img
الرئيسة / حلويات / معمول سميد لذيذ وسريع وسهل جدا عيدكم مبارك

معمول سميد لذيذ وسريع وسهل جدا عيدكم مبارك

/
/
/
2412 مشاهدات

 

معمول سميد لذيذ وسريع وسهل جدا عيدكم مبارك

معمول سميد لذيذ وسريع وسهل جدا عيدكم مبارك

معمول سميد لذيذ وسريع وسهل جدا عيدكم مبارك

معمول سميد لذيذ وسريع وسهل جدا عيدكم مبارك, معكم صديقة زاكي الشيف الموهوبة , 

المقادير

  • كيلو سميد وسط ناقص كاسه
  • كاسة سميد فرخة (بدل الكاسه يلي شلناها)
  • 400 غم سمنة بحرارة الغرفة تقريبا كوبين
  • 2 م.ك دقة معمول
  • كوب الا ربع حليب سائل
  • ربع كوب ماء زهر
  • كوب سكر حبيبات
  • ربع م.ص خميرة
  • للحشوة:
  • تمر مطحون
  • م.ك سمنة
  • م.ك دقة معمول

الخطوات

السلام عليكم ورحمة الله وبركاته

كل عام وانتم بألف خير وتقبل الله الطاعات وحجا مبرورا وسعيا مشكورا وذنبا مغفورا وتجارة لن تبور لحجاج بيت الله الحرام ، ربنا يرجعهم لبلادهم واهلهم سالمين مغفوري الذنب.

عيد يعني معمول ومعمول يعني عيد ، وصفة اليوم معمول السميد عالحلّ يعني سميد فقط بدون طحين خلينا نشوف الطريقة

أولاً/ بسبسة السميد

بنخلط السميد مع السمنه ودقة المعمول وبنبسهم بين ادينا شوي وبنتركهم لثاني يوم.

ثانياً/ عجينة المعمول

ثاني يوم بنعمل خليط من كوب حليب سائل بس انا حطيت ربع الكوب ماء زهر والباقي حليب مع ربع م.ص خميرة مانكثر خميرة مابدنا النقشه تروح. وكوب سكر بنخلطهم سوا منيح وبنضيفهم للسميد وبنقلب بدون عجن بنلتّ الخليط لتّ .

* رح يصير مرق شوي عادي هاد طبيعي.

* اتركي الخليط يرتاح ربع ساعة رح يشرب السوائل .

ثالثاً/التشكيل والخبز

بنكون مجهزين التمر بتعجينه مع سمنة ودقة المعمول وبنعمل منه كرات متناسبه مع حجم القالب.

—بنشكل المعمول وبنخبزه في فرن محمي على اعلى حرارة التحمير بالاول بعدين بنشويه من تحت بيحتاج 8—10 دقائق حسب حرارة فرنك.

*واخييرا بتمنى تكون الوصفة عجبتكم وتجربوها احلى شي فيها سهولتها ومابدها خطوات ومواد . وصحة وهنا

ملااااحظة

الصور الأخيرة للمعمول الخالي من الجلوتين بدقيق خليط من طحين الرز وطحين التبيوكا ونشا الذرة.

119 تعليقاً

  1. احلى أم جسوم و احلى معمول😍😍😍😋😋😋

    تسلم الأيادي المبدعه إن شاء الله حبيبتي و بألف صحة و هنا عليكم يا رب..
    ينعاد علينا وعليكم و على الجميع بالخير و الصحه و السعاده و راحة البال يا رب و يحفظلك احبابك إن شاء الله 😘😘😘🌹🌹🌹

  2. ماشالله عليكي انتي جد رائعه ياام جاسم ينعاد عليكي انشالله بصحه والسلامه عليكي وع اهل بيتك والمسلمين اجمع بس سؤال ضروري هاد السميد الفرخه شو الفرق اذا حطيت سميد عادي كله وشكرن الك

    • شكرا الك ربداويه كلك زووووق
      سميد الفرخة ناعم جدا انعم من العادي اذا ماعندك غير سميد وسط خدي كلسه منه واطحنيها عالخلاط بتنعم .
      فائدته انه بيعطي نعومه للمعموله وطراوة احسن منا يكون خشن او وسط لحاله.
      نووووورتيني

  3. ماشاءالله بشهييي ربي يسلمهم ديااااتك حبيبتي ام جاسم وانا كمان بعمله بس بسميد ما بحط طحين من مره بطلع بدوب دوب كل عام وانتي بألف خيييير وينعاد علينا وعليكم بالصحه والسلامه ياااارب🤲🏻😘💞🌹

    • جربت اليوم طريقتك في الكعك الفلسطيني ماشاء الله غير شكل بس انا حطيت نص كاسه سكر مطحون حتى يطلع حلو هيك بحب …وما تزعلي …وانا كمان بحب معمول السميد بدوب دوب تسلم يمينك يارب …ويا ريت تتحفينا بطريقتك كمان وبكون شاكره الك

    • ماشاءالله الله يعطيكي العافيه ياورده ياريتو الف صحه وهنااااا على 💓 حبيبتي لا ياقمر الحلاوه حسب الذوق برجع الك الأمر 🥰💞🌹

      ومشكوره على ثقتك وحسن ظنك حبيبتي 😍😍💞
      والله طريقتي جاهزه وكنت بدي انزلها بس ما معي وقت اكتبها بس مصورتها بخطواتها ان شاءالله رح احاول انزلها كرمال عيونك ولا يهمك غاليه والطلب رخيص 😘

    • ويسلمك ربي لين فعلا طلعوا معمولات بشهوا وطرايا بدون طحين .
      ما شاء الله عنك كل شغلك حلو ومرتب
      كل عام وانتي بألف خير وينعاد عليكي بالخير والصحة والعافية والراحة يارب.
      وبانتظار وصفتك للمعمول اللي اكيد بتشهي.

  4. ماشاءالله ام جاسم ربي يحفضك ويحفظلك عائلتك واكيد العيد ما يحلى بدون معمول….تحفة وابداااااع وبيشهيييي كثيررررر…عاشت ايدج قلبي🌹🌹🌹

  5. حبيبتي ام جاسم ….كل عام وانتي بألف خير وإنشاء الله من العايدين يارب…..يا عمري كنت بدي اعمل طريقتك بمعمول السميد والطحين بس ما اعرفت المكيال بلكوب …ما بعرف بلكيلو ….خلص الوقت بس بعد العيد انشالله…اكتبيلي بلكوب احسن هيك وسؤال ايش الفرق بين سميد العادي والفرخه وشكرا كتييييير الك ….

    • هلا فيكي ام البنات
      كيلو السميد 5 كاسات كبار اكبر حجم

      والسميد 3 انواع
      خشن واضحه خشونته
      وسط بكون ناعم شوي
      فرخة يلي هو ناعم جدا جدا

      وبتقدري تعملي الفرخة عندك بالبيت بتجيبي السميد الوسط وبتطحنيه عالخلاط لانعم درجه يعني بتشوفيه من بعيد بودرة بس هوه مش بودرة بكون.

      وسميد الفرخة بيعطي طراوة ونعومه للمعمول يلي بسميد فقط بينما لوكان مخلوط مع طحين عادي بدونه.

      بتمنى اكون جاوبتك جواب كافي

  6. يا عيني صحه ومية هنا اشي بشهي وتسلم اديكي ويعطيكي الف عافية ما شاء بجننو منظرهم واكيد طعمهم بس كلو كوم والسخانه كوم ما شالله

  7. ما شاء الله لا قوة الا بالله ..
    تسلم ايدك يا ام جاسم بشهي تشهاية والله
    الله يحفظك يا رب لعيلتك وأحبابك ..
    وكمان معمول خالي من الجلوتين عنجد الله يعطيكي العافية جواد بستاهل اسمه كله رجولة وشهامة اللهم بارك واكيد صفاته هيك واكتر ربي يحفظلك اياه وتشوفيه هو وإخوانه بأعلى المراتب ..
    عفكرة العدالة والنظافة طالعة من الصور ربي يحميكي يا ام جاسم

  8. انا بتشكرك من كل قلبي ع تعبك وكتابتك المقادير وتوضيح والله انك فنانه كل عام وانتي بألف خير وينعاد عليكم وع الامه الاسلاميه بصحه وسلامه

  9. الله يباركلك بشغلك ويشفيلك جواد والله مارحتي من بالي اليوم
    سؤال ليش بتحمري المعمول من فوق اول بعدين بتستويه من تحت
    معمولاتك لايعلى عليهن ابدا

  10. كل عام وانتم بألف خير وصحة وعافية يارب
    وتقبل الله الطاعات وينعاد عليكم بالخير واليمن والبركات وانتم في أحسن حال وأهدأ بال.

    ومشكووورين عالتعليقات الجميله وبعتذر على عدم الرد ماكان معي وقت ورح أرجع ارد عالكل
    بإذن الله .

  11. روووعه ..روووعه ..روووعه
    ما في كلام يوفيكي حقك وحق لذة وصفاتك
    ام جاسم.. نياالي انا لاني بذوق هالوصفات الرائعه ..😘
    كثير طعمته زااكيه وعجبني وراح اجربه عالاكيد
    يسلمووو ديااتك

  12. بسم الله ما شاء الله طالع متل الذهب من تحت ايديكي حبيبتي ام جاسم كل عام وانتي وعيلتك واحبابك بالف خير وينعاد عالجميع بالامن والامان وهدات البال انشاء الله …. اللهم ارحم جميع موتانا وادخلهم فسيح جناتك

  13. ام جاسم ام جاسم ام جاسم مطلوبة حالا وفورا والآن عشان اعتقلك انتي ووصفاتك دبحتيني بالصور كل صورة بتجنن اكتر من التانية 😘😘😘😘 وماشاء الله كلكم ابدعتو بالمعمول كلكم تسلم ايديكم يا رب ويعطيكم الف عافية على مجهودكم يا مميزين 😘😘😘

  14. يا سلام على المعمولات ما اطيبهم شكلهم خرافي ما شاء الله عنك يسلم ايديكي وصحتين وهنا يا رب 👍👏💖👍👏💖👍👏💖

  15. يمه شكلها يموت واكيد طعمها مثل شكل حللللللوه😋😋تسلم ايدج اليمنه واليسرى اللي ساعدت اليمنه😁وصحه وهنا ع قلوبكم😘😘

  16. ماشاء الله اللهم بارك شي بياخد العقل
    ربي يسلم ايديكي ياقلبي ويعطيكي الف عافية عالشغل المتقن والأنيق😄
    ينعاد عليكي وعلى عيلتك واحبابك كلهم بالصحة والسلامة وعلى جواد الله يحفظو بالشفاء والعافية😙
    وصحتين وعوافي الكم كلكم ياقلبي😍

  17. بسم الله وماشاءالله عنك
    الله يسلم ايديكي ويحفظك ويديمك فوق راس عيلتك
    وكل عام وانتي بالف الف خير😄
    الله يحفظلك عيلتك ويشفيلك جواد يارب😘

اترك تعليقاً

لن يتم نشر عنوان بريدك الإلكتروني.