img
الرئيسة / حلويات / طريقة عمل الفشار بالكراميل ملكة الحلويات الشامية

طريقة عمل الفشار بالكراميل ملكة الحلويات الشامية

/
/
/
2571 مشاهدات

 

طريقة عمل الفشار بالكراميل ملكة الحلويات الشامية

فوشار بالكراميل ملكة الحلويات الشاميه

طريقة عمل الفشار بالكراميل ملكة الحلويات الشامية

طريقة عمل الفشار بالكراميل ملكة الحلويات الشامية , معكم صديقة زاكي الشيف الموهوبة ,

المقادير

  • ١ كوب بوشار حب
  • ملح
  • زيت نباتي
  • للكراميل:
  • ١ كوب سكر
  • ربع كوب ماء
  • ربع م ص بيكنج بودر
  • رشه ملح ليمون باطراف الاصابع
  • لدهن الصينيه:
  • زيت نباتي

الخطوات

كيفكم ياقمرات يا حلوات يا امورات يا عسولات هههههه خلص بكفيكو

عملت بوشار بالكراميل نزولا عند رغبه ادووم ابني

مع اني كنت خايفه من الكراميل انو يلصق بالاسنان ويطلع كل اسناني من مكانهم هههههههههههه بس الحمدلله وصفات ام احمد مافي عنها بديل وفعلا ما تلصق بالاسنان ابدا ابدا وتذوب ذوب بالتم

هالوصفه تطبيق لوصفه الغاليه ام احمد حبيبه قلبي والمرجع الخاص لالي …..وحبيت اكتب التفاصيل والمقادير حتى تنور وصفاتي

اول شي نعمل البوشار مثل ما انتو عارفين عادي

بنحطو بصينيه ونتركو يبرد ….

ندهن صينيه ثانيه زيت نباتي ع الخفيف

بعدين نعمل الكراميل

نضع كوب السكر مع ربع كوب الماء مع رشه ملح ليمون ونحطهم ع نار هاديه ( يعني عين الغاز لتحت)

وممنوع نحرك الكراميل طبعا منعا باتا

نتركو يغلى براحتو وبس يتحول للون الذهبي الخفيف

ضيفي ربع م ص بيكنج بودر وحركي بسرعه سريعه حتى يذوب

وع السريع حطي البوشار فوقهم وحركي بخفه بس بسرعه حتى ما تتكسر الحبات

ونضعهم بالصينيه المدهونه …..هووووووووون عاد ديري بالك تنحرقي بالكراميل مثلي هئ هئ هئ اكلت هوا الله وكيلكم

نتركها تبرد شي ربع ساعه ونفكفك الحبات عن بعض

وتقدم بالف هنا وصحه ….

76 تعليقاً

  1. الف الف سلامة عليكي تسووووتي ضروري تمدي ايدك تذوقي خلي يبرد شوي غير تحرقي صوابيعك هههههههههههه
    يسلم اديكي حبي ويسلم ادين ام احمد القلب الف صحة وهنا وانا عملتها بنفس طريقتك وعنجد رووووووعة بنصحكم جربوها وخصوصآ بالشتا بجنن يسلمو يسلمو يا حب 😍😍😙😙😙😙😙

    • يسعد مساكي ام حسن 🤗🤗شكلك اليوم كنتي ناوية تعلقي معي من كل قلبك 🤣🤣🤣🤣يا حبيبتي اليوم بعد ما كتبتلك تعليق ….ما بشوف الا القداحة (الولاعة)بتوقع من مكانها وبتنفجر والله وكيلك نطيت من محلي وصوتي عبى الحارة وطلعو على صوتي زوجي وبناتي بيرجفو وانا برجف من الخوف وبتطلع على رجلي لقيت حالي مجروحة جرح صغير من القداحة …….شكلك دعيتي علي والله ما بينمزح معكم 🤣🤣🤣🤣🤣🤣🤣💖💖💖💖بتخوفو كتير 😘😘😘😘😘

    • 😂😂😂😂😂😂😂😂😂😂
      لاااااا انا طيوبة وما بعلق مع حدا مسالمة بس تسوو ونور همة خلوني اضطر لهيك شي ولا انا مسالمة 🤣🤣🤣🤣🤣🤣
      الف سلامة عليكي حبي ما عليكي شر يا رب 🤗🤗😍😍😍😙😙😙😙

    • حبيبتي يسعد قلبك والله وانا بعرف انك بتمزحي يا عمري عادي ولو كلنا بنحب المزح هههههههههههه

      ام شو بحكولك شيف عرفيني عليكي اكتر وين ساكنة من وين حضرتك كم عندك اطافيل

      انا ام حسن اردنية سلطية سكان مادبا عندي ٣ اولاد وبنتين عمري ٢٩ سنة وست شهور هههههههههه يعني لسا ما فتت الثلاثين 😋😋😋🤣🤣🤣🤣🤣🤣🤣

    • 😭😭😭😭😭 لا ولك لا ههههههههههههه وقع منو ع الطاولة وانا بحطهم بالصينيه وعلمك من الهبل مديت ايدي اطولهم 😱😱😱😱 ولصق كراميل عند اصبعي مع الاظفر 😭😭😭😭😭😭😭😭😭😭

      ههههههه ربي يسعدك ويبارك فيك حبوشي بالف هنا وصحه يامعدلة 😘😘

    • وأنا أم لمى فلسطينية من سكان مدينة رام الله وعندي أربع بنات لكن الأصل خليلية من مدينة الخليل وأهلي سكان مدينة الخليل وعشت وعمري ٢٩ سنة و٧ شهور ولسة ما تأهلت للتلاتين …..🤩🤩😘😘😘😘😘🤣🤣🤣🤣🤣

  2. يالله شو بحب البوشار المكرمل.. وقديش كنت أشتريه بالزمانات من المدرسة.. بس هلأ وصفت متأخرة سنين لأنه بخاف على سناني 🙊
    يسلموا إيديك يا عسل إن شاء الله كل أيامك عسل

  3. يسلم ايديكي شكله روعة انا دايما بعمله بهاي الطريقة بتطلع زاكية كتير وطيبة يعطيكي الف عافية يا رب وصحتين وعافية 👍👍👍👍👍👍

  4. ريتو عوافي يا ئلبي ورح جربها بإذن الله عن قريب وانتي ديري بالك على حالك مرة تانية والف سلامة عليكي ما تشوفي شر ان شاء الله عدوينك ياااااا رب ♥️♥️♥️

  5. يسلمو اديكي ام آدم شو مبتعملي كلو بيطلع معك طيب ومرتب الف صحه وهناا وكثيير فرحت انها عجبتك وبنصح الكل يجربها لانها عنجد بتستحق التجربه 😘😘

    انا ام احمد حبيبتي ام قصي 😀

  6. ياعيني عالبوشار من تحت دياتك ياام آدم الله يحفظلك ادم واخوتو يارب والف صحةوهنا عقلبك 😘😘

    والله يسلم ايديكي حبيبتي الغالية ام احمد طمنينا عنك ياقلبي 😘😘

  7. ماشاءالله تحفة واكيد على المفضلة بيطلبوها اطفالي ان شاءالله بعملها…عاشت ايدج حبي وايد ام احمد الرائعة…ابدعتو ماشاءالله👍🌺😘

اترك تعليقاً

لن يتم نشر عنوان بريدك الإلكتروني.