img
الرئيسة / أطباق رئيسية / فريكه مفلفله بطعم لا يقاوم وبأسهل الطرق

فريكه مفلفله بطعم لا يقاوم وبأسهل الطرق

/
/
/
3301 مشاهدات

فريكه مفلفله بطعم لا يقاوم وبأسهل الطرق

فريكه مفلفله بطعم لا يقاوم وبأسهل الطرق♥️♥️

فريكه مفلفله بطعم لا يقاوم وبأسهل الطرق

فريكه مفلفله بطعم لا يقاوم وبأسهل الطرق , معكم صديقة زاكي الشيف الموهوبة ,

المقادير

  • نصف كيلو فريكه
  • كاستين ونصف مرق دجاج
  • ٣ ملاعق كبيره سمنه بلدي
  • معلقه كبيره زيت زيتون
  • بصله كبيره مفرومه ناعم
  • للبهارات:
  • ملعقه صغيره فلفل اسود
  • نصف ملعقه صغيره بهار مشكل
  • نصف ملعقه صغيره هيل مطحون
  • رشة جوزة الطيب
  • ملح حسب الرغبه وممكن تكتفي بملوحة مرقة الدجاج
  • رشه صغييره قرفه

الخطوات

(بسم الله الرحمن الرحيم )

مرحبا كيفكم صبايا بمناسبة عيد الاضحى حابه اعيد عليكم واقلكم كل عام وانتو بألف خير يا رب وينعاد علينا وعليكم بالصحه والعافيه ويتقبل منا ومنكم صالح الاعمال…..

صلو ع النبي المصطفى ويلا نبلش ….

اول شي بتنقعي الفريكه بالمي السخنه لمدة نصف ساعه بس وفي ناس ما بينقعوها بس انا بحب تطلع طريه ومفلفله مزبوط فالمهم…

ع جنب بتحمصي البصل بالسمنه وزيت الزيتون وبعدين بتحطي الفريكه بعد ما تنضفيها وتغسليها منيح وتصفيها من المي وتصوليها اكيد……طبعا عملية التصويل معروفه بس للي حابه تعرف كيف تصولها تكتب بالكومنتات….

وبتحركي الفريكه مع البصل منيح وبتحطي كل البهارات وبتحركي شوي وبتحطي مرق الجاج تكون المي ع قدها وبتغطيها وبتتركيها تغلي لتنشف بعدها بتوطي الغاز ع الاخر وبتغطيها بكيس ابيض نظيف بتاخد معك الفريكه تقريبا ساعه او اكتر حسب ما تشوفيها مستويه معك….وبتقدميها وبتزينيها بالمكسرات وع جنب بتكوني شاويه الجاج بخلطه حسب ما بتحبي وبتحطي ع الوجه او بتحطي الجاج مع الخضره باكياس الفرن ع جنب……

وصحتيين والف عافيه ع قلبكم كتير اكله زاكيه بنصحكم تجربوها وتدعولي….طبعا عملتها عند دار اختي عشان اذا تغير شكل البيت والاغراض عليكم هههههه

واللي حابه تعرف طريقة الجاج اكياس بالفرن موجوده بملفي بالتفاصيل …

انا بعتذر اطلت عليكم بالشرح بس حبيت اوضحلكم اكتر….

بحبكم كلكم….صديقتكم والمحبه لكم على زاكي رؤى الديري..

73 تعليقاً

    • اول اشي حبيبتي حطي الفريكه بطنجره واغسليها مرتين تلات وبعد ما تغسليها بتخليها بالطنجره وبتنقعيها بالمي بعديها بطنجره تانيه او صحن تاني بتضلك توخدي الفريكه المنقوعه من الوجه لحد ما توصلي للقاع بكون ترسى فيو السراب كبيه حتى لو كان في اثر فريكه وهاي هيه طريقة التصويل….
      بس انا ما عملتها لانه فريكتي كتير نضيفه عشان هيك اذا انتي عايشه بالاردن بنصحك تشتري من فريكة كباتيلو مبكته من اي مول

  1. يسعد صباحك رؤى الاموره …..وصحتين وعافيه طبخه ملكيه بحته ….واحلى الاكل لما يكون مع الناس الي بنحبهم …وكل عام وانتي واختك بالف خير …وتقبل الله طاعاتكم «««

  2. بسعد صباحك حبيبتي كل عام وانتي بخير طالعه الفريكه رووووعه وبتشهي من تحت دياتك يا معدله انتي ما شاء الله عنك يا قمر
    اللهم صل وسلم وبارك على سيدنا محمد وعلى اله واصحابه اجمعين

  3. ما أشهى الاكلات تسلم ايدك ..
    ما شاء الله لا قوة الا بالله
    .. بزماني عاملة وصفة الك كيكة الباونتي الذيذة
    كتبتها عندي على دفتر الوصفات لأنه ما بثق بالشبكة العنكبوتية كتير هههههه
    كيكة بتشهي حتى عملتها مرة كانت عندي عزومة وأطفال كيفو .. تسلم ايديكي يا رب

  4. رؤى يا رؤى ربي يسلم هالديات يا وردة منظرها ولا أطيب ربي يحفظك ويحميكي وتظلك تتحفينا بوصفاتك الي اكتر من روعة حبيبة قلبي انتي يا عسل

  5. يسلم هالايدين شكلها رووووووووووعة واكيد الطعم أروع ما شاء الله يعطيكي الف عافية يا رب 👍👍👍👏👏👏👏
    كل عام وانتي والجميع بالف خير يا رب ❤😍😙❤😍😙❤😍😙

  6. ما شاء الله عليكي يا احلى رؤى حبيبتي رووووعه وكتير بتشهييييي😍 ربي يسلمهم ديااااتك يانواااره وكل عام وأنتي بألف خير وصحه وسعاده يا عسل 😘💞🌹

  7. ما شاء الله عنك بشهووو وبفتحو النفس
    يسلمو اديكي يا عسووله الله يبارك لعيلتك فيكي ويحفظك معدله بكلشي الله يحميكي
    سلاامي لامك الغاليه ام زكي
    وكل عام وانتو بالف الف خير ❤😘😘

    • وايديكي يا رب الله يسعدك ويبارك بعمرك ويحفظلي إياك ياغاليه ويحفظلك اولادك حبيبتي ❤ ❤ ❤ ❤ ❤ هاد من زوقك ورقيك وطيب اصلك والحلو دايما بشوف كل شي حلو متلو😍😍😍😍😘😘
      وانتي بألف خير وصحة وسلامة يارب 😘 😘
      🤲🙏

  8. اول اشي حبيبتي حطي الفريكه بطنجره واغسليها مرتين تلات وبعد ما تغسليها بتخليها بالطنجره وبتنقعيها بالمي بعديها بطنجره تانيه او صحن تاني بتضلك توخدي الفريكه المنقوعه من الوجه لحد ما توصلي للقاع بكون ترسى فيو السراب كبيه حتى لو كان في اثر فريكه وهاي هيه طريقة التصويل….
    بس انا ما عملتها لانه فريكتي كتير نضيفه عشان هيك اذا انتي عايشه بالاردن بنصحك تشتري من فريكة كباتيلو مبكته من اي مول
    هاد الكلام موجه لاميرة فلسطين وللجميع😍

  9. ماشاء الله اللهم بارك 😍
    صغيرة بالعمر وكبيرة بالفعل يا أحلى وأطيب رؤى😄
    شغلك متقن متل ست بيت كبيرة الله يحميكي ويسعدك ويسلم هالأنامل اللي بتلتف بالحرير واللع😙
    منظر الفريكة ابدااااااااع وبدوب القلب😋😋

    • حبيبتي شكرا الك هادا من زوقك ورقيك وطيب اصلك الله يسعدلي اياكي شو بحبك وبحب حكياتك يلي بتتقلو بدهب 😍😍عنجد خجلتيني 😄😊تسلميلي يا رب ما الطفك💕💕💕💕💕💕💕
      نورتيني احلا نواره بزاكي كله😍😍😍💕💕💕💕

  10. المنظر ولا شي جنب الطعم 😋
    أنا دقتها بتشهيييييييي😋😋😋 تسلم ايديكي يا رؤى يا موهوبه الله يحماكي يا عمري انتي…. أزكى طباخه فنانه بالأردن… اشي جد برفع الراس يا حبيبتي♥️🌹🌺

  11. يسلملي المعدل ياناس
    ماشاءالله حولك
    طالعة مفلفلة معك غير شكل
    الله يسلم ايديكي ياعسل والف صحةوهنا عقلبكن😘👌

اترك تعليقاً

لن يتم نشر عنوان بريدك الإلكتروني.