img
الرئيسة / حلويات / عمل بوظة عربية باسهل طريقة ومواد موجودة بكل بيت

عمل بوظة عربية باسهل طريقة ومواد موجودة بكل بيت

/
/
/
6357 مشاهدات

عمل بوظة عربية باسهل طريقة ومواد موجودة بكل بيت

بوظة عربية باسهل طريقة ومواد موجودة بكل بيت

عمل بوظة عربية باسهل طريقة ومواد موجودة بكل بيت

عمل بوظة عربية باسهل طريقة ومواد موجودة بكل بيت , معكم صديقة زاكي الشيف الموهوبة ,

المقادير

  • تلات كاسات حليب يكون دسم كامل
  • معلقة ونص كبيرة نشا
  • تلات ارباع كاسة سكر
  • معلقتين كبار ماء زهر
  • فستق حلبي
  • معلقتين كبار حليب بودرة
  • اذا بدك ياها بالكاكاو ضيفو معلقتين كبار او اي نكهة بتحبو

الخطوات

يسعدلي كل اوقاتكن بماانو اجا الصيف لازم يكون في بوظة تبرد قلبنا

في كتير طرق للبوظة العربية بس اغلبا بدا قشطة ومية شغلة هالطريقة كتير سهلة والمواد كلن موجودين بالبيت ويلا عالمطبخ نشوف الطريقة

بسم الله الرحمن الرحيم

حطيت كل من الحليب والنشا والسكر والحليب البودرة بطنجرة وحطيتن عالغاز من التحريك المستمر بس بلشو يغلو ضفتلن الماء زهر او اي نكهة بتحبوا وتركتن دقيقة وطفيت هون شكلا متل المهلبية عادي جبت علبة بوظة قديمة عندي و فضيت البوظة بقلبا تركتا عشر دقايق لبردت شوي ودخلتا الفريزة

هلق لهون كلشي تمام وسهل هون بقا وقت تصير بوظة غير شكل السر بالتجميد كل ساعتين اطالعا واحركا لحتى مايدخل لقلبا بلورات تلج وتصير كأنو عم تاكلو تلج مو بوظة كل ساعتين اطالعا واحركا وارجع دخلا الفريزة وقت شفتا بلشت تمسك ضفت الفستق او بدكن شوكلا هيرشي شو انتو بتحبو حطو اي وقت بلشت تمسك اكتر حطيتا بنايلو ولفيتا رول بتحبو تركوا بنفس العلبة تركتا لحتا جمدت منيحطالعتا قبل التقديم بخمس دقايق لتفك شوي قطعت رول وحطيتن بصحن التقديم وهي كانت وصفتي لليوم

قلولي في اسهل من هيك والطعم عنجد روووووعة بس انتبهو بطريقة التجميد تكون صح متل مو كاتبة فوق

بتمنا من كل قلبي تعجبكن وتجربوا

وبالف هنا وعافية على قلبكن

78 تعليقاً

  1. الله الله الله الله على الفستق الحلبي والمستكة والحليب لما يتجمعو بيعملو احلى خليط وخصوصا من تحت ايدين الحلوين 😍😍😍😍😘😘😘👏👏👏👏👏🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🤩🤩🤩🤩🤩

  2. إله الله يعطيكي العافيه
    ما شاء الله رائعه جدا
    أمس جربتها
    جدا رائعه طعمها مثل البوظه العربيه
    وضليت احركها كل ساعتين
    واخر اشي حطيت شوكولا مبروشه وفستق

    وشكرا كثير على هذه الوصفة
    حتى أولادي فرحوا كثير بطعمها. 💐😙

  3. بسلمو اديك زاكية كتير،بس بنحط معها مستكة ،وبودرة السحلب ملعقة صغير عشان تعطي المطة تاعت البوظة العربية والنكهة ، جربيها مع اامستكة والسحلب كتييييييير بفرق الطعم ،ما رح تندمي

    • الله يسلمك ياقلبي
      اي صح هي اساسا بالمستكة والسحلب بس انا ماكانو موجودين عندي وصدقآ جربي هالطريقة مابتفرقيا ابدن عن الجاهزة طعمت ماء زهر طغت عالكل😀😙

اترك تعليقاً

لن يتم نشر عنوان بريدك الإلكتروني.