img
الرئيسة / أطباق رئيسية / عمل السماقية الغزاوية طعم ورائحه لا تنسى ملكة رمضان

عمل السماقية الغزاوية طعم ورائحه لا تنسى ملكة رمضان

/
/
/
2097 مشاهدات

 

عمل السماقية الغزاوية طعم ورائحه لا تنسى ملكة رمضان

السماقيه الغزاويه طعم ورائحه لا تنسى ملكه رمضان حابه أحكى إنو هالطبخه كتير مشهوره عنا بغزه خصوصنا في الأفراح والأعياد لهيك بنعملها بكميات كبيرة وبنوزع للحبايب والجيران منها يعني أكله سنويه هههههه لهيك بنحطها بصحون بلاستيك منشان إزا حدا أخد صحن قزاز ما بيرجع هههههه فبالبلاستيك أضمن ههههههه عنجد طيبه كتير خصوصي مع المخلالات بتكون دمار طبعا الكل شارك بتصوير الصور معي وأنا كمان هههههه كل ما نحط شغله ولك صوري صورتي لا إستني أصور ههههه بجد يوم حلو وأجواءه كانت مميزه مرت عمو ربي يعطيها الصحه والعافيه هيها إلي طبختها وإحنا المساعدين هههههه وأخ منهم هدول شو بيشتغلو كتير المهم يلا مع طبختنا الزاكيه وإن شاء الله بعطي للوصفه حقها بالكتابة لأنو بدها تكنيك معين وبالنسبه للمقادير مش راح أقدر أحددها

عمل السماقية الغزاوية طعم ورائحه لا تنسى ملكة رمضان

عمل السماقية الغزاوية طعم ورائحه لا تنسى ملكة رمضان , معكم صديقة زاكي الشيف الموهوبة , حابه أحكى إنو هالطبخه كتير مشهوره عنا بغزه خصوصنا في الأفراح والأعياد لهيك بنعملها بكميات كبيرة وبنوزع للحبايب والجيران منها يعني أكله سنويه هههههه لهيك بنحطها بصحون بلاستيك منشان إزا حدا أخد صحن قزاز ما بيرجع هههههه فبالبلاستيك أضمن ههههههه عنجد طيبه كتير خصوصي مع المخلالات بتكون دمار طبعا الكل شارك بتصوير الصور معي وأنا كمان هههههه كل ما نحط شغله ولك صوري صورتي لا إستني أصور ههههه بجد يوم حلو وأجواءه كانت مميزه مرت عمو ربي يعطيها الصحه والعافيه هيها إلي طبختها وإحنا المساعدين هههههه وأخ منهم هدول شو بيشتغلو كتير المهم يلا مع طبختنا الزاكيه وإن شاء الله بعطي للوصفه حقها بالكتابة لأنو بدها تكنيك معين وبالنسبه للمقادير مش راح أقدر أحددها لأنو إنعملت عالبركه وربي يبارك فيكم ياااااا أروع أخوات

المقادير

  • لحمه عجل تقريبا٤ كيلو
  • بصل تقريبا١٠ بصلات كبار
  • سلق تقريبا ٦ كيلو
  • للدقه بدنا:
  • فلفل شطه مجروش تقريبا ٣ ملاعق كبار
  • جراده ناشفه(بذور الشبت) تقريبا ٤ ملاعق كبار
  • ثوم تقريبا رأس وسط
  • زبده وزيت نباتي وسمنه
  • سماق حب تقريبا نص كيلو
  • كركديه تقريبا كبشه إيد
  • ماجي بودره تقريبا ٣ملاعق كبار
  • طحين تقريبا كيلو
  • طحينه حمرا تقريبا نص كيلو
  • زيت زيتون تقريبا نص لتر
  • ملح

الخطوات

بسم الله نبدأ

بنسلق اللحمه ثلاث أرباع سوا

بنغمر السماق بالميه وبنسلقه لما تحسى الحبه دابت بين أصابعك بنطحنه على الخلاط وبنصفيه بمخل الطحين بنضيف الطحين وبنحرك كويس حطيه على جنب

وكمان الكركديه بنغلى ميه وبنحطه فيها

والدقه بندقها بالهون لتنعم

هدول التجهزات إلي قبل الطبخ علشان لازم كل إيشي يطبق ورا بعض

بطنجره كبيرررره وطبعا إستخدمنا الغاز الأرضي

حطينا سمنه وزيت نباتي قلبنا اللحمه المسلوقه ثلاث أرباع سوا لأخدت تشويحه حطينا البصل وحركنا لدبل إشويه ضفنا السلق وما حركناه علشان الميه إلى فيه تنزل وتستوي اللحمه تركناه شي عشر دقايق ضفنا الدقه والماجي وحركناهم كويس غطينا الطنجره وتركنا السلق ليدبل ويستوي الساق تبعه ضفنا مرقه من مرقه اللحمه ومزيج السماق والطحين قبل ما ينضافو لأزم يتحركو لأنو الطحين حيكون بالقاع وحركنا كويس بهاى المرحله ضروري التحريك المستمر وطبعا لا تنسو الزبده لما تبلش تغلي بنضيف عصير الكركديه وبعدها بنضيف الطحينه وبنحرك كويس بعدين زيت الزيتون وتحرررررك جيدااااا تسكب في صحون هيا بتتأكل بارده وطبعا مع الخبز خصوصي لما يكون طازه

أنا حاولت إنو أقرب المقادير بس إزا حدا حابب يجربها بكتبله مقادير على قد طنجرة صغيره إن شاء الله فى ناس بتحط حمص حب إحنا ما بنحبه لهيك لم نضيفه طبعا مسلوق ههههه

بتمنا هالوصفه الحلوه تعجبكم وتجربوها وتدعولي بالخير والعافيه

وصحه وعافيه بحبكم أنا❤

60 تعليقاً

  1. كل عام وانتي بخير اختي والله يعيده عليكم وعلينا بالصحة والهنا والعافية يا رب …..سبحان الله قبل يومين كنت بحكي مع سلفتي وهي اهلها اصلهم من غزة فكنت بدي اسألها عن السماقية كيف بتنعمل وبدك الصراحة اخدنا الحكي ونسيت اسألها وسبحان الله اليوم نزلتي الوصفة وشفت كيف بتنعمل يسعد عينهم اهل غزة

  2. سبحان الله .. أول مرة بشوفها وبعرف عنها .. واستغربتها كتير ..
    وحلو نتعرف على الثقافات والعادات المختلفة
    ربي يجزيك الخير غاليتي
    وصحتين وعوافي على قلوبكم
    وعيدكم مبارك🌹

  3. يالهوووي علي سماقيه وزكاوته يسلام عليكي هي الاكل تبع غزة علي اصوله تسلم ايدك ياعمري والله اشي بفتح النفس وخصوص اني بموت علي أكلت سمقيه مع المخلال اشي روعه ياريت سكنه عندك لكن طلع الي صحن 😅والله انك مبدعه وفنانه في معنه الكلمه وكل عام وانتي وكل حبايبك بالف خير وان شاءالله كل سنه تنعد عليكي بل خير يارب ويعوض عليكي في داريه صالحه يارب 😙😙والله انك مزوكه في كل شي🤗🤗

    • ورود ياااا ورود بصير هيك كل مره تخجليني بكلامك الحلو يا عسل أنتي تسلميلي يااارب وانتي بألف خير وعافيه وربي يسعدك ويبارك بعمرك وربي يسمع منك يااااا عسوووولتي😍😙🌹

    • والله قليل عليكي ياشيف ام مصطفي والك انتي احلي شيف في اكلاتك وبدعك عنجد انك طبخه شاطرة وبعني الكلامه يامبدعه بكفي انك من اهل غزة وكل مااصلي لزم ادعيلك👐🕌 ياعسل يارب من عالي سما يعوض عليكي وتحبلي وتجلي توم والله محبه اخويه انتي واكلتك دخلتي قلبي غير عن كل الي في زاكي هههه والله محبه من الله😙😚😙😚😙

  4. كيفك ام مصطفى …كل عام وانتي بألف خير وإنشاء الله السنه الجايه على ايديك الصبي يارب وتقبل الله الصيام والقيام وجعلك من الفايزين والمقبولين

    • كتير كتير مشتقالك كيف حالك وصحتك إن شاء الله تمام وأنتي بألف خير وعافيه ياااا عمري 😙🌹
      والله الحمد لله بفضل ونعمه من الله يعافيكي يااارب ❤😙

    • تشتاقلك الجنه يارب يشهد ربي ما غبتي عن بالي ««يارب مش رياء »»وضليت ادعيلك يا بنتي وخصيتك بليالي القدر ربي يجبر خاطرك ويعطيكي الصحه والعافيه وإنشاء الكريم يستجيب الدعوه ..الدنيا صغيره الا نلتقي شي يوم وان ما التقينا بضل هدعوات وكلامك الحلو …دمتي بحفظ الرحمن وجعلك ربي حلقة وصل للرحم والحبايب ويحبب ربي خلقو فيكي …

    • يا غاليه شو ما راح أحكى مش راح أقدر أوفيكي حقك إلي رأسي والله ربي يبارك بعمرك وصحتك وعافيتك وإولادك يااارب دمتى بحفظ الرحمن ورعايته أحبكى في الله يا غاليه ❤😙😙🌹

  5. تسلم الابادي رووووعه سمعت فيها بس اول مره بشوفها الله يعطيك العافبه حبيبتي ويكرمك ما شاء الله طالعه رووووعه من تحت دياتكم كل شي بغزه ومن اهل غزه رائع الله يكملها عليكم وعلى الجميع بالامن والامان وهداة البال

  6. يا سلاااااام ما اروعها
    اللهم بارك
    ربي يجعلو بركة 😍
    عنجد اول مرة بعرف فيها وشكلا طيبة كتييييير
    الله يسلم ايديكم ويعطيكم العافية ويجزيكم كل خير ياعمري ويرزقك الذرية الصالحة اللي تسر قلبك وخاطرك😘

  7. ياعيني عليكي يا فلة زاكي منظرا بيشهي نحن عنا السماقية بتختلف بشكل كامل عن سماقيتكن هههههه بس في خطوات نفس الشي ربي يسلم هالديات ياقلبي والله يديم الافراح عليكن وعلينا يارب😚😚

اترك تعليقاً

لن يتم نشر عنوان بريدك الإلكتروني.