img
الرئيسة / معجنات / طريقة عمل خبز الهمبرجر

طريقة عمل خبز الهمبرجر

/
/
/
2642 مشاهدات

طريقة عمل خبز الهمبرجر

*خبز الهمبرغر*

طريقة عمل خبز الهمبرجر

طريقة عمل خبز الهمبرجر , معكم صديقة زاكي الشيف الموهوبة ,

المقادير

  • كوب حليب دافي
  • نص كوب ماء دافية
  • معلقتين كبار سكر
  • معلقة ونص كبيرة خميرة فورية
  • بياض بيضة والصفار للتلميع
  • معلقتين كبار زيت نباتي
  • معلقة صغيرة خل
  • اربع اكواب وربع طحين اوحسب نوع الطحين

الخطوات

اشتقتلكن كتيرررر كتيررررر حبيت انزللكن طريقة خبز الهمبرغر جربوه ومارح تندمو انا متأكدة ويلا نبلش

♡بسم الله الرحمن الرحيم♡

حطيت الحليب والمي بجاط ضفت فوقن السكر والخميرة وحركت ضفت بياض البيضة والزيت والخل وخلطتن ضفت الطحين لوقت التمت العجينة دعكتا مدة خمس دقايق ودهنت وجها زيت وتركتا مدة ساعة تختمر وترتاح

بعد ساعة قطعتا تقريبا ١٢ قطعة حسب حجم قطعة الهمبرغر الي بدكن تركتا عشر دقايق بعد ماقطعتا خلطت صفار بيض مع شوية حليب وخل ودهنت وجها رشت سمسم ودخلتا لفرن حاااااامي اذا بارد او دافي رح تنشف ونحن بدنا ياها طرية اخدت عشر دقايق وكانت خالصة طالعتا من الفرن وغطيتا بكيس نايلو او منشفة وهي كانت وصفتي لليوم واستنوني بوصفة الهمبرغر ههههه

○ان شالله تجربوا وتعجبكن○

♡ولاتنسوني من دعوة حلوة متل قلبكن♡

103 تعليقاً

    • لولو

      متل ماقالت ام سارة
      الخميرة الها مدة وبتخرب مو مدة صلاحيتا سنة او سنتين هي كم شهر وبتخرب
      اي نوع عجينة بدك تعملي ختبري خميرتك قبل بشوي مي دافية او حليب وسكر خلطين وتركيهن شوي اذا شفتي على وجها فقاعات ورغوة بكون فعالة
      واذا ماعليها شي ابدا بكون خربانه

      وحسب اديه عم تحطي خميرة يمكن تكون قليلة

      وقت التخميرماتتركي في الصحن هوا او شي مكان مفتوح

      بالصيف بالمطبخ وبالشتا حطيها بالغرفة قريب من الصوبيا لان بجو البرد صعب تتخمر وتعطي نتيجة حلوة

      وضروري السكر مع الخميرة لحتى تتفاعل ولا تحطي ملح بالاول لان الملح بيقتل مفعولا

      وحرارة الحليب او المي ماتكون مرتفعة دافية

      وان شاءالله بصير عندك معمل معجنات 😙

    • صح كلام الصبايا 3 عوامل لنجاح الخميرة
      خميرة صالحة غير منتهية الصلاحية
      ماء دافئ لتتفاعل
      سكر لتتغذى عليه الخميرة لانها بكتيريا اصلا.

      وبعد العجن اتركيها مدة كافيه تتخمر بالصيف ساعة وبالشتا ممكن 3 ساعات او اكثر حسب جو الغرفة.

    • اختي مثل محكولك الصبايا يعني انتي مجربة كذا مرة ومازبطت معك بتكون ام خميرتك منتهية الصلاحية او الماء المستخدم بالعجن بكون بارد او ساخن كثير وهالشي بفشل الخميرة لازم الماء او الحليب يكون دافي

    • لك الله يحفظلنا ياكي ويخليلنا ياكي واتمي تتدعيلنا هالدعوات الحلوة الي بتشرح الصدر😙😀
      الله يسلمك ياقلبي ويحفظك ويخليكي دايمة ولايحرمنا هالدعوات الحلوة😚😍

  1. مممم ما شاء الله بجنن يعطيكي الف الف عافيه يا رب ويسلمو هالايدين الحلوين البركه 😘❤❤😍عالمفضله ورح اجربه بإذن الله👍😘😘
    الله يسعدك وينولك مرادك بالدنيا والآخره ويفرحك ويتمم عليكي صحتك وعافيتك ودينك يا رب❤ويبعد عنك الهم والحزن 😘

    • اللهم ااااامين ❤
      يسعدلي قلبك ياعسل 😙😙
      خليلي ياكي شواانك حبوبة ولذيذة وبتنشربي مع المي العكرة😀
      خجلتيني والله بكلامك العسل متلك ياقلبي
      يلا جربيه وعطيني رئيك😚😚😚

  2. ما شاء الله عنك شكله متل الجاهز واطيب رح جربها ان شاء الله يا هبوش 👍👍👏👏
    يسلم ايديكي وصحتين وعافية يارب ❤❤❤

    • الله يسلمك ياعمري 😘

      جربيه وانا متأكدة رح يطلع معك احلا واطيب لسع من هاد 😀😉
      تسلميلي ياقلبي 😙
      بالف صحةوهنا على قلبك سلف😄

  3. تسلمي يا رب و تسلم الأيادي إن شاء الله حبيبتي. صحتين و هنا عليكم

    شكله روووعه😋😋😋😍😍😍و حتى الحاله الصبح ويه كوب جاي(شاي🍵) يا سلااام… لما اسوي ريحته تملى البيت😋😍

  4. ماشاء الله تبارك الرحمن
    يسلموا إيديك حبيبتي إبداااااع.. منظر من الآخر روووووووعة.. متل الجاهز وأحلى
    أتحفتينا بإنتظار الحشوة 💐

اترك تعليقاً

لن يتم نشر عنوان بريدك الإلكتروني.