img
الرئيسة / دورة حلويات العيد / معمول الطحين الفاخر ( معمول المحلات ) ومع كل أسراره

معمول الطحين الفاخر ( معمول المحلات ) ومع كل أسراره

/
/
/
2978 مشاهدات

 

معمول الطحين الفاخر ( معمول المحلات ) ومع كل أسراره

معمول الطحين الفاخر (معمول المحلات) ومع كل أسراره

معمول الطحين الفاخر ( معمول المحلات ) ومع كل أسراره

معمول الطحين الفاخر ( معمول المحلات ) ومع كل أسراره , معكم صديقة زاكي الشيف الموهوبة ,

المقادير

  • #مقادير العجين:
  • كيلو طحين ( ٧ أكواب مقاس)
  • نصف كيلو سمنة ( ٢.٥ كوب مقاس)
  • ٢٠٠ غرام سكر (كوب مقاس واحد)
  • ٢٠٠ غرام ماء بارد (كوب مقاس واحد)
  • ٤.م.ك قطر ثقيل وبارد
  • #مقادير حشوة الجوز:
  • نصف كيلو جوز
  • ١.م.ك سكر
  • ٧.م.ك قطر ثقيل وبارد
  • ١.م.ك ماء زهر أو ماء ورد
  • ١.م.ك سمنة
  • رشة قرفة (إختياري)
  • #حشوة الفستق بنفس مقادير حشوة الجوز:
  • نصف كيلو فستق
  • ١.م.ك سكر
  • ٧.م.ك قطر ثقيل وبارد
  • ١.م.ك ماء زهر أو ماء ورد
  • ١.م.ك سمنة
  • #مقادير حشوة التمر:
  • كيلو تمر
  • ٣ إلى ٤ ملاعق قطر (حسب طراوة التمر)
  • ١.م.ك سمنة

الخطوات

# لتحضير العجين:

– نعجن الطحين مع السمنة جيدا ونضع الخليط في الثلاجة إلى حين تحضير باقي المواد.

(يفضل استخدام سمن حيواني للحصول على معمول فاخر ، أو أي نوع سمنة مع زبدة نوعية جيدة)

– نخرج العجين من الثلاجة ونعجنه مرة ثانية.

– نخلط السكر والماء والقطر مع بعض جيدا ونضيفه للعجين.

– نخلط المواد مع بعضها برؤوس الأصابع ولا نعجن ، ومجرد ما اختلطت المواد نوقف الخلط.

(سنلاحظ ليونة العجين وطراوته وهذا هو المطلوب)

– نرش وجه العجين برشة طحين خفيفة ونتركها ترتاح ربع أو نصف ساعة في مكان بارد.

# لتحضير حشوة الجوز:

نفرم الجوز فرما خشنا ثم نضيف له السكر والقطر وندعكه جيدا باليد حتى يتماسك ثم نضيف ماء الزهر ونعجن ثم نقلبه بملعقة السمنة (تضاف في المرحلة الأخيرة).

# لتحضير حشوة التمر:

نعجن التمر مع القطر جيدا ثم نقلبه بملعقة السمنة.

– نبدا بالتشكيل حسب الرغبة.

– نخبز في فرن محمى مسبقا على حرارة (٢٠٠) على الرف السفلي مدة خمس دقائق أو حتى تأخذ لون ذهبي خفيف ، ثم نرفع على التحمير مع الانتباه الشديد وتدوير الصينية.

– ننتظر على المعمول حتى يبرد ويتماسك ثم نرفعه من الصينية.

# حتى نحافظ على الرسمة ولا تختفي في الفرن:

– يجب أن لا نطيل الوقت عليها في الصينية حتى لا تخرج السمنة من العجين ويتغير الشكل والقوام.

– عملية التشكيل تكون في مكان بارد حتى نحافظ على برودة السمنة.

– كمية الحشوة تكون بحجم كمية العجين وليس أقل.

وصفة رااااائعة ومضمونة مئة بالمئة إذا تم الإلتزام بالمقادير والتفاصيل المذكورة..

♡وصحتين وعافية♡

121 تعليقاً

    • في وصفة لريحانة عن كعك الاساور الفلسطيني بكل أسراره العيد الماضي عملته قبل شهرين هاد الكعك انا شخصيا تبنيتها للوصفة وعملتها 4 مرات ومرة منهم عن روح وحدة الله يرحمها أخت زوجي زمان ماتت وعمتي انبسطت ووزعنا عالجيران وعالعيلة وطبعا ريحانة أخذت أجر عن كل هالشي اللهم بارك
      كعك بشهي وعندي حاليا علبة كبيرة بالتلاجة ضبيتها للعيد وكتيييير الأولاد بحبوه لأنه فيه سمسم وقزحة وبهارات كعك بشهي بشهي
      وهي الوصفة كتير راقية وكمان بتشهي يعني انا شخصيا ما بعرف مين أفضل بس كل نوع اله حلاوته وجماله وزكاوته
      الله يجزيها الخير ريحانة الغالية

    • أختي ربداوية .. متل ما قالت أختي صفاء كل نوع مختلف عن الثاني وكل نوع إله نكهته وريحته وقوامه الخاص فيه ..
      لذلك بنصحك تعملي تشكيلة من كل الأنواع وتفرحي عائلتك فيهم .. وممكن تعملي كمية صغيرة في البداية واللي حبيتيها أكثر كرريها😊

    • أختي صفاء.. ربي يكرمك ويجزيك الخير ويعطيك ليرضيك يا غالية
      ما شاء الله عنك إنسانة راقية ومحبة للخير.. أحسبك والله حسيبك
      أحبك في الله 🌹

  1. ماشاءالله منظرهم بشهيي 😋
    سبحان الله المعمول دايماً ما بنقاله لأ وخاصة مع كاسة شاي او فنجان قهوه ساده 😍
    ربي يسلمهم هالديات وصحتين وهناااا على 💓 ياورده🌹💕

    • الله يعافيك ويبارك فيك عزيزتي🌹
      أكيد موجودة وبكثرة ما شاء الله .. والحمد لله صار سهل الوصول لأي وصفة كنا نفكر انها صعبة أو معقدة ☺

  2. ما شاء الله عنك اللهم صل على سيدنا محمد
    بشششششهههييييي المعمول وكتتتيير مرتب الله يسلم هالايدين مبين متل الجاهز
    😍😘😍😘😍😘😍😘😍😘😍😘😘

  3. لاااااا هيك كتير يا ريحانة.. ما شاء الله تبارك الرحمن
    يسلموا إيديك حبيبتي كعكك مرتب وبيفتح النفس.. وشكله جااااهز.. ومنظره روووووووعة 👌

  4. مممممم يسلموو ايديكي حبيبتي رووووعه يعطيكي الف عافيه يارب وصحتين ع قلبك طالعات بجننو معك مأكول الهنا ريحانتنا الحلوه🥰🥰🥰♥️♥️وكل عام وانتي بألف خير يا ورده🥀🌺🥀🌺

  5. تبارك الله كاني عم احضر فيديو الصور شامله لكل مراحل المعمولات
    عنجد انسحرت فيهم ماشاء الله
    غير دقة المقادير تعبك مبين فيهو
    الله يقويكي ويسعدك ولازم لازم تنحط بلمفضله عنجد ماقصرتي باي خطوة اللهم بارك

  6. ما شاء الله لا قوة الا بالله ..
    الله يعطيكي الف عافية يا ريحانة ويعطيكي الصحة والقوة
    يعني شكل الحبات ولونهم وطراوتهم سبحان الله بسرعة خطرلي وجه وبشرة البيبي
    تسلم ايدك يا معدلة ..
    بالله ما أولادك طاير عقلهم من الفرحة والأجواء اللهم بارك اللهم بارك
    ربي يحفظلك إياهم ويحفظك إلهم يا رب تضلي مزينة حياتهم

    • اللهم بارك ما أروعك وما أروع كلامك أختي الفاضلة🌹
      تشبيهك رائع بصراحة👍 وأدهشني تعبيرك لإنه فعلا العجينة ناعمة وطرية بشكل كبير .. اللهم بارك
      وولادي وزوجي مبسوطين كتير بهالأجواء وهالنكهات .. بفضل الله تعالى
      وأنا بحب أعمل وأفرحهم وأفرح نفسي بالعيدين لإنه الحمد لله ما بنحتفل بأي عيد مبتدع خلال السنة .. وهالعيدين فرصتنا وفرحتنا😄
      (ومن يعظم شعائر الله فإنها من تقوى القوب)

    • ومن يعظم شعائر الله فإنها من تقوى القلوب ..
      آه والله ما اجملها
      الحمد لله رب العالمين اللهم بارك .. حلو العيد وفرحة العيد الله يهنيهم
      يعني غير انه بدك تسعدي عيلتك الله يحفظهم بدك تسعدي نفسك اللهم بارك يا ريحانة انتي حدا بعرف يفرح وينبسط شغلة صعبة عند كتيييير ناس

      انا والله يا صديقتي بحتفل بالعيدين ورمضان ربي لك الحمد ولما الله يكرمني وأجيب بيبي هههههه حاليا البيت زينة وبلالين وباب البيت من برة زينة واضوية عشان العيد ..
      وعملت صرر شوكلاته وتوفي عشان أولادي يوزعو عالصغار بالعيد وربي لك الحمد حتى ترضى مننبسط ومنفرح بالعيد كل سنة
      .. ومن يعظم شعائر الله فإنها من تقوى القلوب
      الله يسعدك يا ريحانة سعادة يعجز لسانك عن وصفها 💗

    • اللهم بارك .. الله يجزيك الخير ويديم السرور علينا وعليكم في الدنيا والآخرة..
      كتير حبيت الزينة وتوزيعات الحلو والشوكولا .. اللهم بارك .. الله يجزيك الخير ويبارك فيك لعيلتك وبيتك وكل أحبابك خيتي صفاء 🌹

      وكمان حبيت الحالة 😊👍
      الله يجزيك الخير 🌹

  7. يسعد مساكي …انا عملت طريقتك بلمعمول السميد امبارح نزلتيها بكره انشالله رح بلش فيهم وهدا المعمول شكلو بشهي الحبه ناعمه كتييييير …وكمان بدي اعمل طريقة فطومه «طم طم»»كعك اساور
    ماشاء الله عليكم طرق المعمول كل وحده ازكى من التانيه …ربي يديم عليكم الصحه والعافيه وتقبل الله طاعاتكم وجعلكم من الفايزين بجنات النعيم بجوار حبيب الرحمن عليه افضل الصلاة واتم التسليم …اللهم آمين

    • عليه الصلاة والسلام
      آمين آمين .. ولك بمثل ما دعوت يا غالية
      ربي يكرمك ويسعدك في الدارين
      وصحتين وعوافي مقدما عالمعمولات .. وإن شاء الله بتاكلوهم بالهنا والعافية🌹

  8. ربي يسلم هالديات يا وردتنا الجميلة ما شاء الله تبارك الرحمن حوطتك بإسم الرحمان انو يحفظك ويحميكي ويخليكي لأهلك ويبعد عنك عيون الناس مبدددددعة بكل شي ربي يسلم هالديات الي بيلتفو بالذهب المنظر خرااااافي 😋😋😋

    • الله يسلمك عزيزتي ويرفع قدرك🌹 هذا من ذوقك وحسن ظنك🌹

      أنا عن نفسي بستخدم سمنة الأصيل .. في منها النباتي والحيواني
      وإذا نوع السمنة طعمها خفيف بحب أضيف للوصفة زبدة المراعي طعمها رووووعة في الحلويات (بخفف من كمية السمنة في الوصفة وبعوضها بالزبدة)

  9. عنجد ياريحانه ياريتني متلك عم تعطي العيد كل حقوقه
    بتعرفي لازم انهج نهجك بالحياه
    كل يومين اللهم بارك بتنزلي كعكات ومعمولات بقول طب ليش كل التعب وبخمس دنانير بتجيبي احسن معمول جاهز
    طول نهارك عم تتعبي وبتشتغلي وغير اولادك وجوزك ومطبخك وجليك واكلكوا
    اول مرة بحياتي احس بطعم العيد من ردك ع اختنا صفاء
    انتي عشانك واهبه حياتك كلها لله ماعندك اعياد ميلاد واعياد زواج واعياد حب
    بطريقه عوضتي بيتك وولادك وجوزك بطريقه بس معمول عنجد معمول
    بتعرفي انا بشكر ربي اني عرفتك
    وياريت يوم الموقف العظيم تاخديني معك للجنه او تزكريني وتقولي كانت فلانه اسمها هديل احبتني في الله فيارب اشوفها ونقعد مع بعض
    انا كتير بعتز فيكي كتير بحسد حالي عليكي
    ريحانه انتي الخير الكتير
    رح اعمل معمولك وادخل العيد وبهجة العيد لبيتي ومن هون ورايح مافي عيد جوز ولا ولد ولاحب غير عيد الاسلام
    انا بحبك في الله
    واسال الله العظيم متل مافتحتي بوشي باب كان مسكر بحب الله وحب ديني
    يارب تتفتح لك ابواب الجنه التمانيه يوم الاخرة يارب ينادي عليكي بانك من اهل سيدات الفردوس الاعلى
    يارب دعوة من بين دموعي ومن كل قلبي بدعيلك يارب يجمعنا بالفردوس الاعلى
    اختك هديل

    • آمين .. ولك بمثل 🌹
      الله يكرمك يا هديل ويجزيك عني خير الجزاء على حسن ظنك وكلامك الجميل ومشاعرك الطيبة..

      وهذا واجبنا كمسلمين نعتز بدين الله وننصره ونفرح ونعظم شعائر الله عز وجل ونبتعد عن البدع والمحدثات..

      ربي يكرمنا ويوفقنا لطاعته وحسن عبادته ويجعلنا خيرا مما تظنون ويغفر لنا ما لا تعلمون ..

  10. يسلمو ايديكي بشهو كنت عبدور على وصفة معمل وهلق لقيتا.بدي اسال انا ساويت اليوم غريبة وبيتفور بس ما ظبطو .. .😦فلبون ضل معجن يا ترا ليش مع انو تقيدت بل تعليمات عل مظبوط

    • واديكي عزيزتي .. إن شاء الله بتعمليها وبتتهني فيها

      بالنسبة للغريبة والبيتيفور بكون في خطأ بطريقة العجن وطريقة الخبز .. تحديدا الغريبة لإنها حساسة كتير وبدها معاملة خاصة

      وما تيأسي من المحاولة .. كل ما أخطأنا وفشلنا في المطبخ كل ما تعلمنا أكتر وصار عنا خبرة

      كرري المحاولة وجربي وصفة تانية .. ودائما اعملي كميات صغيرة في البداية وعند التجربة لأول مرة

  11. والله حروفي عاجزة تعطيكي حقك أو بالأحرى جزء من حقك بعد هالابداعات الخرافية اللي قدمتيلنا ياها
    اللهم بارك اللهم بارك اللهم بارك 😍
    أدمن لو سمحتي أنا بطلب منك تحطي صورة هالوصفة على متجر جوجل بالصفحة الخاصة بزاكي بدل صور وصفتي اللي فازت بالمسابقة
    وبتمنى تلبيني بهالطلب لأنو الوصفة أكتر من رائعة اللهم بارك😘
    صدقاً جنال هالوصفة وصورها ساحر وربي يجزيكي كل خير على تميز وجودك وكل شي بتقدميلنا ياه
    الصور اللي صافة فيهم المعمول وراشة عليهم سكر دبحونييييي هههههه
    بيستاهلو يتصدرو أروع غلاف اللهم بارك 😍
    وكمان كأنهم مصفوفين عالمسطرة ههههه
    الله يكرمك على إسعادك لكل من حولك ياغالية😘

    • يا ربي لك الحمد حمدا كثيرا طيبا مباركا أن رزقتني أخت وصديقة مخلصة وراقي وصادقة💖
      جزاك الرحمن عني خير الجزاء يا غالية

      كلامك شهادة أعتز بها .. وبفتخر انه فنانة ومبدعة متلك تعجبها وصفتي وصورها بالرغم من التصوير بكمرة هاتف عادية وإمكانيات بسيطة..

      وبالنسبة لطلبك بتبديل صورة وصفتك اللي فازت بالجائزة بصورة من وصفتي فجزاك الله خيرا وبارك فيك .. لكن عزيزتي أنا ما بهتم بجائزة أو لقب أو ما شابه .. أنا هدفي من المشاركة بزاكي هو إفادة أخواتي من شيء تعلمته واستفدت منه .. وأما الجوائز فهي أمر ثانوي .. وصورة وصفتك البخاري وكل الوصفات في ملفك تستحق أن تطبع وتنشر في كتاب طبخ محترم يوزع في الوطن العربي على ما فيها من جمال ورقي وأناقة مميزة ومبهرة .. اللهم بارك .

      حفظك الرحمن وأسعدك سعادة الدارين يا صديقتي🌹💕

    • يسعد قلبك يا نور والله وانا كمان لو فزت وحالفني الحظ رح احكي نفس كلامك لانه ام عبد الملك فعلا فنانه بكل شي حوطهابالله من عيني وعين خلق الله اللهم بارك
      اشكرك نور حبيبتي مش غريبه عنك هذه الحركه لانه اصيله وحبابه وكربوجه وايش كمان خلصو الكلمات السوريه الي عندي

  12. ما شاء الله تبارك الله شكلهم بجنن حبي عنجد يسلم اديكي ويعطيكي الصحة والعافية يا رب وربي يهدي بال الجميع وربي يتقبل طاعاتكم جميعآ ويتقبل دعواتكم وصيامكم وقيامكم وربي يغفرلكم سنة قبل وسنة بعد ان شاء الله 😙😙😙😙😙😑😑

  13. ماشاء الله تبارك الله ويعطيكي الف عافية والله يديم عليكي صحتك وعافيتك وان شاء الله ربنا يجزيكي كل خير على كلامك ووصفاتك والله نفسي اجي اعيد عندك لأول مرة من سنين طويلة بحس بالعيد عنجد ذكرتيني بكل الاشياء الي كانت تعملها امي بأول يوم العيد الكعك واللمة كنا نتجمع ونعمل الكعك ونكون مبسوطين نصحى بأول يوم على صوت القران وقناة التلفزيون مفتوحة على السعودية وصور الحجاج يا الله شو بحن لهالأيام ونفسي ارجع اعيش يوم واحد من اجواء العيد قبل عشر سنوات يا ريت ………ما غلطت لما سميتك ريحانة قلبي 😘😘😘😘😘😘😘😘😘😘😘😘😘

    • الله يسعدك يا أم لمى ويحفظ عليكم الوالدة ويبارك بعمرها على طاعته
      وفعلا أجواء لمة العيلة والكعك ومتابعة الحجاج والذكر والدعاء أجوار رائعة وإلها طعم خاص .. سبحان الله
      ربي يكرمنا ولا يجعلنا من المحرومين

    • يالله يارب يفرحك بولادك يارب ….شو رايك انتي تعيشي دور امك مع اولادك وتعملي معمول وتشتروا ملابس العيد وتفرحوا وتسمعوا صوت التكبير بكل ارجاء بيتك وهيك بتكوني رجعتي ايام زمان وعيشتي اولادك هدا الجو الايماني وانبسطوا …..ربي يجبر بخاطرك جبرا تتعجب منه اهل السموات والارض …وكل عام وانتي بخير

    • حبيبتي شيف محترف ربنا يسعد قلبك دنيا واخره ويجزيها الخير امك والله حزنتيني اسمعي مني اعملي مع بناتك متل ما امك كانت تعمل حضري القهوه والحلو واذا ما عملتي كعك اشتريه من السوق وافتحي القران وخذي بناتك بالحضن وخليهم يشعروا بالعيد واذا ما فرحتي حالك ما حد بفرحك وتفائلي يا عمري وعيشي حياتك واذا في ماضي كرفتيه ورا ظهرك واحنا اولاد اليوم امك د ورها انتهى بعد ما تزوجتي وبعدتي عنها وهسا دورك يا ورده

    • الله يديم علينا وعليكم الفرح والسرور والسعادة ومشكورين كلكم لتعليقاتكم والله يعيده علينا وعليكم بالخير والحب والسلام والايمان والرحمة والله يعمر بيوتكم بالحب والفرح والله يجعل الهم والغم بعيد عنكم وعن احبابكم وعن بيتكم والله يجزيكم كل خير يا رب 😘😘😘😘

  14. ما شاء الله شو هالابداع والترتيب والأناقة شكل المعمولات بشههههههههههي متل الجاهز وأطيب على المفضلة ع طول👍👍👍👏👏👏
    يسلم هالايدين ويعطيكي الف عافية يا رب وما يحرمنا من وصفاتك الحلوة ❤❤❤❤😙😙😙😍😍😍😍😍

  15. الله يعطيكي الصحه والعافيه
    وشكرا على هذه الوصفة الرائعه إذا سمحتي هذا الكعك بدون بكنج باودر
    أو خميرة
    لأني أريد اعمله ان شآء الله اليوم.

اترك تعليقاً

لن يتم نشر عنوان بريدك الإلكتروني.