img
الرئيسة / أطباق رئيسية / طريقة المكرونة بالبشاميل ولا ألذ

طريقة المكرونة بالبشاميل ولا ألذ

/
/
/
2848 مشاهدات

 

طريقة المكرونة بالبشاميل ولا ألذ

معكرونة بالبشاميل ولا ألذ

طريقة المكرونة بالبشاميل ولا ألذ

طريقة المكرونة بالبشاميل ولا ألذ , معكم صديقة زاكي الشيف الموهوبة , السلااااام عليكم ورحمة الله وبركاته ورجعنالكم بحلقة جديدة من برنامج “ننوشة المنفوشة” أول شي اعذروني عالتقصير والتأخير وتاني شي الوصفة الماضية عملتو مظاهرة هههههه والله عم اكتبلكم هلأ وأنا عم اضحك ترى والله مابعرف اعبس ولا بطل ناغشكم بقى لبقى تفكرو هيك برضايي عليكن يامو ههههه اي يامو بهي الوصفة بدي منكن قبل ما تلحقوني عالمطبخ تتركو كل تفكيركن بالريجيم بشي غرفة وتطلعو منها وتقفلو عالريجيم الباب خليه يضل محبوس ومنبوذ لحالو ونحنا منكمل عالمطبخ لنساوي هالاكلة بضمير مرتاح هههه ويلا نبلش بالمقادير ♡

المقادير

  • أول شي للبشاميل منحتاج:
  • شوية زيت
  • ملعقتين كبار زبدة او سمنة حسب المتوفر
  • مكعب ماجي وفينا نستغني عنو
  • 3 ملاعق كبار طحين
  • حوالي 3 كوب حليب
  • ملح
  • فلفل أسود
  • رشة هيل وقرفة
  • ملعقتين كبار جبنة دهن ولحدا يستغرب ها يامووو ترى بتعطي نكهة تحفة بس فيكم تستغنو عنها
  • للمعكرونة منحتاج:
  • نصف كيلو او (حسب الرغبة) صدور دجاج مقطعة مكعبات
  • ملعقة كبيرة خل
  • ملح
  • فلفل أسود
  • رشة بابريكا
  • هيل
  • قرفة
  • نصف كيلو معكرونة بواري ههههههه أو حطو الشكل اللي بدكم ياه
  • قشقوااااان أو موزاريلا
  • بكصمات (اختياري)

الخطوات

☆بسم الله الرحمن الرحيم☆

أول شي أنا بعمل البشاميل وبتركو عجنب

مندوب الزبدة أو السمنة مع الزيت ومنحط معهم الماجي والطحين

منقلب الطحين شوي تحميص خفيف وبعدين منضيف الحليب بالتدريج ومنتحول لخلاط

يعني منضل نحرك بالتدريج

بس ليتكاثف القوام بعد مايبدى بالغليان منضيف البهارات و الجبنة الدهن ومت بغيظك أيها الريجيم المعتوه

المهم بعدين منحركهم ومنطفي ومنتركهم عجنب

هلأ منروح للمعكرونة والجاج

أول شي منقلي مكعبات الجاج بالزيت والزبدة والبهارات وملعقة خل لحتى تستوي وتكاكي منيح وبعدين منضيف المي تبع طبخ المعكرونة وبس تغلي منزبط الملح ومنضيف المعكرونة لتستوي تقريبا منضيف نص كمية البشاميل ومنخلطها معها ومنصب خليط المعكرونة على صينية بايركس ومنضيف عالوش النصف التاني من البشاميل وعالوش منحط قشقوان واذا حبينا فوقو رشة بكصمات ومندخل هالصينية الكتكوتة عالفرن ليسيح القشقوان منيح منطالعها ومنهجم عليها وخلي الريجيم اللي حبسناه بالغرفة يخبط راسو بالحيطان ههههههه

وهيك خلصنا وصفتنا اللذيذة وبشوفكم بالحلقة الجاية ولا تنسوني من دعواتكم الحلوة

حبكم أنااا أناااااااا أنااااااااااا

106 تعليقاً

    • هههههه اول شي نورتيني ياقلبي
      تاني شي جربي هالوصفة وأعتقد رح تسمني بسرعة ان شاء الله وتدعيلي😁 ههههههه
      انا بصراحة وقت اكلها تاني يوم بكون وزني طالع 😅

  1. لولو

    واخير شعشغ زاكي بنورك نوارة
    ليش مين عندو رجيم بلبيت كلنا عملنلو قتلة حكش ولبك وقنالو لهون لا تفكر تجي ياحرام راح مكسور الخاطر 😂😂😂😂
    وصفتك سهلة وسريعة بدون جلي وبدو لبكه 😁😁بس لو تعملي الباشمل مع المعكرونة بلمرة بصير اسما طبخة بطنجرة وحده لكم ان تتخيلو 😂😂😂
    واهم شي البواري 😂😂😂
    تسلم ايديكي حبيبتي بتشهي 😋😋

    • لك اخ شو احكي ولمين اشكي هههههه
      والله منظر خرافي
      الله يحميكي ويطعمك يلي ببالك ويبارك فيكي يا احلا نوارة والله زاكي مو حلو بدون لمساتك الخاصة 😘😘

      بعدين وينك انتي ماعاد بينتي تشتوشة ماعاد تفوتك لعندا بدا تنتفك تنتيف وقت تجي
      وهدون عم يستنوكي جهزي حالك 👈🙅🙅🙅👡👡👡

  2. يااااااا خرررراااااششششي شوووو هااااااد يا نووورررر وك انتي عن انو رجيم بتحكي ههههههههههه مع زاااكي وحلوياتو واكلاتو من احلا شيفات مبدعاااااات بنحككككي نوووووو نوووووو نوووووووو للرجيييييييييم نعم للاكل والرفاهية هههههههههههههه

  3. اللهم بارك يانوارتنا ونوارة زاكي انتي بتطبقي المثل اللي بقول ” غاب وجاب” او ” من طوّل الغيبات جاب الغنايم ” 😊
    مع اني مش من عشاق البيشاميل بس المنظر بيحكي عن الابداع ماشاء الله عنك يانوارة وربي يباركلك ويبارك فيكي طبعاً علقت قبل مااقرأ نهفاتك بس شفت الصورة نزلت اعلق وهيني طالعة اقرأ 😆

  4. يا ويل يا ويل قلبي عليكي يا نور لك انا زدت كيلوا بس من النظر معقول في حدا بيقدر يقاوم البشاميل عنجد يسلم ايديكي ويعطيكي الف عافية ما شاء

  5. 😍😍😍😋😋😋 البشاميل و كل ما يخصه من ملحقات شي رهيييب❤❤❤ و فعلا إضافة الجبنه تعطي طعم و قوام روووعه… اني اضيف اي جبن متوفر عندي. مثلثات. كيري. جبنه كريمي. و يا سلام لو تزيدي وياهم موزريلا😍😍😍..

    إن شاء الله ألف صحه وهنا عليكم يا رب و تسلم الأيادي المبدعه دائما

  6. قلبييييي الصغير لا يتحمل💔😢😢شووو هادا يا نور اول وصفه بتطلع بوجهي واحلى وصفه عنجد اشي بجنن الله يعطيكي الصحه والعافيه يا رب وتضلي منووره زاكي بوصفاتك المغريه يا نوارتنا الحلوه بحب وصفاتك و اللي بيحب وصفاتك وبحبك وبحب اللي بحبك عيشي😂😂❤❤❤❤❤❤❤❤❤❤❤❤❤❤❤❤

    • 😂😂 يانيالي بهالعسل اللي عم تعلقليييييي شو بعشقها انا هههههه
      وانا حبيتك وبحبك وح حبك على طووووول هههه
      ربي يسعدك ومايحرمني منك رؤى اللذيذة
      بعض ماعندكم😀

  7. يسلمو دياتك حبيبتي منظرها بشهي تبارك الرحمن والله قولتك انو رجيم انسي أبو أبو لرجيم هجوووووووم عالمنزل يا سلام شو بحبها للمكرونة بالباشميل ويكون جنبها صوص بيحرق انسي الموضوع

    وقولتك خلي الرجيم يخبط راسو بالحيط ههههههههه وازا إلو عنا يروح ع أقرب مغفر ويشتكي علينا 😂😂😂😂😂

    لك يسلملي لمعدل المنظر خرااااااااافي وهيك ها زمااااان نوري زاكي بوصفاتك الجميلة يا جميل إنت ♥️♥️♥️♥️

    وانا بحبك كتير كتير كتيرررررررات لك تؤبشيني ما ألزك 😘😘😘😘😘

  8. ماشاءالله اللهم بارك
    نور أنا ما أحب الباشميل لكن أحبك في الله أختي وفرحت رجعت طريقتك باالشرح وصفاتك مليئة باالتشويق والمغامرة الله يبارك بسعادتك ويسعدك بما أعطاكي
    نوارة زاكي .

    • والله انتي دايماً الك شيء خاص بالقلب بخليني عاجزة اوفيكي حقك من الكلام😘
      أحبك الذي أحببتني فيه يا غالية وأنا الله بيعلم اني بحبك من قلبي 😍
      بكفيني شوف اسمك مزين وصفتي لتدخل الفرحة على قلبي فما بالك لما تدعيلي من دعواتك الصادقة وتحكيلي من كلامك الرقيق اللهم بارك؟!

    • ومافي القلب سيصل للقلب
      هذه القاعده تهمني جداً باالحياه
      فأنا أقتنع بحب أشخاص لا أعرفهم إلا من وراء حدود أو شاشات ولايعرفون أني أحبهم وإن شاءالله وقابلتهم يوماً سيعرفون أن هذا القلب لديهم فيه نصيب منذ زمن حتى وإن لم أتكلم لأن رب القلوب يعرف صدقها فتصلهم بدون بروتوكولات الحياة المعتاده ولم يلقي حبهم في قلبي سوى أقدار الله المكتوبه لا صلة الرحم أو الدم

      وإن يكن أختي إن لم تجمعنا أقدار الله فمصائرنا كبشر ستجمعنا عند مليك مقتدر في يوم الحق وأرجو الله أن أكون نعم الصاحب والشافع يوم القيامة لكل من أحببت وصاحبت فلا يخيب أمل من أحبني وعرفني وأسأله العظيم في ملكة أن يجعل لمعرفتي عاقبة خير في الدنيا والآخره لكل من عرفني ويجعل لي نصيب من الخير من كل من عرفتهم
      اللهم آمين
      فلا ندري أي شفاعة أو حسنة تدخلنا جنات الله برحمته.

    • جزاك الله خيرا على كلامك الصادق والرائع وكلامك جواهر ياغالية 😘
      أسأل الله العظيم رب العرش العظيم أن يجمعنا تحت ظل عرشه يوم لا ظل إلا ظله❤
      وأحبك الذي أحببتنا فيه
      أحسبك نعم الأخت المحبة والصادقة والله حسيبك😍😘

  9. يا عمري شو هالجمال والروعه ما شاء الله عليكي بتشهييي وشكلاا راائع صحه وعافيه يا عسل ❤😘😍
    وبالنسبه للرجيم أنا من زمان عدمته هههههه إني لا أطيق إسمه يا أختاه 😄😁

  10. يا سلام على المعكرونة ما اطيبها شكلها روووووووووووووعة وخصوصا من تحت دياتك يسلم هالايدين وصحة وهنا يا رب 👍👍👍👏👏👏

  11. تبارك الله ربنا يحميك يا نور كل شي بتعمليه منور طالعه تحفه من هالايدين الحلوين ومنظر الصينيه بخلي الريجيم يصير معه توحد من القهر الله يسلم دياتك حبيبتي ويعطيك القوه والصحه وينولك مرادك وكل ما تتمني يا قمر انتي

    • 😂😂 يارب يصير معو توحد وشلل رباعي ونرتاح منو هههههههه
      يسعدلي قلبك الطيب شو بحبو اي😄
      الله لا يحرمني منك ياعمري انا من بعدك انتي ووصفاتك الحلوة😙
      الله يجزيكي اضعاف هالدعوات الحلوة اللي فرحتي قلبي فيها😘😍

  12. بسم الله ماشاءالله عنك يانوارتنا بدي علقلك بس عيوني مو رايدين يتركو الصور وينزلو يكتبو هههههه 😅❤
    لك يسلملي المعدل والنغنوش والفرفوش😘

    مع اني مابحبها بس من تحت دياتك حبيتا ولازم لازم جرباوخاصة انو مافيا لحمة لامو محسوبتك مو صحبة مع اللحمة هههههه😀😄

    الله يعطيكي الف عافية ياقلبي ابدعتتتتتي👌👏👍

  13. ريي يفرحك زي ما تفرحينا بكلامك طالعه مرتبه معاكي بس انا بخلط البشاميل على الخلاط وبعدين على الغاز بطلع زاكي مع اضافة زبده و جبنه اي نوع …..تقبلي مروري …وشكرا الك

  14. يميييييي شو هيدا يا عيدا لازم تبهرينا بالتقديم
    وبالتزيين
    والتصوير
    وأهم شي بالكلام الحلو الفرفوش فأكيد الطعم خيال ريتو صحه وهنا نوارت زاكي 😘😘

  15. يااااااااماااااااا شكلها بتهبل 😍😍😍😍😍
    عنجد منظرها رووووووعة والله بتفتح النفس بصراحة انا ما بحبها وما بحب البشاميل بشكل عام بس عنجد المنظر خراااااافي 😋😋😋😋😋😋
    الف صحة وهنا يا قلب 😙😙😙😙😙😙😙😙

  16. بسم الله ما شاء الله عليكي يا نونو ♥️
    معكرونة من الآآآخرررر خاصة بالبشاميل عشقي 💕 يسلمهن هالايدين يا عمري 😘😘. بتعرفي شو بحب حكياتك و شرحك و ديكوراتك و تصويرك و شو بحبك انااا ههههه
    سبحان الله الك طابع خاص مميز فيكي
    عين الله تحرسك و تحميكي يا قلبي ♥️
    ويديم عليكي السعادة و الصحة و الفرح دايم الدوم يا رب 😘😘😍🌹

اترك تعليقاً

لن يتم نشر عنوان بريدك الإلكتروني.