img
الرئيسة / حلويات / طريقة عمل اللزاقيات ملكة الحلويات الحورانية

طريقة عمل اللزاقيات ملكة الحلويات الحورانية

/
/
/
3390 مشاهدات

 

طريقة عمل اللزاقيات ملكة الحلويات الحورانية

لزاقيات ملكة الحلويات الحورانية😉

طريقة عمل اللزاقيات ملكة الحلويات الحورانية

طريقة عمل اللزاقيات ملكة الحلويات الحورانية , معكم صديقة زاكي الشيف الموهوبة ,

المقادير

  • ٢كوب طحين
  • رشة ملح
  • ملعقتين سمسم
  • ماء حسب الحاجة
  • سكر حسب الحاجة
  • جوز الهند حسب الحاجة
  • زيت زيتون حسب الحاجة
  • واي نوع من المكسرات بتحبو
  • ملعقه فانيلا ملعقتين حليب مجفف

الخطوات

السلام عليكم ورحمة الله وبركاته كيفكن حبيباتي حبيت شاركن بوصفه حلو من منطقتي حلو سهل وبسيط وغير مكلف الادمن طلبت حلويات حسب البلد او بلد ثاني بس انا حبيت شارك بحلو من بلدي بس مو مشهور بكل البلد بس بمنطقه حوران لهيك سميتها حلويات حورانيه ان شاء الله تعجبك

الطريقة :

بسم الله : بنخلط الملح والطحين والسمسم والفانيلا والحليب ع الخلاط وبنضيف بالتدريج المي حتى يصير السائل قوامو زي الكريب او اخف شوي

بعدين بمقلا ة حاميه مدهونة بزيت بنضيف بالكبشة وبنفردها بتحريك المقلاة بشكل دائري وثواني حتى تستوي بنقلبها ع الوجه الثاني ولما تستوي بنحطهابصينيه مناسبه بندهن الوجه بملعقه زيت زيتون ورشه سكر وجوز الهند حسب الرغبه وهو سخن فوراً عشان يذوب السكر ونحطهم ع شكل طبقات حتى تخلص الكمية من العجين او بنعملهم مجموعتين عشان نقطع مجموعه مربعات ومجموعة ع شكل طولي يعني بنقطعهم بشكل طولي بس وكل قطعه بنلفها لوحدها

وبتقدميها زي ما بتحبي ان شاء الله يعجبكن ولا تنسوني من دعواتكم صبايا

90 تعليقاً

  1. تسلم ايدك من ازكى وابسط الحلويات عنا بالاردن كمان كثير مشهورة عند البدو والارياف بس الاصل تنعمل عالصاج مثل خبز الشراك وبرشو عليها سكر وسمن بلدي ،،،، وبالطرق الحديثة بنعملها عجينة سائلة وبنخبزها عالتيڤال وبنرش كل رغيف سكر وزيت زيتون وبنحطهن فوف بعض بتلاقيها لتذوب بالثم ذوووب 😋😋😋

  2. حبيت الفكره هدا البان كيك العربي أو كريب العرب
    بس فيه الستات الكبار بالعمر بيعملوها بالطحين الأسمر وعلى الصاج كتير طيبه ومفيده وبدهن سمن بلدي وسكر يالله شو طعمتهاطيبه يسلمو ايديك

    • تسلمي يا قلبي التوفيق للجميع وانا والله كنت بدي نزلها بدون مسابقه لأنو كان عندي الزاكي مو شغال وبدي نزل الوصفة وزبط والحمد لله واجت المسابقه بوقتها ومش غلط ان شاء الله اتوفق☺️☺️

اترك تعليقاً

لن يتم نشر عنوان بريدك الإلكتروني.