img
الرئيسة / أطباق رئيسية / منسف ملكة الاكلات الأردنية

منسف ملكة الاكلات الأردنية

/
/
/
1540 مشاهدات

 

منسف ملكة الاكلات الأردنية

منسف ملكة الاكلات الأردنية

منسف ملكة الاكلات الأردنية

منسف ملكة الاكلات الأردنية, معكم صديقة زاكي الشيف الموهوبة ,

المقادير

  • طبعا جميد أو لبن شنينة تلاتة أو أربعة كيلو حسب الطبخة جاهز أو إذا مش متوفرين بنستخدم مثلا كيلو لبن رايب أو أكتر حسب الكمية إلي بدنا نطبخها
  • بحالة استخدمنا لبن رايب طبعا في نوع بالسوق بيكون حامض شغل طبخ مش أكل عادي بنستخدم نشا حتى ما يفرط وفي مكعبات جميدكو بتعطي نوعا ما طعمة الجميد الزاكية باللبن
  • لحمة أو دجاج الكمية المناسبة حسب الطبخة
  • زيت نباتي
  • رز حبة قصيرة عادي
  • ملح وكركم وممكن استخدام بهارات منسف أو بلاها
  • خبز شراك أو مشروح أو عادي
  • للتزيين:
  • لوز أو فستق ني
  • بقدونس أو كزبرة بتعطي الكزبرة نكهة زاكية أكتر من البقدونس أو بدون

الخطوات

المنسف ومتل ما هو معروف محبوب ومعشوق الملايين أكلة زاكية جدا وبنحب ناكلها بأي وقت وأغلب العيلات بالأردن عندهم رسمي بيطبخوه يوم الجمعة وبالعزايم هو سيد الطبخات واكترها تفضيلا عن باقي الأكل

أكيد الكل بيعرف الطريقة وهي بنغسل الرز وبننقعه وإذا كان بلحمة ممكن نسلق اللحمة نص سلقة او بنطبخه باللبن مباشرة بيطلع أطيب وما بيفقس مي لما بنضغط عليه

وإذا كان بجاج بنفضل نسلق الجاج قبل ولو نص سلقة لأن زنخته أكتر من اللحمة وبتخف مع السلق بورق الغار وممكن شرحات بصل وبس ما في داعي لشي تاني طبعا بيكون الجاج مغسول ومنظف منيح

وبنغلي اللبن وبنسقط اللحمة أو الجاج وبنستمر بتحريك اللبن لحتى يبلش يفور وينسف ومن هون إجى إسم المنسف وبنخليه يغلي ليثقل ويستوي الجاج أو اللحمة منيح

وبنيجي للرز بنطبخه بالطريقة المعتادة المعروفة بعد ما يخلص نقع ونصفيه ونغسله وممكن نضيف مع الملح الكركم (العصفر) أو بدون لأنه الأصل بالمنسف رزه واللبن أبيض وبدون كركم ووقت التزيين بينحطله صنوبر أو لوز بس بدون أي ورقيات بقدونس كزبرة

وقت التقديم بنفت خبز شراك بالصينية أو السدر أو بنحطه كامل أو خبز عادي إذا كان طبخه للعيلة وبنشربه من اللبن وبنحط الرز فوقيه وبعدين نرتب قطع الجاج أو اللحم وبنزينه وسلامتكم

وصحة وهنااااا

97 تعليقاً

  1. يسعد صباحك ….سيد الاكلات الاردنيه احنا اذا طبخنا بلحمه ما بنسلقها على اللبن مباشره واذا جاج زي ما تفضلتي بنسلقوا نص سلقه وبعدين على اللبن وصدقا كل جمعه الا منسف وعند بيت حماي صار عاده …..تسلم يمينك صوره المنسف بلحمه هاي ذبحتني ريتو صحه وعافيه

  2. يسعد صباح الجميع تسلمزايدك حبيبتي فعلا المنسف صار معشوق الملايين سبحان الله اله ماركه خاصه عن كل الاكلات واليوم الجمعه يمكن ثلثين سكان الاردن عاملين منسف صحه وهنا على قلبكم وقلب كل يلي عاملين منسف اليوم شكله بشهيزالله يعطيك العافيه

  3. ما شاء الله عليكي حبيبتي فعلا إنه روووعه أنا أول مره بحياتي أدوقه برمضان بس شريناه من مطعم جاهز كتير طيب ولذيذ يسلموو ديادك يا وردتنا😍🌷😙

    • الله يسلمك ويبارك فيكي ام مصطفى
      صحة وهنا على قلبك بس والله استغربت إنك بتقولي أول مرة بتوكليه للمنسف لأنه أهل فلسطين بيعرفوه وطبعا أكيد أهلنا الفلسطينية إلي عايشين بالأردن بيطبخوه وبيوكلوه دايما

      ييجوز أهل غزة غير ما بعرف

  4. هاد منظر بيدووووووخ اللهم بارك 😍
    الريحة يختي بس عم اتخيل الريحة أكيد دماااااار
    ربي يسلم هالأنامل ويباركلك ويعطيكي الف عافية يا وردتنا المتألقة😀
    شي بشهي وبنغمش القلب هههههه

اترك تعليقاً

لن يتم نشر عنوان بريدك الإلكتروني.