img
الرئيسة / معجنات / صفيحة يافاوية

صفيحة يافاوية

/
/
/
2469 مشاهدات

 

صفيحة يافاوية

صفيحة يافاوية

صفيحة يافاوية

صفيحة يافاوية, معكم صديقة زاكي الشيف الموهوبة ,

المقادير

  • مقادير العجينة :
  • ٢ م ص خميرة
  • ١ كوب ماء دافئ
  • ١ كوب لبن زبادي بحرارة الغرفة
  • أو كوب حليب دافئ
  • ٢ م ص سكر
  • ١ م ك خل
  • بيضة (إختياري)
  • نصف كوب زيت
  • ١ م ص ملح
  • ١ م ص بيكنج باودر
  • ٥ أكواب طحين
  • للحشوة :
  • لحمة مفرومة ناعمة معصجة جاهزة وبحرارة الغرفة
  • لدهن الصفيحة:
  • زيت زيتون

الخطوات

– لعمل العجينة :

في وعاء؛ نضع الخميرة والماء الدافئ وكوب اللبن (بحرارة الغرفة) (أو كوب حليب دافئ) والسكر والخل والبيضة (إختياري) و٢ كوب طحين ونخفقهم مع بعض جيدا ونغطيهم ونتركهم حتى يتخمروا ، بعد ما يتخمروا: نضيف الزيت والملح والبيكنج باودر و٣ أكواب طحين نضيفهم تدريجيا ونعجنهم جيدا ونغطيهم ونتركهم يتخمروا مرة تانية.

– نأخذ قطعة من العجين ونمدها بشكل مستطيل نوعا ما ونرقها باليد باستخدام الزيت حتى تصبح شفافة.

– نضع كمية مناسبة من اللحمة المفرومة على طرف العجينة ، ونلف العجينة على شكل رول ، ثم نلفها على شكل حلزون.

– نضع حبات الصفيحة على صينية مدهونة بالزيت ، ونخبزها على حرارة (٢٠٠) لدة ربع ساعة أو حتى تحمر العجينة من الأسفل ثم نحمرها من الأعلى.

– عند إخراجها من الفرن ندهن الوجه بزيت الزيتون حتى تعطيها لمعة وطراوة وطعم.

♡وصحتين وعافية♡

88 تعليقاً

  1. بسم الله ما شاء الله تبارك الرحمن المنظر لا يقاوم ما الي دخل بدي منها لو حبة 😭😭

    طبعآ كالعادة معوديتنا ريحانتنا الجميلة ع التجديد بكل شي يسلمووو دياتك يا عمري وربي يخليلنا اياكي لأنك جووووهرة ثمينة ♥️♥️♥️

  2. يا عيني انا بحبك من اول وبس اعرفت انك من يافا حبيتك بزياده لاني انا كمان من يافا
    وبنسبه الاكل ما في اي تعليق بيوفي حقك لانوا جمال وابداع وزكاوه شو في احسن من هيك
    يسلم دياتك ويعطيكي الف عافية ما شاء

    • أحبكِ الله الذي أحببتني فيه🌹
      وجزاكِ خير الجزاء على كلامك الطيب
      ربي يحفظك ويحفظ يافا وأهلها وجميع بلاد المسلمين💕
      وأنا من حيفا عزيزتي😊

  3. بسم الله ما شاء الله عليكي حبيبتي ربي يعطيكي العافيه والصحه منظر لا يقاوم أبدعتي يا حب وألف صحه وعافيه يااارب على قلوبكم ووووبحبك أنااا❤🌷😙

  4. ماشاء الله لاقوة إلا بالله
    اللهم بارك لها اللهم بارك لها😍
    الك شيء خاص بكل وصفاتك مو ممكن يلتقى بغير وصفات سبحان الله
    مميزين بشكل رائع اللهم بارك😍
    مبدعة وشغلك بشهي ياقلبي عنجد بيفتحو النفس وقمة الاتقان ماشاء الله😘
    ربي يباركلك ويعطيكي الف عافية ومايحرمنا منك😄

  5. ياعيني عليكي يامعدلة ماشاءالله عنك طالعين بيشهو من تحت دياتك 👏👌
    الله يسلم هالايدين ويعطيكي الف عافية يااميرة😀😘

    بالف صحةوعافية 😘
    عزميني لعندك ماباكل كتير بس هالصحن😅😉😄

اترك تعليقاً

لن يتم نشر عنوان بريدك الإلكتروني.