img
الرئيسة / حلويات / اساور الكعك الفلسطيني بنكهه مميزه خطوه خطوه

اساور الكعك الفلسطيني بنكهه مميزه خطوه خطوه

/
/
/
2246 مشاهدات

 

اساور الكعك الفلسطيني بنكهه مميزه خطوه خطوه

اساور الكعك الفلسطيني بنكهه مميزه خطوه خطوه 👌😋

اساور الكعك الفلسطيني بنكهه مميزه خطوه خطوه

اساور الكعك الفلسطيني بنكهه مميزه خطوه خطوه , معكم صديقة زاكي الشيف الموهوبة , يسعد صباحكم ومساكم وكل اوقاتكم اعضاء وشيفات ومتابعين زاكي الاعزاء بقدوم عيد الاضحى المبارك حابه اعايد عليكم كل عام وانتم واحبابكم بألف خييير وأعاده الله عليكم وعلى الامه الاسلاميه باليمن والبركات حبيت انزللكم وصفة اساور الكعك الفلسطيني بنكهه مميزه جربوووهاااا ورح تدعولي

المقادير

  • ٢ونص كأس طحين
  • ١ كوب سميد ناعم
  • نص كوب حليب بودر
  • ٢ م ك قزحه
  • ٢ م ك سمسم محمص
  • ١ ونص م ك سكر بودر
  • نص م ص محلب
  • ربع م ص مستكه
  • تلات ارباع الكوب زيت زيتون
  • تلات ارباع الكوب سمنه مذابه سائله بحرارة الغرفه
  • ربع م ص خميره او م ص باكنيج باودر
  • مغلي اليانسون:
  • ٣ م ك يانسون
  • ١ ك ماء
  • الحشوة:
  • عجوه
  • ١ م ك شومر
  • ١ م ك يانسون
  • ١ م ك قرفه
  • ٢ م ك زيت

الخطوات

الخطوه الاولى

نضع الطحين والسميد والحليب والقزحه والسمسم والمحلب والمستكه والسكر ونحركهم كلهم مع بعض ثم نضع زيت الزيتون والسمنه ونفركهم فرك مع بعض ونبسهم بس بأطراف الأصابع ونتركهم يرتاحوا اقل شي ٦ ساعات او قبل بيوم وبحال ضاعفتي الكميه وصار عندك ظرف ممكن حفظها بمرطبان زجاج مُحكم الاغلاق بعيد عن الشمس والرطوبه لمدة شهر ما بصيرلها شي .

الخطوه الثانيه

نضع اليانسون مع الماء ونتركه يغلي ويثقل ويتخمر وبعدها نصفيه.

الخطوه الثالثه

نخرج العجينه من المرطبان الزجاج وقبل ما نبدأ العمل فيها نرجع نبسها مره اخرى

الخطوه الرابعه

نذوب الخميره مع رشة سكر وماء دافيء ونتركها تخمر شوي

الخطوه الخامسه

عجن باليانسون وهنا يكمن السر بالنكهه

بعد ما نبس العجينه نضع عليها الخميره وماء اليانسون المُخمر ولااااازم ضروري تكون فاتره لا بارده ولا سخنه ونلملم العجينه على بعض بس تلملم مو عجن ونتركها ترتاح شوي وبعدها بنبلش الشغل فيها.

الخطوه السادسه

بنقطع العجينه بالتساوي مثل حبات الكفته بكفة اليد عشان يطلعوا كلهم نفس المستوى وبأطراف الاصابع بنفتحها وبنحط العجوه وبنسكر عليها وبكفة اليد بندحرجها حتى تمد مع العجوه وبنعملها مثل الاسواره كما هو موضح بالصور ونضعها بصينية الفرن ونكون محمين الفرن مسبقاً وبنخبزها على درجة حراره ١٨٠° لحتى يشقروا وبعد ما تطلع الصينيه نغطيها بفوطه ونتركهم يبردوا قليلاً.

الخطوه السابعه

طريقة حفظ المعمول

بعد ما يبرد شوي ويكون فاتر نحفظه بمرطبان زجاج يبقى معك مده طويله لن يتغير طعمه ونقدمه مع الشاي وتلذذي بالطعم الراااااائع واللذيييييذ جربوهااااا وادعولي دعوه حلوه متلكم

87 تعليقاً

  1. يسعد قلبك يا لين …..وكل عام وانتي بألف خير وتقبل الله طاعاتكم …وشكرا على ردك الي على تعليق فوزك وانا والله ما بحب اجامل الحمد لله بعامل الكل هيك وربي ما يجعلني من المنافقين ….رح اطبق وصفتك هاي عجبتني كتييييير بس كيف قوام الكعك ناعم طري والا شوي قاسي

  2. يا عيني يا عيني على الكعكات والله اشي بفتح النفس
    يعطيكي ألف عافية ويعيشو هالايدين ما شاء الله مرتبييين وبشششهي شكلهم
    😋😋😋😋😋😋😋😍😍😍😍😍😍😍😍😍😍😍😍😍

  3. ما شاء الله روووعة شفتها بالنهار بس كنت مستعجله حطيتها بالمفضله من جمالها ورجعت اعلق هلا . ربي يعطيكي الف عافية يا رب شكلهم بشهي صحة وهنا وعيدكم مبارك.

    • ربي يسعدكم ويكرمكم حبيباتي بعض ما عندكم تسلموا لقلبي نورتوني 😘🥰💞🌹

      وعفكره شغلها سهل بسرعه بتنعمل ما بتأخد وقت وصحتييين والف هناااا على 💓😍

    • لا ام علي بشجعك تعمليها حتى لو كمية قليلة ريحة الكعك بالبيت بتفرّح بتحسسك بالعيد حتى الصغار بنبسطوا وبحسوا بالعيد.
      انا عملت معمول بس رح اجرب كعكات لين قريبا ان شاء الله.

      يسعدك ربي لين🌷

    • حبيبتي ام جاسم ربي يسعدك ويكرمك ياريتو صحتييين والف هناااا وعافيه على 💞🥰😘

      اه والله سبحان الله بتحسي بفرحة العيد وحتى لصغار وهمه بساعدوكي بكونوا مبسوطين وبستنوا ياكلوا منه ولادي عملوا كل واحد الشكل الي بحبه لين عملت ورده وسيف عمل مسدس 😅🤭

  4. ما شاء الله طالعات بشههههو معك حماتي مبارح عملت زيو وساعدناها في وطلع زاكي كتير ربي يهدي بالها وبالكم ويسعدها ويسعدكم يا رب 😙😙😙😙

  5. يسلم ايديكي شكل الكعك زاكيييييي كتير ولزييييييز على المفضلة ع طول يعطيكي الف عافية يا رب 👍👏❤👍👏❤👍👏❤

  6. تسسسسلم ايدك يا لين والله ابدعتي ما شاء الله عنك ………….يا لهوي بدي كاسة شاي مع المعمول والكعك يا ويلي بتعرفي الصورة هاي دمااااااااااااار رسمي
    تسلم ايدك ويعطيكي الف عافية يا مبدعة وحطيتها عالمفضلة ….انا بقول لازم اجي واعيد عندك شو رأيك 😘😘😘😘

    • وديااااتك يانواااره ربي يسعدك والله بتنوري وبتشرفي حبيبتي 🥰🌹💞

      فعلا رهيبه كاسة الشاي مع الكعكات بتعدل المزاج 😋😋

  7. تسلم اديكي ياعسل طبقتها حرف حرف كلمه كلمه وطلعت دماااار شامل مابعرف احمل صوره كان صورتو تسلم اديكي الله يوفقكم قروب زاكي بتعطو الوصفه بضمير ولا مره طبقت شي ومازبط الله يوفق الجميع يارب

  8. اكثر من رووووعه ما شاء الله
    تبارك الرحمن يسلمو اديكي يا قلبي ويعطيكي الف الف عافيه والف صحه وهناا وكل عام وانتي بالف الف خير 😘😘❤

  9. يسلم ايديكي حبيبتي
    ويعطيكي الف عافية😘😀
    ماشاءالله عليكي ياعسل منظرن بيشهي
    وكل عام وانتي بالف خير ياقلبي😀

اترك تعليقاً

لن يتم نشر عنوان بريدك الإلكتروني.