الرئيسة / منوعات / صلصال للاطفال او معجونه او ملتينه

صلصال للاطفال او معجونه او ملتينه

/
/
/
4485 مشاهدات

 

صلصال للاطفال او معجونه او ملتينه

صلصال للاطفال او معجونه او ملتينه

صلصال للاطفال او معجونه او ملتينه

صلصال للاطفال او معجونه او ملتينه , معكم صديقة زاكي الشيف الموهوبة ,

المقادير

  • ١ كوب طحين
  • ١ كوب ماء
  • ١ م ص ملح
  • ١ م ص ملح ليمون
  • ٢ م ك زيت نباتي

الخطوات

مسا الخيرات يا امورات …بما انو العطلة الصيفية طلت علينا وبما انو اطفالنا الحلوين الهادين قاعدين عنا بالبيوت بكل طاقاتهم

حبيت اني فرغ هالطاقه لو ساعتين باليوم خير وبركه

(((الكميه يلي بالصورة مضاعفه ثلاث مرات ))))

الوصفه هاي اخدتها من هون من تطبيق زاكي من ثلاث سنين بس للاسف انا عاملة لقطه شاشه بدون اسم الصبيه …بدي اتشكرها من قلبي وادعيلها بالخير لانها فعلا وصفه روووعه وهي اكيد بس تشوف الصورة رح تعرف حالها وبتمنى تعرفني عنها لحتى اتشكرها من قلبي

ملاحظة من الأدمن هي الوصفة اللي بتحكي عنها أم آدم

اول شي نخلط جميع المكونات بطنجرة عميقه ..ثم نضعها ع الغاز مع التحريك المستمر لحتى تنشف المكونات وتصير عنا عجينه طريه

ثم نقسمها ونضع الالوان بكل صحن ٣ او اربع نقاط ونعجن (( انتبهووو لانها. جدا ساخنه )) وبنضل نخلط لحتى يصبح عنا اللون يلي بدنا اياه

وبس تبرد وتبوخ نضعها باكياس نايلون ونغلق الكيس عليها …ولا تنسو تحطوها بالثلاجه حفاظا عليها لاطول مده ممكنه من العفن وانها تنشف

رح فرجيكم ابداعات اطفالي فيهم ..وطبعا كمان كل سنه بالمدرسه كمان ببعت مع اطفالي هالمعجونه ليلعبو فيهم ويستمتعو مع اصحابهم

واتاكدي انو صحه ابنك اهم …وبهي الطريقه انتي ما بتعرضي لاي اضرار سواء من معجون ذو رائحة كريهه او سلايم والقصص يلي بتدور حولهم

لعبا ممتعا لاطفالكم واطفالي

72 تعليقاً

  1. يسلم ايديكي وايدن الصيبه يمكن ام كناان هي مرة نزلت ووصفه المعجونه
    مبين بتجنن انا مرة جبت الوصفه لسميرة الكيلاني ع تلفزيون رؤيا بس طلعت بتلزق ما زبطت
    جاري التجربه …..كمان مرة يسلم ايديكي
    ويخليلك ولادك ع هالابداعات ما شاء الله ع امهم طالعين 😘😘

  2. يسلمو ايديكي ام آدم وصفة ولا اروع وانا كمان عملتها بنفس المقادير هاي وطلعت روعة عملت كمية كبيرة لإبني وماكان عندي الوان،، لونتهم قسم بكاكاو وقسم بكركم وقسم بمنقوع الكركديه وقسم تركتو ابيض ،،وصفة رائعة جداً بتمنى الكل يجربها وخصوصا مع عطلة الصيف الاطفال بصيبهم ملل ، جزاكي الله خير ام ادم 😘

  3. مش مصدقه عنج يسلم ايديكي انك نزلتيها من زمان بدور ع طريقتها لانوا عنجد الجاهزه مو ملحقه تنظيف وراها
    بس بدي اسال الألوان ناشفه ولا حاطه شوية ماء عليها

  4. بسم الله ما شاء الله عليكي حبيبتي ربي يعطيكي العافيه ويبارك بعمرك وصحتك ويحفظلك إولادك من كل شر وأنا كمان بحب ألعب فيها هههههه مو بس للصغار كل إيشي 😁
    إسم براءه كتيررر بجنن على وزن إسمي تقريبا😄😍😙

  5. الله يسلمك ايديكي ياعمري
    مرة شفتا بزاكي وماعدت عرفت وينها وهي انتي بعتيلنا ياها الله يعطيكي الف عافية حبيبتي 😘😘😄

  6. تسلم الايادي حبيبتي الله يخليلك اياهم اولادك يا رب ويهديهم و يهدي كل الاطفال بتحنن طالعه معك الله يقويك يا رب بنتي بتعملها على طول بس تعرف اولاد اختها جايين وفعلا بتلهيهم شوي وبنبسطوا فيها

اترك تعليقاً

لن يتم نشر عنوان بريدك الإلكتروني.