img
الرئيسة / معجنات / زعتر اخضر طعمته روعه ملكة الأكلات الفلسطينية

زعتر اخضر طعمته روعه ملكة الأكلات الفلسطينية

/
/
/
2739 مشاهدات

 

زعتر اخضر طعمته روعه ملكة الأكلات الفلسطينية

زعتر اخضر....طعمته رووووعه ملكة الاكلات الفلسطينيه

زعتر اخضر طعمته روعه ملكة الأكلات الفلسطينية

زعتر اخضر طعمته روعه ملكة الأكلات الفلسطينية , معكم صديقة زاكي الشيف الموهوبة ,

المقادير

  • خمس كاسات طحين
  • معلفة خميره
  • معلقة سكر
  • معلقة صغيره ملح
  • معلقتين او اكثر حليب باودر
  • معلقة خل
  • ما دافىء للعجن
  • فنجان زيت
  • مقدير الحشوه:
  • زعتر اخضر او مفرز
  • راسين بصل كبار
  • زيت زيتون
  • سماق الكميه حسب الرغبه
  • 3حبات ليمون
  • رشة ملح

الخطوات

بسم الله الرحمان الرحيم

اللهم صل وسلم وبارك على سيدنا محمد وعلى اله واصحابه اجمعبن

يسعد اوقاتكم يا احلى وردات اشتقتلكم وما بستغني عنكم ابدا ربنا يكرمكم ويسعدكم سعادة الدارين ويرزقكم القناعه والرضا

هذه الفطائر نزلتها سابقاه لكن للاسف راحت من ملفي وحابه انزلها مره ثانيه انشاء الله تنال اعجابكم

بسم الله نبدأ

طبعا في البدايه بخلط المواد الناشفه مع بعض وبضيقلها الخميره والسكر الي خخمرتهم مسبقا مع شوية ماء فاتر وبضيفهم للطحين وببلش بالعجن حتى احصل على عجيته متوسطة الليونه لانه هاي الفطائر ما بدها عجيبه جامده حتى نقدر نرقها كويس وبعد ما انتهي من العجن بدهن ايدي بالزيت وبقلب العجينه كويس وبغطيها وببتركها تتخمر

الخطوه التانيه بفرم البصل ناعم وبقلبو بالزيت لما يتذبل بضيف الزعتر الاخضر المفروم انا استخدمت زعتر من الفريز كان موجود عندي وبقلبهم شوي مع بعض وبضيف الملح والليمون والسماق لانهم اصل هذه الاكله مع زيت الزيتون وبتركهم يبردو وبعصرهم من المي الموجوده فيهم كويس حتى ما تنتزع العجينه من السوائل وبحتفظ فيها حتى ارشها على اقراص الزعتر بعد ما انتهي من الخبز

هسا خمرة العجينه بقطعها على صينيه مدهونه بالزيت وبتركهم يرتاحو شوي وببلش ارق بشكل دائري وبضيف الحشوه وبسكرها من كل الجهات على شكل مربع وبرقها بايدي شوي حتى ما تطلع خميله وبكثر زيت زيتون لانه هو الاصل بهذه الاكله وبحمي الفرن على درجة حراره180وبدخلهم الفرن لما يتحمروا من الاسفل وبعدين بحمرهم من الاعلى وبطلعهم وبرشلهم الزيت والليمون الي عصرتهم من الحشوه مع شوية زيت ثانيين حتي تعطيهم الطراوه واللمعان وبقدمهم سخين مع كاسة شاي او عصير والف صحة وهنا

112 تعليقاً

  1. بسم الله ما شاء الله عليكي حبيبتي ربي يحفظك ويبارك بعمرك وصحتك يااارب 😍
    روووعه كتيرررر بشهووووو يا الله على فطيره هالوقت أه 😄
    سلمت يداك يا غاليه 🌹❤

  2. يا رب يحفظك يا خالتي ام علاء
    ويسعدك .. ما شاء الله لا قوة الا بالله
    عمتي أم زوجي انا بتعمل اكلاتك وحبها لزيت الزيتون وهالشغلات البلدية لا حدود له والله انا تعلمت منها أشياء كتير كتير الله يحفظها ويحفظك وملفك هون والله مرجع الي ما بمشي يوم الا اني أدخله واشوف وصفات واعملها ..
    بس السؤال هلأ نهاية الملف الك بطلعلي عجينة الكنافة الناعمة ..
    هلأ هاي اول وصفة الك ولا في غيرهم بس مو طالعين ..
    امبارح دخلت على الجروب صبايا انا ما عندي وقت اكتب واشارك شفت تعليقاتك عن مرت اخوكي وزيارتهم لتركيا وكيف انو سبحان الله الصبايا بحكولك نيال مرت اخوكي على بنت هالحمى كيف بتتمنالها الخير كانها اختك
    يا خالتو كيف انك حدا عنده خير اللهم زيد وبارك وعلاقات صحيحة وثابتة وكلها خير
    والله تعلمت منك كيف أطول روحي وانه الحياة بدها صبر وأنه الاحترام أهم اشي ولله الحمد علاقاتي مع عمتي وبنات عمي والكل محترمة كتير ومنيحة عالآخر وما بسمح لأي مشكلة أو سوء تفاهم تأثر عليي بالعكس
    وبالنهاية انا البيت الوحيد يلي عمتي وعمات اولادي بفوتوه من بين اولادها كلهم ولله الحمد .. يا رب يسعدك بحبك من جوات قلبي والله وبدعيلك دايما عكل وصفة أو فكرة او عأي شي بتعلمو منك يا ست الستات المعدلة
    ربي يبارك بعمرك وبصحتك وسعادتك

    • يسعد صباحك صفاء الروح…حبيت اعلقلك كلامك في غاية اللطف والزوء ربي يهدي بالك واضلك محبوبه عند بيت حماكي وانتي بنت اصل الي بتعاملي بيت حماكي بطيبه ……الحمدلله بهاد الوقت مش كل الكناين هيك …وخالتو ام علاء مافي منها مرجع الأساسي النا ربي يمد بعمرها ويهدي بالها ويعطيها العمل الصالح …..دمتم بخير وبحفظ الرحمن ورعايته دمتم

    • حبيباتي يسعد قلبكم شو بحبكم الله يبعد عنكم كل سوء
      حبيبتي صفاء يا الله شو اسعدني كلامك جد انتي بنت اصول ومحترمه واستمري في حب الجميع ولا تياسي ابدربنا رح يباركلك في كل شيء حتى بالهو الي بتتنفسيه وطبعا غالبية امهات الازواج اذا شافت كنتها مبسوطه بتفرح ما بدها غير هيك اذا بتحترميها بتحطك بعيونها طبعا في نماذج سيئه يا رب ما نكون منهم

    • حبيبتي الله يكرك مرت اخوي معلمه الها فتره وتعبت كثير ومرضت مرضه قويه وصلت للموت وربنا انقذها ولحد الان بتاخء كرتوزون وبدها فترة نقاهه والحمد لله ربنا عافاها لاولادها انا شو خسرانه لو تمنبت الها الخير ربنا الله عمرها ما اساءت لحد بس الامر ما بخلى من بعض سوء الفهم ربنا يحفظ كل ام لاولادها

    • الله يسعدك ويحفظك يا ام علاء ويكثر من امثالك .. اه والله كل يلي حكيتيه صحيح
      وطبعا ما بخلا الأمر من مناقشات ومواقف بس كلو هيك بنزاح بسرعة وبرجع بحبهم ويحبوني متل قبل وأكثر .. خصوصا انا بيتي قدام عمتي بنفس العمارة بابي على بابها ما بمضى يوم الا تدق بابي والله هههههه خصوصي انا الكنة الأخيرة مرت ابنها الصغير والحمد لله الله لا يقطع حدا من حدا يا رب ويهدي البال ويعطينا كل خير وكلو رح نلاقيه بالمستقبل باولادنا ما في شي ضايع عند رب العالمين ..
      برجع بدور عوصفاتك إن شاء الله يا غالية يا حنونة ..

    • وفكرة أخيرة ..
      هلأ سلفاتي وغيرهم بشوفو بنات عمي كأنهم إبليس بعينو وبشوفوهم خرابات بيوت وغيرو كتير .. بس انا ما بشوفهم هيك وأقل جواب لأي وحدة بتشكيلي منهم بحكيلها حرام عليكي بضلو عمات أولادك وشو عاملينلك وغير هيك مهم حريمات حرام عليكي وهيك بسكر عليها ما بخليها تكمل حكي ..
      الفكرة انه المحترم نفسه والإنسان الراقي وصاحب الحق امثالك يا خالتي أم علاء بفرض عأي حدا انه يعاملك بنفس الأسلوب وأحسن بغض النظر عن الشر يلي بالقلوب ..
      فعنجد الواحد يصفي نيته ويكون من أصحاب الظن الحسن كلو بصير منيح
      ههههههه زوجي أحيانا بحكيلي شو ساحريتهم لامي وخواتي
      والله العظيم بعزمهم وبقدرهم وبحسب حسابهم بكل شي بسويه وهم اكتر وأحسن مني بصيرو ربي لك الحمد

    • ولأ انسيلي كل الحكي هلأ
      وانا يلي عمتي ما كانت موافقة على زواجنا واجت طلبتني وهي قالبة وجهها ومكشرة وما شربت فنجان القهوة
      ليش
      عشان انا زوجي هو اختارني مو عمتي
      سبحان الله تلاقينا انا وياه بمعرض توظيف بعمان كنت متخرجة من الجامعة جديد
      انا يومها كنت ضايعة بالمعرض وشفته بوجهي سألته عن شغلة ولفيت لفيت بالمعرض رجعت لقيته بوجهي بسألتي هو عن شغلة ضايع
      فلما شفته هو نفسه وهو عرف انا البنت نفسها هيك اضحكنا وسبحان الله طلع قسمتي ونصيبي بعد شهر اجى وخطبني وبعدها بسنة تزوجنا وكل هاد وعمتي مش موافقة وزعلانة
      لحد ما مشت الدنيا وعرفت هي أنه عسى ان تكرهو شيئا وهو خير لكم كرهتني بالأول وغيبت مني وهلأ ما بتفوت دار أو بتشكي أو بتطلب شغلة غير مني وبتدعيلي دعوات بكل مرة بساعدها بتثلج الصدر
      وبتكون بتحكي معي مرة بتحكي يا عمتي ومرة يما بتحكيلي سبحان الله ما اكرمه

    • ماشاء الله عليكي …تبارك الرحمن ربي يهنيكي ويسعدك يارب …كنت دايما بحكي لام جاسم وسلفتها ام محمد انو يكون عندي سلفه زيهم لاني وحيده لسه مافي سلفات زوجي ما الو الا اخ واحد بس كتييييير محترم وخلوق وإنشاء الله بتكون سلفه الي محترمه زيهم ….لكن انتي غير انشالله ربي يرزقني بكناين محترمات ومؤدبات وبخافن الله هدا اهم شي ….يسلم ايديها امك على تربايتك وربي يسعدك كمان وكمان يارب

    • وإياكي يااا رب .. ويسعدك سعادة ما تقدري توصفيها لحدا
      ولا في أحلى من الاحترام والعلاقات المنيحة والله بتدوم للابد
      والله يبعتلك سلفة منيحة وتصيرو متل الخوات واكتر
      يعني حتى بطبيعة عيلة زوجك عندهم ولدين بس يعني العلاقات بتضل راكزة ومنيحة ان شاء الله
      انا الكنة الخامسة والأخيرة غير بناتهم عشان هيك عيلة كبيرة سهل يصير مشاكل وقال وقيل وعملت وساوت ومن هالحكي كله
      رح ترتاحي بحياتك والله ان شاء الله

  3. يسعد صباحك….بكفي انهم من تحت ايديكي رائعه انتي خالتو وكلامك برد الروح مع هدعوات الحلوه …ربي انشالله بهالايام الفضيله يجبر خواطرنا ويرضى علينا ويتوب ويغفر لنا ذنوبنا ويجعلنا من المقبولين عنده في الدنيا والاخرة ….يا رب اهدي اولادنا واحفظهم من كل مكروه …آمين يارب العالمين

    • حبيبتي ان بغسله وبضعه في كيس قماش وعندي نشافه تبع الغسال العادي ما بحطو بنشافة الاتوماتك وبشفه وبفرده على شرشف نطيف حتى ينشف اذا ضل فيه مي بصير اسود اذا ما عندك نشافه وحطي الزعنر بمصفايه وخلي المصفايه مرتفه شوي حتى تتصفى الظي كويس فورا حضري سدر وسيع وحصي بالسدر فوطه او بشكير نظيف وحظي الزعتر فوقه وحطيه شوي بالشمس حت تخلصك من المي ضلي تفقديه بالتحريك لانه الي على الوجه بنشف والي تحت بضل رطب وبسود
      الزعتر الي انا عامليته ممن الفريزر عشان هيك لونه تغير اشوي اله عندي مده
      وبعدين بتخليه يتنشف بالشمس او بتنقليه على الفي

  4. ياعيني ياعيني عالاشياء الزاكيه الي بتفتح النفس على الصبح وخاصة من تحت دياااتك ربي يعطيكي الصحه والعافيه ويسلمهم ديااااتك 😘🌹💝

    • ربي يكرمك لانك دعيتي لابني ولك بمثل ما دعوتي ..بتعرفي كتييييير لما اشوف ناس اولادهم ناجحين انبسط الهم وبضل ادعي انو ربي يكرمني باولادي ويجعل النجاح حليفهم ويهديهم للايمان وطاعة الرحمن ……كمان بدي منك شغله اعطيت البنات طريقة بهارات الكاجون وياريت تتحفينا كمان بافكارك النيره لانها كتييييير طيبه جربتها وغيرشكل ….طولت عليكي دمتي بخير

  5. ما شاء الله بشهوو الاكل من تحت اديكي الو رونق خاص ونفسك طاغي اللهم بارك الله يحفظك يا ست الكل وما يحرمنا من لمسات وصفاتك 😘😘❤❤

    • يسعد قلبك حبيبتي اذا ضاعفتي كمية الطحين ضاعفي المقادير بس خميره لا تكثري لانه الجو حار وبتتخمر كثير بتصير خميله انا المفروض تكون ارق من هيك تفاجئت انها خمرة بسرعه وكمية الليمون انتي بتتحكمي فيها حسب ذوقك الشخصي

  6. ماشاءالله
    ياسلام على هذه الأكلات الطيبه اللي تفتح النفس الله يزيدكم من خيره ويبارك لكم أستمري بأبداعك والوصفات التراثيه الأصيله .

  7. يممممممممم عنجد بتشهي والله يمكن قراص الزعتر ما أكلتو من عشر سنين تقريبآ ريتو الف صحة وهنا يا حب يسلم اديكي والمرة الجاية باجي باكلهم عندك ههههههههههه 😙😙😙😙😙😙

  8. صحه وعافيه خالتو ام علاء
    اشتقتلكم كتير انا هديل ام معتز بحكي من تلفون جوزي نزلت زاكي عليه 😉 با أقرب فرصه بحكي معكم ان شاء الله

  9. ماشاء الله اللهم بارك 😍
    منظرهم دمار شامل هدول هههههه
    شي بياخد العقل ياقلبي تسلم ايديكي والله يهني كل مين اكل من أكلاتك الرائعة والله😀
    زتيلي وحدة الله يوفقك😅😋

  10. ياعيني عليكي ياجوهرت زاكي ياخالتو😍
    ماشاءالله عليكي دايمن بتهرينا بوصفاتك الي بتشهي 😋😍
    الله يسلم ايديكي ويحفظك ويعطيكي الف عافية😙
    منظرن بيشهي😋😋

اترك تعليقاً

لن يتم نشر عنوان بريدك الإلكتروني.