img
الرئيسة / معجنات / خبز عربي خالي من الجلوتين سلسلة صحتي في غذائي

خبز عربي خالي من الجلوتين سلسلة صحتي في غذائي

/
/
/
2457 مشاهدات

 

خبز عربي خالي من الجلوتين سلسلة صحتي في غذائي

خبز عربي خالي من الجلوتين سلسلة صحتي في غذائي

خبز عربي خالي من الجلوتين سلسلة صحتي في غذائي

خبز عربي خالي من الجلوتين سلسلة صحتي في غذائي, معكم صديقة زاكي الشيف الموهوبة ,

المقادير

  • 4 كوب طحين جاهز( هو طحين خاص خالي من الجلوتين واثار القمح)
  • كوب لبن بحرارة الغرفة
  • بيضة بحرارة الغرفة
  • ثلث كوب زيت الزيتون
  • ثلث كوب حليب بودرة
  • م.ص ملح
  • م.ك سكر
  • م.ك خميرة
  • م.ك بيكينج باودر
  • م.ك صمغ الزانثان( هوه بودرة تستخدم بدل الجلوتين بتعطي ليونة ومطة للمخبوزات)
  • كوب ماء دافئ ممكن ما نحتاجه كله

الخطوات

الخبز العربي الخالي من الجلوتين سلسلة صحتي في غذائي

السلام عليكم ورحمة الله وبركاته

استكمالا لسلسلة صحتي في غذائي الخاصة بمرضى حساسية القمح حبيت اقدم اهم اهم اهم وصفة بيحتاجوها وهيه الخبز ، وطبعا مابنقدر نستغني عن الخبز ولا يوم وخاصة وقت المدارس والسندويشات فكان لازم اتعلم خبز يكون طري ويكون طيب ومقبول عند طفلي والحمدلله بعد اكثر من 30 تجربة للخبز وصلت للوصفة المثاليه والطريقة الصحيحة والحمدلله رب العالمين.

*يمكن تلاقوا الوصفة طويلة وفيها تفاصيل بس هذا الخبز مختلف 180 درجة عن الخبز اللي بطحين القمح وكان من الصعوبة بمكان تعلمه عشان هيك دخلت بتفاصيل لحتى مايضيع وقت او تهدر مواد عند الناس اللي اصلا نفسيتها الله اعلم فيها بسبب المرض. اعذروني عالتفصيل.

أولاً/ العجين

بنخلط جميع المواد مع بعض عدا الماء وبنعجن كويس بشكل ممتاز واذا في عجانه النتيجة افضل ، بنضيف الماء بالتدريج رشرشات وبنعجن لحتى تلم معك العجينة وبتضلي تدعكي فيها براحة اليد وبقوة لمدة ربع ساعة واذا عالعجانة 12 دقيقة ، لازم قوامها يكون طري وبتلزق شوي باليد.

—بترشي جاط التخمير طحين خفيف وبتخمري العجينة نصف ساعة تقريبا او حتى يتضاعف حجمها.

—بتبدأي بعد التخمير تتخلصي من هواء التخمير لااازم عجنيها خمس دقائق قبل الفرد.

— افردي العجين بسمك رقيق للخبز عالغاز وسمك اتخن للخبز على الخبازة.

—واتركيه يتخمر نصف ساعة ويكون بين قطعتين بلاستيك انا استخدمت مشمعات الاكل.

ثانياً/ الخبز على الغاز

بنحمي صاج او قلاية عنار عاليه وبس تسخن بنخفضها لاعلى من الوسط وبنبدأ نحط رغيف ونعد للعشرة ونقلب وهكذا حتى يبدأ بالانتفاخ .

—بنساعد الرغيف بملعقة مسطحة بانه نضغط بلطف على الانتفاخ حتى يتوزع البخار وينفخ كل الرغيف، وبنقلبه يتحمر شوي.

ملاااحظة/ لازم ننتبه انه ما ينثقب الرغيف اثناء النقل او التقليب لانه مارح ينفخ.

ثالثاً/ الخبز عالخبازة

الخبازة هيه افضل خيار للخبز الخالي من الجلوتين لانها سريعة وخبزها يشبه الى حد كبير شكل خبز القمح لانه بيتحمر منيح.

—بنسخن الخبازة وبس تتجمّر بنكون مجهزين قطعة قصدير لان العجين بيلزق بالالومنيوم وعلى القصدير بنحط رغيف العجين وبنحطه فوق الخبازة لحتى يظهر شوية فقاعات وبندخله داخل الخبازة بمساعدة ملعقة طويلة لانه الخبازة حاميه جدا.

—رح يبدأ ينتفخ على طول الرغيف ويتحمر صراحة الخبازة رائعة جدا. وسريعة.

رابعاًاً/ حفظ الخبز

بعد خبز كل رغيف بنحفظه بين فوطتين مطبخ والفوطة داخل بلاستيك كل هاد عشان نحافظ على طراوة الخبز لانه بينشف بسرعة وصعب شوي التعامل معه.

—بنخليه يهدى من الحرارة شوي وبنحفظه في اكياس تفريز وهوه دافي وعالفريزر على طول.

خامساً/ لمن هذه الوصفة؟

هذه الوصفة لكل مريض بالسلياك او عنده حساسية قمح ومن عنا بزاكي بقدم الوصفة لبنت اخوها لأم هديل ربنا يشفيها ويعافيها لانها عندها حساسية القمح زي ابني.

سادساً/ أهم عوامل نجاح الخبز

1. مدة التعجين لازم تكون طويلة وبقوة

2. تفريغ العجين من هواء التخمير قبل الفرد

3. سمك الرغيف يتحكم في انتفاخه لازم يكون سميك للخبازة ورقيق للغاز وعدا ذلك مارح ينفخ

4. درجة الحرارة لازم تكون مرتفعه

5. حفظ الخبز بالطريقة الصحيحة

6. مدة التخمير تكون صحيحة وكافيه

7. استخدام البلاستيك تحت وفوق الارغفة بالتخمير

سابعاً/ المعجنات

ممكن استخدام نفس العجينة لعمل المعجنات ونفس مدة التخمير قبل وبعد التشكيل والخبز على خبازة او بفرن ساخن جدا من الاسفل وتحمير. واخر صور لتنفيذ المعجنات

147 تعليقاً

  1. ما شاء الله تبارك الله ربي يجميكي ويحفظك يا ام جاسم عنجد انتي رائعة بكل ما تحملو الكلمة من معنى ربي يشافيلك ابنك ويعافيلك ياه يا رب وتفرحي في 😙😙😙😙😙😙😙😙😍😍😍😍😍😍😍

  2. ما شاء الله تبارك الله تسلم ايدك والف هنا وصحه عقلب جواد الله يحميه ويخليكي الو وتضلي تعمليلو يلي نفسه فيه

    بس بدي اسالك بيصير نفس هاي الوصفه نعملها لالنا عادي بس بدون طبعا ماده الزانثان او ابصر شو اسمها نسيت 😅

    • يسلمك ربي ام ادم كلك زووووق

      خبزنا القمح مابده كل هالاضافات مابيحتاج لابيض ولا زيت ولا صمغ طبعا
      بس استخدمي طحين ابيض عادي وباقي المواد وبطلع معك خبز ولا اروع بس لا تعجنيه بعد التخمير بغلبك ببطل يفرد عكس هاد العجين سبحان الله.

  3. صدقاً يا غالية أنا مو عارفة شو احكي
    كل التقدير والاحترام الك ولجهودك وتجربتك لوصفة للخبز بدون يأس كل هالمحاولات لحتى تقدمي لابنك الخبز المناسب
    الله يكرمك فيه ويباركلك فيه ويهنيه بأم متلك ويجزيكي كل خير على تعبك واهتمامك الرائع ويجبر خاطر كل أم بولادها يارب❤
    أما عن الخبز فطالع تحفة من تحت ايديكي اللهم بارك وصدقا متل الجاهز وأحلى ياقلبي😘
    يعطيكي الف عافية حبيبتي ابدعتي متل ماعودتينا😍

اترك تعليقاً

لن يتم نشر عنوان بريدك الإلكتروني.