img
الرئيسة / حلويات / الكنافة الغزاوية ( المبعتره ) على طريقه أختي الحبيبه كتير طيبه وطعمها غير شكل

الكنافة الغزاوية ( المبعتره ) على طريقه أختي الحبيبه كتير طيبه وطعمها غير شكل

/
/
/
2573 مشاهدات

 

الكنافة الغزاوية ( المبعتره ) على طريقه أختي الحبيبه كتير طيبه وطعمها غير شكل

الكنافه الغزاويه( المبعتره) على طريقه أختي الحبيبه كتير طيبه وطعمها غير شكل

الكنافة الغزاوية ( المبعتره ) على طريقه أختي الحبيبه كتير طيبه وطعمها غير شكل

الكنافه الغزاويه( المبعتره) على طريقه أختي الحبيبه كتير طيبه وطعمها غير شكل , معكم صديقة زاكي الشيف الموهوبة ,

المقادير

  • كيلو سميد وسط
  • كوب سكر
  • كوب حليب بودرة
  • كوب طحين
  • كوب سمنه سايحه
  • كوبين ماء
  • رشه ملح
  • معلقتين كبار قرفه
  • معلقتين كبار سمنه عاديه
  • للحشوه:
  • وقيه عين جمل( جوز)
  • معلقتين كبار سكر
  • معلقتين كبار قرفه
  • قطر سااااخن يكون وسط مو تقيل ولا خفيف
  • للزينه :
  • مكسرات حسب الرغبه

الخطوات

بسم الله نبدأ

في وعاء يتم خلط المواد الجافه معا جيدا السميد والطحين والسكر والحليب ورشه الملح بنضيف السمنه والميه وبنحركهم كويس الخليط بكون شبيه بخليط الكيك بس تقيل بتصبيه بصينيه مدهونه سمنه وبتحطيه بفرن على نار هادئة من فوق بس لتنشف العجينه ما بدنا إياها تتحمر بس لتصير ناشفه بعدها بنكسرها قطع صغيره وبنطحنها على محضره الطعام لتصير زي حبات المفتول بعد ما نخلص كل الكميه بنضيف عليها معلقتين كبار قرفه ومعلقتين سمنه وبنفركهم مع بعض كويس

بصينيه مدهونه سمنه حطي نص الخليط ساوي سطحه وإضغطي عليه كويس إخلطي مكونات الحشوه مع بعض وضفيها بالتساوي إرجعي ضيفي نص الخليط وإضغطي عليه كويس حطي الصينيه بالفرن على نار هادئة من فوق مع التدوير المستمر لما تلاحظي إنو وجه الصينيه تشقق والأطراف تحمرت نزليها لتحت لتأخد لون ذهبي لما تطلع من الفرن بتشربيها بقطر ساااااخن وهيا سخنه علشان تتشرب كويس زينها بالمكسرات وإستمتعي بألذ قطعه كنافه من تحت ديادك لا تنسي فنجان القهوة معها ليصير الطعم متناااااغم

طريقه القطر:

خمس أكواب سكر مع ثلاث أكواب ونصف ماء على الغاز ليغلي إعصري نصف ليمونه وتركيه عشر دقائق

بتمنا هالوصفه اللذيذة تعجبكم يا قمراتي وتدعولي بالخير والعافيه

ملاحظه:

ممكن تحتاج معك بالفرن ساعه إلا ربع بالمرحلة التانيه لأنو النار لازم تكون كتير هااااديه

وصحه وعافيه بحبكم أنا

87 تعليقاً

  1. بسم الله ماشاءالله اشي بفتح النفس يسلمو اديكي ياعسل ويخليلك اختك ويعوض عليكي بادريه صالحه يارب 🤗احنا بنسميه كنافه عربيه 😂ان شاءالله راح اجربه يارب تزبط معي بس انا عندي فرن كهربه بتزبط علي الكهربه الانو مافي مجال ألف صنيه بنفع ولا مابنفع 😣يسلموووو علي الكنافه ياكنافه وما فيه ازاكه منه 😂😂😂😂

  2. ما شاء الله شو هالجمال والزكاوه اللهم بارك
    شكلها بشهي واول مره اعرف طريقتها وحابه اجربها ان شاء الله
    يا ريت لو نص السدر عندي هسه ما بتعرفي شو رح يصير فيه هههه
    يسلمو اديكي وادين اختك الله يباركلكم
    ويحفظكم ويرزقك الذريه الصالحه عاجلا غير آجل يا رب ❤😍😘

  3. يسعد ام مصطفى ما أزكى كنافتها الغزاويه سفره عامره يارب الله يحفظ اختك يارب ويحفظك😘😘😘😘😘😘 ما في احلا من الجمعه مع بعض 💓🌸💕❤

  4. ماشاء الله منظرها بشهي يسلمو ايديكي وايدين اختك وصحة وهنا على قلوبكم جميعاً
    بدي اسألك عن طريقة كنافة غزاوية شفتها زمان ع زاكي بتنعمل بالبرغل في هيك شي والا كيف ؟

    • حبيبتي تسلمي يا رب اللهم آمين ربي يبارك فيكي ويسعدك 😙🌷
      أهاا في طريقه بالبرغل طيبه كمان أنا مره جربتها وأنا صغيره كنت بإعدادي أخدت الطريقه من صحبيتي كيفو عليهاا 😍👍
      هيا نفسها حبيبتي ❤

  5. هاد هو اللي بيحكو عنو قنبلة نووية😍😍
    شي فااااااخر عالآخر والله
    أولا الوصفة جديدة عليي تماماً بس شكلو طعمها دماااااااار 😀
    تانيا ربي يسلم هالديات ويباركلكم انتي وأختك طلعتو عيلة مبدعات اللهم بارك هههههه
    الله يديم المحبة بيناتكم ويهنيكم بهالجمعات الحلوة😍
    أختك أخت مثالية بالمناسبة😂😂
    ثالثاً ما عرفتي تشحطيني معك مشان ساعدكن يعني😁

  6. تسلم ايدك شكلها بشهي👍🏻👍🏻👍🏻👍🏻👍🏻👍🏻 😂😂😂حرام عليكم شو هاد الاكلات وحلويات ذبحتونا مش راح يزبط معنا رجيمات ولا شي عشان الدهون الي بتتراكم 😂😂😂😂😂😂😂😂😂

  7. ماشاءالله اللهم بارك
    وصفه رائعة وجديده عليا وشكله لذيييييذة
    الله يسلمكن انتي واختك على تعريفنا بهذا الموروث الجميل ربي يجعل دياركم عامرة باالخير والبركة .

  8. تبارك الرحمن .. جمااااال ولذااااذة غير عادية
    وصفة جديدة وغير معروفة بالنسبة إلنا.. والله المستعان 😁
    فعلا تستحق التجربة مكوناتها لذيذة جدا وشكلها رااااائع اللهم بارك
    وجزاها الله خيرا أختك المبدعة .. ربي يحميكم ويبارك بجمعاتكم وأكلاتكم
    صحتين وعواااافي يا رب🌷

  9. تبارك الله على الجمال هاي الكنافه جديده مش غريب عن غزة ام الاختراعات والاكلات الذيذه اي شي
    الله يسلم دياتك وديات اختك ويحفظكم لبعض المنظر رائع واكيد الطعمه اطيب واروع

  10. يممممممي كتير زاكية انا بعملها بس طريقتي بتختلف عن طريقتك وهية اسمها كنافة غزاوية كمان وكتير ولادي بحبوها وشكلي رح اعملها فتحتي نفسي هههههههههههههه
    ربي يسلم اديكي يا قلبي ويبارك فيكي😙😙😙😙😙😙😙😙😙

  11. بسم الله وماشاءالله
    يسلملي المعدل شوبحبو 😍
    الله يسلم ايديكي انتي واختك ياقلبي
    الله يديم المحبة بيناتكن والجمعات الحلوة
    شهيتينا على اكلة حلو هلق😘😄
    الف صحةوهنا عقلبكن ويعطيكن الف عافية😍

  12. ما شاء الله شكلها رووووووووعة أول مرة بسمع فيها بس مبينة كتييير زاكي واكيد من تحت دياتك غير يسلم هالايدين 👏👏👏👍👍
    وصحة وهنا يا رب ❤❤

اترك تعليقاً

لن يتم نشر عنوان بريدك الإلكتروني.