img
الرئيسة / معجنات / فطاير البصل الاخضر الافغانيه طعم لا يقاوم

فطاير البصل الاخضر الافغانيه طعم لا يقاوم

/
/
/
1543 مشاهدات

 

فطاير البصل الاخضر الافغانيه طعم لا يقاوم

فطاير البصل الاخضر الافغانيه طعم لا يقاوم

فطاير البصل الاخضر الافغانيه طعم لا يقاوم

فطاير البصل الاخضر الافغانيه طعم لا يقاوم , معكم صديقة زاكي الشيف الموهوبة ,

المقادير

  • كيلو طحين ابيض
  • ثلاثه كوب وربع ماء دافئ
  • ربع كوب زيت
  • معلقه صغيره ملح
  • معلقتين كبار سكر
  • معلقتين كبار خميره
  • معلقتين صغار خل ابيض
  • مكونات ومقادير الحشوه:
  • نص كيلو بصل اخضر مفروم ناعم
  • نص كيلو جبنه فيتا
  • نص كيلو بطاطا مسلوقه ومهروسه
  • ربع كوب زيت زيتون
  • رشه فلفل اسمر
  • معلقه كبيره كمون
  • لدهن المقلاه لخبز الفطاير:
  • زيت

الخطوات

السلاام عليكم ورحمه الله وبركاته

بسم الله نبدا

طريقه تحضير الحشوه بنغسل البصل الاخضر وبنفرمو ناعم وبنضيف جبنه الفيتا والبطاطا المسلوقه والمهروسه والكمون والفلفل الاسود وزيت الزيتون وبنخلطهم مع بعض وهيك بكونو جاهزين وبنتركهم عجنب لنجهز العجينه

بوعاء العجن بنضع الطحين والسكر والخميره والملح وبنحركهن على الناشف وبعد هيك بنضيف الماء الدافئ والخل وبنعجنهن منيح وبس تتشكل عنا عجينه ناعمه وطريه بنغطيها وبنتركها تخمر لمده نصف ساعه وبعد هيك بنقطعها كور صغيره وبنرقها طبقه رقيقه شوي وبنضع طبقه من الحشوه الي حضرناها وبنرجع نرق قطعه ثانيه وبنضعها فوق الحشوه وبنسكرها منيح من الاطراف وبنعمل فيها ثقوب بالشوكه وبنخبزها بمقلاه ساخنه عنار هاديه او اقل من الوسط تقريبا مدهونه بالزيت وبنقلبهن مع مراعاه الدهن المستمر بالزيت لجميع قطع العجينه لما يتحمرو ويكتسبو اللون الذهبي

ملاحضه يمكن تشكيلها حسب الرغبه والحجم الي بتفضلوه وبتقدرو تغيرو بالحشوه حسب رغبتكم وشو بتحبوه واذا حابين تخبزوهم بالفرن بدي المقلاه كمان بسير بس لانم ندهنهم بالزيت من الجهتين

يجب دهن المقلاه بالزيت اثناء قلب قطع العجينه وخبزها في كل مرحله ومرحله الى ان تنتهي جميع قطع العجينه

تحياتي الكم جميعا رشا ام احمد❤

لا تنسوني من فضل دعواتكم الحلوه يا احلا واغلا صحبه

100 تعليقاً

  1. يا سلام عليك يا ام احمد تبارك الرحمان وصفاتك دايما شهيه ومختلفه وفيها ابداع واتقان وصدق عيونا عليك بارده حبيبتي ربنا يزيدك علم ونور ويجعل عملك انتي وكل الاخوات الي بزاكي بميزان حسناتكم

    • ههههههههههههههههههه يمكن ألي أصول وانا ما بعرف هههههههه بحب المطبخ الافغاني كثير بتشدني أكلاتو طيبه وسهله وجربت كثير اكلات مش بس هذول وأن شاء الله بألايام الجايه راح أنزلهن جربي هاي الوصفه وقوليلي رايك لانو عنجد طعمها بشهي ومميز تسلميلي على تعليقك الحلو نورتي الوصفه ❤😍

    • تسلميلي حبيبتي ام البنات ربي يبسطك متل مبتبسطيني برايك الحلو الله لا يحرمني منك يا غاليه 😘😘
      جربيها ورديلي خبر بنتظر رايك لانو بهمني اكيد
      صحتين وهنا مسبقاا

  2. وعليكم السلام ورحمة الله وبركاته 🌷
    ما هذا الجمال يا عسل لك يسلملي الأفغاني أنا شو وصفاته بتشهيييييي وبتشرح الئلب يعطيكي العافيه حبيبتي متألقه كالعاده 😍💖

  3. لك ايش هذا الفن والجمال والله كل شي منك يجنن وله رونق غيرررر افغاني اوهندي اوتركي او سوري كان كله دماررررر ماشاءا لله عنك ويتمنى لك الخير والله يحقق كل الي ببالك وكمان شي انا نفسها 💝سماء اليمن بس غيرت جوالي وزودت اسم ابني احمد😊

    • حبيبه قلبي ام احمد تسلميلي ربي يسعدك متل مأسعدتيني بكلامك الحلو ان شاء الله بظل قد الثقه يا رب
      ما شاء الله عن ابنك الله يحفظو ويخليلك ياه بتشرف فيكي ام احمد منوره وصفاتي بتعليقاتك الحلوه 😍😘❤

  4. ماشاءالله بتجنن وتشهي كثير…يا ام احمد قلبي ما بتحمل هالاطايب من ايديكي الحلوة….ربي يحميكي ويبعد عنك كل سوء….واكيد بدون نقاش ع المفضلة ان شاءالله بعملها….

  5. ما شاء الله عليكي كل وصفة اطيب من التانية بدها تجربة أن شاء الله
    يسلم هالايدين ويعطيكي الف عافية يا رب 👍👍👍👏👏👏👏💖💖

  6. قلبيييي الصغيير لا يتحمل رشاا تنزل 3 وصفات ورا بعض وكل وحده احلى وازكى من التانيه احترنا 😢😢😢ما شاء الله عنك في قمة الزوء والفن الله يحفظك يارب ويسلم هالايدين ويبارك فيهم ع هيك ابداع
    يتعرفي للاسف لو انا ساكنه جنبك كل دقيقه بنطلك هههههه صححه واللف عااافيه يا رب مأكول الهنا ياارب❤❤❤😋😋
    الله يحفظلك اولادك ويبارك بعمرهم ويحفظك الهم احلى واشطر ام بالدنيا بهنئهم ع هيك ام ما شاء الله 😁😄
    ومره تانيه لا تطولي علينا هيك لانه زاكي ما الو نكهه بدونك😡✋

  7. ما شاء الله تبارك الرحمن
    فطائر رائعه منظر بشهي وحشوة مختلفة
    هنيئاً لنا فيكي ام احمد وهنيئاً لأفغانستان لانك واضح انه بتحبي اكلهم .
    الف صحة وهنا يارب ويعطيكي الف عافية

    • تسلميلي حبيبتي ام جاسم نورتي الوصفه 😘😘 بتعرفي المطبخ الافغاني غني بكثير اكلات رائعه وطيبه وضروري نتعلمها لنوسع معرفتنا بالمطبخ انا جربت كتير اكلات افغانيه وكثير عجبتني ولهيك قررت اعرف الكل عليهم ليجربوها متلي

      بتمنى انها تعجبكم 😘😘

  8. يسلمو دياتك حبيبتي منظرها بشهي تبارك الرحمن الله يسلم هالديات ويديم عليكي النعم وتظلك تتحفينا بأروووووع الوصفات يا أغلى صديقة بالدنيا كلها ♥️♥️♥️

  9. ياويل قلبي يامبدعتنا بسم الله حولك عنجد وصفة بتجنن باين من المنظر واكيد الطعم لايعلا عليه رح جربا ان شالله باسرع وقت 😘

    الله يعطيكي الف عافية ويسلم ايديكي وصفة ولا احلا من هيك👌😘😍

  10. ما شاء الله تبارك الرحمن اشي بشهههههههي والله انك ملكة يا ام احمد بدون مسابقة ومع المسابقة ملكة الملكات اللهم بارك اللهم بارك يسلم اديكي يا قلبي والف صحة وهنا يا رب 😙😙😙😙😙😙😙😙😙😙😙

  11. يسعدلي هالطله اسفه وحقك علي كبيييير ياام احمد بس والله كل يومين او تلات حد بحن علي بدقائق معدودة من النت يادوب بفتح الوصفه عشان ارجع الها واشوفها من غير نت😭

    يعني انتي من غير هالإبداع وانتي ملكه عنجد اشي كتيررررر لزيز اللهم بارك.
    سامحيني ماعلقتلك غير ع هاي الوصفه
    بس جدا لزيزات وصفاتك الافغانيات
    فالك الفوز يارب يارب
    حبيبتي ام احمد

    • ولا يهمك حبيبتي هدوول الله يفرجها عليكي ويسعدك دنيا وآخره يا رب 😘😘
      ولو بكفيني تمري عوصفاتي بتزيديهم حلاوه ورايك تاج عراااسي ن فوق
      ربي يسعدك وما يحرمني منك
      الله يشفيلك بنتك يا رب ويرزقك اخ لابنك 😍😘❤😍❤

  12. حطيتها على المفضله بدون ما أكمل لتحت لانو وصفاتك كلها لذييييذه ولازم اجربها وبحب جبنه الفيتتتا وانتييييي ملكة زاكي وانتي بقلبي دائما إنتي وسوزان سلمي عليها كتيييير وهدول إلك وإلها😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘❤❤❤❤

    • تسلميلي يا قلبي ان شاء الله اظل دايما عند ثقتكم وحسن ظنكم ربي يسعد قلبك متل مأسعدتيني بكلامك الحلو وانا والله بحبك كتير
      الناس العسل متلك مكانهم القلب من جواا 😀😘😘
      ان شاء الله يوصل سلامك لسوزان ولا يهمك من عيوني ❤😘

اترك تعليقاً

لن يتم نشر عنوان بريدك الإلكتروني.