img
الرئيسة / دورة حلويات العيد / حاااااان الان موعد كعكاتي ملكة رمضان

حاااااان الان موعد كعكاتي ملكة رمضان

/
/
/
3441 مشاهدات

حاااااان الان موعد كعكاتي ملكة رمضان

حاااااان الان موعد كعكاتي /ملكه رمضان

حاااااان الان موعد كعكاتي ملكة رمضان

حاااااان الان موعد كعكاتي ملكة رمضان , معكم صديقة زاكي الشيف الموهوبة ,

المقادير

  • كيلو سميد الي هو اربع كاسات
  • كوب طحين
  • كوب زبده سايحه وحاميه شوي
  • كوب سمنه نفس الزبده
  • دقه كعك ٣ ملاعق كبار
  • ٣ ملاعق شومر ويانسون مطحونين
  • حليب بودره نص كوب
  • سكر نص كوب
  • معلقه خميره
  • نص معلقه محلب
  • كوب ونص ماء دافي

الخطوات

بسم الله نبدأ

بنجيب السميد وبنضيفله الطحين والحليب والدقه والشومر واليانسون وبضيف عليهم السمنه والزبده ويكونو حاميين بنبلش نبس لحد ما يتشرب

وبنتركو يومين كل اكم ساعه ببسو مشان يتفتح السميد

بعدين لما يخلصو اليومين بجيب نص كوب سكر مطحون وبضيفو عالسميد مع نص معلقه محلب وبجيب نص الموب المي المذكور بالاعلى بحطله خميره وبدوبها وبعجن بباقي الكوب الماء وبريحها نص ثلث ساعه اذا حسيتي بدها مي زودي شوي

معلوووووووومه انا اختياري مني بحب ازود حوالي ثلاث ملاعق سمنه فوق الكوب المذكور

العجوه ضفتلها زبده وقرفه ودقه وعجنتها

الجوز حطيتله قطر سكر مطحون وقرفه

والفستق الحلبي فقط قطر سكر مطحون

24 تعليقاً

  1. احبكم بالله ياحبيبتي اعطيني طريقتك بل كعك حاسهم غير شكل مثل طريقتك بل معجنات ولا اروع من هيك صارلي سنتين معتمدها من ايام شلة الانس انتي معدله وكل شغلك زاكي 😙😙

  2. حبيبتي ام حمزة الله يسعدك تكرمي هسا بكتبها طريقتي جداً بسيطة وان شاالله تزبط معك
    كيلو طحين او 7 كاسات
    كاسة سمنه
    كاسة زبدةاو ممكن زيت ذرة
    كاسة سكر
    كاسة مي او حليب دافية
    ملعقة خميرة تكون ممسوحة مو مليانه
    بهارات الكعك ( شومر ويانسون ومحلب وممكن مستكة وانا بزيد ڤانيلا باودر )
    وممكن تضيفي للتمر حبة البركة وسمسم
    الطريقة

    بتبسي الطحين الطحين بالسمنة والزبدة يكونو دافيين ممكن تتركيهن ساعه وممكن تشتغلي مباشرة فيهن وتضيفي باقي المكونات وتعجني طبعاً اذا بدك لون الكعك فاتح وحلو لاتحطي البهارات مع الطحين وحطيهن بالتمر ماعدا الڤانيلا بتقدري تصيفيها للطحين وياريت تستخدمي طحين الغزال لأنه عن تجربة ولا في بعدو لجميع استخدامات المعجنات والكعك
    وبس تكملي عجن اتركيها نص ساعه ترتاح وبلشي شكليها واخبزيها تحمير بالاول وبعدين من تحت حرارة 250 حتى يتشقر من تحت المعمول
    ملاحظة بتقدري تشيلي كاسة طحين وتحطي بدالها كاسة سميد ناعم بطلع روووعه كمان وصحة وهنا ياريت اذا جربتيها تحكيلي اذا زبطت معك

  3. اولا..يسلموا ايديكي وصحة وعافية منظرهم حلو كتير وكل عام وانتي بالف خير تقبل الله طاعاتكم ..
    ثانيا.. الله يسامحكم جميعا عشمتوني على كعك ام محمد وديلك كم حبة

  4. احبكم بالله يسلمو اديكي ويعطيكي العافيه وصفتك طلعت روعه شو كعكات ولا ازكى من هيك الله يسعدك وشكرا ياعزيزتي الله يحميكي ويحفظك

اترك تعليقاً

لن يتم نشر عنوان بريدك الإلكتروني.