img
الرئيسة / أطباق رئيسية / طريقة مقلوبة الدجاج ملكة الأكلات الفلسطينية

طريقة مقلوبة الدجاج ملكة الأكلات الفلسطينية

/
/
/
2418 مشاهدات

 

طريقة مقلوبة الدجاج ملكة الأكلات الفلسطينية

المقلوبة ملكة الأكلات الفلسطينية

طريقة مقلوبة الدجاج ملكة الأكلات الفلسطينية

طريقة مقلوبة الدجاج ملكة الأكلات الفلسطينية , معكم صديقة زاكي الشيف الموهوبة ,

المقادير

  • دجاجة منظفة او حسب الحاجة
  • نص كيلو ارز تايجر او حسب الحاجة
  • حبتين باذنجان
  • حبة بطاطا
  • حبة بصل
  • ثلاث اسنان ثوم مقطعات
  • لسلق الدجاج:
  • ماء
  • لتشويح الدجاج:
  • سمنة
  • بهارات المقلوبة:
  • ملعقة صغيرة كمون
  • ملعقة فلفل اسود
  • باكيت ماجي
  • اعواد قرفة
  • ملعقتين هيل
  • ملعقة من بهارات المقلوبة المشكلة
  • ملعقة صغيرة كاري اختياري
  • رشة كركم صغيرة
  • ملح

الخطوات

السلام عليكم ورحمة الله ..

المقلوبة من الأكلات الشهية جداً والمعروفة في بلاد الشام طبعاً بتختلف من بلد لبلد ،، وتقريباً بالاردن وفلسطين بطبخوها بنفس الطريقة وطبعاً مافي ست بيت مابتعرف تطبخ المقلوبة لكن ممكن كل ست الها لمسة خاصة او طريقة خاصة لطبخها وبدي اقدملكم طريقتي وبتمنى تعجبكم ويمكن يكون كثير منكم بعملها بنفس طريقتي .

بسم الله نبدأ…..

أولاً :

بنضع الطنجرة على النار وبنضيف السمنة كمية منيحة وشوي زيت ذرة بالنسبة للسمنة انا بحب اطبخ فيها الارز بكل اشكاله بتعطي نكهة طيبة للرز ودسامة واللي مابحبها بقدر يستبدلها بزيت ذرة لحاله .

بس تحمى السمنة مزبوط بنشوح قطع الدجاج بالتدريج لحتى نحصل على اللون الاشقر ويتحمر عالوجهين يعني القطعة اللي بتتحمر بنشيلها ع جنب

ثانيا:

بس نكمل تحمير قطع الدجاج بنفرغ السمنة اللي بالطنجرة بصحن وبتركها ع جنب وبنترك شوي منها بقاع الطنجرة ونضيف قطع البصل والثوم وبنقليهم شوي وبعدها بنضيف قطع الدجاج وجميع 0البهارات ماعدا الملح وبقلب شوي وبعدها بنضيف كمية وافرة من الماء المغلي وبس تتكون الرغوة ع وجه الطنجرة بنشيلها بملعقة وبنزبط الملح وبنترك الدجاج يسلق ويستوي على مهله.

ثالثاً:

بنقطع الباذنجان والبطاطا شكل شرائح

واذا متوفر زهرة كمان انا ماحطيت زهرة اليوم لأن بالصيف الزهرة اغلبها مابتكون نظيفة فاستغنيت عنها ،، بنقلي الخضار المتوفر وبنحطه بمصفايه لحتى ينزل الزيت الزايد منه

رابعاً:

تطبيق المقلوبة ….

بقاع الطنجرة بنضع الخضار المقلية عالاغلب هيك بعمل انا أو بتحطي قطع الدجاج وفوقها الخضار المقلية ،، وبعدها بنحط الرز المنقوع والمغسول والمصفى ،،، بالنسبة إلي الرز مابضيفله اي نوع بهارات او توابل بكتفي بالتوابل الموجودة بماء سلق الدجاج .

بصفي ماء سلق الدجاج وبضيف الكمية المناسبه منها للرز مع اضافة السمنة اللي شوحنا فيها الجاج اللي شلناها ع جنب حسب الحاجة وبشغل النار عالية تكون لحتى يغلي وبتركها للتشرب شوي وبس يصير مستوى السوائل قريب من سطح الرز بنوس للغاز وبتركها تتهدا وتتشرب ويتفتحو حبات الرز لمدة ربع ساعه لثلث ساعه وبعدما يستوي الرز بنطفي النار وبنتركها من عشر دقايق لربع ساعه وبعدها بنقدمها وبننقض عليها ههههه

المقلوبة زكاوتها وهي سخنة وتكون لسا رطبة شوي هيك انا بحبها بتتقدم مع اللبن الرايب والسلطة وصحة وهنا على قلوبكم

147 تعليقاً

  1. بس الله وماشاءالله الله يسلم هالانامل الي بيلتفو بالحرير ابدعتي ياقلبي 😀😙

    المقلوبة لايعلا عليها 😄
    الله يعطيكي الف عافية ياعمري 👍
    وصحةوالف هنا😙

  2. روووعه ماشاء الله تبارك الرحمن
    يسلمو اديكي حبيبتي ام هديل الله يباركلك مقلوبتك بتشهي وبتفتح النفس الف صحه وهنا يا قلبي ❤😘

  3. يا سلام على المقلوبة بتشهههههههي عنجد المقلوبة لا يعلى عليها ولا يمل منها وطالعة معك طيبة كتتيييييييير 👏👏👏👍👍👍👍
    يسلم ايديكي وصحتين وعافية يارب
    💖💖💟💟💟

  4. أممممم المقلوبة محبوبة الجماهير
    عن جد قد ما بتطبخيها ما بتملي.. منظرها بشهي روووووووعة من الآخر.. يسلموا إيديك يا قلبي مقلوبتك فتحت نفسي 😋

  5. من أروع الجُمل التي تبعث الطمأنينة
    “ناصيتي بيدك ماضٍ فيّ حكمك عدلٌ فيّ قضاؤك ”
    أمان وسلام واستسلام وتسليم وطمأنينه ورضا ..
    أسأل الله العظيم أن يعطيني وإياكم خير ما يعطي السائلين ، وأن يجمع لي ولكم بين صلاح الدنيا والدين ..

  6. يسلموووو اديكي ياست الستات ولا اروع من هيك يعطيكي الف عافيه صحتين ع قلبكم 😍😍😘😘😘😘
    بموووت ع اشي اسمه مقلوبه عشق لا ينتهي لاو بكلها كل ساع مابزهق منها 😋😋

  7. ولا أروع ما شاء الله عليكي حبيبتي كل صوره أجمل من التانيه اللهم بارك 😍
    ربي يعطيكي الصحه والعافيه فعلااااا دماااار😋😙
    صحه وعافيه يا عسل ⚘

  8. يم يممممم😍
    يعطيكي الف عافية حبيبتي شكلها روعة الله يباركلك وجوعتينا بهالمناظر الخلابة هههههه
    تسلم ايديكي حاسة ريحتها رح تطلع من التيليفون بعد شوي😂

  9. روووووووعه روووووووعه كتييييير شكلها زاكية عوافي يارب….وشكرا على وصفه البسبوسة الخشخاش طلعت مرتبه وحلوه عجبت العيله شكرا كتييييير الك

    • اذا بالخضار عادي اتبعي نفس خطوات عمل المقلوبة والبرغل اغسليه غسل فقط وممكن تنفعيه ربع ساعه مابفرق وعند الطبخ طبقي مقلوبتك بالزبط بنفس طريقة مقلوبة الرز وضيفي مرق سلق الدجاج بكمية تقريبا فوق مستوى البرغل بمقدار عقلتين من اصبع الشاهد وبس يغلي ويبلش يتشرب نوسي للغاز واتركيها تتهدا وتتشرب واذا حسيتي اابرغل بده زيادة مي زيدي شوي لحد ماتحسي انه اكتفى وتشرب واستوى
      وصحة وهنا

    • واذا بدون خضار شوحي الجاج ليتحمر وبعدها قليه مع البصل المقطع والبهارات وضيفي ماء للسلق وبس يستوي طبقي الجاج وفوقه اابرغل واطبخيه بطريقته المعتادة واذا بتحبي بتقدري تضيفي شعيرية كمان بطلع زاكي ومفلفل

اترك تعليقاً

لن يتم نشر عنوان بريدك الإلكتروني.