img
الرئيسة / أطباق رئيسية / شوربه السى فود لعشاق المأكولات البحريه سلسله أكلاتي الصحيه ١٥

شوربه السى فود لعشاق المأكولات البحريه سلسله أكلاتي الصحيه ١٥

/
/
/
1296 مشاهدات

 

شوربه السى فود لعشاق المأكولات البحريه سلسله أكلاتي الصحيه ١٥

شوربه السى فود لعشاق المأكولات البحريه سلسله أكلاتي الصحيه ١٥

شوربه السى فود لعشاق المأكولات البحريه سلسله أكلاتي الصحيه ١٥

شوربه السى فود لعشاق المأكولات البحريه سلسله أكلاتي الصحيه ١٥ , معكم صديقة زاكي الشيف الموهوبة ,

المقادير

  • أسماك مشكله حسب الرغبه أنا إستخدمت:
  • جمبري
  • حبار (مقطع شرائح سميكه)
  • سلطعون
  • سمك سلطان إبراهيم (منزوع منه الشوك)
  • باقي المكونات:
  • بصله مقطعه ناعم
  • سنين ثوم مقطعين ناعم
  • فليفله مقطعه ناعم
  • حبه بطاطا صغيره مقطعه ناعم
  • نصف معلقه صغيره بهار سمك (كمون وكزبره ناشفه حطي لو مش متواجد)
  • ربع معلقه صغيره زنجبيل بودره
  • معلقه كبيره زيت نباتي
  • معلقه صغيره سمنه
  • ملح حسب الرغبه
  • معلقتين طحين
  • بقدونس مفروم

الخطوات

بسم الله نبدأ

بعد ما نضفت السمك كويس وغسلته بطحين سخنت الطنجره وحطيت فيها الزيت والسمنه ضفت الخضار مع رشه ملح وتركتهم ليدبلو ضفت عليهم السلطعون والسمك وقلبتهم إشويه لما بدا يتغير لونهم حطيت البهار والزنجبيل وقلبتهم بعدها ضفت الحبار والجمبري حركتهم كويس لما بدا يتغير لون الجمبري غمرتهم بالميه لما بلشت تغلي وطيت النار عليهم لمده عشر دقائق أخدت من الشوربه كاسه وتركتها لتبرد ضفت عليها الطحين وخلطته كويس حطيته على الشوربه وحركت لتجانسو ضفت البقدونس وقدمتها لعشاق المأكولات البحريه أللهم لا تجعلني منهم هههههه

بتمنا هالوصفه إلي ألوانها روعه تعجبكم وتدعولي بالخير والعافيه

♡ وصحه وعافيه بحبكم أنا♡

72 تعليقاً

  1. لاحرام عليكي هالمناظر عىالصبح
    تعي جاي لليش مابتحبيهن
    اسكى اكله بدنيا
    عنجد يسلموا والله من زمان بدور عليها
    حصتك انا باكلها عنك انا وشيف محترف

  2. يعطيكي العافيه ام مصطفى
    بس انا مابحب المأكولات البحريه يدوب اتقبل سمك ولما بدي اعمل سمك بجهزلها الله وكيلكو زي كأني بجهز غرفة عمليات هههههه بس بعملها لانو زوجي بحبها كتيير

  3. صحتين وعافيه ،،، يسلمو الايادي يارب وانا كمان ما بحب السمك 😅😅 سبحان الله يمكن أكل تونه بس طازه او معلبه😁

  4. يسلمو ايديكي ويعطيكي العافيه زاااكي كتيييير
    بس ابعديني عن السلطعون لانو بخاف منو 😅😅😅😅😅😅
    كتير بسمع عنها وبشوفها شوربة السي فود بس مستحيل اني اجرب
    انتو أهل غزة بتحبو المأكولات البحريه مشانكم ع البحر
    المهم صحتيييييييين والف عاااافيه ع قلبكم
    😍😘😍😘😍😘😍😘😍😘😍

  5. ام مصطفى إنجاز كبيييير انك تطبخو هالاكله لجوزك وانتي مابتحبيها…
    كلنا طلعنا هون كاشين من هالمؤكولات رغم انه سعرهم كثير كثير غالي

    يعطيك العافيه ع إنجازك😁

  6. يسلم ايديكي وعينيكي من زمان بدور عليها بطريقه سهله وانتي طريقتك كتير سهله والله جوزي من زمان نفسو فيها
    بس بدي اسال كيف طريقة تنضيف جمبري وسلطعون وهلا الجمبري بتقطعي راسوا عشان اسويها ع اصولها ومرة تانيه يسلموا كتير كتير ع وصفتك الحلوه

    • يا عمري تسلميلي يارب وأخيرا حدا عجبته وبده يجربها😄🌹
      سهل كتير تنظيفه بتقطعي رأس الجمبري وقشرته بتنرفع بطرف السكينه تقشير بتقشر في على ظهر الجمبريه زيي خيط رمل بتمرري السكينه عليه بطلع على طول خلص هيك تمام👍
      السلطعون فيي على ظهره فتحه بكون فيها زي الإيشي إلي لونه أصفر تحت الميه الجاريه ولو عندك فرشاه إسنان نضفيه فيها كويس لما تصير لون اللحمه بيضه👍
      ولو كبير إقسميه من النص أنا هيك عملت
      👍

    • حبيبتي لحم السمك عموما أغلبه حساس على طول بيستوي وعشر دقايق كافيه بإنه يكون مستوي كويس ولو زادت الكميه راح تصير اللحمه بتشد وبتمضغ وطعمها مو كويس🌹👍😘

    • حبيبتي تسلمي يا رب جربيهم طعم الشوربه كتير طيب ونكهتها غير شكل إن شاء الله بتجربيها وبتعجبك👍😘🌹
      علشان أضبط الملح دوقت منها الصراحه نكهه السمك خفيفه ما حسيت فيها 😄

  7. يا عيني ع الجمال والاناقه روووعه صحتين والف عافيه ع قلبك حبيبتي للامانه ما عمري جربتها بس طالعه ومبينه بتشهيي من ايديكي الحلوين شهيتيني احلى ام مصطفى😋😋🥰🥰🥰🥰♥️♥️♥️

  8. النظافه فوووووول😍😍😍 و الشكل رووعه مع اني ما احب بالمي غير السمك😁😁😁 الا إنها طالعه خطيييره 👍👍👍

    تسلم الأيادي المبدعه إن شاء الله حبيبتي و بألف صحة و هنا عليكم إن شاء الله حبيبتي

  9. بقرا بالتعليقات هههههه…لا و الله انا الحمد لله بحب كل اشي..اول مرة اكلت الماكولات البحرية كنت متهيبة من المنظر بس طلع لذيذ جدااااا…..و فعلا غالي جداااااا

  10. يسلم هالايدين شكلها كتيييير زاكي وطيب واكيد من تحت دياتك اطيب يعطيكي الف عافية يا رب وصحتين وهنا 👍👏💟👍👏💟👍👏💟

  11. يسلموا ايديكي ام مصطفى المعدلة طبعا هالاكلات فاخرة ومفيدة وغالية أكيد وما بياكلها إلا اتعود على أكلها إحنا مثلا اتعودنا عالسمك بكل أنواعه مشوي مقلي بس باقي المخلوقات البحرية متل السرطعون الجمبري والحبار مثلا لاء مو كتير مثلا الجمبري أول مرة جابلي إياه جوزي طازة كان يعني برجليه وراسه وعيونه منظره ما بيشجع عالاكل بالمرة ومع هيك اعملته وقشرته وزبطته وقليته لأنه جوزي بيحب هالاكلات بعدين صرنا نجيبه منظف وجاهز مجمد وبنقليه وفي أكياس مستوردة ثمار البحر فيها حلقات كاليماري اخطبوط وجمبري وقطع سلطعون وغيرها شغلات ما بعرفها اشكال ألوان طبختها مع رز متل المقلوبة أكلها جوزي لحاله هههههه

    يعطيكي ألف عافية على وصفتك وصحة وهنا للي أكلوها واستفادوا منها

  12. يسلمليييييييي انا اللي ماخلى شي ما أبدع فيه😍😍
    ماشاء الله تبارك الرحمن شي بجنننننن
    مع اني مابفكر اكل هالنوع من الأكل بس فعلاً طالع معك تحفة😀
    ربي يسلم ايديكي ياعمري وياااااارب نباركلك بأحلى بيبي عالعيد الجاية يا أرق وردة😘😍

  13. ماشاءالله عليكي ياعسل ست بيت من الطراز الاول
    ماعمري جربتها وحمدلله انو جوزي مابحب المأكولات البحرية
    يسلم ايديكي ويعطيكي الف عافية ياقلبي😀😘

اترك تعليقاً

لن يتم نشر عنوان بريدك الإلكتروني.