img
الرئيسة / أطباق رئيسية / أصابع الدجاج المقرمشه بطريقتي ( إسنيتشيل) ملكة الأكلات الغزاوية

أصابع الدجاج المقرمشه بطريقتي ( إسنيتشيل) ملكة الأكلات الغزاوية

/
/
/
1940 مشاهدات

 

أصابع الدجاج المقرمشه بطريقتي ( إسنيتشيل) ملكة الأكلات الغزاوية

أصابع الدجاج المقرمشه بطريقتي( إسنيتشيل) ملكه الأكلات الغزاويه

أصابع الدجاج المقرمشه بطريقتي ( إسنيتشيل) ملكة الأكلات الغزاوية

أصابع الدجاج المقرمشه بطريقتي( إسنيتشيل) ملكه الأكلات الغزاويه , معكم صديقة زاكي الشيف الموهوبة ,

المقادير

  • صدر نصف دجاجه مغسول و مقطع لشرائح سميكه
  • لتتبيلهم:
  • معلقه صغيره بهار دجاج
  • معلقه صغيره كاري
  • ملح
  • فلفل أسود
  • لخليط البيض:
  • بيضه
  • رشه ملح
  • فلفل أسود
  • لخليط البقسماط:
  • كوب ونص بقسماط
  • نصف معلقه صغيره شطه
  • نصف معلقه صغيره بهار دجاج
  • نصف معلقه صغيره بهار شاورما
  • نصف معلقه صغيره زعتر ناشف
  • نصف معلقه صغيره فلفل أسود
  • معلقه صغيره سمسم مع قزحه
  • نصف معلقه صغيره ملح
  • للقلي:
  • زيت
  • زينه حسب الرغبه

الخطوات

بسم الله نبدأ

في وعاء ضفت صدر الجاج و حطيت عليه البهارات و خلطته كويس

خفقت البيضه مع الملح و الفلفل خلطت مكونات البقسماط مع بعض غطست شرائح الصدر بالبيض و بعدها بالبقسماط و كبست كويس ليمسك و ما يفرط بالقلي حطيتهم بالفريزر نص ساعة ليتماسكو إشويه

سخنت الزيت و بلشت أقلي فيهم على نار متوسطه لما تحمرو طلعتهم و زينتهم ووووولا تنسي البطاطا و السلطه و الخبز معهم يا عسل

^ملاحظه^

فيكي تغيري بالبهارات على كيفك و أي نوع ممكن تحطيه و كمان ممكن بدل البقسماط تحطي طحين و النتيجه بتطلع روعه كمان

بتمنا هالوصفه اللذيذة تعجبكم و تدعولي يا قمراتي بالخير و العافيه

♡و صحه و عافيه بحبكم أنا ♡

101 تعليقاً

  1. لولو

    تسلم ايديكي ياعسل 😍
    بتشهي ماشاءالله عنك
    بصراحة لون البقسماط عندك بعشقو 😂
    دورت هون مالقيت منو في بس أبيض
    ماشاءالله بالهنا والعافية بكل حبة بقسماطية 😂😂😂😂

  2. والله هاي بقسماطيه نوووويه
    الجاج مستوي بشكل رهيب
    ولا اللون هاد حكايه تانيه خااااالص
    اللهم بارك اللهم بارك
    شورايك اعطيكي الماكنتوش واخد هالصحن😁😁😁😁

  3. الله يسعد الغزاويه كلهم ويحفظ اهلهاوجميع بلاد المسلمين، 😘 اللهم آمين
    الوصفة روووعه بتشهي وآخر قرمشه يسلمو يا عمري😘💕❤🌸

  4. ماشاءالله اللهم زد وبارك
    رووووووووووعة وشكلة جذااااب بالصحه والعافيه على قلوبكم
    تسلم إيديكي ياجوهرة زاكي الطيبه الله يفتح لك ابواب الخير ويهبك كل ماتتمني بفضل هذه الأيام الحرم .

  5. والله حيو الغزاوي الله ينصرهم يا رب ❤❤ويحرر بلدنا فلسطين وكل البلدان المسلمه💕💕💕💕💕
    ما شاء الله اشي بقرمش تقرمش 😂قرمش بدني ع قد مهو مقرمش😊 هههه حاسه حالي بحكي بيت شعر اشي بجنن عنجد وآخر فخامه يسلمو ايديكي يا عسل اشي بشهي اصلا كل شي من ايديكي روعه😌😌😌👍👍👍👍

  6. مسا الخير …كيفك …يا عيني المقبلات هاي كوم والقعده عندك كوم تاني والله الواحد بشبع من شوف عينه ربي يتتم عليكم نعمو ويزيدكم خير على خير ويكافيكي ربي اجر الصابرين….دمتي بحفظ الرحمن ورعايته

  7. ما شاء الله تبارك الرحمن
    رووعه وكتيير زاكي ومقرمش
    يسلمو اديكي حبيبتي ام مصطفى الف صحه وهنا يا عسل اشتقنا لوصفاتك المميزه والرائعه ❤😘

    • يا عمري تسلميلي يااارب كلك ذوق يسعدك ويبارك بعمرك من بعدك يا عسل 😙😍
      والله ما إلي غنا عنكو بس الظروف أحيانا بتمنعني إن شاء الله ربي يقدرني وبالأيام الجايه أكون عند حسن ظنكم بوركتي❤🌹

  8. هادا خيااااااااال مو اشبنشل ولا شرشبيل😂
    والله المنظر قمة الإبداع والروعة والأناقة وجميع معاني الجمال بهالحياة
    نيوتن لو شاف هالصور كان عرف سر الجاذبية 😂
    حاسة حالي بدي اكتبلك شعر بعد القنابل اللي شفتا😍
    انتي إنسانة رائعة بكل المقاييس اللهم بارك
    طولتي علينا الغيبة وحرمتينا من جمال وصفاتك بس معلش رح سامحك ومرقلك ياها هالمرة مقابل كم اصبع اشبنشل😂
    غير هيك بدي اقليكي الك وعلقك عالشجرة 😁
    ❤أسأل الله العظيم رب العرش العظيم أن يقر عينك بالذرية الصالحة ويهبك كل ما تتمنى نفسك من خير ويجبرك جبرا يليق به سبحانه وتعالى❤
    بحبك بحبك بحبك بحبك بحبك بحبك بحبك بحبك بحبك

  9. ياويل قلبي😀😋😋
    والله مو عارفة عن شو احكي عن الطبق ولا التزيين ولا المنظر ياعيني عليكي دايمن بتبهرينا بوصفاتك الحلوة واللذيذة متلك يالذيذ 😍
    ربي من عالي سماه بهالايام المباركة يرزقك ماتتمنيه ويهبك الذرية الصالحة عاجل غير آجل يارب😍😍

  10. دخيل أصابع الجاج المقرمشة اتقرمش من ايدين أحلى ام مصطفى بزاكي

    والله عنجد اشتقنالك و اشتقنا لوصفاتك الحلوة بكل أنواعها وأشكالها

    الله يزيدك من علمه وفضله ونعيمه ويرزقك كل إلي بتتمنيه حبيبتي ومناظر الخضار عندك إلي مقدمة فيها الوصفة بتجنن ما شاء الله

  11. اللهم بارك .. ولا أجمل من هيك تصوير مع الطبيعة
    ألوان زاهية ومشهية وطبق لذيذ
    تبارك الله أحسن الخالقين
    ربي يسلم هالديات المبدعة والذوق الرفيع في التصوير والترتيب .. اللهم بارك

اترك تعليقاً

لن يتم نشر عنوان بريدك الإلكتروني.