الرئيسة / حلويات / كرابيج حلب بدون بيض سهله وناجحه

كرابيج حلب بدون بيض سهله وناجحه

/
/
/
1933 مشاهدات

 

كرابيج حلب بدون بيض سهله وناجحه

كرابيج حلب سهله وناجحه👍😘

كرابيج حلب بدون بيض سهله وناجحه

كرابيج حلب بدون بيض سهله وناجحه , معكم صديقة زاكي الشيف الموهوبة ,

المقادير

  • كاستين سميد
  • نصف كاسه طحين
  • كاسه ونصف حليب سائل دافئ
  • معلقه كبيره سكر
  • معلقه صغيره خميره

الخطوات

(بسم الله الرحمن الرحيم)

السلام عليكم ورحمة الله وبركاته كيف حالكم جميعا

يلا نبلش،،،،هاي طريقة الكرابيج حلب سهله وبسيطه وكتير زاكيه ومضمونه ان شاء الله

اول اشي منحط النواشف كلها وبعدها منبلش ندير الحليب شوي شوي وممكن نحط اكتر لنحس العجينه صارت متوسطة القوام مش زي المعجنات ولا سائله تكون ماسكه شوي و مرقه نتوفه بنفس الوقت منتركها تتخمر ساعه وبعدها منحطها بكيس الحلويات او الآله المخصصه للحلويات بالشكل يلي بتحبيه وبعدها بتقليها بزيت غزير وحامي وبتشكليها متل ما بدك إما دائريه او مستقيمه وبعد ما تستوي وتوخد لون بتحطيها بالقطر البارد…

وصحه والللف عافيه عقلبكم صديقتكم على زاكي رؤى الديري

82 تعليقاً

  1. وعليكم السلاام ورحمه الله وبركاته
    واحنا اشتقنالك اكثر يا قلبي 😍
    اللهم بارك يا عيني عليكي ما شاء الله عنك حبيبتي رؤى بتشهيي وشكلها ولا اروع 😘😘
    اشتقنالك واشتقنا لوصفاتك الطيبه والعسل متلك يسلمو اديكي يا مبدعه سلاامنا للغاليه ام زكي
    اشتقنالها كثيير واشتقنا لتعليقاتها الحلوه 😘😍😘

  2. وعليكم السلام ورحمة الله وبركاته ماشاء الله عليكي حبيبتي يسلمو دياتك يارب اشتقنالك ام أحمد وين هالغيبة وين وصفاتك الحلوة اشتقنالها 😢

  3. ما شاء الله عليكي حبيبتي ربي يعطيكي العافيه وين هالغيبه كتيرر مشتقااالك كيفك يا قمر وكيف الماما سلميلي عليها ربي يبارك بعمرها ويحفظها ياااارب❤😍😙
    وووأكيد نوووور زاااكي يا عمري 🌷

  4. حبيبه قلبي. تسلميلي وانا والله اشتقتلكم اكثر
    كان الامتحانات النهائيه عند اولادي ويا دوب بلشو بالعطله يوم الاحد ان شاء الله في وصفتين بالطريق ورح ارجع بنشاطي من جديد ان شاء الله 😘

  5. اولا بشكركم ع هاي التعليقات الحلوه متلكم ربي يسعد قلبكم ويخليلي اياكم يا عسولات❤❤❤🙈🙈😘😘😘😘
    ثانيا انا ما حطيت العنوان هيك هههههه بس طالع حلو😍😂
    ثالثا شكله الآدمن مختصره بعض الكلام و الوجوه هههههه يلا المهم انها عجبتكم 😘😘😘😘

  6. يسعد وصفاتها رؤى شو حلوين كل وصفه احلى من التانيه تبارك الرحمان شكلهم رووووعه الله يعطيك العافيه حبيبتي ويزيدك علم ونور وتضلي منوره زاكي بوصفاتك الرائعه😍😍😙

    • خاالتوو ام علاء السكره يسعدلي قلبك شووو بحبك وبحب مرورك بوصفاتي انتي الأروع والأجمل والله…الله يعافي قلبك ويعطيكي ليرضيكي يا ورده😘😘😘😘❤❤❤اللهم آمين يارب شو هالدعاء الحلو😙😙😙😙

  7. يسلم ايديكي ياحلوة طالعين غير شكل من تحت ايديكي👌 اللهم بارك الله يعطيكي الف عافية ياعسل💋 هو الحلو بيصير يعمل حلو😀😉

  8. يسعدلي المعدل المبدع اللي نور زاكي كلو بطلتو الحلوة المميزة اي😀😍
    شو هاد ياعسل شي بشهي والله وشغل متقن ولذييييييذ والصور عم تحكي حكاوي اللهم بارك😍
    ربي يباركلك ويسلم اناملك الذهبية ياقلبي وتضلي تتحفينا بوصفاتك الحلوة متل وجودك😙

    • واخيييرا كنت عم بستنى تعليقك بالثانيه نورك يعمري انتي اللي نورتي وصفتي بطلتك الحلوه يا نواره انتي💚 يسعدلي قلبك ياا سكره يا عسل يا شمعه منوره زاكي كله😘
      الله يسعدك ويسلم عمرك ويرزقك كل اشي بتتمنيه يارب وينولك مرادك في الدنيا والآخره ع قد ما بحبك تخيلي؟💚💚💚💚😘😘😘

    • ههههههههه انا لو بعرف نازلة وصفة الك كنت اجيت كرفتة😍😍😍
      ناطف قلبي على وصفاتك والله ماسدقت ايمت ترجعي تنزلي فسامحيني عالتأخير ياقلبي وحقك على راسي من فوق😄😙
      انا مابجاملك وانتي فعلا مبدعة وبتستاهلي خاصة بالمقارنة مع عمرك بتطلعي ست البنات والمعدلات ماشاء الله اللهم بارك 😍
      دخيل قلبك شو بحبك انتي وحكياتك ودعواتك الحلوة
      الله يجزيكي أضعاف هالدعوات ياقلبي ومايحرمني منك😙😙

اترك تعليقاً

لن يتم نشر عنوان بريدك الإلكتروني.