img
الرئيسة / سلطات و مقبلات / اكواز الذره مع سر طراوتهم وطعمهم المميز سلسلة سهل وسريع 21

اكواز الذره مع سر طراوتهم وطعمهم المميز سلسلة سهل وسريع 21

/
/
/
3269 مشاهدات

 

اكواز الذره مع سر طراوتهم وطعمهم المميز سلسلة سهل وسريع 21

سلسله سهل وسريع ( 21 ) اكواز الذره مع سر طراوتهم وطعمهم المميز

اكواز الذره مع سر طراوتهم وطعمهم المميز سلسلة سهل وسريع 21

اكواز الذره مع سر طراوتهم وطعمهم المميز سلسلة سهل وسريع 21 , معكم صديقة زاكي الشيف الموهوبة ,

المقادير

  • 10 اكواز ذره حجم كبير
  • معلقه كبيره ملح
  • 2 كوب حليب سائل او اقل حسب الرغبه وبينغع حليب بودره بنذوبو بشويه ماء قبل اضافته
  • ماء لغمر اكواز الذره

الخطوات

بسم الله نبدا

اليوم جبتلكم وصفه كتير سريعه مع سر صغير لطراوة وزكاوة اكواز الذره بتمنى تجربوها وتعجبكم

بطنجره كبيره بنضع اكواز الذره وبنضيفلهم مي تغمرهم وبعد هيك بنضيفلهم الملح و كوبين الحليب السائل وبنحركهم تحريكه خفيفه وبنغطي الطنجره وبنضعهم على الغاز وبنحسبلهم ربع ساعه تقريبا بعد الغليان وهيك بكونو استوو وبنطفي الغاز تحتهم وبنتركهم ربع ساعه ثانيه بالطنجره مغطيين لحتى يكتسبو طراوه اكثر وبنقطعهم وبنقدمهم والف صحه وهنا

تحياتي الكم جميعا رشا ام احمد

130 تعليقاً

    • انا بحطها من نص ساعة لساعة الا ربع وبعد ما اطفي الغاز بغطي الطنجرة كمان نص ساعة تقريبا بتطلع رووووعة …والسر هو تغطاية الطنجرة بعد ماتستوي الذرة .

    • حبيبتي ام جاسم تسلميلي 😘
      هون فايده وميزه الحليب بهالوصفه بتعطيه طرااوه وزكاوه والحفاظ على العصاره بالداخل
      وربع ساعه بعد الغليان وربع ساعه بعدها مغطى بالطنجره والغاز مطفي كفيل انو يستوي ويضل طري ولهيك ما بيوخذ وقت كتير على الغاز
      منشان نحافظ على الطعم والفايده واهم اشي طعم الحليب ما ببين نهائي
      بتمنى تجربيه وتحكمي بنفسك
      لانو والله انا نتيجتو ادهشتني صراحه ودايما بعملو لاولادي وما بحبوه لهدرجه واكتر مره حبوه فيها هالمره.

    • ايواا تماام رح اجربه على طريقتك وانا متأكده انه رح يطلع بجنن. وصفاتك ثقة مية بالمية بس حبيت اعرف سر الاستواء بربع ساعة ما شاء الله فنانة.

      وشكرا منى عالمعلومة السر بالتغطاية كمان ما كنت اتركه مغطى كنا على طول نقدمه.

  1. يعطيك الف عافية ويعيشو هالايدين عجبتني كتتير الطريقه وإن شاء الله رح اجربها
    يسعد قلبك رشرش 🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷

  2. انابمووووووت بشي اسمو ذرة بكل اشكالو وبموسمو اذ ما اكلتو كل يوم مابتهنى وعطول مرضانة منه ههههههه بس انو ليش الحليب مافهمت اول مرة اسمعها يعني بمي بصير وبجنن وبنص ساعة حسب نوعية الذرة وبطنجرة الضغط بربع ساعة ليش نروح الحليب بنشربو هههههههه عطل حال يسلم اديكي بس فسريلنا ليش حليب شو رح يعمل غير الطراوة لانو ماعند مشكلة فيها

    • تسلميلي ام يامن نورتي
      هون فايده وميزه الحليب بهالوصفه بتعطيه طرااوه وزكاوه والحفاظ على العصاره بالداخل
      وربع ساعه بعد الغليان وربع ساعه بعدها مغطى بالطنجره والغاز مطفي كفيل انو يستوي ويضل طري ولهيك ما بيوخذ وقت كتير على الغاز
      منشان نحافظ على الطعم والفايده
      بتمنى تجربيه وتحكمي بنفسك

      والتجربه اكبر برهان 😉

  3. ماشاءالله
    صحه وعافيه على قلوبكم فكره جديده وحلوه أكيد انتي مجربتيها ونجحت جزاك الله خير على الأفادة
    اختي رشا شفت الذره وضعفت أنا منتظر للشتاء بفارغ الصبر أحب الذرة المشوية ونفسي طالعه عليها الله يبارك لكم .

    • تسلميلي حبيبتي ربي يسعد قلبك على هالتعليقات الحلوه الله يخليلي ياكي وما يحرمني منك😘❤😘
      جربيها وان شاء الله رح تعجبك 😍
      احنا الذره متوفره عنا بكل الفصول 😉

  4. ماشاءالله عليكي ياشيفتنا الغالية😘
    وصفة ولا احلا رح جربا مع اضافة الحليب لانو ااذرة عشقيييييي😍😋😄😄
    يسلم ايديكي ياعسل😍
    الله يباركلك ويعطيكي الف عافية عاى وصفاتك الحلوة دايمن😙

  5. ممممممم يسلمووو ايديكي احلى واجمل شيف شفتها بحياتي عنجد ما شاء الله عنك اي وصفه بتعمليها بتطلع غير شكل👌 بتطلع مميزه حتى لو كانت بسيطه وسهله ما شاء الله 🌹🌹الله يعطيكي الصحه والعافيه وتضلي منوره زاكي بوصفاتك الحلوه🌹😍
    بصراحه لما شفت الصوره من برا فكرت نور لانه الورد حركات نور هههه وينك نوور😂😂ما شاء الله انتي وياها وصفاتكم مقاربه لبعضها بالرتابه والزوء والحلاوه فالواحد بيخربط الله يحفظلنا اياكم يا احلى شيفات😍❤🌹🌹

    • تسلميلي حبيبتي رؤى الله يخليلي ياكي يا عسل
      وهالابداعات يلي انتي شايفيتها للورد و هاي الافكار لبنتي شاديه كتير بتهتم بالتصوير وبتحبو وهيه الي اضافت الورده للصوره وكتير بتركز بخلفيات الصور وبتحب التصوير على الخلفيات البيضه او الخلفيات الخشبيه ثلاثيه الابعاد ارجعي لوصفاتي القديمه وشوفي تصويرها لانو حابه تكمل بهالمجال ان شاء الله
      وجبتلها كاميرا كانون هديه لانو حصلت على معدل عالي الحمد لله والسنه الجايه توجيهي ادعيلها بالنجاح والتوفيق
      ورح انزلك هوون كم صوره من تصويرها وعفكره عملو بالمدرسه مسابقه للتصوير وشاديه اخذت المرتبه الثانيه بفارق بسيط جدا وحصلت على هديه رائعه الحمد لله

    • ما شاء الله عنها ان شاء الله من زايد لزايد وتطلع من اوائل التوجيهي وتفرحي فيها 😍وان شاء الله يا رب بنشوفيها اشي كبير 🌹
      ما شاء الله اسم الله عليها كتييير مبدعه بالتصوير وانا عفكره بميز وصفتك بصورة البروفايل تبعت الاكل ههه يعني عندها اناقه بالتصوير لا توصف بعدين شاديا اسم الله عليها مش مختصه بإشي واحد او بتتقيد بفكره وحده لا كل مره بتيجي بفكره جديده بالتصوير يعني عن جد انصدمت من تصويرها 😍كيف بنت بهالعمر بيطلع منها هاد الفن❤
      بس انا لفت انتباهي الورد هههه لانه بكل وصفه لنور لازم احكي عنه واعلقلها عليه ههه يعني قصدي انه شاديا كل مره بتيجي بفكره جديده بس نور بحسها بكل وصفه لازم يكون في ورد ههههه 🌹🌹

    • حبيبتي رشا انا بعتذر اذا فكرتي اني قاصده اشي او في تقليد لا سمح الله كل وحده ما شاء الله عندها فنها الخاص بس انا قصدت انه تصويركم انتي ونور بجنن وفنكم بالطبخ بيشبه بعضو فهمتي علي كيف؟👌
      ما بدي اياكي تكوني زعلتي مني صدقيني ما قصدت اشي💔انتي حبيبتي واختي الكبيره وامي واللي بدك اياه هههه وانا زي بنتك شاديا ها هههه😂❤❤🌹🌹🌹

    • اللهم آمين يا قلبي والك بمثل ما دعيتي لبنتي ان شاء الله وعادي هوون احنا كلنا متل الخوات انا ونور والكل هوون واكيد ما زعلت منك ولا رح ازعل منك بعمري يا قلبي انتي
      ولو حبيبتي روئ ما في داعي تعتذري لانو انتي ما غلطتي من الاساس بس انا حبيت احكيلك عن شاديه وهالورده وهوايتها الي مجننيتنا فيها هههه حبيبتي انا كتير بنبسط بتعليقاتك الحلوه وانا كتير بحبك وبحترمك لانك بنت خلوقه ومحترمه وشطوه بالمدرسه والطبخ ما شاء الله عنك الله لا يحرمني منك يا غاليه وانتي معزه بناتي اكيد الله يفرحنا بنجاحاتك ان شاء الله
      وانا الي بعتذر منك ما قدرت ارد عليكي مبارح عطول لانو كنا برحله وروحنا متأخر وما فضيت من مره وسلامي لامك الغاليه ام زكي الله يحفظها ويباركلها فيكي يا رب ❤❤😍😍😍😘😘😘

    • حبيبتي رؤى تسلميلي ياعسل كلك زوق انتي يا أحلى وردة
      اللي عندو محبات وداعمات صادقات متلك بحاول يحطلهم احلى ورد
      انا تصويري على قدو وبحاول زبطلكم قدر الامكان لأنو الاضاءة عندي سيئة شوي نوعاً ما والكاميرا مو توب بقى يسعدها شوشو العسل ربي ويباركلها ويوفقها
      صورها تحفة والله وبتعطي رونق كبير للوصفة مهما كانت بسيطة ماشاء الله عنها😍

      الله يحميلك ياها يارشروشة وتشوفيها بأعلى المراتب😄

  6. ماشاء الله ام احمد عالوصفه الي بتجنن احلى مافيها الافكار الجديده عنجد هاي مميزات الشيف المبدع افكار متجدده وحلوه الوصفه راح نطبقها اكيد لانو كل وصفاتك ناجحه ومزبوطه تماما .. ثانيا عنجد التصوير حاله ثانيه شاديه مميزه بتصويرها ما الو مثيل بس شفت الصوره عرفت انو لالك الوصفه من طريقه شاديه الاحترافيه المميزه ماشاء الله .. شيف زاكي وفنانه زاكي فالتصوير يسلم ايديكن يارب ونضل نشوف هالابدااااع

  7. ما شاء الله شو هالابداع والأناقة والرتابة شكلهم بشهههههههههههههي واكيد من تحت دياتك فير شكل 👏👏👏👏👍👍👍👍👍
    يسلم هالايدين وصحة وهنا يا رب 💖💖💖💖💖💖💖💖

  8. اوووووووووبااااااا ومين ما بحب الذره 😍😍😍

    هالطريقه شفتها من اكم سنه لشيف اجنبي ….سلق الذره بالحليب وانا هيك صرت 😨😨😨😨 وفعلا حكى عن طراواتها وانها تنضج بسرعه …

    بس دخيلك مين بيوثق باكل الأجانب 😂😂😍

    بس طالما توب شيف وملكه زاكي عملتها طبعا رح طبقها وانا مغمضه كالعاده تسلم ايدك ياعمري 😘

    اما التصوووير هاد حكايه تاااانيه ..تقولي الصور لمجله عالميه …مع اني دايما اشوف صور شادووو ولكن كل مرة بنبهر بطريقه التصوير بشكل عجيب

    ربي يسلملي هالزووق والايدين يا شادو يا حبيبه خالتوو …لانو فريد من نوعو ومافي متلو ابدا .. تسلم ايدك

    وسلميلي عليها اكيد لحبيبه خالتو 😘😘😘😘

    • حبيبتي ام آدم تسلميلي الله يخليلي ياكي وما يحررمنا من هالكلام الحلو ان شاء الله بتجربيها وبتعجبك
      وشكرا كتير لدعواتك لشاديه وشاديه بتسلم عليكي وبتشكرك على رايك الرائع بتصويرها
      نورتي يا قلبي ❤❤😍😍😘😘

  9. يختي شو ما تكون الوصفة بسيطة إلها رونق ومنظر أخر من تحت دياتك ربي يخليلي اياكي يا غالية وتظلك تتحفينا بوصفاتك الي اكتر من روعة حبيبة قلبي أم أحمد

  10. روعاااااتك ام أحمد فعلا من زمان بعرفها مع الحليب وبتطلع فيه بتشهي وطرية كتير😍
    ربي يسلم دياتك ويباركلك ياقلبي

    وأهم شي ربي يحفظ الأميرة شاديا ويوفقها ويسعدها وتشوفيها بأعلى المراتب لأنها مبدعة بمعنى الكلمة وبنوتة طموحة وعندها شغف بجنن اللهم بارك 😍
    بوسيلي ياها كتييييير وسلمي عليها😄

  11. اللهم بارك .. جمال وأناقة التصوير والأدوات تحفة فنية وذوق عالي .. ربي يباركلك بشادية ويحفظها من كل سوء🌹

    والوصفة رائعة ولذيذة جدا 👍
    وفعلا الحليب بيعطي الذرة طراوة ولذاذة بشكل كبير ..
    تسلم إيدك عزيزتي

  12. ولك هاتولي ياها شادية بدي ابوسها من بين عيونها على هالاناقة الي عندها اي تسلملي انا بنت امها شو انها متكتكة ورائعة متل امها 😍😍😍😍
    وطبعآ ذرياتك يا ام احمد ما بدهنش حكي هنه بحكو لحالهم عنجد شكلعم رووووووعة ورح اجربها ومع اني ما بطيق الحليب بس بما امو انتي عامليتها اكيد بثق فيكي وفي شغلك ورح اجربها وانا مغمضة 😋😋😋😙😙😙😙😙😙😙😙😙

اترك تعليقاً

لن يتم نشر عنوان بريدك الإلكتروني.