img
الرئيسة / حلويات / حلوى او سكاكر قشور البطيخ مارح تصدقوا كثيييير سهلة

حلوى او سكاكر قشور البطيخ مارح تصدقوا كثيييير سهلة

/
/
/
3128 مشاهدات

 

حلوى او سكاكر قشور البطيخ مارح تصدقوا كثيييير سهلة

حلوى او سكاكر قشور البطيخ مارح تصدقوا كثيييير سهلة

حلوى او سكاكر قشور البطيخ مارح تصدقوا كثيييير سهلة

حلوى او سكاكر قشور البطيخ مارح تصدقوا كثيييير سهلة , معكم صديقة زاكي الشيف الموهوبة ,

المقادير

  • قشور بطيخ
  • الوان غذائية
  • سكر
  • نكهات او مغلفات عصير تانج
  • عصير ليمون

الخطوات

السلام عليكم ورحمة الله

جبتلكم وصفة بتجنن من قشور البطيخ والنتيجة طلعت اكثر من رائعة واي حدا بذوقها مابصدق انها قشور بطيخ ،، طبعاً استعمالاتها كثيرة ممكن سكاكر للأولاد وممكن تنحط بالكيكات الكيك العادي الكيك المحشي او گزينة لأي نوع حلو بتحبيه وممكن تنحط بقالب كيكة الجلي بديل للفواكة وممكن بكاسات الجلي والمهلبية وانتي وشطارتك ويلا نشوف الطريقة

بسم الله نبدأ……..

أولاً:

بنقوم بإزاله الجزء الاحمر من قشور البطيخ والقشرة الخضراء بنشيلها اما بالسكين او بقشارة البطاطا

ثانياً:

بنفرم القشور مربعات صغيرة ونغمرها بالماء ونسلقها بطنجرة لحتى تتحول لونها للشفاف انا عايرت الوقت بعد الغليان اخذت معي مابين الثلث والنص ساعة وبعد هيك صفيتها من الماء

ثالثاً:

بعد سلق القشور وتصفيتها وحسب كم لون بدي اعمل بنوزع الكمية انا عملت ثلاث الوان الاصفر والاحمر والبرتقالي بنحتاج لكل كاسة قشور بطيخ كاسة سكر مثلاً ثلاث كاسات قشور وثلاث كاسات سكر ولون غذائي مقدار ملعقة صغيرة ومغلف عصير تانج النكهة اللي بتفضلوها بتخلطيهن بملعقة خشبية وع نار هادية مع التحريك بين فترة والثانية وح تلاحظي انه نزلت سوائل من القشور بتعصري نص ليمونه وبتتركيهن لحتى يوصل مستوى السوائل للنص اخذت معي وقت مابين نص ساعة لساعة الا ربع تقريبا المهم تختبري الاستواء بتطلعي بالملعقة وبتنتبهي لأنه بكون كثير ساخن وبتذوقي بحذر اذا حسيتي انه بقوام الفواكة المجففة او سكاكر السوس خلص بتشيليها وبتصفيها من القطر ومباشرة بتفرديها ع شبك او مصفاية واسعة واتركيهن لحتى تنزل كل السوائل منها وتتنشف ويبرد

انا عملت ثلاث نكهات الاحمر نكهة فواكة والاصفر مانجو والبرتقالي برتقال

رابعاً:

بس نتأكد انها بردت عالاخر وهون اذا حسيتي انها مكبتله او ملزقة ببعضها ادهني ايديكي بزيت ذرة وحاولي فككيهن واحفظيهن بمرتبان زجاجي ناشف تماماً داخل الثلاجة

والقطر اللي صفيناه لاتكبيه استخدميه للحلويات هو ملون بس ممكن الاستفادة منه للقشطة بعسل او ليالي لبنان احفظيه بالثلاجة مارح يصير اله اي شيء

وهاي هي وصفتنا البسيطة وياريت تجربوها بجد كثير زاكية وصحة وهنا على قلوبكم

88 تعليقاً

  1. سبحان الله على نياتكم ترزقون صدقي بالله شفت الوصفه وما صدقت قلت يارب حدا يجربها وينزلها لنتأكد 😍
    روووعه واكتر كمان أللهم بارك يسلموووو ديادك حبيبتي ربي يحفظك ويبارك بعمرك وصحتك يااارب ❤🌹

  2. يا ويلي عنجد وصفه من الاخر يسلم ايديكي ويعطيكي الف عافية ما شاء الله عنك فنانه واكتر من البطيخ ما في اكيد راح اجربها

  3. روعاااااااتك حبيبتي ام هديل فعلا وصفة رائعة ومميزة وحلوة كتير😀
    ربي يباركلك ويسلم هالأنامل المبدعة ياعمري😍
    فاجئتيني كتير بهالوصفة الحلوة بينفع آخد كمشة للتزيين 😁😂
    الوانن بتفتح النفس😋

  4. 📝 قال ابن الجوزي -رحمه الله- :
    *اعلم أنك في ميدان سباق والأوقات تنتهب ولا تخلد إلى كسل ، فما فات ما فات إلا بالكسل ، ولا نال من نال إلا بالجد والعزم ، وإن الهمة لتغلي في القلوب غليان ما في القدور* .

    ‏📖 صيد الخاطر ص ١٦٥.

  5. بسم الله وماشاءالله عنك ياقلبي
    مبدعةة دايمن😉😀
    انا مرة شفتا وحبيت اجربا بس مااتشجعت خلص رح اتشجع واعملا ان شالله بماانو من تحت ايديكي🤗
    الله يعطيكي العافية وينولك مرادك😍

  6. ما شاء الله عنك ام هديل طالعه معك بتجنن يسلمو اديكي على هالفكره الاكثر من رائعه يعطيكي الف عافيه
    الله يباركلك يا قلبي ❤😘

  7. ما شاء الله عنك ام هديل وصفة رائعة وألوانها منعشه، وبسمع انها زاكيه كمان رح اجربها ان شاء الله قريبا جدا. وبكفي انه عملتي شيء من لا شيء كلنا بنرمي قشر البطيخ واجا الوقت يلي نستغله بشي حلو وزاكي ربي يجزيكي كل خير يارب فنانة.
    الف صحة وهنا يارب

    • اسعدني كلامك ام جاسم وبعض ماعندك ياملكة سبحان الله الفكرة مابدها كثير شغل وهالشي شجعني اعملها وبدون ماافكر انه ممكن تزبط او لأ المهم انها كثير زاكية والاهم من هيك انها غير مكلفة ابدا ابدا والوصفة تستحق التجربة
      ربي يسعدك ام جاسم ويجزيكي الخير ياقلبي

  8. يامن تتشوف إلى اختصار الزمن الذي يسبق حياة قلبك :
    ‏لاتنظر لأعمال العشر على أنها تكاليف ؛ بل انظر إليها كما نظر موسى عليه السلام حين سابق الزمن وقال :
    🌴{ وعجلت إليك ربي لترضى} 🌴
    ‏اعجل إليه ….ليرضى !

  9. ‏”ما من أيامٍ العمل الصالح فيهن أحب إلى اللَّهِ من هذه الأيام العشر”

    ‏انظر إلى كلمة (أحب) :

    ‏كل أحد يتطلع لمعرفة مايحب محبوبه ؛أفلست تشتاق لمعرفة محاب الله ومبادرة لقياها؟!
    ‏ها هو من تحب قد شرفك وأخبرك بما يحب- وكفى بهذا الإخبار (كرمًا) منه سبحانه- أفستعرض عن إكرامه بعد هذا ؟!

اترك تعليقاً

لن يتم نشر عنوان بريدك الإلكتروني.