img
الرئيسة / أطباق رئيسية / محشي رز و محشي برغل ملكة الاكلات السورية

محشي رز و محشي برغل ملكة الاكلات السورية

/
/
/
1432 مشاهدات

 

محشي رز و محشي برغل ملكة الاكلات السورية

♡محشي رز ومحشي برغل ملكة الاكلات السورية♡

محشي رز و محشي برغل ملكة الاكلات السورية

محشي رز و محشي برغل ملكة الاكلات السورية , معكم صديقة زاكي الشيف الموهوبة ,

المقادير

  • كيلو باتنجان
  • كيلو كوسا
  • كم حبة بطاطا
  • عظام لارض الطنجرة او بلا حسب الموجود
  • لحشوة الرز:
  • مقدار كاستين ونص رز
  • معلقتين كبار دبس بندورة
  • معلقتين كبار دبس فليفلة٠
  • لحمة ناعمة
  • معلقة وسط ملح
  • معلقة صغيرة ملح ليمون
  • معلقة كبيرة نعناع يابس
  • معلقة صغيرة فلفل اسود
  • تلات معالق كبار زيت
  • لتبلة البرغل:
  • حمص نص كوب منقوع قبل بيوم او ست ساعات
  • برغل خشن كاسة شاي صغيرة
  • نص باقة بقدونس
  • اربع حبات بندورة
  • قرن فليفلة خضرا حاد يكون
  • سننين توم
  • كم عرق نعناع اخضر
  • معلقة كبيرة دبس بندورة
  • معلقة كبيرة دبس فليفلة
  • معلقة وسط ملح
  • معلقة صغيرة ملح ليمون
  • معلقة كبيرة نعناع يابس
  • معلقة صغيرة فلفل اسود
  • تلات معالق كبار زيت
  • فنجان قهوة دبس رمان
  • ربع معلقة صغيرة قهوة مطحونة بتعطي طعم ولا الذ
  • ربع معلقة صغيرة شطة حارة
  • للحمض:
  • دبس بندورة تقريب الاربع معالق كبار او حسب الكثافة الي بتحبواا
  • راس توم
  • معلقتين كبار نعناع ناشف
  • معلقتين كبار ملح
  • معلقة كبيرة ملح ليمون

الخطوات

~السلام عليكم ورحمة الله وبركاته~

\وصفتنا اليوم من مطبخنا السوري والي هو سيد مطابخ حلب المحاشي بحلب منعملو برز وهاد معروف والبرغل خاص بأهل حلب كمان بيصير لاهل الريجيم ويلا نشوف الطريقة \

♤بسم الله الرحمن الرحيم♤

بلشت بحفر الخضرة وغسلتن وتركتن ع الزيق

كنت ناقعة الرز تقريب الساعة غسلتو منيح وبلشت اجهز التبلة حطيت اللحمة والدبس النوعين والزيت والتوابل وخلطتن منيح وتركتن ع الزيق

رح اجهز تبلة البرغل والي هي فرمت الخضرة نااااااعم وحطيت عليهن الحمص الحب و البرغل والدبس النوعين والتوابل هلق انا احيانن بحمص البرغل بس هيك كمان طيب خلطتن منيح ودقت اذا ناقصن شي

حشيت الكوسا والبانجان والبطاطا بالرز

وللمحشي برغل حشيتو بس بانجان بتحبو احشو فليفلة وبطاطا وبندورة بيصير طيب بس كوسا مو طيب بالبرغل هي تجربتي

حطيت العظام بطنجرة وغمرتن بمي وحطيتن عالغاز يغلو دقيقتين ليطلع الدم منن

بعد ماغلوصفيتن حطيت عليهن رشة فلفل اسود وطبقت فوق الخضرة اول شي الكوسا وفوقا البانجان واخر شي البطاطا

حطيت عليهن الملح والملح ليمون والنعناع والتوم بعد ماهرستو ناعم ودوبت الدبس بندورة بمي ونزلتا فوقن وطبعا حطيت صينية قد الطنجرة و تقلة فوقا مشان مايطلع الرز من قلب الخضرة وحطيتن عالغاز اول شي ع نار عالية

بس بلش يغلي وطيت تحتن وتركتن ليستووو

وهي كانت وصفتي للمحاشي وصفة كتيررررر. طيبة وخاصة البرغل هلق هي قريبا عاليالنجي بس زيادة عنو الحمص والبرغل بس طعمة. دمااااار جربوا ولاتنسوني من دعوة حلوة متلكن

♡والف صحة وعوااااافي♡

90 تعليقاً

  1. ياسلام سلم تسلم ايديكي محشي برغل ورز شي غرام غرام وشكلن بشهي خلص افتحي الباب انا جاي هالمرة مابدها كلام ولانقاش😉😉😍😍

  2. ما شاء الله عليكي حبيبتي ربي يحفظك ويبارك بعمرك وصحتك يااارب 😍
    إلي بالبرغل طيبه كتيرررر بجد وعن تجربه أنا أغلب وصفاتي بالبرغل كتير مفيد وبشبع وللرجيم بينفع لأنو غنى بالألياف🌷
    صحه وعافيه يا عسل وسلمت يداك😙

    • اللهم اااامين😍
      الله يسلمك ويحفظك على دعواتك ياقلبي😘😘
      اي كتير طيب وخفيف عالمعدة
      وخاص لاهل الريجيم😂
      الله يبعدنا عنن هههههه😂
      تسلميلي ياقلبي😄
      على قلبك ياعمري😙

  3. لولو

    شوهاد ياهبوشة فتحتي نفسي عل محشية من تحت ايديكي وتكون ناااار
    جربي بالمرة التانية تحمصي البرغل بسمنة بيطلع رووووعة اطيب من ان يكون دون تحميص
    تسلم ايديكي طبخاتك بتخلينا ننزل كرفتة على قيصري😂😂😂😂

    • لولو

      ريحانه جربي ومابتندمي
      بس بصراحة هو مو طيب اذا ماكان حاااااار
      قظ مافيكي حطي فلفلة خضرة
      وحمصي البرغل 😁
      بس ديري بالك مابطول بالسوى
      اذا تاخرتي عنه شوي بفتح كلو
      تذكرت اول طبخة محاشي اول زواجي
      🙈 ذكرة لا تنسى 😆😂😂😂😂😂

    • لولو

      وفيكي اضيفي بصل مفروم لحشوة البرغل
      بيطلع طيب كمان 👍
      هبوشة ماحطتلو وماما مابتحطلو بس انا بحطلو لان بعشق البصل والتوم😁😁😁😁😁

    • والله يالولو جربتو مرة ببصل ماحبيناه
      ومشان اللحمة مابحبا فمابحطلو بتركو نباتي
      واابرغل جربتو هيك وهيك مالقيت فرق كتير
      اي صح هو طيبتو بالحد😋😋

  4. يا سلام شكل المحاشي دماااااااااار واكيد من تحت دياتك طعمه غير يا هبوش على المفضلة ع طول 👏👏👏👏👏👍
    يسلم ايديكي وصحة وهنا يا رب ❤❤❤😍😍😍😘😘

    • ويسلملي العسل يلي عم بدو يقرء هاد التعليق
      هههههههههه😅😄
      الله يخليلي ياكي على جرعة البسمة يلي نزلتيا عشفتي هلق😍

      الله يديم عليكي الضحكة ياقلبي ولايحرمني منك 😙😙
      تسلميلي حبيبت قلبي😙😙

اترك تعليقاً

لن يتم نشر عنوان بريدك الإلكتروني.