الرئيسة / منوعات / إنتي العيد

إنتي العيد

/
/
/
2133 مشاهدات

إنتي العيد

إنتي العيد

إنتي العيد

إنتي العيد, معكم صديقة زاكي الشيف الموهوبة ,

السلام عليكم ورحمة الله وبركاته
بدي أعايد عاللي قاعدة بالبيت ومش قادرة تطلع لأي ظرف من الظروف..

بدي أعايد عاللي هلكت وهي تعزل وتنضف للعيد وما حدا دخل عليها ولاحدا زارها …

بدي أعايد عالمغتربه الي بتتحسر ونفسها تقضي هاليوم بين أهلها ..

عاللي مستنية تلفون معايدة من حدا عزيز عليها ولسه مارن تلفونها ..

عاللي أخوها ما دخل عليها بالعيد ولا جبر خاطرها بكلمة حلوة ..

بدي أعيد عاللي بتستنى العيدية عشان تسد شوية من ديونها ..

عاللي ولادها ما لبسوا أواعي جديدة لأنه الوضع ما بيسمح ..

عاللي جوزها نكد عليها وطلع يعيد مع صحابه ..

عاللي أمها وأبوها راحوا لرحمة ربنا وبتصير تتذكر أيام العيد بوجودهم وكيف أمك بتضل ترن عليكي تسألك متى جاية ..

العيد بوجودهم اله نكهة خاصة …..لكن مع هيك لاتسمحي لأي شي يسرق عيدك

عالمكتئبة .. .. عالوحيدة .. عالتعبانة .. عاللي الدنيا ماشية معها بالعكس !!

عيدي وانبسطي .. ديري ضهرك للهموم وانسي ..

عيدي غصب عن أنف الظروف ..

افرحي وعاندي هالعالم المحبط .. العيد مش مرتبط بأشخاص ولا بأشياء .. هوا جواكي

انتي العيد .. ضحكة ولادك عيد .. نفسيتك الجبارة عيد ..

العيد مش لحدا .. العيد الك انتي .. انتي أولى فيه

لا تخلي حدا يسرق عيدك .. .

69 تعليقاً

  1. عيدكم مبارك وربي يجعل كل ايامكم سعادة ورضا وراحة بال .
    وجزاكم الله كل خير على كلامكم الطيب وتعليقاتكم الرائعه ومعايداتكم الغاليه.

    وربي يفرج هم كل مهموم وينفس كرب كل مكروب ويشافي كل مريض ويعافي كل مبتلى.

    عيدكم سعيد

  2. ياعمري انت متل ماتعودت عليكي بلسم للجروح
    وكلامك بيرد الروح
    يخليلي إياكي يااروع إنسانة عرفتها بحياتي
    كل كلمة مكتوبة لمست قلبي واحساسي
    لأنها من إنسانة رائعة وحساسة ومذوقة
    💗💗💗💗💗💗

    كل عام وانت بالف الف خير

اترك تعليقاً

لن يتم نشر عنوان بريدك الإلكتروني.