغرفه
      وشكلك انتي مكتره كميه الزبده لدرجه ما تماسك وتفتت
      احكيلي الكميه الي حطتيها من السميد والزبده اشوف كم حطيتي مقادير

  3. ماشاءالله عنك عنجد روعة كعكاتك..طعموني شوي..اناالسنة ماعملت لاني حامل بالشهر الثامن وكتير تعب الكعك الحمدلله صحتين وعافية ربي يباركلك فيهم ويهني حبايبك فيهم

اترك تعليقاً

لن يتم نشر عنوان بريدك الإلكتروني.