img
الرئيسة / دورة حلويات العيد / كعك بالطحين ولا اروع عنجد اشي مفتخر وكتير لذيذ

كعك بالطحين ولا اروع عنجد اشي مفتخر وكتير لذيذ

/
/
/
3216 مشاهدات

 

كعك بالطحين ولا اروع عنجد اشي مفتخر وكتير لذيذ

كعك بالطحين ولا اروع عنجد اشي مفتخر وكتير لذيذ

كعك بالطحين ولا اروع عنجد اشي مفتخر وكتير لذيذ

كعك بالطحين ولا اروع عنجد اشي مفتخر وكتير لذيذ, معكم صديقة زاكي الشيف الموهوبة ,

المقادير

  • اول اشي يسعد اوقاتكم حبيباتي وكل عام وانتم بألف خير وصحة وسلامة يارب……  بعرف المعايده اجت متأخره بس لجة العيد ما حد غشيم عنها هههه المهم يا حلوات هاي طريقة الكعك عنجد بتجنن بنصحكم تجربوها وانا شخصيا اعتمدتها هي وطريقة خالتو ام علاء الله يجزيها الخير كتير طيبات… يلا نبدأ حبيباتي صلو ع النبي المصطفى وسمو بالله (بسم الله الرحمن الرحيم)
  • ٥كوب طحين
  • ٢ كوب سميد ناعم
  • كوب حليب ناشف
  • نص كوب سكر ناعم بودره
  • ٤ معالق كبار قزحه
  • ٤ معالق كبار سمسم محمص
  • ١ ملعقه صغيره محلب مطحون
  • نص معلقه صغيره مستكه مطحونه
  • كوب ونص سمنه مذابه سائله بدرجة حرارة الغرفه
  • كوب زيت زيتون
  • نص ملعقه صغيره خميره
  • مغلي اليانسون للعجن
  • *بهار العجوه:
  • م. ك قرفه
  • م. ك يانسون مطحون
  • م.ك شومر مطحون
  • فنجان زيت نباتي

الخطوات

اول اشي حبيباتي بتحطي الطحين والسميد وبهارات العجن (المستكه والمحلب و رشة دقة الكعك) و السكر الباودر والحليب الناشف والسمسم والقزحه وبنحركهم منيح بعديها بتحطي السمنه وزيت الزيتون وبتبسي منيح من فوق لتحت ليتشرب الطحين والسميد كامل السوائل وبتغطي وبتتركي مدة ٦ ساعات اقل شي بس انا صار عندي شغله وتركته يومين تقريبا وما صارلو اشي بالعكس زاد عزه بس ابعدي عن الرطوبه والحراره وغطي وضلك قلبي كل فتره..

بعد ما تتركي ينقع بتغلي اليانسون بكميه وفيره من المي اخد معاي انا كوب كبير وانتو حسب ما تتشكل العجينه معكم حسب نوع الطحين والسميد بتتركي مغلي اليانسون ليصير بحرارة الغرفه مايل للدفئ

بتلمي العجينه لم بأطراف الاصابع وبتحركي من فوق لتحت بخفيه اهم اشي لا تعجني عجن عشان ما تطلع معك العجينه يابسه وبتكملي بهاي الطريقه لتتشكل معك عجينه متماسكه وبتتشكل بتفس الوقت طريه وبعديها بتشكليها مع العجوه بالشكل يلي بتحبي

#يفضل فرك العجينة باليد جيدا قبل البدء بالعمل.

#يفضل البدء بالشغل بعد ٦ساعات و يفضل ترك العجينة ليلة كاملة لنتائج أفضل.

#تضاف الخميرة ثم ماء يانسون ….إعجنيها جيدا….و تترك العجينة ترتاح.

#فرن محمى مسبقا….نار متوسطة….إخبزيه من القاع بلون أشقر ثم تحت الشواية.

واحلى اشي بكعك العيد لمته ولمة الصبايا وروح المساعده يعطيهم العافيه نسوان اخواني ويحفظلهم اولادهم وحبايبهم يا رب ساعدوني كتير وعملت كميتي تقريبا ٣ سدوره كبار

وطبعا احلى اشي كمان بكعك العيد لما نبع الحنان تحط لمساتها وتساعدنا الله يحفظها ويحفظ كل امهات المسلمين ويرحم الاموات منهم….

اسفه اطلت عليكم بس حبيت توصلكم الفكره مزبوط وتجربوه ورح تستمتعو بالطعم متل ما استمتعت…..

مع السلامة حبيباتي معكم صديقتكم على زاكي رؤى الديري ممكن تكون هاي الوصفه اخر وصفه بنزلها بهاي الفتره مشان المدرسه وبدي دعواتكم الي بالنجاح…

73 تعليقاً

  1. يسلموو اديكي اولا
    ثانيا قصدك اعجن العحينه باليانسون والخميره واتركها ترتاح ٦ ساعات او ليله كامله ؟؟؟ 🤔🤔

  2. ربي يسلمهم ديااااتك حبيبتي رؤى ماشاءالله عنك معدددله 👌🥰🌹

    نفس طريقتي بكعك الاساور بس كميتك مضاعفه منظرهم بشهييي 😋😋

    الله يوفقك وينجحك ونشوفك بأعلى المراتب يااارب🤲🏻🌹

    • *مقدار صغير:
      2كوب و نص طحين
      كوب سميد ناعم
      نص كوب حليب ناشف
      ربع كوب سكر ناعم مطحون
      2م.ك قزحة
      2م.ك سمسم محمص
      نص م.ص محلب مطحون
      ربع م.ص مستكة مطحونة
      تلات أرباع الكوب زيت زيتون
      تلات أرباع الكوب سمنة مذابة سائلة بحرارة الغرفة.
      ربع م.ص خميرة فوريها مع ربع كوب ماء فاتر و رشة سكر.
      مغلي اليانسون فاتر للعجن(3م.ك يانسون حب و كوب ماء كبير …إغليهم و خليه يتقل و يتخمر صفيه و خدي ميته).

  3. تسلم ايدك حبيبتي رؤى كل شي من تحت دياتك الو رونق خاص ونكهه خاصه تسلم ايدك وايد نسوان اخوانك ربنا يحفظكم لبعض ويبعد عنكم كل سوء
    سلام خاص لنبع الحنان ربنا يحفظها وينجحك حبيبتي وتكوني من المتفوقات باذن الله🌹🌹🌹
    وطريقتك رووووعه اعملتها اكثر من مره

  4. روئ انتي قصة نجاح رائعه في فنك بطبخ ..وتعاملك الراقي مع نسوان اخوانك ….وحنانك ومحبتك لنبع الحنان غير شكل .. . .واجتهادك في دراستك ….ربي ينولك مرادك وينجحك يا رب العالمين….دمتي بحفظ الرحمن ورعايته

  5. ماشاء الله عليك يا رؤى شو إنك بنت مرضية ومعدلة ومحبوبة.. كعكاتك بشهوا يسلموا إيديك..
    والله ينجحك وينولك مرادك ويحفظلك الوالدة 💞

  6. اللهم بارك اللهم بارك
    شغل محترفات وستات بيوت
    الله يهيني والدتك فيك وبإبداعاتك
    وجزاها الله خيرا الغالية أم علاء على وصفاتها الرائعة

  7. ما شاء الله اللهم بارك روووعه وبشهو وبفتحو النفس الله يباركلك ويبارك للغاليه ام علاء
    يعطيكي الف عافيه حبيبتي والف صحه وهنا
    سلامي لامك الرائعه ام زكي ❤❤😘

    • انتي الاروع يا غاليه ع قلبي انتي الله يعافي قلبك ويسعدك ويحفظلك حبايبك وولادك ويسعدهم💕💕💕😘😘😘
      الله يسلم عمرك ويسعدك واصل ان شالله وهي بتسلم عليكي كتير السلام💕💕💕💕😘😘😘😘

    • حبيبتي الله يسعدك💕😘
      اه مزبوط كلامك مخربطه ناسيه حالي وانا بكتب😂بفكر حالي بحكي عن المعجنات ههههه لا حبيبتي متل ما قلت بالاول بتنلم لم وبأطراف الاصابع وبتتحكرك تحريك لانه ازا عجنتيها عجن بتطلع يابسه

  8. يسلمو ايدكي ماشاء االله عنك معدله وام علاء وصفاتها لازم تجربوها وانتو مغمضين لانها ست بيت معدله وبتقدم اشهى الوصفات واسهل ومتوفر بكل بيت

  9. يا عيني يا عيني ع الكعكات ما ازكاهم شكلهم روووووووووعة واكيد الطعم أروع ما شاء الله يسلم هالايدين وصحة وهنا يا رب 👍👏💖👍👏💖

    • جدا عاجبتني هالطريقه 😋😋😋 اجربها إن شاء الله

      تسلم الأيادي المبدعه إن شاء الله حبيبتي و بألف صحة و هنا عليكم يا رب

      حبيبتي الي الشرف والله جربيها رح تعجبك💕😘
      وايدكي يا رب والله الابداع انتي منبعه❤❤❤❤ع قلبك الحلو يا رب ام عبدالله الغاليه💕😘💕😘

  10. ريتو يسلملي المعدل😍😍
    ماشاءالله طالعين بيشهو من تحت دياتكم
    الله يحفظ المحبة والمودة بيناتكن ويخليلك الوالدة وتفرح فيكي وبشهاداتك يارب
    الله يسر امرك روحي بس لاتغيبي علينا كتير وتمي طمنينا عنك😘

    • ريتها تسلملي هالطله الحلوه نورتي هبوووشتي💕😘
      امين يا رب الله يسعدك ويحفظلك حبايبك ويبارك بعمرهم ويسعدهم💕😘
      حبيبتي اكيد ما بستغني عنكم يا وردات ونوارات حياتي انتو وخواتي وعيلتي الحلوه❤❤❤❤❤💕💕💕💕💕

  11. انتي راااااااائعة ومميزة بكل شي فيكي
    وصفاتك وروحك ولطافتك وأخلاقك الراقية
    بتجنني رؤى ياعمري والله عسل معجونة بعسل هههههه
    قاعدة اتأمل الصور واصفن بهالكعكات😁
    لو ماشفت اسمك كنت تخيلت صاحبة الوصفة بعمر 30 أو 40 مثلاً😅
    مبدعة ومتألقة وأنا بتفاءل خير بكل شي بتعمليه
    الله يبارك فيكي ويحميكي من العيون ويهني اللي بدو ياخد جوهرة متلك ياقلبي ويسلم ايدين كل اللي شاركو بهالأساور الحلوين ويديم المودة بيناتكم😍
    وأهم شي بوستين كبااااااار هالقد قدهم لخالة أم زكي اللي بتجنن😀
    أول بوسة لأنها خلفت وردة متلك وربتها أحلى تربابة وتاني بوسة لمشاركتها بالأكلات الطيبين وأكيد هية مبدعة ونفسها طيب عالأكل وانتي طالعتيلها😄

    وربي يبارك بالغالية أم علاء ويجزيها كل خير لأنو وصفاتها روووووعة وقلبها كنز لا يقدر بثمن اللهم بارك❤

    معليه تلبسيني اسوارة من هالأساور😂😂

    • يا عمري يا نور كل هالقد بقلبك إلي عنجد يسلمووو كتير ع مشاعرك الحلوه عنجد خجلتيني وغمرتيني بلطفك ورقيك وزوئك ولسانك اللي بينقط عسل بحبك بحبك كتيييير وشو ما حكيت بحبك بيضاهيش الحب اللي بقلبي الك عنجد حبيتك حبيت روحك حبيت حكياتك وكأني بعرفك من 10 سنين😘😘😘😘❤❤❤❤وقد ما بحكي ما بوفيكي حقك الله يسعدك ويفرح قلبك متل ما فرحتيني💕💕💕💕.
      يا الله شو الي الشرف وحده فنانه ومعدله شرواكي تشكر فيي كل هالقد😘ما شاء الله عنك
      كل البوسااااات والتقدير لالك يااااا عثل يا لوووحي انتي❤❤❤❤❤❤❤❤❤❤❤
      والله كل الاساور بالدنيا ع حسابك وبإسمك يا ريتك جنبي وكل دقيقه احشك اسواره واقلك كيف شغلي هههههههههه لحد ما معدتك تنفخ 😂😂😂😂😂😂😂😂😂😂😂😂

  12. يا قشطة انت تبارك الله شغل معدلين تسلم ايدك وايدين خالتو ام زكي الله يحفظكن منظرهم طالع روعة يا قلبي ع قولت نور نيال يلي بدو ياخذ هيك جوهره حبيبه قلبي 😘😘

اترك تعليقاً

لن يتم نشر عنوان بريدك الإلكتروني.