الرئيسة / منوعات / انقلب السحر على الساحر  بقلم مال الشام

انقلب السحر على الساحر  بقلم مال الشام

/
/
/
3200 مشاهدات

 

انقلب السحر على الساحر  بقلم مال الشام

انقلب السحر على الساحر  بقلم مال الشام

انقلب السحر على الساحر  بقلم مال الشام

انقلب السحر على الساحر  بقلم مال الشام , معكم صديقة زاكي الشيف الموهوبة ,

-1-

ميس: حياتي ايمت رح تطلقو؟

باسل: انا حكيت معا، الها يومين ما طلعت من غرفتها ومو عارف كيف اسالها ع شو ناويه!

ميس: ييييي لك ما اكلت من يوميييين!؟؟

باسل: والله مابعرف مسكرة باب هالغرفه و حتى الاولاد ما فوتتهن معا عم حطهن عند امي و انا طالع ع الدوام و بس ارجع بجيبهن… يمكن بتاكل بس اطلع #مال_الشام

ميس: يا ربي و بعدين مع هالقصه! انا ليش هيك نصيبي حتى حبيت رجال متجوووز والله ما عم اقدر ما حس بالذنب

خايفه تدعي علي مرتك شي دعوة و الله يسمع دعائها

باسل: لك يا ميس كرمال الله حاج قلتلك الف مره انا و ياها ما عاد يزبط نعيش مع بعض

خلص هالقصه فرطت لا انا طايقها و لا هي طايقتني لك الحياة مو بالغصب

الطلاق شرع ربنا

ميس: خلص فهمت بس يارب نخلص من هالقصه على خير، حاول دق عليها الباب و افهم ع شو ناويه

يمكن ما بدها تطلق معقول؟؟!

باسل: ههههههه لا مستحيل… اصلا فكرتا رح ترقص و تغني بس خبرها انو بدي نتطلق لانها من زمان ما عاد رايدتني بس مابعرف ليش هيك قلبت الوضع دراما… محدا بيعرف شو في ببالها

ميس: خلص حاج نحكي عالمخلوقه الله يبعدا و يسعدا و ان شاء الله عن قريب منصير سوا حبيبي و مننسى كل هالمصايب و التعب

باسل: الله يسمع منك يا قلبي، و ياريت تبلشي تمهدي لاهلك بالموضوع لان ازا طارت غفران كمان يومين بتطلع

ما رح تضل اكتر #مال_الشام

ميس: ماشي بس ليك…. اهلي رح يشرطو مأخر كبير مشان يتاكدو انك ما رح ترجع مرتك بس تتجوزني

باسل: لك حاج جدبه ازا بدي رجعها ليش لطلقها!!! بس طلعت رح ارمي عليها اليمين و ورقتها بتصلها بنفس النهار

و يومين بقلبلك البيت ليصير متل القصرررر و يناسب اميرتي الحلوة

ميس: لك باسل لا تاخدني بالحكي الحلو امي اشترطت يكون المتأخر كبير هلكت لاقنعتها لا تخجلني معون!!

باسل: يعني بدكن تستحكموني؟؟؟ انا مو مشكلتي المصاري بس ضد المبدأ…. انا مو مسدئ طلئها بتقليلي رجعها!!!

ميس: هلا هيك صار الحكي؟ من اسبوع كان بعملك الي بدكن و جاهز من الليرة للعشر ملاين و انتي عندي مو بالمصاري!!

باسل: ياحبيبتي افهمي علي هلأ انا بدي..

و فجأة باسل سمع صوت غرفة مرتو غفران عم ينفتح!!

ميس: ايه كمل ليش سكتت

باسل: روحي روحي بعدين بحكي معك سلام

سكر الموبايل و رماه جنبو و صار يستنا بغفران تحكي و هو على اعصابو… و صار يسمع خطوات رجليها وهي جايه بإتجاهو!!

-2-

صارت دقات قلب باسل تزيد بسرعه…

حبيبتو الي حبها سنتين و اخدتو غصب عن اهلها بكل بساطه اجا و قلها ضبي غراضك و بدي اتجوز عليكي!

كان كتير متوتر… و فجأة قعدت غفران جنبو و حطت ايدها ع كتفو. .

غفران: انا بعرفا للعروس؟

باسل بتوتر: لأ

غفران: طيب ليش؟!

باسل: شو ليش؟ هاد شرع ربنا و حقي

غفران: و شرع ربنا تطلقني مشانها؟

باسل: لشو هالحكي؟ …. خلص انا حكيت قراري و مستعجل كمان

غفران صارت تبكييييي و تضرب ع وشها و تعيط عليه: لك يا حقير كيف اخدت قراركيييييف بدي ارجع لعند اهلي بعد ما تحديتهن كرماااالك يا حقير يا حقيرررر

قرب باسل و مسك ايديها و مجد و سعد صارو يبكو (ولادهن)

باسل: لك خلص الاولاد خافوووو خلص خلص

غفران: لك شو خلص شو خلص وين بدي روح بحالي وين روح بولادي #مال_الشام

باسل سكت و صار يروح و يجي بالصاله و هو عارف انو شرط ميس كان انو يطلق مرتو و مستحييييل تنزل ع ضره

وهو اصلا مابقدر يفتح بيتين!

غفران هديت و ناطره ردو و مافي بايدها اي حل… فكرتو غير رأيو و ناطرتو يحكي

باسل: طيب ليكي

غفران: شووو؟؟؟؟

باسل: معك شهرين تحاولي تراضي اهلك بس بتنزلي بتقعدي ببيت اهلي بغرفه انتي و الاولاد

غفران: باسل… لك باسل كرمال الي خلئك انت بتعرف ابي… بتعرف انو وقف وقلي اهلك و لا باسل قلتلهن لا باسل

بتعرف وقت رضيو علينا و رجعنا اهل بعد وفاة ابي و كتبتلك حصتي بالورثه اخواني قالولي بتعطي اخواتك الي مو ملاقين خبز يطعمو ولادهن و لا باسل قلتلهن بااااسل

انت بتعرف وقت اخدت اسوارة من امي وهي مريضه و قالتلي يا امي ما بغلى عليكي شي بس بخاف اعتازها لكبرتي كرامة امك و لا باسل لك قلتلها باااسل قلتلها بااااسل

باسل: لك خللللص خلللص خلص…. شهرين معك

و انا بعد اسبوع رح اتجوز بهاد البيت و رح جيب مرتي

نحنا مو اول تنين و لا اخر تنين بيتطلقو… خلص بقى افهمي شو الشغله بالزووور؟؟؟

غفران: هاد اخر كلام عندك؟

باسل لبس جاكيتو و راح ناحية الباب و قلها اي هاد اخر قرار بدي ارجع لاقيكي ضبيتي غراضك و نزلتي ع بيت اهلي بتنظفي غرفه و بتاخديها

وهاد بس مشان العشرة و مشان ولادي… #مال_الشام

و طلع و ضرب الباب وراه وهو معصب

و غفران ضمت ولادها و صارت تبكي و هن يبكو معا…

ضلت ساعتين هيك بعدين بلشت تضب غراضها و تجهز ولادها لتنزل… وهي عم تضب غراضها لقت شي…

مسكتو… وصارت تطلع فيه و عيونها مليانين دموع

بعدين ابتسمت…. و قالت ماشي يا باسل… انا رح ورجيك!

-3-

الي لقتو غفران كان ورقه… عليها رقم رفيقتها عهد

هلا هي عهئ رفيقة غفران من ايام المدرسه بس قطعت علاقتها فيها لان عهد كان عندها شي سيء كتيرررررررر..

عهد كانت بتتعامل بكل شي بحياتها (بالسحر و الحجابات) و غفران بتعرف انو هاد السغل كلو حرام و بغضب ربنا

بس هي كانت ضعيفة كتير و بحالة يئس… مسكت الرقم و اتصلت…

عهد: الو؟

غفران و هي عم تبكي: عهد انا غفران

عهد: هاد انتي ولييييه… هيك يا دبه ما بتسألي عن رفيقتك تضرسي

ضلت غفران عم تبكي و عهد حست

عهد: غفران عم تبكي؟ لك غفران؟؟؟؟

غفران: لا ما عم ابكي… عهد بدي ياكي بخدمه

عهد: لك امبلى عم تبكي وقفتي قلبي لك شبك

حكتلها غفران كل شي صار معها و كيف ميس فاتت حياتها و جننت جوزها و حكى لميس انو هي بدها تطلق و هددها ازا بتحكي الحقيقه لميس بياخد منها الاولاد و ازا سكتت بعطيها ولادها… يعني قايضها على ضناها!

عهد انقهرت كتير عليها و هي بتعرف اديه كانت غفران تحبو لباسل

عهد: الله لا يوفقووووو و شو بدك تعملي؟

غفران: انا لهيك حكيت معك.. انتي رح تساعديني

عهد: كيييف؟

غفران: في وحده كانت تكتبلك حجابات بدي تدليني عليها

عهد: شووووو؟؟؟ من عقلك بتحكي؟ انا تبت من زمان

وخفت الله يعاقبني ما عاد تعاملت بهل شغله اسفه كتير

غفران انهارت و صارت تببببكي و تقلها شووو بدي اعمل ياربي

وضلت تبكي لوقت ما عهد ضعفت و قالتلها: غفران انا رح اعطيكي العنوان تبعا…. بس بدي قلك شي واحد

هي ما بتكتب حجابات قرآن… فهمتي علي؟ و انا ما رح اقدر اجي معك لاني تبت ومستحيل ارجع روح لعندا

غفران: فهمانه عليكي، ابعتيلي العنوان

هيك اعطتها العنوان و سكرت الخط…. لبست غفران تيابها و اخدت دهبها راحت باعتو و راحت عالعنوان…. ما كانت عم تفكر بشي… الا انها بدها تندم باسل هلى الي عملو فيها!

بالفعل وصلت و دفعت و اخدت حجاب قالتلها هديك انو رح يخلي جوزها متل ما بدها و يحبها كتير بس هي ما بتعرف شو فيه… وصتها تحطو بمكان بخص جوزها!! و اعطتها كيس و قالتلها هاد ضلك شربيه منو كل فترة و فترة

و هيك رجعت غفران و هي خايفه و متوترة و صارت تفتش وين بدا تحطو…

بالاخير فتحت فرشة التخت و خيطتها و رجعت كل شي و اخدت الاولاد و نزلت ع بيت حماها لتاخد غرفه هنيك و لتسوف شو رح يصير!!

مرق شي اسبوع و صار موعد عرس باسل…

و تاني نهار من عرسو…

كانت غفران بالغرفه عم تبكي كل الليل لوش الصبح

و ع طلوع الفجر… دق باب غرفتها

#مال_الشام

#انقلب_السحر_على_الساحر

-4-

بالاول خافت مين رح يدئلها بهل وئت!

بعديييييين خطرلها شي!!

معقوووول هاد الحجاب نفع!!!

قامت تركض فتحت الباب بدون ما تسأل مين و بالفعل كان باسل على الباب…

قبل ما يحكي شي ضحكت… لفت ضهرها و قلتلو

غفران: ليك ازا بتبوس رجلي ما رح سامحك فهمان؟؟

و فجأة فات و سكر باب الغرفه و مسكها من ايدها متل المجنون

غفران: لك شببببببك شبك

باسل: شو عم تخبصي وليه؟ فوق ما تركتك هون وضبيتك من الشوارع!!

بهل لحظة فهمت غفران انو لا في لا سحر و لا بطيخ و صارت تبعد ايدو عنها

باسل: مابدي المحك بأي مكان من هون و رايح…. بعد مية واسطه حتى قبلو الجماعه يعطوني بنتهن و انتي على ذمتي و بعد ما شرحتلهن سبب هالشب تعاطفت معك ميس و قبلت خليكي هالشهرين

انا حسيت شي تقييييل و قع ع صدري و دائ نفسي…

غفران: فضحتني بين الخلق يا باسل؟ فضحتني بين الناس يا ابو ولادي؟

مرتك حنت علي يا قليل الاصل!؟؟؟! لك روح ربي يسلط عليك ارذل خلقوووو

روح ربي يسلط عليك ارذل خلقو يا ظالم..

صار يحط ايدو ع تمي و يقلي اخرسي وطي صوتك..

وطلع من الغرفه و تركني حالتي بتبكي الحجر

صرت اتزكر كيف تحديت الدنيا كرمالو

كنت كتير واثقه فيه و شايفتو فارس احلامي

و بلحظة كل شي انقلب فوق راسي

بعت اهلي كرمالو و هو باعني كرمال مرا!

راحت الايام و اجت… و انا مضبوبة بغرفتي لان ست الحسن بتغار…

و صرت اتصل باخواني و احكيهن طبيعي ع اساس ما عندي مشاكل لحنن قلبهن بالاول قبل ما خبرهن بمصيبتي…

و بيوم تزكرت الحجاب الي بالفرشه و انو لازم طلعو لان ازا لقوه رح يفضحوني و انا مو ناقصني فضايح..

كان طالع هو و ضرتي وفي نسخه معي من مفتاح البيت…

قلت لحماتي اني واصله لعند الجارة و رح ارجع بسرعه مع العلم حماتي كانت ما تطيئني بس بعد الي صار فيني صارت متل الملاك و تمنع باسل يضربني او يدايئني….

طلعت و انا عم ارجف لانكشف و شايله هم كيف بدي لحق طلعو شغلت ضو البيت و تاكدت انو مافي حدا و بسرعه رجت ع غرفة النوم… هنيك فهمت كل شي

وشفت الي كان رايح عن بالي!!!

#مال_الشام

#انقلب_السحر_على_الساحر

-5-

مداخلة: “روى البخاري ومسلم من حديث أبي هريرة – رضي الله عنه – أن النبي – صلى الله عليه وسلم – قال: ((اجتنبوا السبْع الموبقات))، قالوا: يا رسول الله، ما هي؟ قال: ((الشرك بالله، والسِّحر…))، ثم ذكر البقية الأخرى”

//////////////////////////////////////////////

مغيرلها غرفة النوم كلها!!!

ركضت ع التخت و رفعت المسبل و لقيت الفرشة كمان مغيره

صرت روح و اجي بالغرفة و عقلي ياخد و يجيب و ما عدت عرفت شو اعمل

يعني كان ممكن يزبط الحجاب!! و فوراً نويت ارجع اعمل سحر جديد حتى وجع قلبهن متل ما وجعوني

اخدت قراري و نويت انزل بوشي لعند الدجالة تكتبلي حجاب جديد طلعت من البيت بسرعه و فنحت باب غرفتي لفوت بدل تيابي

و كنت مستعجلة عم البس و سعد كان عم يلعب و مجد نايم..

غفران: لك مجد امي هلا صحيت شو منيمك يا امي؟

سعد: ماما… مدد سلب دوا ( مجد شرب دوا)

غفران:ستك شربتو؟

سعد: لا هو شلب لحالو (شرب)

انقبض قلبي لان عم طلع حجاب من الدرج و ما لقيت قنينة الشراب الي اعطتني ياه الساحرة لشربو لباسل!!!

ركضت متل المجنونة ع ابني و صرت حركو و عيط عليه و سعد صار يبكي و طلع من الغرفة و فورا اجت عيني ع قنينة الشراب تحت راس ابني…. حملتو و شديتو لصدري متل المجنونة و طلعت اركض فيه و سعد يصرخ و جماتي تركض وراي و تقلي لك شبو الولد شو صار للولد

نزلت فيه متل المجنونة عالشارع و قفتلي سيارة فيها شب و ست كبيرة و قلتلهن مشان الله ابني رح يموووت مشان الله

طلعوني و وصلنا ع المشفى و انا رجلي ما عاد حملوني

الصبي لا من تمو و لا من كمو لك قتلت ابني قتلت اببببننننييييي

صرت عيط بالمستشفى و قلهن قتلت ابببنييييي قتلت ابننننني

اخدو الولد مني ومابعرف شو صار لان غبت عن الوعي… مابعرف اديه ضليت هيك..

لوقت ما فتحت عيوني…

غفران: وين انا؟

مرت عمي :الحمدلله على السلامة

غفران: ابننني…. ابني

مجد وينووو وينوووو

لك ابني شو صار فيه

على عياطي فات باسل و عيونو فيهن دموعو شرار و صار يغلط فيني و يسب علي و التمت المستشفى علينا و اجو يطلعوه و قبل ما يغيب عن عيني قلي(( انتي طاااالق انتي طاااالق)

وهيك ضلينا تلات ايام بالمستشفى متت الف موته و ابني كان وضعو خطر و ما عرفت لملم القصه قلتلهن مابعرف شو شربان بس لقيتو هيك مرمي…

اخواتي وقفو جنبي و اخي الكبير عبدالله اتصلت عليه و قلتلو كل شي لانو طبيب و حتى قلتلو ع السحر لان خفت يصير لابني شي و قلي ما احكي و قلي انو ضل ببيت حماي لتخلص العده و رح يزبطلي وراقي لاطلع لعندو عالسعوديه…

اول مره شفت فيها ابني فتت و غمرتو و شميتو و هو عم يضحك متل الملاك…. نسيت كل هموم الحياة

حسيت الله شال من جواتي قلب و زرعلي قلب جديد

صافي

ابيض

راضي

مابدو شي من هالدنيا

تعافى مجد و رجعت ع غرفتي ببيت حماي و خبرتهن اني ناطره اخي يبعتلي لروح لعندو و مافي مكان يضبني و ما الي غيرهن يتحملوني… مرقت فترة العده و انا مافي على قلبي اهم

العب مع ولادي و اسهر مع حماتي و نروح و نجي و ميس كل يوم عن يوم تتكبر و تتجبر…. مافي يوم الا تعملي مشاكل مع انو حاول ابعد عنها و فهمتها انو ماااابددددي شي و ناطرة اخي ياخدني لعندو

و امور اخي تعسرت بس كان كل يوم يتصل ويوعدني ياخدني باقرب وقت… و باسل بلش يحن و يقارن بين ميس المدلله الي طلباتها ما عم تخلق و نقها ما عم يوقف و بين غفران الي كانت ترضى بكل شي..

بس كنت صدو و اقرف منو

هيك صرت كل يوم اسمع اصوات ميس و باسل واصله لاخر الحارة…

يوم عن يوم صار يمد ايدو عليها تقعد عندو يوم و تحرد ببيت اهلها عشرة مع انو ب اسوء حالتنا انا و ياه ما وصلنا لهل مرحلة…

فجأة انقلب باسل قلب صار متل المجنون ما يتحاكى لوقت ما بهداك النهار كانت الساعه 9 المسا سمعنا صرخة ميس جايه من فوق

جمدنا بارضنا و خفنا يكون باسل عمل فيها شي… و متل المجانين ركضنا لفوووق

#مال_الشام

#انقلب_السحر_على_الساحر

قبل الأخير

-6-

وصلنا و كان ع الباب واقف باسل و جنبو وحده لابسه فستان ابيض و صوت ميس جوا عم تصرخ…

طلعت ميس من جوا و صارت تقلو لك انا انا بتتجوز علي

انا فعلا اخدت درس بحياتي و ما كان بيعنيني شي بس مابعرف ليش اجتني الضحكة يمكن لان حييت اديش هالمشهد مألوف بالنسبه الي

ما عدت مسكت حالي و صرت اضحك اضحك و مرت عمي تقرصني و تقلي اسكتي

جنت ميس و قالتلي شمتااااانه؟؟

قلتلها لك هههههههه لا ههههههه لا والله هههههههه

بس يعني هههههههه

لسه بدي برر موقفي و التفتت العروس الي مع باسل علي و ضحكتي كلها راحت و انسحب لون وشي!!

غفران: هاد انتي؟

عهد: اهلا غفران

غفران: كيف هيك؟!!!

عهد: طيب يعني ما في مبروك؟!

سحبت حالي و نزلت و انا مصدومة مو مستوعبه!!

حماتي نزلت ميس و عم تهدي فيها و انا عم فكر كيف هيك صار!! و ميس اتصلت باهلها و راحت لعندن

بعد 3 ايام بتتصل فيني ميس و بتطلب مني ادخل واسطه لتضل عند جوزها!! انا بالبدايه ما فهمت منيح بس تصرفات باسل اكدتلي انو مو طبيعي بنوووووب

و خطرلي انها عهد كزبت علي و بعدا بتتعامل بالدجل و السحر

زاد خوفي على ولادي… و اكدت لعهد انو انا مبسوطتلها و ما عهدي اي نيه ارجع لباسل…

اتصلت باخي و ترجيتو يستعجل باوراقي لان صرت عايشه على اعصابي و بالفعل بوقت قصير دفع مبلغ كبيرو مشالي اموري

ضبيت اغراضي و بدون ما اتطلع وراي طلعت من هالبيت و اخدت ولادي الي باسل ناسيهن اصلا!!

وصلنا و استقبلنا اخي و مرتو احلى استقبال و سامحني من كل قلبو و دللو ولادي و اعتنو فيهن لوقت ما اجاني خبر انو باسل زت امو بمأوى العجزة و ميس صارت خدامه الوو لمرتو و حبلت مرتين و طرحت بسبب الضرب و مو راضي يطلقها لتتنازل عن المتأخرر

انحرق قلبي على ام باسل…. و تعاطفت مع ميس مابعرف ليش

و خطرتلي فكرة

كنت كتير خايفه نفذها بس هاد بضلو ابو ولادي و امو كانت حبابه معي اخر فترة

قعدت معي اخي و فهمتو الوضع و شو في ببالي و هو شجعني على فكرتي كتير وقلي توكلي على الله

و على هالاساس مسكت الموبايل و اتصلت

#مال_الشام

#انقلب_السحر_على_الساحر

-7- و الأخير

غفران: الو السلام عليكم

—–: و عليكم السلام ورحمة الله وبركاته تفضلي؟

غفران: مركز الامن؟

—— مزبوط بس هاد الرقم خارجي ليس متصله لهون؟

و بلشت احكيلو عن الدجالة و اعطيتو موقعها و مواصفاتها و اديش بتنصب ع العالم و بتخرب بيوووت لوقت ما حسيتو رح يضل وراهت ليحكمها اعدام

بعدين قلتلو انا طلعت من البلد لاخلص من شرها هي و الي بتساعدها و بتتعامل معها و اعطيتو اسم عهد و اكدت عليه ما يعطي اي معلومات عني و يعتبرو بلاغ سري و انا رح انتظر التفاصيل…

طلعو مداهمة ع موقعها للدجالة الي رحت عليها و فاتو فتشو البيت لقو مصاري كتير و لقو مخدرات كانت تعطيهن للنسوتن ع اساس سحر و تسبب ادمان لازواجهن و يصيرو يضلو يترجوهن ليعطوهن منو و النسوان مفكرين هاد مفعول السحر و ما عندهن ادراك شو عملو بازواجهن!!

ولقو اعضاء بشريه كانت تستخدمهن لخلطاتها متل كميات من الدم مفرزة و اعضاء تانيه و بهيك انحبست بتلات تهم

نصب و احتيال

مخدرات

اشتباه بتجارة الاعضاء و الخطف

و كانت شبكة واسعه لموهن كلهن و رظوهن بالسجن بنفس التهمة و من ضمن الي انحبسو عهد انا بس سمعت كل هالحكي كان رح يوقف قلبي و رحت ع الحرم و صليت و استغفرت و شكرت ربي الف مره انو نبهني قبل ما فوت بهل طريق الوسخ

بس حالة باسل ضلت سيئة و ضل يركض ورا عهد و يبكي بدو ياها و يبدو كانت معلقتو بالمخدرات… اتصلت بميس و قلتلها رح فهمك شو تعملي بشرط تروحي تجيبي ام باسل معززة مكرمة لبيتها… و هاد الي صار

بهي الفترة اخوها لمرت اخي شافني اكتر من مره هو زوجتو متوفيه و اكبر مني ب 10 سنين و طلبني للزواج كنت كتير متردده بس هو كان كامل مكمل اخلاق و دين و فهم و اكابريه و بس بدو رضاي و وعدني ولادي يتكرمو و يتعززو

وافقت و مع الايام صارت بيناتنا علاقه اكبر من الحب بكتيررررر

لقيت فيه كل شي كنت احلم فيه

الاحترام و الرحمة و الموده و كان احن ع ولادي مني

ع خبر حملي قررنا ننزل ع البلد و نشتري بيت النا هنيك و ابننا يجي هنيك… نزلنا. بالفعل و اخدنا بيت اطلالتو بتطير العقل

قررنا يكون بضيعه خضرا و هاديه و اهلها طيبين و جوزي عمل الي بدي ياه

استأذنتو روح زور ام باسل و اتطمن عليها… و سمحلي بس قلي اتركي الاولاد بخاف ياخدهن منك

رحت وففت قدام البيت و صرت اتأملوو اتزكز

مر شريط حياتي قدام عيوني متل لمح البصر

كيف كنت صغيرة و حبيت باسل و اديه تعزبنا لاخدنا بعض و كنا عايشين بجنه لوقت ما فاتت ميس بيناتنا كيف صار يذلني و تغير علي و انا فكر حالي مقصرة لوقت ما واجهني بخبر زواجو

غريبه هالحياة

رنيت الجرس….

فتحتلي وحده تيابها مبهدله و هيئتها مزرية و شعرها منكوس و مبين علىها الشقى و التعتير

انا صفنت فيها و هي صفنت فيني…

لا انا عرفتا و لا هي عرفتني!!

ميس: غفران؟

غفران: لك هاد انتتتتتيييي؟؟؟ كيييفك شو اخبارك

ميس: الحمدلله منشكر الله

غفران: وين ام باسل بدي سلم عليها و مستعجله بدي روح

ميس: جوا فوتي ما بتقدر تطلع

فتت و قعدنا شوي و فهمت انو باسل لسه بيتعالج بالمصحى لان بيهرب و بيرجعوه ف طولت مدت علاجو و عهد انحكمت سبع سنين سجن..

طلعت من البيت و نزلت دمعتي…

ع كل حدا بهل بيت…

و ع كل تفاصيل حكايتي

الشي المميز الي منحني ياه رب العالمين انو كان جزاء كل شخص فوري و دنيوي و الله اعلم بعقابنا بالاخرة…

#تمت

25 تعليقاً

  1. حلوووة كثير ومن واقع حياتنا…حسبي الله ونعم الوكيل فيهم…انا من الناس الي حاسة فعلا معمول لها سحر…و وحدة اكدتلي هالشي…وفعلا كل سنة ب شهر ٦و٧…المشاكل ما بتخلص بينا…وتنتهي احيانا بالطلاق…انا ضايلي طلقة واحدة وبخسر بيتي من ورا هذا الكلام…حسبي الله ونعم الوكيل فيهم…الي ما بحبوا الوفق بين الزوجين

  2. الله ينتقم من كل واحد يسوي هيج اشياء انا تطلقت بسبب السحر وتيتمت بنتي هسه بنتي عايشه عند امي وابوي وانا تزوجت من بعد ما شفت الويل والله والله لواحكي قصتي بتبكي الحجر بس هسه الحمد الله الله عوضني بشخص يحبني ويحترمني ورزقني منو بنوته وهسه حامل الحمد الله والشكر على كل حال

  3. ممكن اخد القصة واعملها فيديو ع اليوتيوب
    انا بستأذن منك حابة الكل يستفيد اذا موافقة ردي علي بتعليق و شكرا الك ع القصة الأكثر من روعه ….

  4. بالاخير فتحت فرشة التخت و خيطتها و رجعت كل شي و اخدت الاولاد و نزلت ع بيت حماها لتاخد غرفه هنيك و لتشوف شو رح يصير!!

اترك تعليقاً

لن يتم نشر عنوان بريدك الإلكتروني.