img
الرئيسة / أطباق رئيسية / ملوخية أكلة ملوكية ملكة الأكلات العربية

ملوخية أكلة ملوكية ملكة الأكلات العربية

/
/
/
2163 مشاهدات

 

ملوخية أكلة ملوكية ملكة الأكلات العربية

ملوخية أكلة ملوكية ملكة الأكلات العربية

ملوخية أكلة ملوكية ملكة الأكلات العربية

ملوخية أكلة ملوكية ملكة الأكلات العربية, معكم صديقة زاكي الشيف الموهوبة ,

المقادير

  • نصف كيلو ملوخية مفرومة ومغسولة
  • دجاجة مقطعة ومنظفة
  • 3 حبات كبار بندورة يفضل تكون حمرا ومستوية
  • راسين ثوم مهروس بشكل جيد
  • سمنة
  • باكيت ماجي
  • ملح

الخطوات

السلام عليكم ورحمة الله ..

الملوخية هي طبخة معروفة بالدول العربية تقريباً اغلبها عشان هيك مابنقدر نحدد لأي دولة بتنتمي وطبعاً بتختلف طريقة الطبخ من دولة لأخرى وانا طريقتي بطبخ الملوخية كالتالي:

بسم الله نبدأ……..

أولاً:

بطنجرة مناسبة بشوح نصف كمية الثوم بملعقة سمنة كبيرة حتى ياخذ اللون الاشقر الفاتح ومن بعدها بنزل عليهم قطع الدجاج وبتركهم يتشوحوا مدة عشر دقائق مع التحريك

وبكون عصرت حبات البندورة على خلاط الكوكتيل وبضيفهم فوق الدجاج مع باكيت الماجي وبتركهم مدة ربع ساعه بعدها بضيف الماء المغلي حتى يغمر الدجاج وبتركو يستوي 3 ارباع استوا طبعاً انا استخدمت ملوخية مفرزة عشان هيك ماضفت الا كاسة مي فوق الدجاج

ثانياً:

المرحلة الثانية هي اضافة الملوخية فوق الدجاج وبتركها تغلي وبشيل اي رغوة بتتكون عالوجه وبزبّط الملح وبغطي الطنجرة عشان تستوي الملوخية

ثالثاً:

بس اتأكد من استواء الملوخية بشوح باقي كمية الثوم المهروس بملعقة كبيرة سمنة وبس يتشقر بضيفوا للملوخية وهي بتغلي واحلا شي بالموضوع لما تسمعي صوت طشطشة الثوم هههههههه بتركها تغلي خمس دقايق وبطفي النار تحتها

طبعاً الملوخية بتتقدم مع رز مفلفل بالشعيرية والليمون وممكن اي نوع من المخللات وصحتين وهنا عالجميع

ملاحظة:

في ناس مابتضيف عصير البندورة للملوخية بس عن جد بعطي حموضة وزكاوة وبشيل المطة من الملوخية وبرضه في ناس مابتحب الجاج مطبوخ مع الملوخية بعد مرحلة السلق بتقدري تشيلي الجاج وتحمريه او بتقليه وبتكملي طبخ الملوخية بمرق الجاج هالشي حسب ذوق ست البيت وعيلتها.

83 تعليقاً

  1. بصراحة الملوخية عشق الكل صغار وكبار وانا شخصيآ بحترمها وبقدرها هالأكلة هههههههههه
    يسلم اديكي يا قلب الف صحة وهنا يا رب 😙😙😙😙😙😙

  2. بسم الله وماشاءالله عنك ياعسل 😘
    الملوخية اكلة لاقبلا ولابعدا وخاصة اذا من تحت دياتك ياويليييييي هههههه😂
    الله يسلم ايديكي ياقلبي ابدعتتتتتتتي😀
    وصحةوالف هنا😘

  3. الأعمال المشروعة وقت الخسوف:
    ِ: ذِكرُ اللهِ تعالى ، والدُّعاء ُ، والاستغفار ُ، والصَّدقة ُ، والتقرُّبُ إلى اللهِ تعالى بما يُستطاعُ من القُرَبِ ؛ نصَّ عليه الحَنَفيَّة ، والمالِكيَّة ، والشافعيَّة ، والحَنابِلَة ، وحُكِيَ الإجماعُ على ذلك.

    #الأدلة :

    ☑ عن عائشةَ رَضِيَ اللهُ عنها ، قالت : إنَّ رسولَ اللهِ صلَّى اللهُ عليه وسلَّم قال : ((إنَّ الشَّمسَ والقمرَ آيتانِ من آياتِ الله ِ، لا يُخسفانِ لموتِ أحدٍ ولا لحياتِه ؛ فإذا رأيتُم ذلك فادْعُوا الله َ، وكبِّروا ، وتَصدَّقوا)).رواه البخاري ومسلم.

    ☑ أنَّه تخويفٌ من اللهِ تعالى ؛ فيَنبغي أن يُبادَرَ إلى طاعةِ الله تعالى ، والتقرُّبِ إليه بالأعمالِ الصالحة ِ؛ ليكشفَه عن عبادِه.

    الموسوعة الفقهية #كتاب_الصلاة

  4. ياعيني ياعيني على هالاكله فعلا لا يعلى عليها ملكة القلوب هي والمقلوبه ربي يسلمهم ديااااتك ياعسل بتشهي 😋😘💞🌹

اترك تعليقاً

لن يتم نشر عنوان بريدك الإلكتروني.