img
الرئيسة / أطباق رئيسية / دجاج محشي بطريقتي الخاصه

دجاج محشي بطريقتي الخاصه

/
/
/
2655 مشاهدات

دجاج محشي بطريقتي الخاصه

دجاج محشي بطريقتي الخاصه

دجاج محشي بطريقتي الخاصه

دجاج محشي بطريقتي الخاصه, معكم صديقة زاكي الشيف الموهوبة ,

المقادير

  • دجاج صغير وزن كيلو او كبير حسب الرغبه
  • ارز حبه طويله الكميه حسب افراد العائله
  • بازيلا
  • جزر مقطع مكعبات
  • فنجان زيت زيتون
  • فنحان زيت قلي او اكثر او اقل حسب الرغبه
  • ملح
  • فلفل اسود
  • كاري
  • كركم
  • رشة قرفه
  • رشه هيل ناعم
  • رشة زنجبيل مطحون
  • ثوم باودر
  • راس بصل كبير
  • لحمه مفرومه

الخطوات

بسم الله الرحمان الرحيم

يسعد اوقاتكم حبيباتي اشتقتلكم واتمنى ان تكونو جميعا بالف خير

اليوم حابه اقدملكم وصفه الدجاح المحشي بطريقه مختلفه شوي وخصوصا في طريقة الطهي واتمنى انها تنال اعجابكم

خليتا نشوف الطريقه وهيا بنا الى المطبخ

طبعا بنكون محضرين الدجاج قبل بيوم وغاسلينه منيح بالمي وناقعينه بالخل والليون والمي وبعدها بنطلعه وبنصفي المي منه مزبوط وبفركه من الداخل والخارج بالملح والليمون وزيت الزيتون حتى نتاكد انه ريحته صارت كثير طيب

بحضر صحن بضع بداخله شوية زيت ورشة ملح ومعلقتين عصير ليمون ورشة بهار مشكله ورشه هيل وزنجبيل وقرفه وكاري ورشة كزبره ناشفه وسنين توم مهروسين وبحركهم منيح وبتل فيهم الدجاج من الداخل والخارج وبتركه بالثلاجه اربع ساعات او اكثر حتى ياخذ النكهه

…طريق عمل الارز لحشو الدجاج…..

طبعا بضع الزيت والبصل لما يتذبلوا بنزل اللحمه المفرومه وبقلبها مع البصل لما تتحمص شوي وبقلب معها البازيلا والجزروبضيفلها من البهارات المذكوره بالمقادير وبضيفلها شوية شوربه ورشة ملح وبتركها تنضح على نار هاديه قبل النضوج بشوي بضيفلها الارز المنقوع والمغسول وبتركه ينضج ثلاثة ارباع استوا وببرده وبحشي فيه الدجاج وبترك شوية فراغ ما بحشيها للاخر حتى يكمل الارز نضوجه وبسكرها باعواد الاسنان

هون ما وضعته بالفرن انتم لكم الخيار اناعملته على الغاز وطلع رووووعه ما سلقته سلق حضرت طنجرة تيفال كبيره وضعت فيها شوية زيت وعلى النار ورشيت شوية ملح وبهارات وحركته لما طلعت ريحته نزلت الدجاج وخليت الصدر للاسفل وتركته على العالي لمدة دقيقتين وضفتله كاستين ميه سخنه بعد ما صار يغلي هديت النار وغطيت عليه وبعد نصف ساعه قلبته على الجهة الثانيه وغطيت عليه وتركته يكمل استواءه وطفيت النار وطلعته بحذر وعملت خلطه زغيره مكونه من لبن وصلصه وثوم ورشة ملح وفلفل وبهار وعصرة ليمونه وتبلته وحمرته بس طلع روووووووعه وبتفلفلي رز بنفس طريقة الحشوه وبتقدميه معه ةالف صحه وهنا

ملاحظه نزلت صوره للرز قبل وضع الكركم عشان هيك لون ابيض مختلف عن الارز الموجود في التقديم

واسفه على الاطاله يا احلى وردات بس كان هدفي اوصللكم الصوره بكل حركاتها لاني بحبكم

وهيك انتهينا من الكتابه الي بتغلب بس كله لعيونكم بهون

استودعتكم لله الذي لا تضيع ودائعه

92 تعليقاً

  1. ما شاء الله عنجد اشي بفتح النفس اللهم بارك
    يسلمو اديكي يا غاليه والف صحه وهنا الله يبارك لعيلتك فيكي على نفسك الطيب 😘😘❤

  2. احلى خالتو ام علاء اشتقتلك واشتقت لوصفاتك الحلوه😍❤
    مممممم ما شاء الله عنك خالتوو ام علاء المبدعه تسلم عيونك ويعطيكي الف الف عافيه يارب وبيتكم عامر ان شاءالله وصفه بتجنن وشكرا الك عالتفصيل الله يطول عمرك بالصحه والعافيه ويديم عليكي الصحه والعافيه وتضلك تبهرينا تبهير😂 بجمال وصفاتك هههه 😍😘

  3. جزاك الله خيرا غاليتي على الفائدة والوصفات المتجددة الذيذة المليئة بحنان الأم ونفسها الطيب🌷
    وصحتين وعوافي على قلبك وقلوب أحبابك💗

  4. ياعيني ياعيني
    اي شوهادلال كلو يا غالية
    بسم الله وماشاءالله حولك شي بيشهي وبدل على نفسك الطيب واحلا شي جاجات وهنن محشيين ولونن بيشهي 😀
    ماشاءالله عنك👌
    الله يسلم هالايدين ويعطيكي الصحةوالبركة والعافية يارب 😚😚😚😘
    وهي عالمفضلة لازم اعملن باقرب وقت😋😀😊

  5. يا عيني يا عيني تسلم ايدك يا رب شكلهم بيشهي كتيركتير 😋😋😋😋😋 يا عيني عليكي وقت تكوني رايقة وصفاتك بتيجي عالوجع …..بس لو اني عندك كان بطحتلك جاجة وحدة وما خليتك تعرفي وين راحت 🤣🤣🤣🤣🤣🤣🤣🤣😂يسعد عينك وتسلم ايدك

  6. ماشاء الله اللهم بارك منظر رهيب ونفس ولا أروع أكلة معتبرة ورائعة وكاملة مكلمة مو ناقصها الا وجودي لحتى ماخليلك رزة على رزة😂😂
    يعطيكي الف عافية يا ملكة يا غالية أتقنتي وأبدعتي وأتحفتي😄😍😙
    وان شاء الله هنا وعوافي لكل محظوظ اكل من تحت ايديكي😙

اترك تعليقاً

لن يتم نشر عنوان بريدك الإلكتروني.