img
الرئيسة / معجنات / خلية النحل بعجينتي المعتمدة ملكة الأكلات الاردنية

خلية النحل بعجينتي المعتمدة ملكة الأكلات الاردنية

/
/
/
2837 مشاهدات

 

خلية النحل بعجينتي المعتمدة ملكة الأكلات الاردنية

خلية النحل بعجينتي المعتمدة 😋😋 ملكة الاكلات الاردنية

خلية النحل بعجينتي المعتمدة ملكة الأكلات الاردنية

خلية النحل بعجينتي المعتمدة ملكة الأكلات الاردنية , معكم صديقة زاكي الشيف الموهوبة ,

المقادير

  • خمس كاسات طحين
  • معلقة كبيرة خميرة
  • معلقة صغيرة ملح
  • ربع كاسة زيت
  • ست معالق سكر
  • كاسة حليب دافي
  • كاسة ماء دافي
  • للحشوة:
  • جبنة بيضة

الخطوات

مراحب يا حلوات كيفكم شو اخباراتكم وكيف هالشوبات معكم وهيني ارجعتلكم بعد غياب وعنجد بعتذر عن طول الغياب وكثرة الغياب بس عنجد قلة فضاوة وقتي كلو رايح بين مناسبات وعطلة الولاد بس يلا المهم اني ما بنساكم ودايمآ بتابعكم وما في لاشاردة ولا واردة رايحة علية بطمن عليكم وبروح هههههههههههههه ويلا خلينا بالمهم وخلينا نروح نعجن سوا يلاااااااااااا

اول شي بحط الحليب والماء الدافين مع بعض وبحط عليهم السكر والخميرة وبخلطهم منيح وبحطلهم الزيت وبنخل الطحين والملح وبحطهم ع السوائل وبعجن لحتى تتشكل العجين معي وتصير ملسة واذا حتاجة شوية زيت ضيفيلها شوي حتى ما تدبق وبتركها تخمر من نص ساعة لساعة حسب حرارة الجو وبهالأجواء يمكن بعشر دقايق بتفور وبتعبي الدنيا كمان هههههههههههه الله يرحمنا برحمتو ويجيرنا من نار جهنم

المهم بجهز الجبنة بكون ناقعها وشايلة الملوحة منها بس مش كاملة يعني تكون مناسبة للأكل وممكن اضافة زعتر ورق ع الجبنة او شطة انتي حرة الاختيار وممكن حشوها بأشياء غير الجبنة ممكن بطاطة مسلوقة او لحمة او ممكن كمان حلو متل مربى او تمر او شكولاتة متل ما بتحبي احشيها بس فعلآ العجينة هاي روووووووعة متل القطن بتطلع وبضلها طرية حتى لو باتت لتاني يوم جربوها ودعولي

طبعآ بتتقطع العجينة دوائر كرات وبنحشيها وبنحطها بالصينية وبنريحها شوي وبندخلها الفرن الحامي حتى تتحمر من تحت وبعدين بنحمر الوجة واول ما تطلع من الفرن بعلبة رش المي رشي عليها رش خفيف ع الوجة وغطيها بشقفة نظيفة وشوفو قديش طرية ومتل القطن رح تطلع معكم

او بدهني وجها حليب سائل وبترشي سمسم او قزحة ع الوجة بتعطي لمعة ولون حلو

وبس خلص والله تعبت وانا بكتب لازم تجربوها واشوف تجاربكم بتعليقات الصور تحت عندي وادعموني يلا لشوف ما بدي تقصير من حدا ولا رح ازعل هاااا

ادعولي يا غاليات ولاتنسونا بالايام الفضيلة من دعواتكم الحلوة وربي يكرمكم جميعآ ويتقبل منكم

35 تعليقاً

  1. ماشاءالله شكلها حلو ومرتبه
    يسلم ربي يدينك ويعطيك الف عافيه..

    ع حرارة الجو بتوصل عندنا 45 مرررره حر بجد ربي يجيرنا من نار جهنم

    ربي يسعد قلبك ويرزقنا جنته ياكريم..

  2. ما أحلى منظرها ما شاء الله لا قوة الا بالله
    انا جوزي إدمان خلية النحل بالجبنة البيضا الحلوة بس بحط عليها قطر .. وبعملها كحلويات بعد الغدا ههههه
    تسلم ايدك يا ام حسن وعجينتك ممتازة اللهم بارك

  3. ما شاء الله تبارك الرحمن يسلمو اديكي حبيبتي ام حسن شكلهم بشهي يا ريت عندي كم وحده منهم الله يحفظك لعيلتك يا قلبي
    الف صحه وهنا 😘😘

  4. اي شوهاد ياام حسن
    ماشاءالله عنك ابدعتي ياقلبي
    لونا ولا منظرا ومبينة هشة بتشهي اللهم بارك
    الله يسلم ايديكي ويعطيكي الف عافية😙😙

  5. رووووووعاااااااااااااااتك يا ام حسن
    غبتي وجبتي والله هههههههه
    عنجد شكلها تحفة وبشهي وبسمن😂
    ربي يسلم هالأنامل ويباركلك ويعطيكي ألف عافية ياقلبي اشتقنالك😄😙

    عفكرة حسيتك ام زكي تبع باب الحارة بالمقدمة😂😂

  6. مشكورات حبيباتي بس بدي منكم طلب خالي توفى مبارح بالليل فجأة بس بدي منكم تدعولو بالرحمة ويصبر اطفالو وزوجتو وتيتا ويصبر كل اهلو بالله عليكم لا تنسو من دعواتكم بهالأيام الفضيلة 😭😭😭😭

  7. يا عيني شكلها رووووووعة واكيد الطعم اروووع ما شاء الله عنك يسلم هالايدين ويعطيكي الف عافية يا رب 👏👏👍👍❤❤

  8. يا عيني شكلها رووووووعة واكيد الطعم اروووع ما شاء الله عنك يسلم هالايدين ويعطيكي الف عافية يا رب 👏👏👍👍❤❤

اترك تعليقاً

لن يتم نشر عنوان بريدك الإلكتروني.