img
الرئيسة / سلطات و مقبلات / بودرة مرقة الخضار الفورية

بودرة مرقة الخضار الفورية

/
/
/
2309 مشاهدات

 

بودرة مرقة الخضار الفورية

بودرة مرقة الخضار الفورية

بودرة مرقة الخضار الفورية

بودرة مرقة الخضار الفورية, معكم صديقة زاكي الشيف الموهوبة , 

المقادير

  • 2 جزر كبير
  • 2 كوسا كبير
  • بصلة كبيرة
  • راس ثوم كامل
  • 1 يندورة وسط
  • 1 بطاطا وسط
  • 1 فلفل أخضر
  • حزمة كرفس
  • نصف حزمة بقدونس
  • نصف حزمة كزبرة
  • 5 ورق غار
  • 5 حبات هيل
  • م.ك نشا
  • نصف كوب ملح
  • م.ك سكر

الخطوات

السلام عليكم ورحمة الله وبركاته

استكمالا لوصفات بودرة المرقة الفورية ، عملتها عدجاج من قبل واليوم حبيت اعملها على خضار نكهه غير ومفيدة للنباتيين ، وبتتميز انها مافيها توابل الا الهيل بس هيه مجموعة من الخضار .

أولاً/ فرم الخضار

بنفرم كل الانواع الموجودة بالمقادير سوا فرمة ناعمة ، اذا الكبّة عندك صغيرة افرميهم على دفعتين لانه كميتهم منيحة كبيرة شوي.

ثانياً/ التخلص من الماء الزائد

بعد الفرم الناعم بنضيف نصف كوب ملح وملعقة سكر للخلطة وبنقلبها كويس وبنتركها بمصفى ربع ساعة رح تنزل منها مي كثيرة .

ثالثاً/ التجفيف بالفرن

بنعصّر الخضرة بايدنا مزبوط وبنفردها بصينية فرن طبقة رقيقة وبندخلها الفرن المدفى على 150 حرارة هاااادية جدا يعني دافي مش سخن الفرن .

—لمدة ساعة وبنطلعها بنقلبها وبنرجعها كمان ساعة تتجفف تمااماً.

رابعاً/ الطحن

بعد تجفيف الفرن بنتركها تبرد قبل الطحن وبنطحنها ناعم جدا وبالآخر بنضيف ملعقة نشا وبنقلبها وبنحتفظ فيها بمرتبان محكم برا الثلاجة عادي ما بتخرب.

خامساً/ الإستخدام

تستخدم تابل مثل باقي التوابل وخاصة للطبخات الفقيرة بالخضار بتعطي نكهه جديدة ولذيذة جدا.

والف صحة وهنا

98 تعليقاً

  1. ما شاء الله عليكي حبيبتي كل أفكارك رااائعه أللهم بارك 😍
    سبحان الله لسه بقول بعقلي بركن اليوم تنزل وصفه لأم جاسم نوووور زااااكي كله يا عمري👍😙

  2. بسم الله ماشاءالله حولك عين الله تحرسك على هالابداع ياقلبي فعلا فكرة حلوة ومفيدة الله يسلم ايديكي واتمي تبدعي اكتر واكتر😘😘

  3. ماشاءالله تبارك الله
    الله يعطيكي العافية
    ولا أروع من هذا الشغل النظيف والمهم
    وصفة جميلة جداً خلي الناس يتركو شغل المصانع الضارة من الماجي وغيره
    جزاك الله خير .

  4. يختي ياام جاسم عشانا بنحبك
    لو شو مااعملتي رح نكون مبسوطين منك
    سبحان الله طول الليل وانا بفكر كيف اخنرع ماجي بدون بروتين حيواني
    ههههه ويلا انتي باعته الطريقه اليوم
    الله يحفظك يازاكي الزاكي
    اللهم بارك بيجنن شغلك
    برضو بعيد ياريتني كنت حماتك انتي وام محمد 😁😁😁😁اكلكوا مابتفوت ابدا

  5. ماشاء الله يا ام جاسم رائعة بمعنى الكلمة ….جربت طريقتك هريسه مصريه طلعت زاكيه حسيتها تشبه كنافه الناعمه مع اختلاف بسيط انشالله اافهمتي علي والله زاكيه تسلمي …ام محمد الغاليه جربت طريقتك هريسه بلقشطه بس على تعديل بسيط ««ما بحب البيض ابدا في الحلو بكره ريحتو »»طلعت زاكيه مع اضافة قشطه وحليب زياده وزبطت شكرا كتييييير الكم ابدعتو معنا وانا تعدلت وصار على سفرتي اطباق جديده ونكهات رائعه …طولت عليكم دمتي بحفظ الرحمن ورعايته

  6. 👏👏👏👏👏والله حتى الكلام قليل بحقج انتي مبدعه وفنانه بالطبخ ياربي يخليج ونستفاد من معلوماتج وطبخاتج الحلوه يا حلوه😘

  7. يا سلااام عليكي يا شيفتنا المتميزه
    شغل روووعه ووصفه اروع
    يسلموو أديكي ويعطيكي العافيه

    ام البنات الله يسلمك ويسعدك ..واسعدتيني بانك رديتي خبر وعجبتك الهريسه صحه وعافيه وهنا يا رب عالقلوبكم ..بتشكرك عالثقتك

  8. الله الله يا ام جاسم زمان عن وصفاتك يا الله بحب ادخل ع زاكي و أدور ع وصفاتك وبنبسط بس اشوف اسمك ع وصفة الله يعطيكي العافية والصحة وضلي تبدعي كمان و كمان

  9. ماشاء الله تبارك الرحمن شكلهم بشهي وشغل متقن ومرتب ياقلبي متل العادة
    ربي يسلم هالايدين ويعطيكي الف عافية ويجزيكي الخير عالوصفة الحلوة😄😙
    وعفكرة خطك حلو اللهم بارك هههه😁

  10. ما شاء الله تبارك الرحمن عليكي يا ام جاسم والله تستاهلي كل اوسمة زاكي وتستاهلي لقب ملكة زاكي بكل جدارة عنجد يسلم اديكي يا حبي يا عسولة 😙😙😙😙😙😙😙😙

اترك تعليقاً

لن يتم نشر عنوان بريدك الإلكتروني.