دجاج مع الخضار بمرطبان زجاج ملكة الأكلات التركية

88 3٬725
 

دجاج مع الخضار بمرطبان زجاج ملكة الأكلات التركية

دجاج مع الخضار بمرطبان زجاج ملكة الاكلات التركيه

دجاج مع الخضار بمرطبان زجاج ملكة الأكلات التركية

دجاج مع الخضار بمرطبان زجاج ملكة الاكلات التركيه, معكم صديقة زاكي الشيف الموهوبة ,اليوم جبتلكم وصفه خنفشاريه كافانوزدا سوسلو تافوك هي اكله تركيه واسمها غريب بس صدقاً صدقاً طعمها رهيب ولذييييذه وشهيه وانصحكم بتجربتها تعالوا نشوف الطريقه

المقادير

  • دجاجه مقطعه ٨ قطع
  • بطاطا مقطعه مكعبات
  • بندوره شيري او مقطعه مكعبات
  • بصل صغير او مقطع
  • ١ م ك زبده
  • نص كوب زيت زيتون
  • نص كوب ماء
  • ٢ فص ثوم
  • ٤ ورق غار
  • ٢م ك معجون طماطم
  • ١ م ك معجون فلفل احمر ان وجد
  • ١ م ك بابريكا
  • نص م ص شطه اختياري
  • ٢ قرن فلفل اخضر
  • ملح
  • فلفل اسود
  • بهارات الكاجون اذا وجد او بهارات البطاطا
  • ٢مرطبان زجاج فارغ

الخطوات

الخطوه الاولى

في وعاء نضع معجون الطماطم والفلفل و البهارات مع الزيت والماء ونحركهم ثم نضع الدجاج وندعكه بأيدينا ثم نضع الخضار ونخلطهم مع بعض حتى يتغطوا بجميع النكهات

الخطوه الثانيه

نحضر مرطبان الزجاج الفارغ ونضع اول طبقه الدجاج ثم الخضار ثم الدجاج ثم الخضار وهكذا حتى يمتلئ المرطبان ثم نضع الفلفل الاخضر ونصف معلقة الزبده ونترك قليل من الفراغ عند باب المرطبان حتى يأخذ راحته بالغليان ونحكم اغلاق المرطبان جيداً ونتبع نفس الخطوات مع المرطبان الثاني.

الخطوه الثالثه

يكون الفرن محمى على درجة حراره ٢٠٠° ونضع المرطبانات بالرف السفلي لمدة ساعه وربع وبعد انتهاء المده لا نفتح المرطبان مباشره نتركه يرتاح مابين ١٠-١٥ دقيقه ثم نخرجها من الفرن وننتبه عند فتح المرطبان بقطعة قماش او فوطه ثم نسكب الصلصه اولا ثم الدجاج مع الخضار ونقدمه بجانبه الارز او بالخبز بكلا الحالتين لذيييييييييذ جدااااااااً

صدقاً صدقاً طعم رهيب ولذييييذ وشهي وانصحكم بتجربتها

ملاحظه :انتظروني بوصفه اخرى مختلفه بنفس المرطبان الزجاج

88 تعليقات
  1. loulou :

    ما شاء الله بتشهي 😍😍
    يسلموو الاياادي

  2. dina :

    ماشاء الله ،يميييي طيبه بس بزبط اي مرطبان عادي هاي مبدأها زي الكيس الحراري فكره حلوه،،، والطبق شكله مشهييي❤❤❤😘👍💕

    1. لين :

      ربي يسعدك ياقمر😘🌹💝

      اه بزبط اي مرطبان تبع الدوالي او رب البندوره وفعلا بتطلع دايب دوب وطعمته رهيبه😋😋

  3. إم مصطفي 😉 :

    يا سلام عليكي حبيبتي المنظر رااائع والفكره كتير بتجنن يسلمووو ديادك وربي ما يحرمنا من هالوصفات الرائعه اللهم بارك 😙🌷🌼😍

    1. لين :

      تسلميلي ياعسل هذا بعض ما عندكم ربي يسعدك ياقمر 😘🌹💞

  4. ☀شامه☀ :

    يسلم ايديكي يارب
    بس انتي متأكده ما يصير انفجار
    لانو الكيس الحراري لازم نثقبو وله يتفجر

    1. لين :

      ههههههه لو صار انفجار كان ما شفتي وصفتي اصلاً 😂😉

      تسلمي حبيبتي كلك زووء😘🌹

  5. 💖أحبكم بالله💖 :

    اللهم بارك منظر بشهي وفكرة رائعة يسلمو ايديكي ياقلبي عجبتني فكرة المرطبان بس بدها قلب قوي ☺

    1. لين :

      ودياااانك ياعسل ربي يسعدك😘🌹💝

      قوي البك ولا تخافي واستمتعي بالطعم الرهييييب😋😘🌹

  6. رشا رشا :

    ما شاء الله تبارك الرحمن
    شكلو بشهي وكتير طيب
    الف صحه وهنا يا قلبي واحنا بانتظار الوصفه الجايه بفارغ الصبر 😘❤😘
    بس بدي اسألك عملتيه عفرن كهربا ولا فرن غاز

    1. لين :

      يبارك بعمرك يا نواره احلى رشرش ربي يسعدك وديااااتك حبيبتي 🥰🥰🌹💝

      لا فرن عادي غاز

  7. ريحانة🌿 :

    يسلم دياتك طمطومة .. فكرة رائعة وطعم الأكل فيها مختلف لانه مبدأها بشبه طنجرة الضغط وبالفرن كمان قصة ثانية ..
    ربي يباركلك ويجزيك الخير على وصفاتك المميزة غاليتي💕

    1. لين :

      تسلميلي يا احلى ريحانه ربي يكرمك ويسعدك ياقمر تسلمي كلك زوووء🥰💝🌹

  8. آلاء محمد :

    تحفة منظرها خرافي واسمها غريب و طريقة تحضرها أغرب و أغرب تسلم ايدك

    1. لين :

      وديااااتك حبيبتي تسلميلي شايفه كلها على بعضها غريبه بس تستحق التجربه😉😋🥰💝

  9. ام علي🌸A🌸 :

    1. لين :

      وديااااتك ياعسل نورتيني 😘🌹💝

  10. نادية :

    فكرة جديدة ومنظر رائع تسلم ايدك

    1. لين :

      وايديكي حبيبتي نورتيني 😘💝🌹

  11. نادية :

    على فكرة قلبك قووووي ماشالله عنك لانه المبدا تاعها بخوف…معقول مابينفجر ؟؟؟

    1. لين :

      هههههه لو بنفجر كان ما وصلتكم الوصفه 😉😂😘

      لا تخافي ما بصير شي ان شاءالله بس الي بصير بستمتعي بالطعم اللذيييذ😋😋

  12. وردة الأردن(الجبل) :

  13. وردة الأردن(الجبل) :

    شو هالوصفة إلي فكرتها جديدة كليا بشكرك حبيبتي عنجد

    أما بالنسبة للبطاطا مع البندورة والجاج أو اللحمة فهي بنطبخها كتير أكلة شعبية ممكن نعتبرها أو بدون لحمة ولا جاج وبنسميها بندورة مع بطاطا أو كطاجن أو طبخ عادي بالطنجرة

    1. لين :

      ولو من عيوني حبيبتي اطلبوا ادللوا 😘

      تسلميلي ياعسل هي فعلا نحنا بنعملها عادي بالفخار او بالطنجره او بالصينيه بس سبحان الله بكل طريقه او طبق الها طعم غير عن الثاني 😋

    2. وردة الأردن(الجبل) :

      يسعدك يا مبدعة الله يحميكي من العين
      أكيد ما بتقصري وابداعك ما الو حدود

  14. أم عبدالله الفارس :

    هو المنظر تحفه. الطعم شلون😍😍😍

    عشتي والله و عاشت إيدك يا رب.
    صحه وعافيه إن شاء الله حبيبتي

    1. لين :

      ودياااتك حبيبتي تسلمي 😘🌹💝

      الطعم طيييب كتيييير وانا وصفتلكم بالوصفه الطعم😋😋😘

  15. om saleh :

    ماشاء الله ابدعتي الله يباركلك شكلها رهيب واكيد الطعمه لذيذه بحب هيك طبخات لازم اجربها والصور عباره عن دمار شامل بحب تصويرك واناقتك الله يحميكي لعيلتك

    1. لين :

      تسلميلي ياقمر ربي يسعدك بعض ما عندكم 🥰🌹💝

  16. ام عمرو :

    ما شاء الله تبارك الرحمن المنظر لا يقاوم أبدعتي حبيبة قلبي ربي يحفظك ويحميكي

    1. لين :

      تسلمي حبيبتي كلك زوووء🥰🌹💝

  17. جوري :

    ما شاء الله لاحول ولاقوة الابالله شطوره وصفاتك دائمآ فوق الخيال لينو بنتظار الوصفه القادمه

    1. لين :

      ريي يسعدك ياعسل نورتيني🥰🌹💝

  18. منى :

    برافوووووو عليكي
    بس لو نزلت الوصفة قبل لأكب المرطبان اللي كان عندي 😢

    1. لين :

      ههههه احتفظي فيه المره الجايه😉😘🌹

  19. Farah :

    يسلم ايديكي ويعطيكي الف عافية ما شاء الله شكلهم روعة وفكرة حلوة كتير
    👏👏👏👏👏👏👏👏😋😋😋😋😋😋

    1. لين :

      وديااااتك حبيبتي 😘🌹💞

  20. 💖نور أحمد💖 :

    من أطيب وألذ وأشهى الأكلات ياطمطومة العسل المبدعة 😍😍 منورة بوصفاتك الراقية متلك ياقلبي
    مشتاقة وفاقدتلك كتيييير ولازم تعوضينا عن الغياب ها هههههههه
    تسلم أناملك الذهبية واللي بتتقن كل شي بتعملو😀
    الله يباركلك ويديم عليكي هالموهبة والنعمة 😍😙

    1. لين :

      غاليه والطلب رخيص يسعدها نور النواره حبيبتي تسلميلي ياعسل وانا كمان فاقدتلك والله 😍🥰💞🌹

  21. joudi :

    اللهم بارك شغل مرتب ومنظم وحلو وافكار كتير حلوةمنك ومن الصبايا ريتو صحة وهنا

    1. لين :

      على ❤ جبيبتي تسلمي 😘🌹

  22. 🍒أم محمّد🍒 :

    ما شاء الله عليكي لين مبدعه ومتجدده دائما بوصفاتك ..فكره حلوه واكيد الطعم روووعه
    يسلموو دياتك وصحه وعافيه ..
    بس لازمها اسم غير ههههه طويل وصعب

    1. جوري :

      لازم سمتها اكل بدون جلي

    2. 🍒أم محمّد🍒 :

      ههههه بصير ..بس الجلي ما عنه ورانا ورانا ولا يمكن يختفي

    3. لين :

      ربي يسعدك ويكرمك حبيبتي هههه ولا يهمك سميها مثل ما بدك 😂😘🌹💞

  23. اللفتاوية ام البراء :

    روووووعة ياعسل

    1. لين :

      تسلمي لقلبي ياقمر😘🌹💞

  24. اللفتاوية ام البراء :

    يسلمو إيديكي وصفة رائعة

  25. اولادي سعادتي ( ام آدم) :

    الله الله شو زاكيه وشكلها تحفه ..ولاااا ما بتوسخ جلي كمان ههههههههه 😂

    اللهم بارك تسلم ايدك ياقمر

    1. 🍒توت بري🍒 :

      نفس الي بفكر فيه 😂😂😂

    2. جوري :

      هههههههه تفكيرنا موحد ما شاء الله بس ناكل ونقوم والمرتبان على الكب هههههه

    3. منى :

      انتو هاد اللي بتفكروا فيه
      انا بفكر كيف بدو يتنظف الفرن بعد انفجار المرطبان 😅😅

    4. dina :

      لا ليش اتكبيه بتجليه وبتستخدميه مره تانيه لبعدين، 😂😂😂 لشو البعزقه

    5. 🍒توت بري🍒 :

      😂😂😂🤣🤣

    6. اولادي سعادتي ( ام آدم) :

      ههههههههه 😂😂 يقطع شركم 😂😂😂😂

      تدووم عليكم الضحكه يارب 😍

    7. لين :

      هههههه ربي يسعدك اسعد الله سنكم لاتكونوا خوافين زياده لو صار انفجار كان ما وصلتكم الوصفه 😂😘😘🌹🌹

      وفعلا ما بطلعلك جلي 🤭🤭

  26. ريوووم :

    يا سلام ..طريقتها غريبة ..بس شكلها بشهي مبدعة لين ..يسلمو ايديكي حبيبتي ..

    1. لين :

      تسلمي لقلبي حبيبتي نورتيني 😘🌹💞

  27. شيرين :

    يسلمو بس بدي اسال المرطبان عادي والا حراري

    1. لين :

      تسلمي حبيبتي 😘🌹

      حبيبتي اي مرطبان عادي تبع ورق العنب او معجون الطماطم

  28. فلسطينيه و افتخر✌ :

    مممممم يسلموو ايديكي يا عسل ويعطييكي الللف عافيه يا رب زووء ما شاء الله بالعافيه يا رب❤
    زمان عنك وعن وصفاتك يا مبدعتنا الحلوه😍😘

    1. لين :

      وديااااتك ياوردتنا ربي يسعدك وانت زمااان عنك ياورده 🌹🌹😘💞

  29. 💠أم جاسم💠 :

    ما شاء الله ما شاء الله
    شوو هالابداع لين ، طبعا عالمفضلة على طوووول لازم اجربها لاني بحب اجرب كلشي جديد . فنانة ومبدعة تبارك الرحمن
    الف صحة وهنا ويعطيكي العافيه

    1. لين :

      ربي يسعدك ويكرمك حبيبتي ام جاسم بعض ما عندكم ياريتو صحتييين والف هناااا وعافيه على ❤ مسبقاً نورتيني احلى شيف😘💞🌹

  30. قانتة لله :

    عوافي وهنا بس سؤال بينحطوا مباشر على قاعدة الفرن الا بصينية

    1. لين :

      على ❤ حبيبتي ربي يسعدك😘💞🌹

      بصير مباشره او اذا بتحبي على صينيه برضو بصير

  31. أمي جنتي :

    ماشاءالله تبارك الله
    ماهيه غريبه عليكي الأبداع والتجديد والشجاعة
    ههههههه لأنه تحتاج قلب مايخاف خاصه الزجاج باالفرن
    الله يوفقك .

    1. لين :

      حبيبتي ربي يسعدك ياقمر تسلمي لقلبي كلك زوووووء 😍😘💞🌹

  32. 🌺🌺🌺🌺 :

    عنجد غريبه هالفكرة
    بس مش غريبه عليكي ياطم طم اللهم بارك
    اول ماشفت المرطبان قلبي انخرع ع الفرن اتخيلي لو انفجر جوا الفرن عليم الله لصيبني جلطه ابيييي

    1. لين :

      تسلمي هدووول حبيبتي ربي يسعدك 😘💞🌹

  33. 🌸جمانة🌸 :

    طريقة جديدة منظرها بجننن يسلمو هالايدين

    1. لين :

      ودياااتك ياورده🌹😘💞

  34. 🎀 سماء اليمن ام أحمد 🎀 :

    ماشاءالله شغلك بيجنن تسلم ايديكي

    1. لين :

      وديااااتك ياقمر 😘😘🌹💞

  35. القدس عربية :

    يعطيك الف عافية ويعيشو هالايدين طريقة جديدة وزاااكية
    👏👏👏👏👏👍👍👍👍

    1. لين :

      ويعافي ألبك ياعسل تسلميلي 😘🌹💞

  36. 📮📮 :

    يعطيك العافية ويسلموا ايديك.. فكرة جديدة وحلوة وعملية..

    1. لين :

      ودياااتك ياعسل 😘🌹💞

  37. داليا-الحربي :

    يعطيكِ الف عاافيه 😍 فكره كثييير حلوه 👌 فناااانه 💞

    1. لين :

      الله يعافيكي حبيبتي بعض ما عندكم 😘🌹💞

  38. هبة :

    يسلم ايديكي ياقلبي 😋
    كتير حبيتا بس مابينكسر المرطبان بقلب الفرن😄
    الله يعطيكي الف عافية 😘

    1. لين :

      وديااااتك ياعسل تسلمي كلك زوووء😘🌹💝

      لا حبيبتي المرطبان ما بصيرله شي ان شاءالله😉

  39. ام :

    يموت شكلها روعه عاشت ايدج

    1. لين :

      ودياااتك حبيبتي نورتيني 😘🌹💞

  40. […] الشيف لين عن وصفتها دجاج مع الخضار بمرطبان زجاج ملكة الأكلات التركية […]

  41. 🍒توت بري🍒 :

    جربتها
    كتير زاكية وطيبة
    بس الزبدة خلتها دسمة وهاد اشي دايقني وخاصة انه انا مش متعودة ع الزبدة بالطبخ يادوب بالحلويات. لكن ما تبقى روووعة
    يسلموووووو ايديك
    طبعا مرتباناتي على الكب لانهم اتنهنهوا 😂😂😂

    1. لين :

      ماشاءالله الله يعطيكي العافيه ياورده 🌹

      ياريتو الف صحه وهنااااا على 💓 حبيبتي لا ياقمر بالنسبه للزبده فيكي تستغني عنها حسب الذوق برجع الك الأمر 🥰💞🌹

      ومشكوره على ثقتك وحسن ظنك حبيبتي 😍😍💞

    2. 🍒توت بري🍒 :

      اه ان شاء الله لما اعيدها ما رح استخدم الزبدة
      لكن الباقي رهيب. والله
      يسلموووووو على كل اشي بتقدميه ❤️

اترك رد

لن يتم نشر عنوان بريدك الإلكتروني.