img
الرئيسة / حلويات / معمولاتي ملكة الحلويات الشامية

معمولاتي ملكة الحلويات الشامية

/
/
/
4603 مشاهدات

معمولاتي ملكة الحلويات الشامية

معمولاتيييي - ملكة الحلويات الشامية

معمولاتي ملكة الحلويات الشامية

معمولاتي ملكة الحلويات الشامية , معكم صديقة زاكي الشيف الموهوبة , يلا بعرف هلأ لازم تقولولي الحمد لله عالسلامة أو نعيما منيح تذكرتي المعمول ههههه والله حقكن بس قلتلكم انو ماما سافرت قبل العيد بيومين لهيك مافضيت ولا كنت رايقة نزل شي للأسف بس يلا ملحوقة العيد الجاية بيجي وبتجربولي هالمعمولات ههههه بتعرفو شو السنة الماضية نزلتلكم المعمول ووقتها كل اللي داقوه كيفو عليه فهي السنة كل اللي بعرفهم هون عملوه بهالطريقة ههههه جربوووووه ومش هتقدرو تغمضو عينيكم طراوة ولا أروع وطعم بياخد العقل وقد ماطول عندكم بضل ما أحلاه لهيك عنجد حابتكم تجربوه وشو كمانة يا ديموزيل نور
اي انا رح اكتبلكم المقادير هون والطريقة وخطوات الصور بتلاقوهم بملفي مع معمولات السنة الماضية مشان ما ارجع عيدهم نفسهم بس رح اكتب المقادير هون بالكوب

المقادير

  • مقادير المعمول:
  • كيلو طحين
  • نصف كيلو سمنة باردة
  • ثلاث أرباع كوب سكر
  • ثلاث أرباع كوب ماء
  • نصف كوب قطر وسط
  • كيلو عجوة “تمر مطحون”
  • بالنسبة لحشوة جوز الهند منخلط جوز هند مع نسله ليصيرو متماسكين مع بعض شوي

الخطوات

☆بسم الله الرحمن الرحيم☆

المعمول معروف عنا بالدول العربية بس حسيت انو عنا بالشام معتمد على معمول الطحين اكتر

انا بسوريا ما بتذكر معمول السميد كتير بالشام

حتى المخابز ومحلات الحلويات بتبيع معمول الطحين فحكولي شو الوضع عندكن؟؟

وكمان كل وحدة تعترف كم معمولة افترست خلال العيد هههههه

حبيت شارككم بمعمولات هالعيد ولو انو أكل عليهم الدهر وشرب بركي حبيتوهم وحبيتو تجربوهم بالعيد الجاية اذا رب العالمين خلانا طيبين

وبدي اتشكر من كل قلبيييييي ريحانة الغالية على الكعك الأساور الرائع اللي نزلتو وهاد الكعك اللي شايفينو بالصور عملتو على طريقتها وطلع اكتر من رائع ومميز كتير تبارك الرحمن

وأهم شي انو الحجي حبو ههههههه

تسلم ايديكي يا مبدعة وماننحرم من جمال وجودك وجمال وصفاتك♡

وآخر شي أوصيكم بتقوى الله وتجربة هالمعمولات ههههههه

دعولي بالبركة وبكل شي حلو متلكم وكل عام وانتو أحلى وردات مزينين حياة كل اللي حواليكم♡

أصلا عادي

أن تأتي متأخراً خير من أن لا تأتي أبداً

وأصلا عادي إذا قلتو إني بحكي كتير

وأصلا عادي اذا ورجيتونا سنانكن مننبسط يعني هههههه

وأصلا أنا نعست تصبحو على خير ومحبة وهنا وأنا ههههه

187 تعليقاً

  1. ما عندي كلام يوصفك غير اني احكيلك يسلموا ايديكي يا فنانة ومتالقة ومبدعة
    والحمد لله على سلامتك ما على قلبك شر طهور ان شاء الله
    والحمد لله على سلامة الوالدة

    • نيالي فيكي وبباقي الصبايا يا حبوبة😄😘
      الله يكرمك ويفرح قلبك نورتيني بتعليقك الحلو والله
      نزلتلكم وصفة قبل هي قلتلكم اني كنت مرضانة كتير بعد العيد لهيك انقطعت عنكم😘

  2. طريقه المعمول رائعه بس عجبني النقش هو جاب شكل المعمول زي الرسم باين عليه …بالك طويل ماشاء الله عليكي… دمتي بحفظ الرحمن ورعايته وفرجها عليكي فرجا تتعجب منه اهل السموات والارض ….

    • الله يسلمك ويسعدك حبيبتي نورتيني والله وفرحتيني بتعليقك😍😘

      انتي ركزي شوي بالصور بتكتشفي كيف مساوايين
      عاملتهم بالملقط
      تبع جوز الهند بتقرصيه بالملقط عالداير وبتطلعي بطلوع من تحت لفوق
      والشكل الطويل تبع الورقة بتقرصي العجينة من الجوانب وبعدين بالنص بشكل طولي
      والعجوة الصغير بتكوري العجينة بعد ماتحطي فيها العجوة وبتضغطي عليها بايدك شوي لتصير مسطحة وباصبعك الصغير بتعملي حفرة صغيرة بالنص فوق
      محل مالي حاطة الفستق
      وبتقرصي بالملقط من الجوانب بعدين من فوق

      مابعرف اذا هيك وضحتلك الامر شوي😁😁 يارب يكون وضح
      وكمان فوتي على ملفي شوفي الطريقة بتفاصيلها يمكن تستكشفي اكتر😘

  3. صدقا وبدون مجاملة ما قدرت أحصي عدد المرات اللي شفت فيها هالوصفة اليوم وفي كل مرة أعجز عم الكلام من جمال ما رأيت..!!
    تبارك الله أحسن الخالقين

    اللهم بارك لها وبارك عليها وبارك فيها وبعملها وبما آتيتها من فضل ونعمة.. اللهم ارزقها البركة في الرزق والعمر والصحة في الجسد🌹
    اللهم اجزها عني خير الجزاء وأكرمها من أحسن ما أكرمت به عبادك وارزقنا وإياها تقواك وهداك واجمعني بها في جناتك جنات النعيم.. آمين🌹

    • ياعمري انتي😢
      والله أنا اللي عاجزة رد على هالكلام
      دايماً بتخجليني بلطفك وانتقائك للكلمات والدعوات الصادقة اللي بتدخل لقلبي فوراً
      من بعدك أنا يا غالية
      ربي يجزيكي كل خير ويجبر قلبك وخاطرك بكل شي بتتمنيه ويعطيكي أضعاف هالدعوات الحلوة اللي دعيتيلي ياها ويكرمني بشوفتك يا جميلة الروح والأخلاق😘
      أحبك في الله جوهرتي❤

  4. أخواتي الغاليات.. أتمنى منكن أن تذكرن الذكر الذي يمنع العين ..

    وهو قول :
    ( اللهم بارك لها ، أو بارك بها ، أو بارك عليها )

    فإن النبي صلى الله عليه وسلم قال:
    “ما يمنع أحكم إذا رأى من أخيه ما يعجبه في نفسه وماله فليُبَرِّك عليه، فإن العين حق”.

    معنى (فليُبَرِّك عليه): أي: يدعو له بالبركة..

    وقال صلى الله عليه وسلم:
    “إذا رأى أحدكم من نفسه أو ماله أو أخيه ما يعجبه فليدعُ له بالبركة، فإن العين حق”.

    وجزاكن الله خيرا 🌹

    ((فالله خير حافظا وهو أرحم الراحمين))

    • هو في حدا بهالوقت هاد بلاقي صديق وأخ يخاف عليه بهالشكل ؟؟
      انتي نعمة هداني ياها رب العالمين بفضلو وكرمو
      ربي يباركلي فيكي وبك وعليك يا قمرة قلبي❤😘

    • الله يسلمك ياقلبي 😍
      لأني منزلتهم قبل بالتفصيل الممل

      براس الوصفة فوق مكتوب اسمي
      محل مو مكتوب
      الكاتب نور أحمد
      ضغطي عليها بتلاقي حالك صرتي بملفي😄
      نزلي بالملف لتلاقي وصفة غريبة ومعمول لحبايب قلبي ورح تشوفي الطريقة بالصور مفصلة 😘
      وتعالي طمنيني اذا مشي الحال😀

  5. ما شاءالله عنك شي بجنن ان شاء الله بدي اجربه بس لو تتكرمي تردي على سؤالي بنحط قطر وكمان سكر ومي كلو مع بعضو. وكيف بدي افوت على ملفك

    • تسلميلي ياقلبي الله يسعدك منورتيني 😀
      برلس الوصفة فوق مكتوب اسمي
      محل مو مكتوب
      الكاتب نور أحمد
      ضغطي عليها بتلاقي حالك صرتي بملفي😄
      نزلي بالملف لتلاقي وصفة غريبة ومعمول لحبايب قلبي ورح تشوفي الطريقة بالصور مفصلة 😘
      وتعالي طمنيني اذا مشي الحال😀

  6. ياعيني عليكي يانوارتنا الله يسلم ايديكي ياعمري منظرن بيشهي 😘
    الله يسامحك زتيلك كم قطعة ندوق ولابس انتي تاكلي ههههه😉

    الله يسلم ايديكي ياعمري والله يعطيكي الف عافية ماشاءالله لونن بيشهي ومنظرن بيشهي اكتر وبيفتح النفس وانا هلق نفسي فتحت شوااعمل بحالي اه قليلي😀😀😁

  7. يا مساء الورد للورد كله 🌹🌹🌹
    كيفك حبيبتي ان شاء الله بخير
    اشتقتلك كثييير 😍😍
    اول شي ألف ألف مبارك الفوز بالمسابقة يا عمري بتصدقي اني كنت متوقعة يكون الفوز حليفك والله لأنك مميزة و بتستاهلي كل خير يا قلبي ♥️♥️
    تاني شي تبارك الله على هالمعمولات اللي بيجننوا و يسلم ايديكي يا عمري و يعطيكي الصحة و العافية يا رب انا حاطيتها بالمفضلة عندي من العام الماضي و عملتها كمان عالعيد وكانوا بيشهوا و روعة و كنت حابة أعملهم على العيد اللي فات بس ما صحلي علمك رمضان و عزايم و امتحانات و توجيهي فإن شاء الله بدي أعملهم على عيد الأضحى ان الله راد بس حشوة الجوز هند جديدة علي رح اجربها. 👍
    صحيح البرياني طلع رووعه عملته برمضان و من الصيام نسيت احطله ملح ههههه ولا كمان يومها اجوا ضيوف على غفلة ههههه تصوري كيف كان المنظر و نحنا عم نوكله 😂😂
    بس بعدين رجعت زبطت ملوحته و مشي الحال 😂😁😁😂 و رجعت عملته بعد رمضان فكان رهييييب المرة هاي ما نسيت الملح. 😁😁👍
    يسلمهن يا عمري و ربي يباركلك و يعطيكي العافية يا رب 😘😘😘 و دمتي بحفظ الرحمن 💖💖🌹

    • الله يبارك فيكي ويسعدك ومايحرمني منك يا اميييييرة انتي😀😍😍
      سدقي انا ماتخيلت اني فوز بال 3 وصفات😂😂
      عنجد شكرا كتير على حسن ظنك فيني وعلى كلامك الحلو 😘
      والله مابتتخيلي فرحتي انا وعم اقرأ تعليقاتك وانك جربتي المعمول والبرياني
      فاجئتيني كتير بصراحة وانبسطت كتير انهم عجبوكي هاد اهم شي
      ان شاء الله الف صحة وهنا ياقلبي وهي احلى هدية بالنسبة الي
      لو مو انتي مبدعة ماكانو طلعو طيبين
      ومشان الملح عادي بتصير معنا كلنا ههههه😅
      ممنونتك من كل قلبي على محبتك ودعمك وثقتك يا غالية❤
      كيف نتائج التوجيهي عندك😀

    • الله يسعدك و ما يحرمني منك يا عمري 😘😘😘❤️
      والله لسه ليث عم بقدم امتحانات التوجيهي و النتائج بطلعوا الشهر الجاي ان شاء الله على خير تسلميلي حبيبة قلبي 💖💋

    • آمين يا رب 🤲🏻 ربي يسعدك و يخليلك حبايبك و يخليلي اياكي يا قلبي 😘😘💋
      و يحققلك اللي بتتمنيه و يرزقك الذرية الصالحة اللي تسر قلبك و خاطرك يا رب 🤲🏻 😘😍😍♥️

  8. نوووووووووووور ايش هذا الجمااااااااااااال 🤤🤤🤤🤤🤤🤤 بدي منووووو 😭😭😭😭😭😭 حبيبتي ربي يسلم دياااااتك يا عسل 😍😍😍 ان شاء الله راح أعملهم

  9. شو بدي احكي لاحكي الكلام يعجز عن وصف إبداعك شهيتينا
    وفرحتينا بالهوصفه وان شاء الله العيد الجاي اجربها
    ويعطيكي العافيه يارب على الإبداع والترتيب والفخامه والله انك مزوئه 😘

    • الله يسلمك ياقلبي ويسعدك نورتيني😄
      طلعي لأول الوصفة فوق محل مو مكتوب (الكاتب نور أحمد)
      ضغطي عليها رح تلاقي حالك صرتي بملفي
      فوتي عالوصفات ونزلي لتحت لتلاقي وصفة اسمها
      معمول وغريبة لحبايب قلبي
      رح تلاقي طريقة المعمول بالتفصيل والصور😘
      وطمنيني 😄

  10. الله يسلمك ياقلبي ويسعدك نورتيني😄
    طلعي لأول الوصفة فوق محل مو مكتوب (الكاتب نور أحمد)
    ضغطي عليها رح تلاقي حالك صرتي بملفي
    فوتي عالوصفات ونزلي لتحت لتلاقي وصفة اسمها
    معمول وغريبة لحبايب قلبي
    رح تلاقي طريقة المعمول بالتفصيل والصور😘
    وطمنيني 😄

اترك تعليقاً

لن يتم نشر عنوان بريدك الإلكتروني.