img
الرئيسة / أطباق رئيسية / المقلوبه بتكاتها وحركاتها ملكة الاكلات الفلسطينية

المقلوبه بتكاتها وحركاتها ملكة الاكلات الفلسطينية

/
/
/
2029 مشاهدات

 

المقلوبه بتكاتها وحركاتها ملكة الاكلات الفلسطينية

المقلوبه بتكاتها وحركاتها ملكة الاكلات الفلسطينيه

المقلوبه بتكاتها وحركاتها ملكة الاكلات الفلسطينية

المقلوبه بتكاتها وحركاتها ملكة الاكلات الفلسطينية , معكم صديقة زاكي الشيف الموهوبة ,

المقادير

  • دجاج نظيف ومغسول جيدا
  • ومدعوك بـ:
  • الملح
  • الليمون
  • زيت الزيتون
  • 3كاسات ارز قصير الحبه
  • كاسة ارز طويل الحبه او حسب افراد العائله
  • خضار مثل:
  • الزهره
  • باذنحان
  • بطاطا
  • بندوره مغسوله ومقطعه دوائر
  • راس بصل متوسط
  • شعيريه حسب الرغبه
  • زيت للقلي
  • ملح
  • فلفل اسود
  • بهارات مشكله
  • كاري
  • رشة زنحبيل
  • رشه قرفه ناعمه
  • او عود قرفه كركم
  • او عصفر ورق غار

الخطوات

بسم الله الرحمان الرحيم

اسعد الله اوقاتكم جميعا يا وردات حفظكم الرحمان انتم واحبابكم اينما حللتم بنلف وبندور وبنرجع لطبخاتنا الغاليه الاصليه الي ما بنسغني عنها ابدا في سفرتنا العربيه الاصيله طبعا هذه الاكله ما في ست بيت الا بتعملها وبتتقنها بنفسها الطيب لكن كل وحده الها زوق وتكتيك خاص هي وعائلتها ربنا يحفظكم جميعا

تعالو معي خلينا نشوف الطريقه

اول شي بنحضر كل ما يلزمنا حتى تكون الاكله سهله وسريعه ومتقنه وبنبلش بثلاث خطوات مع بعض بنغسل الارز جيدا وبننقعه بمي دافيه ورشة ملح وبنبلش بسلق الدجاج مع المطيبات وفي هذه الفتره بنقلي الخضار وبنقليها على العالي حتى تتحمر ونحصل على لونها الذهبي الجميل وطبعا رح تكمل استوائها اثناء الطبخ

الدجاج نضج بحضر طنجره وبضع في اسفلها بعض شرحات البندوره وبصف الدجاج فوقه وبضع الخضار المقليه فوق الدجاج طبعا مع شرحات البندوره استخدمت البندوره لانها كثير بتناسب الباذنحان في المقلوبه وبتكون طيبه معه وبضيف الارز المغسول والمبهر ومخلوط بالشعيريه كطبقه ثالثه وبصفي الشوربه وبضيفها فوق الارز بتكون مرتفعه بمقدار عقلة الاصبع طبعا اذا بدك المقلوبه طريه زيدي الشوربه شوي وبضعها على االنار العاليه لمدة عشر دقائق او اقل وبوطي الغاز وبتركها تنضج على راحتها واذا بدك المقلوبه تطلع معك متل القالب اتركيها بعد ماتستوي ترتاح نص ساعه لا تسكبيها على طول رح تحصلي على الشكل الجميل الي بدك اياه

وبتقدميها مع اللبن والسلطات والف صحه وهنا على قلبكم يا احلى وردات واحلى شيفات بالعالم

استودعتكم لله الحي القيوم الذي لا تضيع ودائعه انتم وجميع احبابكم واشكركم على المتابعه من كل قلبي

109 تعليقاً

  1. الشعيرية مش زاكية مع المقلوبة وما بتحط مع المقلوبة الاصلية
    والذ مقلوبة وهي بالاصل فقط زهرة….اومقلوبة باذنجان
    ويسلموا هالايدين

  2. يعطيكي الف عافية حبيبتي مقلوبتك شكلها بتشهي برافو ابدعتي
    بس بالنسبة للشعيرية هي اساس المقلوبة بالنسبة الي لانها بتعطيها طعمة بتشهي وبيكون الرز مو مرزرز

    • حبيبتي الله يكرمك كلامك سليم وفعلا الشعيريه بتعطي نكهه خاصه للمقلوبه وبتمنع الرز يرزرز على قولتك عدا عن هيك تعودنا عليها وما بنستغني عنها ابدا اشكرك على تعليقك الطيب

    • الشعيرية بتعطي نكهة كتير زاكية للمقلوبة وانا بحبها كتير بس مابحطها دايما لانه جوزي مابحبها بس لو بايدي كل طبخة مقلوبة بحطها😊😊😊😊

  3. رهيييييبه ام علاء ابدعتي ربي يسلم هالايدين انا بكره المقلوبه وبس تيجي سيرتها معدتي بتقلب بس مقلوبتك منظرها مغري يعني لو بعتيلي صحن ما بحكي لأ 😉😉😘

  4. ام صهيب حبيبتي لازم تحبي المقلوبه لانها الها قصة لما حرر صلاح الدين القدس عملوها اهل القد احتفالا بالنصر كانو يسموها الباذنجانيه وخواتنا المرابطات بساحة الاقصى دائما بعملوها حتى يذكروا عدوهم بهزيمته وهاي الاكله بالذات بتقهرهم

  5. يا سلام منظرهااا روووعه وشكلهاا بشهييي أللهم بارك 😍
    يعطيكي العافيه يا غاليه ربي يبارك فيك ويعطيكي الصحه والعافيه وصفه لا يعلا عليها 🌷😙
    اليوم أنا عملت مقلوبه طلعت كتير زاااكيه ولا رزه تمت 😄😉

  6. ماشاءالله تبارك الله
    رووووعه
    الله يعطيكي العافيه ام علاء
    صحيح كلامك هيا لها وزن تاريخي
    وليمة النصر
    إن شاءالله نأكلها بفلسطين القدس ونحن نساعد أخواننا لتحريرها .

  7. خالتو ام علاء شو بدي احكي وشو بدي أقول المنظر بيحكي لحالو اناااا بشهههههههي الله يسلم هالديات الي بيلتفو بالذهب والله ذكرتيني بطبيخ ماما جد أول ما أشوف اكلاتك بتذكر أكل امي ربي يخليلي اياكي يا غالية ويخليلي امي الي ما في حياة بعدها ♥️♥️

  8. ول يا جماعة ارحموني كل مقلوبة ازكى من الثانية عنجد المقلوبة ابداع لا ينتهي مع كل ست بتطلع اطيب من التانية وانا بموووووت فيها 😋😋😋😋
    الف صحة يا قلب يسلم اديكي يا رب 😙😙😙😙😙😙😙😙

  9. ما شاء الله تبارك الرحمن يسلمو اديكي يا اغلا الغوالي على هالمقلوبه الروعه والي بتفتح النفس
    اللهم بارك بصحتك وعافيتك يا رب
    الف صحه وهنا😘❤😍

  10. بس الله وماشاءالله عنك ياغالية منظرا لحالو بدو حكاية ومابتوفيه حقو😄😅
    عدا عن الرتابة والاتقان الموجود بكل وصفة بتنزليها ربي يعطيكي الصحةوطوللة العمر
    ويسلم ايديكي 😘
    حبيت فكرت الشعيرية بقلبا رح اجربا باقرب وقت ان شالله 😍

  11. رووووووعاتك يا اميرتنا الغالية أبدعتي وتألقتي كالعادة بهالوصفة الساحرة😀
    ربي يباركلك ويسلم هالأنامل اللي بتلتف بالحرير😍
    أعتقد لازم تتسمى كيكة المقلوبة على هالوقفة الحلوة ههههههههه
    بتشهي ماشاء الله الله يهني كل مين أكل من طبخ ايديكي 😙

  12. ياعيني عالمقلوبه وتكاتها ملكة القلوب ربي يسلمهم ديااااتك منظرها بشهي وبفتح النفس ياعيني لما تكون مدبقه عبعضها 😋😋😘💞🌹

اترك تعليقاً

لن يتم نشر عنوان بريدك الإلكتروني.