img
الرئيسة / سلطات و مقبلات / ثوم بودرة و بصل بودرة

ثوم بودرة و بصل بودرة

/
/
/
3632 مشاهدات

ثوم بودرة و بصل بودرة

البصل والثوم البودرة

ثوم بودرة و بصل بودرة

ثوم بودرة و بصل بودرة , معكم صديقة زاكي الشيف الموهوبة ,

المقادير

  • بصل
  • ثوم

الخطوات

البصل و الثوم البودرة

السلام عليكم و رحمة الله وبركاته

بعد الطلب المتكرر لهالوصفة من متابعتنا (لولو) حبيت اعملها وبسرعة لانها من زمان طلبتها ، بس عملت البصل وماعملت الثوم همه نفس الطريقة بالضبط بس ماكان عندي ثوم كفايه فعملت عيّنة بصل عشان تقضي الغرض.

أولاً/ تجهيز البصل والثوم

بنقطع البصل والثوم ناعم طبعا كل نوع لحال عالمحضرة اسرع شي ولا شرائح ولا تعب وبنفردهم كل نوع على صينية وبننشرهم بالشمس والشمس هالايام كثير حارّة رح ينشفوا بسرعة ، وبتغطيهم بشاشة او قماشة خفيفة جدا عشان الغبرة.

—يومين بكونوا نشفوا تماما.

ثانياً/ الطحن

بنشيل البصل الناشف وبنطحنه بالمطحنة تاعة البهارات ناعم ونفس الشي الثوم.

—وهيك البصل والثوم البودرة صار جاهز وصحة وهنا.

ملاحظة/ ما الفرق بين طريقة التنشيف الشمسي والتنشيف بالفرن؟

طبعا في ناس بنشفوا بالفرن عالاسرع عنار هادية جدا لحتى ينشف، بس انا جربت الطريقتين بالشمس وبالفرن ولقيت اللي بالشمس احسن لانه لون البصل والثوم بضل ابيض رائع اما بالفرن اول شي معرض لاحرق بشكل كبير لانه رقيق ومطحون.، وثاني شي لونه بيغمق بصير على بني فاتح وبغمثظق لون الاكل.

—فبالنتيجة التجفيف الشمسي افضل

232 تعليقاً

  1. يعطيكم العافيه شيفات زاكي و الله بنستفيد منكم كتير يا ريت الستات المعدلات تعلمونا عن تحضير المونة من الالف للياء و متى بتتحضر و لاتنسو لنا المخللات و مشتقات الالبان لنساعد بعض في هالغلا الفاحش خاصة أولادنا معطيات بيساعدونا مين بيدعم هالفكرة يحكي تم

    • الله يعافيكي يارب ملكة

      معك حق كلشي صار غالي وحلو يتحضر بالبيت عندي بالملف طريقة المخللات والزيتون وتفريز بعض انواع الخضار.
      تفضلي بزيارة ملفي بالضغط على اسمي اعلى الوصفة او على رأس الانسان باخر تعليقي هون.

    • شكرا الك ميمو نووووورتيني
      احفظيها بالمطبخ عادي جدا زي اي بهارات مابتخرب وبتضل سنة واكثر، بس طبعا بننصح انه تعملي كمية ماتطول عندك عشان نكهتها وريحتها تضل قوية.

  2. ما شاء الله تبارك الرحمن ياااا مبدعة يسلم دياتك حبيبتى أم جاسم جد كنت محتاااااجة هالوصفة من زماااااان ربي يخليلي اياكي يا غالية وما يحرمنا من ابداعاتك

    • العفو نووووورتيني

      هيه توابل مثل باقي التوابل بتقدري تضيفيه للدجاج واللحمة عند الشوي .
      وهيه مكون اساسي بخلطة الشاورما وخلطة الكنتاكي ، مع عجينة البيتزا بتعطي نكهه خيالية. مع صوص البيتزا كمان.

  3. ما شاء الله عليكي ام جاسم والله انك انتي وام ادم مبدعات وماما وتيتا كمان نفس طريقتكم والطريقة هاي متعارفة بين كل ستات البيوت الي بحبو يعملو كل شي من تحت اديهم يسلم اديكي يا قلب ربي يباركلك يا حب 😙😙😙😙😙😙😙😙😙😙😙

  4. 🌗 خسوف القمر

    🔘 تعريف الخُسوف
    خَسَف القَمر: أي ذهَب نورُه وتغيَّر إلى السَّواد . وصَلاةُ الخسوف والكُسوفِ: هي صلاةٌ تُؤدَّى بكيفيَّة مخصوصةٍ، عند ظُلمةِ أحدِ النيِّرين (الشَّمس، والقَمر).

    🔘 حُكم صلاة الخسوف
    صلاة الخسوف سُنَّة مُؤكَّدة، فعن أبي مسعود عقبة بن عمرو رضي الله عنه، قال: قال رسول الله ﷺ: (إن الشمس والقمر لا يَنكَسِفان لمَوتِ أَحَدٍ من الناس، ولكنهما آيتان من آيات الله؛ فإذا رأيتموهما فقوموا فصَلُّوا).

    🔘 مكان صلاة الخسوف
    تُسن صلاة الكسوف في جماعة، والأفضل أن تصلى في المسجد؛ لحديث عائشة رضي الله عنها قالت: خسفت الشمس في حياة رسول الله ﷺ، فخرج رسول الله ﷺ إلى المسجد، فقام فكبر، وصف الناس وراءه.

    🔘 هيئة صلاة الخسوف
    صلاة الكسوف صلاة جَهرِيَّة، وهي ركعتان، في كل ركعة قِيامان، وقِراءتان، ورُكوعان، وسَجدتان، وتجوز صلاة الكسوف فُرادى في غير جماعة، ويُستحب للنساء أن يُصلِّين صلاة الكسوف.

    🔘 ما يُشرع عند الخسوف
    يُستحب عند حدوث الخسوف: ذِكر الله تعالى، والدعاء، والاستغفار، والصدقة، والتقرب إلى الله تعالى بما يُستطاع من القُرَب؛ لحديث النبي ﷺ قال:(إن الشمس والقمر آيتان من آيات الله، لا يخسفان لموت أحد ولا لحياته فإذا رأيتم ذلك فادعوا الله، وكبروا، وتصدقوا).

    📚 الموسوعة الفقهية – موقع الدرر السنية.

  5. ما.يُشرَعُ.عندَ.الكُسوفِ.من.الأَعْمال.

    ✅ يُستحبُّ عند حدوثِ الكُسوف ِ: ذِكرُ اللهِ تعالى ، والدُّعاء ُ، والاستغفار ُ، والصَّدقة ُ، والتقرُّبُ إلى اللهِ تعالى بما يُستطاعُ من القُرَبِ ؛ نصَّ عليه الحَنَفيَّة ، والمالِكيَّة ، والشافعيَّة ، والحَنابِلَة ، وحُكِيَ الإجماعُ على ذلك.

    #الأدلة :

    1⃣ عن عائشةَ رَضِيَ اللهُ عنها ، قالت : إنَّ رسولَ اللهِ صلَّى اللهُ عليه وسلَّم قال : ((إنَّ الشَّمسَ والقمرَ آيتانِ من آياتِ الله ِ، لا يُخسفانِ لموتِ أحدٍ ولا لحياتِه ؛ فإذا رأيتُم ذلك فادْعُوا الله َ، وكبِّروا ، وتَصدَّقوا)).رواه البخاري ومسلم.

    2⃣ أنَّه تخويفٌ من اللهِ تعالى ؛ فيَنبغي أن يُبادَرَ إلى طاعةِ الله تعالى ، والتقرُّبِ إليه بالأعمالِ الصالحة ِ؛ ليكشفَه عن عبادِه.

    📚 الموسوعة الفقهية 📚 #كتاب_الصلاة

  6. بسم الله وماشاءالله عنك ياام جاسم والله شومامنحكي مامنوفيكي حقك يامبدعة
    كنت حابة اجربا بس مو متشجعة وهلق انتي شعتيني عليها مية مية وعالمفضلة اكيد😊
    ربي يسعدك ويعطيكي الف عافية متل مابتسعدينا بوصفاتك العسل متلك😀
    الله يسلم ايديكي ويحفظك وييديمك فوق راس عيلتك يارب واتمي تبهرينا اكتر واكتر😘😘😘

  7. والله يا ام جاسم انك انتي ملكة زاكي وصفتك كتير روعة بنسبة الي اول مرة بعرف هاي الطريقة غالبا مش كل الوصفات الي بتنزل بتبين عنا
    والطبيخ مافيه حقوق ملكية ولا شهادات ام جاسم ملفها اكتر ملف بشهد على شطارتها وذوقها في الاكل
    الك.كل تحية ام.جاسم المبدعة 👍🏻👍🏻👍🏻بننتظر احلا وصفات ما عليكي من الناس السلبية ونفسيات👿 فيه.منها كتير هون.

  8. ام جاسم بالله عليكي زعلانه مني مشان طلبت ماتشاركي بالمسابقات
    ام محمد وام علي انا بعتذر منكو
    بس ام جاسم ع مستوى عالي جدا من المهارة ومحبوبة الجماهير
    كان قصدي تفتح المجال لغيرها ليشاركوا
    بس بنفس الوقت ماتحرمنا من وصفاتها
    تقبلوا مروري

    • مروورك مقبول ولووو…
      الوحيده اللي بتقدر ترد عليك صاحبة العلاقه نفسها هي حرة…

      بس مدامها بالمهارة. اكيد بتحب تتوج شغلها بفوز خاصه انها مميزة بتفاصيل الشرح والصور

    • والله قصدي تفتح المجال لغيرها
      ولاتزعلوا ام جاسم ارجعي نورينا بمشاركاتك في المسابقه
      يختي هههه لو شو مايصير لايمكن افكر اشترك بمسابقه وام جاسم وام ادم ورشا ونور وام علاء وريحانهةوام حسن وام هديل وهبه وام محمد وام عبدالله ماشاء الله كتار المبدعات
      فيها
      يارب مااكون نسيت حد

  9. تسلمي يا رب و يسعدكم إن شاء الله حبيبتي. يا ملكة و مبدعه و كلشي حلو 😍😍😍 على بساطة هالوصفه و بعض الوصفات اللي تنزليها الا إنها رووووعه فعلاً و تساعد كثييير منا😘 و كلكم مبدعات و شاطرات ماشاءالله عليكم هنا بزاكي و الاهم الاهم إنو تعرفنا على خوات مثلكم مالهم مثيل😘 . و عالم الطبخ بصوره عامه و عندنا بالوطن العربي بصوره خاصه اغلب الأكلات و الوصفات متقاربه مكوناتها و خطواتها مع اختلاف بسيط و حتى لو مكونات ثابته لوصفه معينه. تبقى لمسات ست البيت خاصه بيها و تميزها عن البقيه و هذا هو سر الإبداع و انتي لمساتك مبهره بصراحه ماشاء الله عليكي.. حتى لما نزلتي وصفة فطيرة البطاطا. تسميها مختلفه و لمساتك واضحه فيها و مغيرتها تماما و اني اعتبرها وصفه خاصه الك و مختلفه عن قالب البطاطا اللي نزلتها… يعني مجرد عجبتك الفكره .. أما الإبداع و الشيف الحقيقي اللي نشوف اضافاته هو و انتي و الشهاده لله راااااااااااائعه👍👍👍👏👏👏

    مع حبي و احترامي الشديد ل أم آدم الغاليه و كل خواتي ب زاكي الغالي.وصفاتهن و طبخاتهن شي روووعه و الأروع و الأحلى إنو تعرفنا على ثقافات الطبخ بكل بلد😍😍😍

    . و يارب يديم علينا نعمة هالمحبه و تكون خالصه لله

  10. يسلمو ايديكي وعينيكي ام جاسم…شو هالابداع …مهما احكي ما رح اقدر اعبر عن احترامي وثقتي الكبيرة فيكي…هلا سرحت لبعيييييد يا تررررررى شو رح تكون مشاركتك القادمة !!!!

  11. ماشاء الله تبارك الرحمن كل شي بتعمليه بيطلع مميز من تحت ايديكي حتى ولو فنجان قهوة
    ربي يسلم ايديكي ومايحرمنا منك😘

    وللأمانة ولأني ماقدرت بعد ماشفت هالتعليقات اني اسكت فبحب قول للي علقو ونظرو على أم جاسم وللي لمحو بطريقة على أساس لبقة وعلى أساس ما رح نفهمها انو أم جاسم مو متعطلة تاخد وصفة بسيطة متل هي من حدا وتنسبها إلها
    أولا الموضوع مو اختراع وتانيا منعرف تماما انو أم جاسم بتملك روح رياضية تخليها تخبرنا بكل وضوح اذا هالوصفة تطبيق لوصفة شي حدا
    مع احترامي للمبدعة أم آدم طبعاً أنا عم احكي بشكل عام

    عيب والله هاللف والدوران كلنا أخوات ومنتعلم من بعض والوصفات مو حكر على حدا لنوقف لبعض عالنقرة ونرمي حساسيات
    المفروض نكون أرقى من هيك ونعطي كل واحد حقو
    وأم جاسم شهادتنا فيها مجروحة ومو بحاجة تتحايل على حدا
    عندها من الإبداع اللي بيتوزع على بلد اللهم بارك..

    • يسعد قلبك يا نوارة زاكي والله الواحد بيوقف الكلام معه قدام كلامك ورقتك واخلاقك العاليه ، كلامك وشهادتك قيمتهم كبيييرة عندي وبفتخر بصديقة مثلك صدوقة ، ربي يجزيكي الخير ويسعدك وينولك كلشي بتتمنيه.

    • أنا حكيت اللي بقلبي واللي بيمليه عليي ضميري ياغالية ونحنا أخوات والواجب الواحد يحكي كلمة حق بدون لف أو دوران
      وانتي بتستاهلي كل خير وكل احترام على طيب ورقي أخلاقك وعلى كل شي بتقدميلنا ياه
      وكلامك بيعنيلي كتير
      جزاك الله عنا خير الجزاء😘😍

  12. ماشاء الله تبارك الرحمن كل شي بتعمليه بيطلع مميز من تحت ايديكي حتى ولو فنجان قهوة
    ربي يسلم ايديكي ومايحرمنا منك😘

    وللأمانة ولأني ماقدرت بعد ماشفت هالتعليقات اني اسكت فبحب قول للي علقو ونظرو على أم جاسم وللي لمحو بطريقة على أساس لبقة وعلى أساس ما رح نفهمها انو أم جاسم مو متعطلة تاخد وصفة بسيطة متل هي من حدا وتنسبها إلها
    أولا الموضوع مو اختراع وتانيا منعرف تماما انو أم جاسم بتملك روح رياضية تخليها تخبرنا بكل وضوح اذا هالوصفة تط.بيق لوصفة شي حدا
    مع احترامي للمبدعة أم آدم طبعاً أنا عم احكي بشكل عام

    عيب والله هاللف والدوران كلنا أخوات ومنتعلم من بعض والوصفات مو حكر على حدا لنوقف لبعض عالنقرة ونرمي حساسيات
    المفروض نكون أرقى من هيك ونعطي كل واحد حقو
    وأم جاسم شهادتنا فيها مجروحة ومو بحاجة تتحايل على حدا
    عندها من الإبداع اللي بيتوزع على بلد اللهم بارك..

  13. تسلم ايديكي ام جاسم الغالية كلك ابداع ومهارة ماشاءالله لاقوة الابالله الله يحميكي وعنجد بتساعديني بكتير اشياء بالبيت الله يخليلنا ياكي ياملكة

  14. أعيذك بكلمات الله التامة من كل شيطان وهامة ومن كل عين لامة..
    الله يحميك غاليتي ويبارك بجهودك الرااائعة
    ويجزيك الخير على سعيك لتعريف أخواتك وإفادتهم بكل حب ورضا بطريقة تعليمية سهلة وممتعة ومشوقة☺

  15. لولو

    تسلم ايديكي ام جاسم
    عذبتك
    بعتذر ان تعبتك
    وبعتذر لان صار هل خلاف بسببي
    انتي مبدعة وام ادم مبدعة وريحانه وخالتو ام علاء
    بصراحة الجميع مبدع ماعم تقصرو بالأفادة
    الله يجزيكم الجنة ونعيمها

  16. صلوا على رسول الله

    ما شاء الله ام جاسم ماركة مسجلة ولا يعلى على شغلها وتعبها وطولة بالها وجهدها بسم الله تبارك الله واضح ومبين للكل

    مشكورة حبيبتي على وصفاتك الصعبة والسهلة الغريبة والمألوفة المحلية والمستوردة كمان ولا يهمك وربنا ما راح يضيعلك تعب ان شاء الله

  17. شعباً ثائر
    وقائداً حكيم
    أحييكي أم جاسم
    هذا هو التميز أستمعي دائماً لصوت الخير في قلبك مهما كثر محبيكي
    لاتغرق سفينة ربانها يحب الخير لكل ركابها .

  18. ام جاسم شو ما بتشاركي بالمسابقه…؟

    انا كل يوم بدور ع وصفاتك وبستنى شو بتنزلي…. كل واحد ياخد نصيبه بهالدنيا واللي الها نصيب تفوز رح تفوز انت ما بتقطعي نصيب حدا.. واللي ربنا كاتبه بصير 👍

  19. يا جماعة انا قررت قرار خطيييير اسمعوا منيح رح اخطف ام جاسم وام آدم وآخدهم عندي واخد منهم كل الوصفات وانزلهم على زاكي واحكي انهم الي مين بحب يتعاون معي ………..عاااااااجل ام جاسم وام آدم مطلوبين الي …….الي بيلاقيهم يسلمني اياهم …..وخلص ما تزعلو كل الوصفات الي بزاكي انا نزلتهم والدليل ملفي 😅😅😅😅😅😅 الي بدخل عالملف تبعي 🤫🤫🤫🤫🤫🤫🤫

  20. لولو

    الله يباركلك يكل حياتك يارب
    ام جاسم الله يجزيكي الجنة
    اليوم طحنت البصل وطلع رووووعة
    وبكرا ان شاءالله رح اعمل التوم
    تسلم ايديكي الله يشفيلك ابنك ويفرحك فيه

اترك تعليقاً

لن يتم نشر عنوان بريدك الإلكتروني.