img
الرئيسة / أطباق رئيسية / بيف ستراغنوف ملكة الاكلات الروسية

بيف ستراغنوف ملكة الاكلات الروسية

/
/
/
2122 مشاهدات

 

بيف ستراغنوف ملكه الاكلات الروسية

بيف ستراغنوف ملكه الاكلات الروسية

بيف ستراغنوف ملكه الاكلات الروسية

بيف ستراغنوف ملكه الاكلات الروسية , معكم صديقة زاكي الشيف الموهوبة ,

المقادير

  • 0.5 كيلو لحمه بيف ستروغانوف (متل شاورما اللحمه شكلها)
  • 1 كوب فطر مقطع شرائح
  • 1 بصله صغيره مقطعه مكعبات
  • 0.25 كوب زيت نباتي
  • 2 م ك زبده طريه
  • 1 فليفله خضرا مقطعه شرائح رفيعه
  • الكريما:
  • 2 كوب حليب سائل
  • 0.5 باكيت ماجي بودرة
  • 2 م ك طحين
  • رشه فلفل اسود
  • 1 بكيت قشطه 125 مل
  • التزيين:
  • مخلل الخيار (وهو اساسي للوصفة بس انا استعملتو كتزيين)

الخطوات

مسا الخير يا حبوبات كيفكم ان شاء الله تكونو بخير ….بعيد عنكم صاير عندي ادمان اشارك بكل مسابقه ههههههههه الله يستر شو اخرت هالادمان

اليوم الوصفه من ……رووووووسيااااااا ترررررااااارررااااااا

بيف ستراغنوف وصفه اصولها رووسيه كتتييير زاكيه وبتششهي كمان وبتنعمل بالدجاج برضو وتقدم بجانب الارز الابيض ……وكل ناس تعملها متل ما تحب يعني في ناس ما تحط فليفله مع انها اساسيه او حتى المخلل … بس نحنا هيك حبيناها

…******* وهالوصفه غنيه جدا بالسعرات الحراريه ….واخد بالك يا عم اسماعيل سعرررررات حراريه ههههههههه احم احم ريجيمات اه ههههههههه

ونبلش ونقول يالله وفكوكو من عم اسماعيل الله يعينو ههههههههههه

بنحوس البصله مع الزيت النباتي والزبده لتدبل شوي.

ثم نضيف الفطر ونحرك ثم نضيف اللحمه. ونتركها تستوي على نار هاديه. طبعا هي حتنزل ماء فما في داعي نضيف عليها ماء

بنعمل الكريما وهي انو نخلط كل المواد مع بعض على البارد ثم نضيفها على اللحمه ونحرك لتغلى

بس تستوي اللحمه (ونتاكد انو لسه في عليها ماء اذا مافي بنضيف نصف كوب)

هلا هون الكريما حتصير كثيفه بنخففها بالماء مع الماجي او بمرقه دجاج لحد ما تعجبنا كثافتها. ثم نضيف الفليفه ونتركها خمس دقايق ونطفي الغاز عليها

نزينها بمخلل الخيار وهو اساسي. وتقدم بجانب الارز الابيض

****** والف هنا وصحه ******

66 تعليقاً

  1. ههههههههه قسما بالله فكرت المخلل باميه يختي بشوف الصور بقول كيف حاطه باميه ومافي بالطريقه سيرة للباميه يختي اطلع من الوصفه وارجعلها
    ههههههههههه
    طلعت مخلل خييييييار
    بس بتعرفي رح جربها شكلها زاكيه والله ي
    والله انك بتجنني متل وصفاتك

  2. والله ماعرفتك يأم ادم وانتي بتطبخيلنا روسي ههههه شكلك مستأجره طيارة رنوش تبعت تايلند
    والله وصفه زاكيه مثلك وصحه ع روسي يا روسي

  3. يسلمو ايديكي شكلها بشهههههي بدها تجربة ان شاء الله ما شاء الله عنك فنانة
    يعطيكي الف عافية يا رب 👏👏👏👍👍👍👏👍👍

  4. يسلم هالديات يا وردة كل شي من تحت دياتك طيب وبيشهههههههي وانا متأكدة من هاد الشي ربي يحفظك ويحفظ عيلتك ويديم عليكم الصحه والعافيه

  5. ما شاء الله عليكي اشي بشهي بس ما عرفتك وانتي روسية ههههههههههه
    والله وكل غيبة بأكلة قصدي بسلامة 😂😂😂😂
    بس عنجد بتشهي شكلها طالعة الف صحة وهنا ع قلبك يا قلب 😙😙😙😙😙😙😙

  6. يسلمو اديكي يا قلبي على هالوصفه الرووعه
    ما شاء الله عنك عنجد شكلها بشهي ولازمها تجربه الله يسعدك ويباركلنا فيكي وبوصفاتك يا احلا ام آدم 😘😘

  7. ههههههه لك يسعد قلبو الفرفوش ياناس هو المسابقة شومحليا غير وجودك فيا ياعسل😉
    دخيل الروسي لاجلك ياقمر 😍

    الله يسلم ايديكي ويعطيكي الف عافية ياعمري😍😘

  8. اه يا تسووووم والله طلعتي مو قليلة
    عم تشطي وتمطي وتنطي لروسيا من ورانا ههههههههههه
    أبدعتي والله هالوصفة مميزة وبتاخد العقل وكتير كتير كتير بتاع دايت يا حجة ام اسماعيل😁
    تسلم ايديكي ياقلبي متألقة كالعادة😙

    بس قربي وشوشك سؤال👂
    غسالتك وينها اشتقتلها🙉

    • ههههههههه وك منا رحلت وغسالتي صارت بالحمام بعيد عنك ..ماعادت بالمطبخ 😂😂😂

      لا بعبجك ولا بتفكري حالك لحالك بتلفي العالم بوصفاتك 😂😂 انا وصلت روسيا ورجعت 😂😂😂

      ربي يسعدك ويبارك فيك ياقمر⁦❤️⁩

  9. ماشاءالله
    وصفه جديده
    الله يعطيكي العافيه .
    وليت الروس والطليان والرومان يرحلون عنا ويتركون دمائنا من الأرض تجف ومهجرونا من قوارب الموت يعودون ومن تخويف ترحيلهم يأمنون ولبلدانهم يرجعون آمنون آمنون
    ومدافعنا من سمومهم تصمت وتعلن الحداد لأجل غير مكتوب
    وليعلمونا أكلهم وشرابهم وثقافتهم بحضارة كمايدعون ويتركو لنا الخيار والحرية في أخذ ما يناسبنا وهذه هيا الحرية التي بها رؤوسنا يصدعون لا غيرها
    ولتأتي روما إلينا بطبق البيتزا والمكرونة وسنرسل لها معجمات طبخنا كلها لنحيا بسلام ويحيو بسلام فتلك هيا العداله

    المعذرة شردت قليلاً لكن لا أخفيكم فوضعنا يؤلمني يؤرقني وكأني التمس الفرج من الله في كل زاوية وبقعة في هذا العالم فلا أدري متى سيأتي وبمن يكون ومن يحمل مشعل النور لهذا الظلام
    نحن شعوب تستحق السلام ونحن أمة الشهداء وولادة العظماء .

    • حبيبتي أمي جنتي الله يحفظك والدتك ويحفظ اليمن وأهلها وترجع اليمن السعيد متل أول وأحسن كمان وكلي أمرك لله أختي العزيزة ويا رب يحقن دماء أهل اليمن ودماء العرب والمسلمين في كل مكان وزمان اللهم آمين

      كلامك صحيح وعالوجع وبيضرب عالوتر الحساس لأنه لازم نبطل التقليد الأعمى للغرب في لباسهم وأكلهم وعاداتهم وناخد منهم بس الأمور الحسنة النظام واحترامه واحترام الوقت وقيمته وحب العمل ونتمسك بدينا الحنيف وعاداتنا وتقاليدنا الاصيلة والمحافظة بنكون بالفعل خير أمة أخرجت للناس

    • عزيزتي .. نحن أمة لا تصلح إلا بدين
      لن ينصلح حالنا إلا إذا تمسكنا بتعاليم ديننا كما كان الصحابة والتابعين. وبغير هذا فلا
      والله المستعان

    • اللهم آمين

      كلامكن كله حُجة بينة مثل النهار أخواتي
      ديننا لا يحتاج إلى مليار ونصف صالح لتنصلح أحوالنا
      لأن الصالح ينفع نفسه فقط ولكنها تحتاج مصلحين لأن المصلح يحمل مهام الرسل ويسعى باالأصلاح بين الناس جميعاً ويواجه كل الصعوبات لتحيا الأمة
      وفينا مصلحون مثلكن أخواتي ويجب أن يكون في كل بيت مسلم والمرأة المسلمة هيا أصل هذا الأصلاح لأنها من تلد وتربي وتغرس القيم في أبناء الأمة
      كلنا نحب أن نكون فاعلين في زاكي وفي بيوتنا ومجتمعاتنا ولو كل واحدة أعطت أهتمام نصف الذي تبذله في هذه المنتديات والتجمعات لتكون فاعلة في رفعة المسلمين والأسلام لنجحنا في النهوض لأن الأمة العظيمة تربيها أم تحمل نفس معانيها
      وأرى والله أعلم بأن الخير قادم وسيكون أقرب مما يتوقعه الغافلون فلنسابق الوقت ونحجز مكاننا بين الشهداء أو الأبطال المنتصرون الدعوة مفتوحة للجميع من كل قلبي أرجو الله أن لا ينقص منناأحد عند نيل رضا الله ودخول الجنه خاصة من هذا المجمع المبارك
      .وما توفيقي إلا بالله عليه توكلت وإليه أنيب .

اترك تعليقاً

لن يتم نشر عنوان بريدك الإلكتروني.