img
الرئيسة / سلطات و مقبلات / مفركة الكوسا بزيت الزيتون والبيض ملكة الأكلات الأردنية

مفركة الكوسا بزيت الزيتون والبيض ملكة الأكلات الأردنية

/
/
/
1348 مشاهدات

 

مفركة الكوسا بزيت الزيتون والبيض ملكة الأكلات الأردنية

مفركة الكوسا بزيت الزيتون والبيض ملكة الاكلات الاردنيه

مفركة الكوسا بزيت الزيتون والبيض ملكة الأكلات الأردنية

مفركة الكوسا بزيت الزيتون والبيض ملكة الأكلات الأردنية , معكم صديقة زاكي الشيف الموهوبة ,

المقادير

  • كوسا مغسوله ومفرومه ناعم
  • بصله منوسطة الحجم
  • رشة بقدونس
  • فنجان زيت زيتون
  • بيضتان او اكثر
  • ملح
  • فلفل اسود
  • رشه كركم
  • رشة بهارات

الخطوات

بسم الله الرحمان الرحيم

يسعد اوقاتكم حبيباتي اشتقتلكم وما بقدر استغني عنكم ابدا لاني فعلا بحبكم وبفرح لما اشوف اسم اي وحده فيكم وما بقدر اعمللكم شي سوى الدعاء ربنا يوفقكم جميعا ويبعد عنكم المتسلطين من الجن والانس ويرزقكم سعادة الدارين والصحه والعافبه

اكلتنا اليوم سهله واقتصاديه وسريعه

ومفيده بنفس اللحظه ان شاء الله تعجبكم

اول شيء بنحضر جميع ما يلزمنا بنغسل الكوسا وبنفرمها ناعم وبنفرم البصل

في مقلاه على النار نضع البصل وزيت الزيتون لما يتذبلو وبنضيف الكوسا ولما تتذبل بنغطي عليه شوي وبنرفع الغطا وبضيف رشة ملح وفلفل اسود وبهارات وعصفر بحركهم مزبوط ولما تنشف ميتهم بضيف البيض وبحركه مزبوط وبرش رشة بقدونس وبقدمها ساخنه مع الخبز الساخن والمخللات واي اكله بتحبيها والف صحه وهنا على قلب الجميع

استودعتكم لله الذي لا تضيع ودائعه

66 تعليقاً

  1. ما شاء الله عليكي حبيبتي ربي يحفظك ويبارك بعمرك وصحتك يااارب 😍
    من أطيب وألذ الأكلات وكتيررر بحبهاااا 😋
    سلمت يداك يا غاليه وبالصحه والعافيه على ألبك يا رب💓🌷

  2. بسم الله وماشاءالله عنك😘
    الله يحفظك ويطول بعمرك ويعطيكي الصحةوالعافية ياقلبي😀
    منظرا بشهي اللهم باررررك😍
    الف صحةوهنا😙

  3. يسلم قلبك يا ام علي بعمل كل الاكلات بس بحب انزللكم الاكلات الي قربت تنقرض الي هدف من تنزيلها حتى يتعرفوا عليها جيل الشاورما والسكلوب والزنجر ومع ذلك ما اقتنعوا فيها ربنا يخليلك امك ويخليلنا امهاتنا جميعا

  4. اشكركم يا غالبين على تعليقاتكم الحلوه صحيح الاكله بسيطه بس كثير طيبه مع الفلفل الاسود وزيت الزيتون بامكانكم تعملوها بدون بيض وكمان الباذنجان بنعمل بنفس الطريقه وكثر طيب

  5. يا سلام ما ازكاها شكلها بشهههههههههههي ما شاء الله يسلم هالايدين ويعطيكي الف عافية يا رب وما يحرمنا من وصفاتك الحلوة 👍👍👏👏👍👏❤❤❤❤

  6. والله يا خالتو ام علاء نحن يلي بنفرح لما نشوف اسمك حبيبتي الله يعطيكي الصحه والعافيه يارب وتسلم ايديكي ع الأكلات الزاكيه زيك😘😘

  7. ربي مايحرمنا دعواتك الحنونة وقلبك الصافي اللي قل نلاقيه بهالأيام 😍
    انا اللي بفرح لما انسانة بروعتك تدعيلي بعرف إنو رب العالمين أكرمني بنعمة لا تعوض بثمن😘
    ربي يجزيكي عنا كل خير ويسلم اناملك اللي بتعمل كل شي بشهي 😄😙

  8. والله هالاكلة بعملها لاولادي .. عمري 30 بس بعمل كل اكلات أيامنا واولادي بحبوهم لهالاكلات ما عندي حدا يحكي ما بدي أو ما بحب
    الله يعطيكي الف عافية يا راقية يا أصيلة والله
    باسم الله ما شاء الله عليكي

اترك تعليقاً

لن يتم نشر عنوان بريدك الإلكتروني.