اكلة السبع دول ملكة الاكلات السورية

74 37٬302

اكلة السبع دول ملكة الاكلات السورية

اكلة السبع دول ملكة الاكلات السورية

اكلة السبع دول ملكة الاكلات السورية

اكلة السبع دول ملكة الاكلات السورية, معكم صديقة زاكي الشيف الموهوبة ,

المقادير

  • لحمة ناعمة
  • حبتين باذنجان
  • حبتين كوسا
  • حبة بطاطا
  • اربع حبات بندورة
  • حبتين بصل
  • اربع فصوص ثوم
  • حبة فليفلة خضرا
  • ملح
  • فلفل اسود
  • فليفلة حمرا ناعمة

الخطوات

اكلتنا لليوم كتير سهلة وخفيفة واكيد رح تعجبكن والها اكتر من اسم ناس بيقلولا لحمة بالفرن او خضرة مشكلة او السبع دول وهلاسم لانو بتتكون من سبع مكونات طبعآ اهالينا واجدادنا كانو يحطولا تفاح اخضر من النوع الصغير بس انا مو موجود عندي لهيك استغنيت عنو وانتو قلولي شوبتسمو هالاكلة اذا بتعرفوا يلا نبلش

*بسم الله الرحمن الرحيم*

فرمت كل الخضار فرم متوسط لاناعم كتير ولاخشن حطيتلا ملح والفلفل والفليفلةواللحمة وحركتن سوا هلق انتو بتحسنو تحطوا بصينية وعالفرن بس انا بفضل هالطريقة اسهل واسرع بعد ماخلطت المكونات كلا سوا جبت طنجرة وحطيتن فيا وحطيتا عالغاز وتركتا تستوي نص سوية وبعد ماشفتا بلشت تستوي نقلتا عصينية وعالفرن شغلت من فوق وتحت لحتى تكمل سواا وتتحمر وهي اطيب شي فيا انو تتحمر اذا عندكن فليفلة خضرا حارة بتحسنو تحطو كم قرن عوجه الصينية مع عمل شقوق للفليفة مشان تنكهة الاكلة وتعطيا شوية حدودية واذا مافي مو ضروري انا ماكان عندي فليفلة حارة حطيت عوجه الخضار كم معلقة سمنة لحتى ماتنشف اخدت نص ساعة بالفرن طالعتا وسكبتا وقدمتا بهالشكل وهي اكلتي كانت كتيررطيبة بنصحكن تجربوا والاهم من هيك انو فيا خضرا ومفيدة كتير وخاصة لاهل الريجيم الله يبعدنا عنن ههههه

♧والف صحةوهنا ♧

♡عطوني رئيكن فيا ان شالله تكون عجبتكن♡

عرض التعليقات (74)