img
الرئيسة / أطباق رئيسية / صينية الفريكه بالدجاج بالفرن ملكة الأكلات الفلسطينية

صينية الفريكه بالدجاج بالفرن ملكة الأكلات الفلسطينية

/
/
/
3249 مشاهدات

 

صينية الفريكه بالدجاج بالفرن ملكة الأكلات الفلسطينية

صينية الفريكه بالدجاج بالفرن ملكة الاكلات الفلسطينيه

صينية الفريكه بالدجاج بالفرن ملكة الأكلات الفلسطينية

صينية الفريكه بالدجاج بالفرن ملكة الأكلات الفلسطينية , معكم صديقة زاكي الشيف الموهوبة ,

المقادير

  • دجاجتين حجم وسط مغسولين منيح ومتبلين
  • اربع كاسات فريكه
  • كاسة ارز طويل الحبه حسب الرغبه
  • راس بصل كبير
  • زيت زيتون او سمنه
  • بهارات مشكله
  • فلفل اسود
  • عصفر
  • رشة هيل
  • رشة كاري
  • رشة كمون
  • ملح حسب الرغبه

الخطوات

بسم الله نبدا

يسعد اوقاتكم حبيباتي حفظكم الرحمان من شرور الانس والجان وجعلكم من الذين رضي الله عنهم ورضوا عنه ووفقكم لما يحب ويرضى

اليوم اكلتنا اكله طيبه ومعروفه والكل بحبها عدا عن ذلك سهله وسريعه…الفريكه بالفرن

تعالوا نشوف هالطريقه الطيبه يلي ما بدها غلبه ابدا الله يسهل حياتكم على طول

اول شي بعد ما انظف الدجاج كويس بتبله بالملح والفلفل والبهارات والكاري ورشة هيل واي نكهه بتحبيها وبتتركيه على حنب لمدة ساعه والفريكه بتنقيها وبتغسليها وبتنقعيها لمدة ساعه ايضا حتى تنضج بسرعه وبعد مرور ساعه بنحضر طنجره وبنفرم البصل وبنضيفله الزيت وبنقلبه حتى يتذبل وبنصفي الفريكه من المي وبنغسلها كويس وبنضيفها على البصل انا هون خلط الفريكه بكاسة ارز طويل الحبه مغسول فقط غير منقوع وانتم لكم الحريه بنقلب الفريكه والارز مع الزيت والبصل وبنضيفلها الملح والفلفل والعصفر والكاري والبهار ورشة الهيل واي نكهه بترغبوها وبنقلب مزبوط

بنحضر صينيه الافضل انها تكون تيفال انا ما عندي تيفال كبير عملتها بالمنيوم بس بدك تنتبهي الالمنيو م بلزق فيها الاكل

دهنت الصينيه بالزيت وضعت الدجاج المتبل بقاع الصينيه خلي وجه القطعه لتحت حتى تتحمر معك وضيفيلها الفريكه المتبله وافرديها فوقها وضيفي الماء الساخن يادوب تغمريها لانه الفريكه منقوعه بنحضر ورق الالمنيوم وبتلف الصينيه كويس من كل الجهات للاسف هاي الخطوه نسيت اصورهاوبدخليها للفرن المحمى مسبقا على درجة180وبضعها بالرف السفلي بتاخذ ساعه او ساعه الاربع وبتكون جهزت وتحمرت خاصه اذا الصينيه تيفال وبتقلبيها عل السدر وبتقدميها مع السلطه واللبن والمخلل والف صحه وهنا

استودعتكم لله يا اعز واحلى واغلى حبايب…

72 تعليقاً

  1. يمي يمي يمي منظرها بششششششهييييي ومبينه الطعمه خرافيه ربي يسلمهم هالديااااات على هيك اكله بتفتح النفس ربي يعطيكي الصحه والعافيه ياست الحبايب 👌😘🌹💞

  2. يسعد صباحك خالتو ام علاء ….ما عمري طبختها هيك شكلها طيبه وانشاء الكريم اجربها …ربي يجزيكي كل خير على دعواتك ودمتي بكرم ورضا ربي وجعلك مباركه اينما كنتي ….يارب يالله

  3. يا ما شاء الله لا قوة الا بالله هالأكلات الهنية والله الله يهنيكي ..
    حبيت فكرة كاسة الرز مع الفريكة
    والجاج بشهي
    تسلم ايدك يا غالية 💓

  4. حبيت والله يعطيكي الف عافيه ويسلم اديكي شكلها بتشهي من زمان نفسي اعملها بس ما بتزبط معي بالمرة يا ما بستوي الفريكه يا بتخبص وما بتطلع مفلفله مش مين مكان بعرف يزبط الفريكه وانتي معدله طالعه من تحت دياتك بتشهي اكيد راح اجربها وانشالله تزبط
    الماء اديش لازم يكون والفريكه ناعمه ولا خشنه مستعمله

    • حبيبتي دودو يسعد قلبك الفريكه خشنه مبينه بالصوره وانقعيها كويس ولا تكثري مي علىالصينيه اذا تقعتيها كويس يا دوب تغمريها اذا نقعتيها والنقع بساعد على الاستواء اكثر

  5. 📌📌

    تنبيه ..تنبيه..!

    #استحيينا من الناس وخفنا من كلامهم، فأين الله إذن وأين الخوف
    من الله سبحانه!!؟

    🚫مصافحة المرأه للرجل أو الرجل للمرأة !!

    اسمع قول عائشة (رضي الله عنها):
    لا -والله- ما مست يد رسول الله ﷺ يد امرأة قط إلا امرأة يملكها.

    رواه البخاري (6674)،🍃

    🔹وما زال الكثير من المسلمين والمسلمات يظلمون أنفسهم
    بمصافحة غير المحارم

    🔹يقولون “قلوبنا صافية”
    وكأن قلوبهم أصفى من قلب النبي ﷺ ..

    🔹ويقولون:”حجة النية”
    إذا كان العمل أصلاً معصية،
    فأي نية هذه؟؟

    🔹أخي:

    ❌ابنة عمك..
    ❌ابنة عمتك..
    ❌ابنة خالك..
    ❌ابنة خالتك..
    ❌زوجة أخيك..
    ❌أخت زوجتك.. و غيرها حتى كبيرات السن الاجنبيات

    👈كل هذه النساء وغيرهن محرم
    عليك مصافحتهن إلا المحارم..

    🔹أختي انتبهي:
    ❌ابن عمك..
    ❌ابن عمتك..
    ❌ابن خالك..
    ❌ابن خالتك..
    ❌أخو زوجك..
    ❌زوج أختك..و غيرهم حتى كبار السن من غير المحارم

    كل هؤلاء وغيرهم لا يجوز لك مصافحتهم

    🔹أخي/أختي:
    👈استحيينا من الناس وخفنا من كلامهم، فأين الله إذن وأين الخوف
    من الله سبحانه!!؟

    📌📌

  6. ” ما مِن إنسانٍ أَحبّ القرآن صِدقَ المحبّة، ورَغِب فيه صِدقَ الرّغبة؛ إلا تَبوّأَ منزلةً عند الله وعند خَلقِه، ولذلك ترَى أهل القرآن أشرَح النَّاس صدرًا، وأيسَر أمرًا، وهم عند الله بِمكان .

    | ش. محمد المختار الشنقيطي |

  7. رووووووعة وماشالله بتوخد العقل انا مابحب الفريكة نهائيا بس اول مرة بشتهي اوكلها من منظرها المشهي تسلم ايدك ياست الكل

  8. يعطيك الف عافية ويسلم ايديكي ما شاء الله بتشششششهههييييي الفريكة وأنا بحبها كتير
    الله يسعدك ويعطيكي الصحة والعافية يارب
    😘😍😘😍😘😍😘💕💕💕💕💕💕💕💕💕💕💕💕

    • والله يا حبيلتي حطيت بون عياى بس اذا بتنقعي الفريكه مده طويله خففي المي ياوب تغمريها واذا الفريكه مش منقوعه او منقوعه بس.ربع ساعه بدك تزيدي المي بعني اغمريها ولفوق شوي

  9. مممممممممممم شكلو دمااااااااار عنجد بتشهي واول مرة بشوف طريقتك مع الرز وشكلو خرااااافي ورح اجربها ان شاء الله 😙😙😙😙😙😙😙😙

  10. ما شاء الله يا ام علاء وصفة رائعة
    الفريكة بالفرن بتشهي عنجد وانا بعملها بكيس حراري مع الدجاج بتطلع خرافيه .
    يسلموو اديكي المعدلة والف صحة وهنا على قلوبكم يارب.

    • حبيبتي ربنا يكرمك الفريكه نفسها القمح بس بينحصد وهو اخضر وبتنحرق السنابل غلى النار او بتنشوي وبيفركوها وبيحصلو على القمح الاخضر الطري بس طعمته بتكون طيبه كثير وبنقيها اذا فيها حجاره او سوائب بنفردها على شرشف بالفيه مو بالشمس حتى نحافظ على لونها الاخضر وبنطحنها في اماكن خاصه او على الماكينه بالبيت حتى تتكسر ما بتنعميها كثير

  11. ماشاءالله عنك ياغالية فكرة حلوة انو تنحط بالفرن
    وصفاتك كل وحدة اجمل من التانية تبارك الرحمن
    الله يسلم ايديكي ويزيدك من نعيمو ويعطيكي ليرضيكي يارب😙😙

  12. تباااااااارك الرحمن عالمناظر الشهية شو بتجوع😀😋
    شغلك كلو رتابة وبركة وابداع ياغالية وفكرة خلط الرز مع الفريكة جدبدة عليي بصراحة بس شكلها بتجنن😍
    الله يباركلك ويعطيكي الف عافية وتضلي منورتينا بأطباقك الحلوة على طول😙

  13. ممممممم يا عيني شوووو هالحلو هادا اشييي بجنن يعطيكي الف عافيه يا وردة وفلة زاكي كله ربي يعطيكي الصحه والعافيه وتضلي منوريتنا بوصفاتك وحكياتك الحلوين الله يحميكي ❤❤🌹
    يسلمووو ايديكي فريييكه بتجنن وعالمفضله 😍😍عفكره المفضله عندي معظمها وصفاتك ههههه مره المضغوط ومره الكعك وهي الفريكه و الجاج المحشي والزعتر والكباب غييير يلي ناسيته ههههه الله يحفظك يا خالتو❤لا تنسي تدعيلي بحب دعائك الي😍

  14. ما شاء الله كل وصفة الك اطيب من التانية شكله بشههههههههههي على المفضلة ع طول❤❤❤
    يسلم ايديكي ويعطيكي الف عافية يا رب وما يحرمنا من وصفاتك الحلوة 👍👍👍👏👏👏😘😘😘😘😚😚😚

اترك تعليقاً

لن يتم نشر عنوان بريدك الإلكتروني.