img
الرئيسة / حلويات / كنافة ناعمة من الألف إلى الياء

كنافة ناعمة من الألف إلى الياء

/
/
/
4761 مشاهدات

 

كنافة ناعمة من الألف إلى الياء

كنافة ناعمة من الألف إلى الياء

كنافة ناعمة من الألف إلى الياء

كنافة ناعمة من الألف إلى الياء, معكم صديقة زاكي الشيف الموهوبة ,

المقادير

  • مقادير عجينة الكنافة:
  • كوب طحين
  • نصف كوب نشا
  • 2 كوب سميد ناعم
  • م.ص بيكينج باودر
  • م.ص خميرة
  • م.ص سكر
  • ربع م.ص كربونة
  • لعمل الكنافة:
  • جبنة عكاوي محلاه من الملح
  • سمنة مذابة
  • صبغة اختياري
  • قطر بارد
  • للتزيين:
  • فستق حلبي

الخطوات

كنافة ناعمة من الألف إلى الياء

السلام عليكم ورحمة الله وبركاته

الكنافة الناعمة عشق لكثييييير من الناس وانا شخصيا مابحب الكنافة الناعمة الا اللي بعملها بالبيت كثير طيبة وبتتحكمي بسمنتها وقطرها وكلشي وسهلة جدا حبيت اشارككم فيها من بداية العجينة للتقديم النهائي ان شاء الله بتعجبكم وبتجربوها.

أولاً/ فرك الكنافة (العجينة)

اتبعت طريقة الصب لقيتها اسهل واسرع لانه في طريقة رق عجين .

بنخلط المواد الجافة الطحين والسميد وباقي المواد وبنضيف كاسة الحليب وبنخلط وبنرجع بنضيف حليب لحتى يصير المزيج مثل خليط الكيك.

—بنصب العجينة بصينية فرن مدهونة او عورق زبدة وبنفردها بسماكة رقيقة .

—وبندخلها على فرن محمي وسط عالرف الوسط مابدنا يتغير لونها نهائيا بس تنشيف بنشفها 7 دقائق وبنطفي الفرن وبنختبرها بعود خشب وبنتركها بالفرن الساخن ومغلق ومطفي لمدة 5 دقائق كمان وبنطلعها تبرد.

ثانياً/ آلية انتاج الفرك

بنترك العجينة تبرد وبنفتتها باليد وعالمحضرة بنطحنها واذا حسيتيها فيها رطوبة اتركيها مكشوفة ساعة ساعتين وارجعي اطحنيها كمان مرة للتنعيم.

—وهيك الفرك جاهز للاستخدام اما بتستخدميه فورا او بتفرزيه.

ثالثاً/ الكنافة

لكل كاسة فرك بنحتاج ملعقتين كبار سمنة مذابة بنفركها فيها وبنرش رشة صبغة برتقالية اختياري.

—بندهن صينية بسمنة دهنة خفيفة و بنرص فيها الفرك وبنضغطه مزبوط وفوقه جبنة العكاوي الحلوة غير مالحة وبنضغطها برضه بشكل ممتاز .

ملاااحظة مهمة/

الناس يلي بتشكي انه الجبنة العكاوي ما بتمط معهم ولا بتعطي هالمنظر الرائع بكون السبب انها مالحة مش حلوة كفاية لازم تكون محلاه بشكل ممتااااز.

رابعاً/ الشوي

بننقل الصينية على عين الغاز الصغيرة وعلى نار هادية جدا وبنخليها حوالي 7 دقائق مع تدوير الصينية بين فترة وفترة رح تعرفي انها استوت بس تهزي الصينية وتتحرك شقفة وحدة معك واخر دقيقتين غطي الصينية عشان تذوب الجبنة.

—بنقلبها في صحن مناسب وبنسقيها قطر بارد قوامه وسط وبنزينها بالفستق الحلبي.

—والف صحة و هنا

ملاحظة/

اخر صورة تنفيذ للكنافة الناعمة الخالية من الجلوتين ضمن دورة تابعة لجمعية أصدقاء مرضى حساسية القمح.

206 تعليقاً

  1. 😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭
    ليش هيك بتعملي فينا 😭😭😭😭

  2. ياعيني عليكي ياام جاسم والله قلبي داب مع الجبنة عاهالمنظر 😀

    الله يسلم ايديكي ياقلبي ويعطيكي الف عافية ويهني اهل بيتك فيكي😘
    وماشاءالله عنك😘
    مابعرف عن شو احكي ولا عن شو شكلا بشهي وخاصة المطة😋😋😋😋

  3. يلا سلاااام ما شالله عنك يا ام جاسم الله يسلم هالايدين ويخليكي النا وتبقي دايما تعلمينا الاشياء الزاكية 🙈
    تقريبا كل وصفاتك في المفضلة محتار شو اعمل من كتر ما الاكلات زاكية

  4. الله يسلم هل ايدين ما شاء الله شغل محترفين وبيعجبني فيك انك بدوري ع التفاصيل الدقيقه والبدائل وكيف بنقدر نعمل المكون الأساسي من أشياء عنا بالبيت الله يباركلك ويعطيك العافية يا قلبي

    • بدك تحطي جبنة موزريلا مع العكاوي؟!!!!

      ما الها داعي ابدا العكاوي لحالها بتكفي بس اذا الجبنة عندك بيضا بلدية اه زيديها موزريلا لان البلدية ما بتمط.

  5. السلام عليكم
    لكل يلي عم يسألوا عن الجبنة البيضاء البلدية اذا بتنفع للكنافة.

    الجبنة البلدية ما بتمط لو حليتيها 100% من الملح لانه طريقة صناعتها ما بتسمحلها تمط، بس ممكن تخلطي معها جبنة موزريلا.

    وإذا بدك رأيي بسعر البلدية والموزريلا جيبي شوية عكاوي ، لانه طعم ونكهة الكنافة هيه الجبنة العكاوي ، كيف بنحكي الملوخية اساسها ونكهتها الثوم ، الكنافة اساس نكهتها العكاوي.

  6. يسلمو ام جاسم عشقي الكنافه 😋
    من شكلها مبينه بتشهي 👍
    بدي اسألك شوبيسير لو مافتت العجينه يعني سكبتها واشتغلتها عطول وطلعتها من الفرن وحطيت الجبنه .
    بتزبط ؟؟

    • لاااا ام احمد ما بتطلع كنافة طبعا
      بتطلع شي مختلف الكنافة لازم يكون الها فرك مطحون.

      ولو فرضنا انه حطيتي العجينة بدون ما تنطحن بصينيتها وحطيتي فوقها جبنة رح تنشف وتيبس لانها شقفة وحدة وماعليها سمنة تعطيها طعم وقوام. ورح تكون شي بشبه الخبز المبلول بالقطر.

      خطوة الطحن مش صعبة اطحنيها

  7. حبيبتي ام احمد بعد اذن ام جاسم طبعا ربنا يسعدك بتقدري تعحني القمح بدون ما تطحنيه طبعا لا ثوالكنافه نفس الشي اذا ماطحنتيها ونعمتيها ما بتزبط وام جاسم ردت عليك رد رائع في الردود

اترك تعليقاً

لن يتم نشر عنوان بريدك الإلكتروني.